Денес почнува судењето на Јанг Џиа, кое беше одложено поради Олимписките игри. Претходно тој беше вклопен откако беше прогласен за херој на интернет за тоа што влезе во полициска станица во Шангај и минатиот месец и уби шест полицајци, наводно поради тоа што бил жртва на неправда и полициска бруталност во минатото.

Вторник попладне е во Кина и многу блогери чекаат да слушнат каква ќе биде пресудата , ако ја објават денес. Пишувањето за тоа не оди баш добро, што може да се види од примерот со адвокатот кој блогира на правни теми Лио Хиојуан, кој во статија на неговиот блог Сина пишува: „Објавена е забрана за промовирање блог-постови со дискусии случајот на Јанг Џиа“.

昨天，有外媒采访我，让我谈奥运期间新闻和言论自由问题，我只好实话实说了。在奥运期间，管理部门不屏蔽外媒网站，我们可以自由地去游览，这确实是一大进步。但是，对网络言论的控制比以前更加严格，很多话题不能谈论，如写了这类博文也会被删除。

想不到奥运结束了，网络言论仍然没有放开。昨晚，我获知杨佳一案开庭的消息，立即写了博文发到各个博客，有的博客照样不给放行。我发在凯迪网猫眼看人论坛中的帖子，也被锁定不能予以回复。

今天上午，我又在该网发了谈杨佳案的帖子又遭锁定，网友不能加以评论和回复

Вчера ме интервјуираше некој странски медиум, сакаа да зборувам за проблемите со слободата на медиумите и на говорот во текот на Олимписките игри. Во текот на олимписките игри властите прекинаа да ги блокираат веб-сајтовите на странски медиуми, и слободно можевме да пребаруваме, ова дефинитивно е голем чекор напред. Но, контролите на изразувањето преку интернет се поголеми од порано и за многу работи не може да се зборува, дури постовите како овој ќе бидат избришани.

Она што не го очекував е тоа што сега кога олимписките игри завршија, интернет разговорите се уште траат. Синоќа слушнав дека почнува судењето на Јанг Џиа веднаш објавив пост на сите мои блогови ; некои како и обично не ми дозволија да објавувам. На форумот Кат 898 ББС отворив дискусија за ова, но сега е затворена па никој неможе да одговори.

中午，我给博客网一位熟悉的编辑发短信，希望能推荐一下博文《上海二中法院为何不在网上公布杨佳案开庭消息》。他回复短信称，有禁令。我又发短信询问，是以前的禁令，还是现在的禁令？他回复我说，以前的还在，现在的也有。

有网友将我的文章发到某论坛上，点击后打开不了。

正如《财经网》记者所说的，这一切是早有周密安排的。

Ова попладне, испратив СМС порака на еден близок пријател кој е уредник на Бокее, надевајки се дека ќе го уредат мојот пост „Зошто Шангајскиот основен суд 2 не ја стави информацијата за судењето на Јанг Џиа на интернет?“ Тој ми одговори: „ Има ред.“ Јас му вратив, прашувајки:„ Дали е стар ред или сегашен?“ Тој ми одговори: „Стариот е сеуште овде, а има и нов исто така.“

Некои нетизени го препратија мојот пост на еден ББС, но ако кликнеш, нема да го отвори.

Баш како што рече репортерот Цаијинг, сето ова беше внимателно испланирано многу одамна.

Еден анонимен коментар беше напишан на Лиуовиот пост:

不让人说话, 只能说明心里有鬼

(2008-08-26 13:43:55)

Со тоа што не им дозволуваат на луѓето да зборуваат, само покажуваат дека нешто кријат.

