Шпанија: уапсени новинари и забранети демонстрации

Шпанското движење 15M (М- за мај, кога почнало движењето) кое привлече илјадници на улиците со цел барање на подемократски систем, достигна едно ново ниво. Властите на втори август одлучија повеќе да не дозволуваат протести и од тој ден па натаму се трудат да ги спречат демонстрантите да се соберат, како преку блокирање на нивниот пристап до јавни локации, така и преку насилна полициска активност.

На 4ти август, собир беше организиран на мадридскиот главен градски плоштад – Пуерта дел Сол, кој претставува епицентар на протестите, но пристап до истиот беше оневозможен уште на 2ри август. На подземната и надземната железница, која обично застанува на станицата кај овој плоштад, ѝ беше наредено тој ден да не застанува таму и огромна бројка на полициска сила беше поставена за да се осигура дека движењето 15М нема да се собере на оваа локација. Твитер одеднаш беше „преплавен“ со реакции како следните:

@alberarce Dice @RTVE “indignados buscan la manera de llegar a la Puerta del Sol, defendida por la policía”¿defendida de qué? #plazatomada #periodismo

@alberarce една шпанска телевизија изјави: „Демонстрантите се трудат да пристапат до Сол кој е штитен од страна на полицијата“. „Штитен“ од што? #plazatomada #periodismo

Извор: глб

Тензијата растеше во текот на истиот и следниот ден, кога демонстрантите се собраа на Пасео де ла Кастелана, Мадрид. Полициската присутност беше огромна и заврши со казнување на демонстрантите. Следното видео, кое е веќе споделено на интернет во огромен број, го покажува процесот на апсење на новинарот Горка Рамос (кој работи за шпанскиот веб-сајт за вести- Ла Информасион) од страна на полицијата додека на Твитер објавува вести за настаните и како веднаш потоа е истепан од истите (8 минути). Според полицијата, Рамос е уапсен поради навреда и плукање врз полициски службеници.

Реакции за казната на Рамос се распространија низ социјалните медиуми, посебно на Твитер, каде #periodistadetenido (уапсен новинар) стана популарна тема.

@phumano VIDEO Fría agresión policial al #periodistadetenido por estar mirando la carga, minuto 8. #15M bit.ly/nE39h1 #madridsinmiedo

@phumano ВИДЕО студена полициска агресија врз новинарот кој додека набљудуваше беше уапсен (8 мин.) #15M bit.ly/nE39h1 #madridsinmiedo
@bimbacha @ojomagico Las imágenes hablan solas, Carlos. A denunciar y a no parar hasta que le den la razón #periodistadetenido
@bimbacha @ojomagico Сликите зборуваат погласно од зборовите, Карлос. Продолжи да ги објавуваш и немој да престанеш сè додека не го средиш тоа што се случува #periodistadetenido
@mtascon Para inquietar al gobierno solo hay q ponerse en una esquina tranquilo a tuitear #periodistadetenido
@mtasco За да ја вознемириш полицијата, доволно е да стоиш настрана и да твиташ. #periodistadetenido

Додека казната не беше прикажана од поголемиот број на шпанските медиуми, таа беше објавена од страна на интернационални медиуми, како Гардијан, ЦБС, Форбс и Асосиејтид Прес.

Реномиран блогер Ла Пулга и ла Локомотора сподели отворено писмо, на 5ти август, прашувајќи ја шпанската влада за причините позади невидениот чекор кој го презема со цел да го сопре собирањето:

Supongo que son conscientes de que se están vulnerando ciertos derechos fundamentales de los ciudadanos, el más evidente el de Libre Circulación, pero también el de Reunión y el derecho a la Libertad de Expresión.

Претпоставувам дека сте свесни дека се нарушени фундаменталните човекови права, вклучувајќи го и правото на движење, соединување и правото на говор. Дали ги земавте во предвид легалните аспекти?

Во писмото исто така се споменува она што многумина го сметаат како вистинска причина за забраните против движењето и полициската присутност:

Veo bastante más relación con la próxima visita del Papa Benedicto, la verdad, y debería preguntarle sobre ello, pero sé que un estado laico nunca aceptará públicamente el hecho de que está actuando bajo petición de la Iglesia Católica.

Се чини дека  дека наведениот настан е повеќе поврзан со посетата на Папата (кој ќе ги соединува членовите на католичката младина во Мадрид) и би сакал лично да го потврдам ова, иако сум свесен дека држава како оваа нема никогаш јавно да признае дека дејствува под влијание на Католичката црква.

Некои корисници ја изразија својата грижа околу тоа што го сметаат за обид за користење на моменталните настани со цел разделување на граѓаните. Според блогерот Албето Визцаино:

El poder lo sabe y empieza a gestionar el 15 M: enfrentando ciudadanos contra ciudadanos. Ya tenemos a partidos llamando a la división: “católicos contra indignados”. Como si fuese incompatible ser católico o militar en un partido con estar indignado y querer mejorar el sistema en el que vivimos.

Тие знаат како да му наштетат на движењето 15М. Со тоа предизвикуваат граѓаните да се соочат едни против други. Веќе имаме политички партии кои ја нагласуваат оваа поделба: „огорчени против католици“, што според нив значи дека не постои ништо како католик кој се труди да го подобри системот во кој живее.

Владината делегација (создадена од страна на владејачката Шпанска социјалистичка партија на работниците или ПСОЕ на шпански) неодамна потврди дека е под притисок на Мадридскиот градски совет (контролиран од страна на Партијата на граѓаните која е десничарски настроена) за сопирањето на демонстрантите од окупирање на јавни локации за време на посетата на папата. На 5ти август, властите се чини дека се предомислија. Полицијата се повлече од Сол и забраните за пристап беа повлечени. Овој пат со демонстранти поогорчени од било кога, многу е веројатно дека приказната ќе продолжи.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.