Весниците од вторникот беа преплавени со наслови за блокирањето на пристапот до Јутјуб во Кувајт. Блогерите, фрустрирани од ова, случувањето го опишаа како уште едно нарушување на слободата на говор во нивната земја.

Кувајтското министерство за комуникации прво издаде наредба до локалните интернет сервис провајдери за забранување на пристапот до Јутјуб, што беше предизвикано од објавените видео содржини кои се сметаа за навредливи за муслиманите и за исламот. Еден блогер потоа извести дека забраната била покрената откако ЈуТјуб го отстраниле „навредливото“ видео.

За првобитната забрана, Ансам пишува:

Мислам дека ова е најглупавата одлука што некогаш била донесена, кога станува збор за блокирање на навредливи сајтови… Што ќе биде следно? Блоговите!!! Лајмуајр!!!

Луѓе, ова е бесмислено… не, не, не… ова е бесмислено тажно! Кој донесува такви одлуки! Зар не е ЈуТјуб полн и со видеа кои го поддржуваат исламот, муслиманите и арапите! Зошто да се фаќаме за негативните работи?!?! Да не е целава работа заради стиховите од Куранот кои беа читани во придружба на мелодија? Видеото беше тргнато, за име божјо? Треба само да ги пријавиш навредливите видеа и твојот глас веднаш ќе биде слушнат!

Го мразам ова МНОГУ! Уффффф!

А кога забраната не беше имплементирана, Ансам извика:

Ја откажаа забраната. ЈуТјуб не е блокиран… ЈЕИЈ.

Друг Кувајтски блогер, Лофт965, забележува:

Доаѓа крајот на светот, колку што знаеме: Кувајт може да го блокира ЈуТјуб.

Башар исто така е бесен заради одлуката, предлагајќи владата да го забрани пристапот и до други сајтови кога веќе работата е таква. Неговите предлози опфаќаат:

Ако сакаат властите да одат понатаму, иако ЈуТјуб навистина изреагира по објавувањето на видеото, ги слушна поплаките на луѓето , па сега баш и нема такви видеа, јас имам листа на предлози кои ќе ја однесат нашата земја напред, а истите се внимателно селектирани од изборот на Алекса за најдобрите 100 сајтови во Кувајт:

1. Гугл, Јаху и МСН: главни за пребарување на сите злобни нешта. Блокирајте ги.
2. Фејсбук: има неколку атеистички и анти-исламистички групи. Не се трудете да ги исконтактирате, едуцирате или да ги споделите вашите мислења со нив. Едноставно оставете го целиот сајт.
3. Мактуб.ком (Maktoob.com): Арапски онлајн форуми, е-бракот може да биде злоупотребен за романтични состаноци, филмови, хороскопи. Ова не е исламистичко нели?
4. Кура.ком (Kooora.com): Се за фудбалот, и тоа претежно за европскиот, каде тимовите рекламираат пиво и вино на нивните маици од спонзорите.
5. Рапидшер: делењето содржини не се надгледува, не може да се открие што споделуваат твоите луѓе. А некој може тајно да споделува навредлива содржина. Мора да има нешто такво.
6. Травиан.ае (Travian.ae): Зошто да им дозволиш на твоите луѓе да играат како романски војници во онлајн игра, да помагаат во ширењето на романската империја онлајн, кога тие би можеле да се борат како Ислами.

Фалантан носи вести за наредбата за забранување на пристапот до ЈуТјуб, промислена на повисоко ниво. Тој пишува:

Ви благодарам на сите и еве го зачудувачкиот одговор, изгледа дека луѓето од министерството ја сфаќаат својата грешка.  Сега добив потврда дека министерот се состанал со главните на министерството и ја поништил наредбата.

Ти благодарам ал-Џарида и ви благодарам на вас блогерите од Кувајт

Пишувајќи на арапски, Џендиф расправа:

Интернетот има едукативен, економски, комерцијален и културен материјал, но исто така носи терористи, неморални и расистички содржини… Зошто не го забраните?
Ножот може да го употребите за да пресечете јаболко или парче роденденска торта, како и кога јадете парче месо, но има и луѓе кои го користат за да убиваат… зошто не го забраните?
Автомобилот е превозно средство и понекогаш за фалење. Но има и некои кои го користат за да ограбуваат други или за да шверцуваат, а понекогаш предизвикува повреди и убива луѓе… Зошто не го забраните?

Џорданијан Мои, кој го посетува Кувајт редовно, им се обраќа на државните органи:

Зошто да се блокира веб-сајтот? Не знам дали се сеќавате, но тие блокираа пристап до се што беше +18 на Јаху групите пред 2 години, а ЈуТјуб има опција за пријавување на навредливи содржини.
Ве молам, немојте да го изгубите разумот како Сирија и да ги блокирате ЈуТјуб И Фејсбук?

И Франком говори горделиво:

Вестите се денес во весниците.
Честито за нас што живееме во земја на демократија и слобода
Честито за нас што имаме министер кој не знае каде се наоѓа
Честито за нас бидејќи имаме компании кои не застануваат зад своите клиенти
Честито за нас кои живееме во сета оваа благосостојба
Маршираш наназад Кувајт

Како што спомнав во август, ЈуТјуб и Пулицеровиот центар го лансираа проектот: Извештај (Project: Report), натпревар за амбициозните новинари, за кој сега се веќе достапни сите правила и инструкции. Натпреварувањето и наградите се ограничени само за учесниците кои се легални државјани на земјите во кои ЈуТјуб е официјално лансиран: Австралија, Бразил, Канада, Франција, Германија, Ирска, Италија, Кореја, Нов Зеланд, Шпанија, Холандија, Велика Британија (Англија, Северна Ирска, Шкотска и Велс), како и 50-те обединети држави и Вашингтон. Првата задача од вкупно три, се состои од поставување видео од 3 минути или пократко, на англиски јазик (или со англиски титл) во кое треба да го претставите профилот на една личност од својата заедница за која мислите дека другите луѓе треба да знаат.