Лажна, хармонизирана, разубавена, баш кога сите се окупирани со Олимписките игри, се појавува веста дека два од најистакнатите делови од церемонијата за отворање не биле навистина како што изгледале: продукцијата за телевизиска верзија од огнометот кој се простираше од плоштадот Тиананмен до Птичјото гнездо, започнала пред една година и деветгодишната Лин Миаоке, за многумина фацата на настанот, всушност само ги движела усните на гласот од седумгодишната Јанг Пеији, оттргната од настанот бидејќи нејзиниот изглед не бил доволно совршен. Имаше и хумор за ова; луѓето прашуваа: „тие потрошија толку многу пари на ова и не можевме да добиеме вистинско случување?“

За лажниот огномет, аргументот дека немало многу голема разлика помеѓу она што се гледало од земја и она што било прикажано на телевизија го направи помалку контроверзен, тоа и фактот дека повеќето блогери се навикнати на дигитални дотерувања на официјалните настани.

Според раните разговори на Твитер, се чувствува срам од оплескувањето на властите, не еднаш него двапати и се поставуваат прашања за кое ќе биде следното откритие за лажирање на церемонијата.

Дваесет и нешто годишниот веб уредник на Соху и iPod фан, Флупиг, напиша неколку пати за ова на Твитер, со цел да се прошири веста низ блогерите:

У п**** матер, „Ода за татковината“ веќе го надмина отворањето на уста; ставање пејач само да стои не е е**** различно од имањето лажно лице за тестирање, а ова е многу погрешна насока за младината од Кина. Жанг Јимој, подобро да се појавиш и да се извиниш!
Низ неговата акција, Занг Јимоу, ефективно им кажа на сите млади и деца на Кина дека за „хармонија“, за „Ода за татковината“, децата може да се искористат за имама!
Занг Јимоу, исто така пренесува порака дека доколку некој не изгледа добро, без разлика колку добар пејач е, не може да му се дозволи да настапува. Е** се. Како режисер, немаш ли претстава колку е важна церемонијата за отворање на игрите? Дали знаеш дека си играш со умовите на цела генерација од луѓе?

Вестите за отворањето на уста, онаму каде што беа објавени (на неколку места) беа брзо избришани, но дискусиите продолжија на друго место; на Твитер, кинескиот член на Википедија @shizhao постираше како одговор на @buchimifan („Чен Киганг открива, главната причина поради која Јанг Пеији не била земена во предвид е поради сликата која ќе се прикаже на остатокот од светот и националниот интерес“) и @kcome („Е** ја сликата која ќе се прикаже на остатокот од светот и е** го националниот интерес! Деградирање на децата на овој начин и нашето лицемерство ќе се пренесуваат од генерација на генерација!“):

Па, доколку тоа е случајот, кога кралот на боксувањето Мухамед Али се клатеше при палењето на факелот на Олимписките игри во Атланта, немаше ли тоа да биде вистински срам за Американците?

Блогерот/бизнисмен Исак Мао има колекција од неколку други постови, од кои во еден Сина блогерот „Добра книга во летна вечер“ прашува:

И двете деца се извонредни, но мислам дека и двете ќе бидат повредени поради ова. Да, целата оваа работа е направена премногу… дури и едно од нив да немало перфектен глас или не било заслепувачки убаво, ние ќе ги прифатевме… Но сега, без разлика што не можеме да го прифатиме ова, дали мислите дека овие деца ќе можат да го издржат?
Возрасни ја направија одлуката, но тие мора да се справуваат со последиците, кои се неправедни кон тие две девојчиња…
За секој што сака да го одбрани овој инцидент, ве молам само размислете: што ако Јанг Пеији беше ваше дете? Што ако Лин Миаоке беше ваше дете?
Понекогаш, принципите се поважни од националниот интерес; барем ќе беа поважни ако тоа беа мои деца.

На крајот од неговиот пост, Исак прашува:

Значи, има ли нешто што е вистинско? Златните медали?

