Сирија: Кампања за бојкот на телефонските компании поради високите цени

Image by donknuth

фотографија од donknuth

Во овој исклучително поврзан свет, Сирија с ѐ уште заостанува многу; интернетот и беше претставен на јавноста дури во 2000 година и моментално пенетрацијата е со стапка од околу 17%. Покрај тоа најголемиот дел од корисниците сѐ уште се потпираат на dial-up модемите, што се должи на недостигот од широкопојасна интернет инфраструктура. Мобилните мрежи во Сирија беа лиценцирани во 2001 и уште од првиот ден медиумите се огласија со незадоволството од потрошувачите поради високите цени. Положбата во која се наоѓа сирискиот телекомуникациски сектор е во голема мера притиснат од американското ембарго, а исто така и од внатрешната корупција која се одвива помеѓу сиријските телкомуникациски тела.

Поради тоа сиријските блогери одлучија дека им е доста од постоечките цени на мобилните оператори – Syriatel и MTN Syria – и на услугите кои им ги нудат. Реакцијата дојде во форма на бојкот до мобилните оператори на 1-ви јуни, кој како датум беше одбран [арапски] од локалните медиуми.

Активистите ја изнесоа следнава порака:

قاطعوا الموبايل في واحد حزيران 2009
ساهموا معنا في الحملة الوطنية للضغط على شركات الاتصالات لتخفيض الفواتير أسوةً بالبلدان المجاورة […] ساهم معنا وانشر الخبر ليصل إلى أكبر عدد ممكن

Бојкотирате ги мобилните телефони на 1 јуни 2009
Учествувајте со нас во националната кампања со цел да се влијае на телефонските компании да ги намалат цените на услугите како би биле слични со соседните земји […]. Придонесете веста да се рашири на што е можно повеќе луѓе.

Anarchist Queer одмерено вели [арапски]:

بالنسبة لي فأنا أقاطع الشركات ليس فقط لأجورها العالية وإنّما أيضاً
لأساليب النصب والاحتيال التي يتبعونها مع زبائنهم, وكنت شاهدة على ذلك
خلال فترة تدريبي في شركة إم تي إن قبل أن أقدم استقالتي.
Што се однесува до мене, јас ги бојкотирам компаниите не само поради нивните скапи тарифи, но исто така и поради измамничките тактики кои ги користат врз потрошувачите. Бев сведок на тоа за време на обуката во компанијата МТН пред да дадам оставка.

На Twitter Salamm пишал [арапски]:

"I Like the Mobile Boycott campaign, and I'm spreading it around (offline) it would've been better if it were for more than one day.

“Ја поддржувам кампањата за мобилниот бојкот и ја ширам наоколу (офлајн) би било добро доколку трае повеќе од еден ден.”

За крај, Somar од Syria Talk во реплика го кажува следново:

الموضوع الأهم أنو يحس الشباب أنو نحنا كلنا ايد وحدة..بغض النظر عن الدين والطوائف…لازم نجتمع لنغيير الوضع نحو الأفضل…طالما الأفضل هوي لنا جميعاً
Најважно во сето ова е што младината почувствува дека сите сме едно, независно од религијата и нацијата, и мора да се обединиме за да ја подобриме ситуацијата… зошто подобрувањето е за сите нас.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.