Како пример за типот на приказни какви што се бараат, тие имаат поставено серија од видеа кои треба да им помогнат на идните новинари кои сакаат да добијат стипендија од 10 000 американски долари и награда лаптоп. Репортерката Трејси Чанг подготви серија од три видеа со совети за тоа како најдобро да ја раскажете својата приказна (прво, второ, трето). Друго видео има поставено спонзорираната новинарка од Пулицеровиот центар, Бет Марфи, која дава совети за избор на добар лик за вашиот профил во приказната. Како пример кој можат да го следат натпреварувачите, тие го имаат избрано видеото за Ирачкиот воен ветеран Кирк Џонсон кој се има посветено на давање потпора на оние Ирачани кои им помагале на САД и чии животи се сега загрозени поради тоа.

Следните неколку видеа кои ги имаат поставено на ЈуТјуб каналот за натпреварот, се други примери на профили. Првиот е Сајмон Мотиби, јужноафрикански атлетичар-учесник на специјалната олимпијада кој ја носи надежта во неговото семејство. Видеото е поставено од авмендес1:

Следното видео доаѓа од Танзанија, од каде Камфд интернешнл, организација фокусирана на обезбедување образование за девојките во Африка, раскажуваат приказна за една девојка, Јакинта, која го има напуштено училиштето за да работи како куќна помошничка една и пол година, само за да може да си ги плати трошоците за своето школување: Камфд и понуди да и ја плати школарината, па таа сега учи за во иднина да може да им плаќа образование на нејзините браќа и сестри.

Сите правила за проектот на Јутјуб: Извештај, можат да се најдат овде. Крајниот рок за оваа прва фаза е 5 октомври. Па, за сите блогери од дијаспората кои живеат во една од соодветните земји, или кои живеат на друго место, но се легални жители на истите, ова е одлична прилика да му ги покажат на светот своите херои.

Фотографија од Андрес Астуријас, претставена на Фото30.

„Фотографијата е тајна за една тајна. Колку повеќе ти кажува, толку помалку знаеш“, рече еднаш фотографката Дајен Арбус, како и дека фотографијата фаќа емоции, места, ситуации, стварност, фантазија, го фаќа видливото и невидливото. За време на месец септември, повеќе галерии во Гватемала сити, Антигва и Кетзалтенанго ќе го слават Фото30, месец на изложби, работилници и активности кои ја слават фотографијата.

Би сакала да ги споделам импресиите на блогерите кои учествуваат и даваат придонес кон Фото30 Гватемала 2008, но прво би сакала да потенцирам како галериите и културните организации ги користат блоговите за да прикажат информации за настанот, да им покажат на читателите преглед од нивната изложба и да обезбедат повеќе информации за уметниците, првичните импресии, критики и сугестии:

1. Casa del Mango [шпански] (Куќата Манго), мала специјализирана уметничка галерија и културен центар лоциран во еден скриен агол на Антигва. Тие приредуваат црно-бела изложба „Una de Cal, una de Arena“ (нешто добиваш, нешто губиш). Тие неодамна ги поканија своите гости преку нивниот блог и љубезно ги замолија да донесат пијалаци за да прослават заедно со нив.
2. Блогот на Луна Парк онлајн магазинот [шпански] ги покани сите луѓе во Кетзалтенанго, каде на големо се слави денот на независноста, да се приклучат кон отворањето на Фото30, каде брилијантниот фотограф од Ксела, Луис Естакуј ќе ја претстави својата работа. Изложбата ја приредува Casa Noj` Кселскиот културен центар, кој исто така го опиша настанот на нивниот блог, Ел Азар Калтрл [шпански]. Тој овде вклучува графичка културна агенда и постојано го освежува нивниот блог за да им каже на луѓето за разните изложби кои следуваат.
3. Во продолжение, виртуелните галерии се преместуваат на реални простори за Фото30. Фото блогот Антигва Дејли ја претстави црно-белата изложба (промовирана и посетена од страна на многу блогери) во КафеНос, отворен бар кој заслужува да биде посетен.
4. Организаторите го креираа живописниот, шарен и постојано освежуван блог Фото302008 [шпански], каде секој може да ја најде дневната агенда, да остава коментари, да ги провери линковите до портфолијата на некои уметници и да почне конверзација, што е нешто што блогот CCE/G [шпански] го правеше кога ги опишуваше изложбите и конференциите кои тие ги организираа. Нивниот партнерски центар EspacioCe! Исто така ќе биде домаќин на една од најубавите изложби, Лаберинто де Мирадас, со дела од цела Иберо-америка.

Септември исто така може да биде добар изговор за да се погледнат неверојатни слики на многу гватемалски блогови, како на Паракаидас [шпански], на чиј скорашен пост Церемонијал беше претставена церемонијата на Маите или супер фотографиите на блогерот на Пикторикас [шпански] Пола Моралес, додека Јозе Мануел Мајорга ги фати огромните Фото30 графики поставени на урбаните улици. Блогот на Луис Виласинда Екс актон нон онке прикажува слатки слики од деца кои учествуваа на една од фото-работилниците.

Исто така, има и фото-новинарски блогови, како Ми мундо [шпански] од фотографот Џејмс Родригез , каде секогаш можете да најдете слики кои ќе ви го привлечат вниманието без некој глас да ве тера да го направите тоа.