Вечно блокираниот Блогспот блогер Ник Вонг пишува:

Денес се појавија вести дека малото девојче, која ја пееше „Ода за татковината“ и трогна многу луѓе до солзи, само отворала уста, а другата вест којашто се појави е дека огнометот, за кој сите толку многу зборуваа, бил всушност претходно снимен и не бил пренесуван во живо. Тоа е навистина скандалозно. Мислам дека ниеден од овие настани не заслужуваше возбудување (всушност мислам дека беа одвратни), па затоа не бев изненаден кога ги слушнав вестите. Кинезите, по природа, сакаат убави лица, тие се амбициозни за големи успеси уште од антички времиња, насочувајќи се кон итрина, а ова не е ништо ново, но самото тоа што невини девојчиња се одгледувани на овој начин прави мачнини во стомакот.

Во вторникот, четири олимписки атлетичари од САД се појавија на аеродромот во Пекинг со маски преку нивните усти и носови. Иако тие мислеа дека тоа е само “мерка на претпазливост“ против загадувањето во Кина, ваквото однесување беше многу поинаку интерпретирано од страна на кинеските корисници на интернет.

фотографија од Yahoo.cn

Првото обвинување е дека маските имаа намера да ги засрамат Кинезите како протест со политичка импликација.

Блогерот Гас-рутер се огради против нив

Американските атлетичари конечно ги ставија своите маски за Кина, црните маски, грди како гас маски…Вообразеноста со која ги носеа маските предизвикува гадење кај нас Кинезите……
Не ги омаловажувајте овие мали црни маски. САД планираше да го направи тоа, да ја засрами Кина во присуство на целиот свет, иако самите изјавуваа дека тие само се грижеа за белите дробови на атлетичарите.
Прво, кога САД беше домаќин на олимписките игри во Лос Анџелес, каде загадувањето на воздухот беше многу полошо од ова на Пекинг, тие не направија ништо. Но овој пат, тие не можат да се согласат со состојбата на воздухот во Пекинг.

И понатаму тој ги зема како аргумент луѓето што живеат во Пекинг.

Второ, да не ја споменувам густата населеност во цела Кина, токму во Пекинг живеат многу луѓе и сите живееме добро и во радост ден по ден. Зошто по ѓаволите тие мораа да ги ставаат маските веднаш по пристигањето?

Тој најпосле заклучи дека маската е знак на заштита, изолација. „Зошто ние мора да го поднесуваме тоа?“ се запраша тој.

Споредено со ова продолжено подбивање, некои само коментираа со кратки зборови со лутина:

Е** се! ******

Многумина сметаа дека атлетичарите се неучтиви.

Ател рече:

Тие беа неучтиви со Кина, барем со Пекинг. Тоа е исто како ракување со ставени ракавици, што имплицира дека ти си валкан.

不一定1 во Тианја рече:

Вие сте гости кои доаѓате во домот на домаќинот кој ја средува собата и ви посакува добредојде од се срце. И нели треба да покажете пријателство и добрина во тие моменти? Дури и да има неколку работи што треба да се поправат во куќата, треба ли да се покаже малку разбирање и толеранција?

Според овие интернет корисници, носењето на маска не е ништо друго туку ладно одбивање на пристојноста на Кинезите, однесување „не покажувај им го лицето на Кинезите“, во превод од кинескиот идиом, 不给面子.

И коментарот на 誓佐 посочи уште една причина објаснувајќи зошто тие толку многу им се налутија на атлетичарите:

За Олимписките игри, за чистиот воздух, ние Кинезите скоро треба да ги затнеме задниците за да не испуштиме гас надвор, но Американците едноставно не ви го покажуваат лицето (не покажуваат почит).

Оваа болка е на некој начин оправдана. За да се подготват Олимписките игри со чист воздух, преку 100 фабрики беа затворени и во Пекинг, преку 2 милиони возила беа забранувани дневно, а сето тоа се одрази на индустриското производство и на транспортот. Исто така, строгите безбедносни мерки во многу градови предизвикаа многу непријатности.

