Блогот посветен на проектот „Компјутер за секое дете“ ни пренесува информации за случувањата во најголемиот училиштен центар во Македонија: […] „Во средното училиште нема да бидат приклучени и користени компјутерите во текот на целата школска година поради старата инсталација во училишните простори.“ […]
Волан објави фото и видео сторија за Француските гробишта во Скопје, на кои се закопани посмртните останки на 2930 војници од Франција и нејзините колонии, меѓу кои Мароко и Сенегал, кои паднале во текот на Првата светска војна на Македонскиот фронт, познат и како Солунски фронт (1915-1918). Местото претставува историска и архитектонска знаменитост од која е овозможен прекрасен поглед на стариот дел на градот.
Blogging Balkanistan пишува за претстојните претседателски избори во Македонија
A Yankee-in-Belgrade ја претставува Катја, жена која „живее на парче земја од 12×80 метри надвор од Белград со повеќе од 250 кучиња, за кои се грижи самата и со помош од неколку повремени волонтери.“
Водичот за 2.0 застапување ги опишува некои од најдобрите техники и алатки кои дигиталните активисти може да ги користат како дел од нивната онлајн кампања за застапување.
