Даглас Муир од Фистфул оф Jурос известува дека владата на Македонија не се распаѓа. Исто така, тој чувствува дека „проблемот со името Македонија е толку глупав што речиси е физички болно да се пишува за него.“
Худин мисли дека е време да се престане со користење на зборот „Балканизација“: „Нормално ние не викаме СССРизација, Чехословакизација, Британска империзација па дури ни Австро-Унгаризација. Не, ние велиме Балканизација и го велиме премногу често“. За овој повик постои и Фејсбук група.
Развигор постави линкови до двајца блогери, Комуникации и Панта Реи, кои објавија видео-клиповите со кои оштетени граѓани се жалат на урбаната мафија во општина Центар во Скопје.
Панта реи пишува за истражувањето спроведено од проектот Pew Internet & American Life, со кое се покажува дека играњето компјутерски игри може да има позитивен социјален, политички и етички ефект. Постот е контра аргумент за неодамнешното демонизирање на гејмерите во македонските медиуми.
Водичот за 2.0 застапување ги опишува некои од најдобрите техники и алатки кои дигиталните активисти може да ги користат како дел од нивната онлајн кампања за застапување.
Оваа страница е превод на Global Voices, дел од проектот Lingua - RSS - 
This site is a translation of Global Voices, part of project Lingua.