Токму затоа некои сметаат дека ова е само церемонија да им се додворуваат на странците, а цената ја плаќаат граѓаните во нивниот секојдневен живот; навраќајќи се на мачната 2008 повеќе или помалку поврзана со Олимписките игри, веројатно тоа добива смисла.

Да се вратиме на насловот, како и да е, има исто така глас од другата страна, не помалку звучен од гореспоменатиот.

露珠湿纱壁 немилосрдно се спротивстави на интернет корисниците коишто ги укорија атлетичарите:

Вие имате право да ги посочите нивните имиња, но тие можат слободно да носат маски. Со премногу испран мозок од страна на КПК (Комунистичката партија на Кина), вие се разбира дека ќе се чувствувате засегнати за својот господар, иако тој не го бара тоа од вас. Каква бедна нација!

На 6ти август, американските атлетичари, под притисок на Олимпискиот комитет на САД кои беа очигледно незадоволно со нивниот избор (според Њујорк Тајмс), се извинија. Четворицата велосипедисти изјавија дека во никој случај немале намера да послужат за еколошка или политичка изјава.

Ова извинување, многу од кинеските корисници на интернет го почувствуваа како победа, додека неколкумина сметаа дека не е искрено. Но во меѓувреме, некои ги жалеа Кинезите.

骑着蚂蚁猎大象 изјави:

Дека луѓето треба да се извинат затоа што носат маски, навистина покажува дека Кина е 5 пати подобра од некое друго место. (Алудира на еден извештај од амбасадата дека состојбата со човековите права во Кина е 5 пати подобра од онаа во САД —- преведувач)
Патем, дали се продаваат маски во Кина? Јас предлагам маските да се забранат утре и да се казнуваат сите кои ќе стават маска.

Да се носат или да не се носат маски, можеби не е прашање за гостите, туку за домаќинот, чувствителниот домаќин.

Како што изјави 龙锋塔:

Каква голема земја е тоа штом има проблем со човек со маска?

„Прво нешто што видов кога застанав на ѕидот,“ пишува Фликер корисникот Мунаг Дејдример, „слоганот на Олимписките игри 2008 во Пекинг… може да се види насекаде во Кина: на браници, на автобуси и згради, па дури и на Кинескиот ѕид.“

Повеќе фотографии од знакот, од различни агли може да се погледнат тука.

Проследено со овонеделното ширењето на страв од страна на американскиот сенатор Сем Браунбек дека Кина ќе ги надгледува учесниците во Олимписките игри во нивните хотелски соби, anti-CNN.com ја локализираше сторијата опфаќајќи го известувањето на BBC за веста, во постот „Британскиот канал за перење на мозоци BBC повторно лаже!“ , кој се наоѓа на почетната страница на anti-CNN.

Откако извршивме пребарување, откривме дека оваа фотографија е користена како „моментална“ барем шест пати во вести кои се протегаат низ осум години!

Како резултат на ова погоре, заедницата на anti-CNN.com успеа да ги пронајде следниве написи:

25 октомври, 2006
Дисидентот Ли Џинпинг затворен поради онлајн пишување
Линк

23 Јули, 2006
Кина создава „црна листа за интернет“
Линк

23 септември, 2002
Цената на кинеските веб-цензори
Линк

20 јули, 2001
Кина дејствува врз интернет „зависниците“
Линк

26 август, 2000
Кина ги соборува кибер- натрапниците
Линк

Еден корисник успеа да пронајде уште ден случај, исто така од 2000 година:

Дали оваа сторија е само резиме? Не ја вклучува седмата вест
21 август, 2000
Џианг го поддржува ширењето на мрежата во Кина

Следуваат неколку од најинтересните коментари на првата од четирите страници на овој пост:

„Големата фамилија на Кина“:
Ова навистина го исмејува „професионализмот“ на новинарите од западните медиуми.
Дали е до мене или оваа фотографија е од двајца вуџинг кои учат како да го користат интернетот?

Дремерхио:
Ние користиме ЛЦД монитори сега, како може фотографија со толку стар монитор да се нарекува вест? Дали тие мислат дека ние не се развиваме овие последни осум години? Дури не можат да создадат ни лажни вести правилно!

пиаоли:
Значи во западната демократска таканаречена слобода на печатот, е неодговорна за да биде одговорна? Неодговорноста е само слобода? Секако, западот само сака Кина да биде неодговорна, зошто кога е, тие ќе ја имаат својата прилика.

Секогаш циничниот, но дефинитивно не непријателски, хумористичен блогер Ванг Киофенг денес го објави ова (и само ова), со наслов „бучни игри“, шега за кинескиот збор за олимписките игри:

Слободниот граѓанин новинар Зуола кажа [zh] дека ќе биде таму, религиозните екстремисти ќе бидат таму, странските медиуми изгледа ќе бараат локални стрингери (слободни новинари), а иновативните веб 2.0 компании се убедени дека за време на Олимпијадата наредниот месец, ќе се случи нешто што заслужува да биде влогирано (видео блогирано) и затоа даваат бесплатни работи, без оглед на фактот дека има обид да се забрани било какво снимање на олимписките настани.

Може ли да кажеме дека секој граѓанин новинар од областа треба веќе да ги привршува своите планови за да биде во Пекинг на 888? Доколку вие не планирате, сега е време да размислите повторно. Минатиот месец, глобалниот сајт за граѓанско новинарство, ГраундРепорт објави награда од 500 долари и најдоброто место на нивната почетна страница за најдоброто видео од граѓанин новинар кое ќе се сними нареден месец:

„Бидејќи пекиншките Олимписки игри ќе бидат први покриени од граѓанско новинарство. Додека традиционалните медиуми го покрива Пекинг, ние сакаме да ја дознаеме приказната позади приказната, од обичните луѓе како вас.“

Доколку го посетите сајтот, не заборавајте да ги прочитате правилата. На врвот на листата на идеи за работи кои ГраундРепорт ги бара е: протести.

Данвеи вели дека Пекинг неодамна најавил сообраќајни правила, кои ќе стапат во сила за време на Олимпијадата. Правилата наведуваат дека од 20 јули до 20 септември 2008, само коли чии регистарски таблици завршуваат на непарни броеви може да учествуваат во сообраќајот, помеѓу другите правила. Властите предвидуваат дека новите правила ќе го намалат сообраќајот во Пекинг за 70 проценти [zh]. Ричард Брубакер од блогот Сите патишта водат кон Кина е загрижен дека нарушувања на сообраќајот се неизбежни.

Кинеските нетизени ги оценија новите правила. ГеЛаДонДонг се жали:

Како што се доближува Олимпијадата во Пекинг, влијанието на игрите на нашите секојдневни животи се зголемува: наредбите за престанување со пушење и забраната на пластични кеси; кога се возите во авион не смеете да носите шампон или запалки; ако седите во економска класа смеете со себе да носите само една рачна торба… Слушнав дека овие правила наскоро ќе важат и за метрото: во возовите не смеете дури да внесете ни џебен нож… а веројатно ќе има уште повеќе правила. И сега се појави ова привремено правило со кое се ограничува возењето според парни и непарни регистарски таблици, од 20 јуни со 20 септември! Бидејќи моето живеалиште е 30 километри од моето работно место, ќе мора да започнам да мислам како да го решам овој проблем. Прво мислев да купам друга кола (со различна регистарска таблица)… но иако купам нова кола ова не е идеално. Добро, тогаш ќе одам со автобус! Меѓутоа, морам да сменам автобус најмалку трипати. Уште повеќе, местото за промена на автобусите е далеку и целиот процес веројатно би траел околу 2.5 часа.

Друг, на блогот РенХин го остави овој коментар:

Иако беше очекувано, сѐ уште мислам дека (двомесечниот) периодот е премногу долг и ќе предизвика многу проблеми за луѓето. Не постои излез, (бидејќи) за Олимпијадата ние сакаме комплетна подготовка за да ги решиме сите тешкотии, да осигуриме задоволувачки успех.

Сафин на ФанЕнклев објавува серија од фотографии од артистички градинарски изработени како подготовка за претстојните олимписки игри во Пекинг.

Читателот патч01 пишува:

Можеби е добро да се направи нешто убаво за туристите, претпоставувам дека 30 000 раселени фамилии, чии домови беа срушени за да се направи место за игрите, нема да бидат ги импресираат…

Доколку се прашувавте дали олимписките маскоти Фуви се премногу слатки за да бидат вистински, по се изгледа не сте единствените.

За Кина, суеверието за овој ефект, кое го наоѓа патот низ различни мрежи по земјотресот со Сечуан, изгледа доволно точно со оглед на бројот на трагични настани кои и се случија на Кина оваа година. Спомнувањата на проклетството на Фувите [zh] постојано се бришат и од лево и од десно и од Баиду, а дури постојат и различни верзии, па значи проклетството мора навистина да постои и неколкуте негации на тврдењето [zh] кои постојат не се доволно моќни за да го запрат.

Соху блогерот Елвиа Ву го сумира во пост кој веќе е избришан:

Кина, 2008 беше проблематична година за тебе!

Од почетокот на годината до сега, беше катастрофа до катастрофа за Кина. Несреќата со воз во Шандонг, немирите во Тибет, грабањето на олимпискиот факел, а сега имаше и земјотрес во Ченгду, со илјадници мртви!

Од неодамна оваа кратка порака се шири онлајн и преку СМС:

Една Фува има јастреб на главата, кој го претставува Вејфанг, и потоа се случи нешто во Шандонг;
Една Фува е тибетска антилопа и потоа се случи нешто во Тибет;
Една Фува е факел и потоа нешто се случи со олимпискиот факел;
Една Фува е панда и потоа се случи нешто во Сечуан;
Сега остануваат уште рибите…

Со состојбата во која се наоѓа Кина сега, луѓето се многу загрижени и ова е многу разбирливо!

Но ние не треба да ги поврзуваме овие катастрофи со олимписките игри. Покрај се, олимпијадата е гордост на Кина, гордост на кинескиот народ, и почитта која ја заслуживме после напорната работа. Дизајнот на олимписките Фиви беше важен чекор, тоа е првпат јавноста да види серија од пет фигури.

Постојат некои сличности помеѓу симболите на олимписките Фуви и овие катастрофи, но решителноста да се спојат овие две работи е само суеверие.

Потоа имаше и други докази, како што 25 јануари (01/25) е ден кога се случија најобилните снегови во 50 години, парализирајќи голем дел од транспортот на земјата и електричната мрежа, а 1+2+5 даваат 8; Тибетските немири започнаа на 14 март, па 3+1+4; Несреќата со воз во Шандонг се случи на 28 април (4*2=8), земјотресот во Сечуан на 12 мај. И како за крај, 8пм на 8 август = 888, знакот на Фува.

Од неодамна, наводното проклетство го вовлече Бејбеј во сево ова, со поројните дождови низ големи делови од земјата кои започнаа на 26 мај (2+6), креирајќи рекорд во Хонгконг, потопување на колите во Пекинг, и предизвикувајќи надоаѓање на реките во Јиангхи, раселување на илјадници во Гуангси, кое како што пишува блогерот Грифин Ли, доаѓа во време кога земјата сѐ уште заздравува од земјотресот од минатиот месец:

Проблемите од земјотресот сѐ уште не се решени, а сега има поплави насекаде низ јужна Кина,
ова е трагична сцена, замислете вие да сте една од жртвите или вашата фамилија или роднини да се таму.