Скептикот од Египет забележува:

Лондонскиот Sun и нешто помалку угледниот Telegraph известуваат дека Мајкл Џексон преминал во исламот. Весниците објавија фотографии од Џексон во Бахреин.

Мислам дека  Run CMD кажа најдобро преку неговиот имејл: „Очигледно е дека сето ова е дел од големиот план на Америка да го уништи Исламот од внатре. Мајкл Џексон работи за Дик Ченеј. Сега се има смисла.“

Од Кувајт, Loft965 напиша:

Според овој напис, Мајкл Џексон преминал во исламот. Овие гласини се шират веќе некое време, но овој пат изгледа е вистина бидејќи сите новински агенции пишуваат за тоа. Започна со Џермејн Џексон, потоа купувањето живеалиште во Бахреин и сега неговото име е Микаел (Mikaeel). Не разбирам зошто мора да се промениш името кога преминуваш во друга вера. Тоа не е задолжително. Тој го има најпрепознатливото име во светот. Не знам што треба да мислам за ова, но тој изгледа добро со вел.

Some Contrast, уште еден кувајтски блогер, исто така ја покрива темата.

Палестинско-американскиот блог Kabobfest, пишува за наводното преминување во исламот на Џексон и неговиот судски случај со бахреинскиот принц, шеикот Абдула бин Хамад Ал Калифа, синот на бахреинскиот крал кој го тужи кралот на поп за 7 милиони долари. Само што се појавија вести дека е постигната спогодба.

Во овој пост, Калаш вели:

Можеби имате слушнато за последната тужба за Мајкл Џексон – бахреинскиот принц му платил милиони долари за албум и книга кои никогаш не биле создадени. Она што веројатно не го знаете е дека Џексон има ас во ракавот…

Кралот на поп музиката премина во исламот. Слушам гласини уште откако тој започна да поминува многу време во Средниот Исток, но деталите во најновите известувања не ми оставаат многу простор за сомнеж. Тој дури го променил своето име во Микаел. Изгледа веќе не се чувствува пријатно во Јеховините сведоци.

Јорданскиот блогер Кинзи реагира на постот, велејќи:

За малку ќе напишев пост за ова, но подобро е да не дојде од мене.

Честитки, дел од исламот. Каква награда. Со среќа, кој и да му помага. Навистина е нешто.

Меѓутоа American Muslim Girl додава:

Знаеш што… Мене ми е жал за него и тој сигурно има некои проблеми, но… не знам… јас не би одбила никој, особено не некој со толку многу „следбеници“.

Поблиску до акцијата, од Бахреин, каде Џексон остана една година и имаше судење со член од кралското семејство со кое пејачот се појави на насловните страници на весниците, Есра од Mideast Youth го објави насловот: Исламот победува: Мајкл Џексон се преобрази.

Таа потоа додава:

Оваа ѕвезда е тужена од страна на принцот поради прекршување на некој „договор“ и поради тоа што не снимил песни за мир или нешто друго. Не дека некој се грижи што тој прави. Но јас понекогаш се грижам, бидејќи пораснав со него. Тогаш не бев сигурна дали е белец или црнец или дали е „забрането“ да го обожувам бидејќи се претвори во пластика. Или жена.

По се изгледа сега преминал во исламот. Сè уште сум во категоријата која не се замара.

Есра исто така пронајде саркастично писмо од пред две години, во кое фиктивен Џексон му се обраќа на светот. Во писмото, Есра пишува:

За жал легално ми е забрането да се доближам до било кое игралиште, поради она недоразбирање со моите панталони. Таа приказна доби многу внимание од медиумите. Зборувајќи за медиумите, не знам зошто сум постојано опкружен со камери. Сигурен сум дека девојчињата и момчињата од Бахреин не сакаат серија од фотографии кои покажуваат како ја уништувам мојата соба со урамена фотографија од нивниот крал.

Јас започнав да носам абаја (црна наметка која ја носат жените во Бахреин).

Последната станица е Israelicool, од Израел, кој забележува:

Исламот има нов, мрднат регрут […] Микаел? Повеќе звучи како да се претворил во руски мафијашки бос.

Но ако искочи дека Џексон преминал во исламот, се прашувам дали тој ќе адаптира некои од неговите стари песни за новите верувања. Претпоставувам „Beat It“ ќе биде најприоритетен кандидат.

Коментирајќи на овој пост, TechyNews пишува:

Ох не кутриот ислам, сигурен сум дека тие не сакаа да им се приклучи мрднатиот Џексон. Исто така дали ова е само негова прилика да носи вел наместо болничката маска за да го покрие неговото лице? Блесав Џеко, бурка е за девојки.

Што е SketchPAN?

Со SketchPAN ние нудиме платформа и интуитивни алатки со кои им овозможуваме на корисниците да креираат безбројни и уникатни содржини кои се разликуваат од останатите текстови, фотографии и видеа.

Нашите алатки за цртање и анимација им помагаат на корисниците да ја пречекорат границата на нивната имагинација. Корисниците наскоро ќе имаат можност и да ги погледнат новите игри со цртање.

Покрај сево ова, нашиот сајт им овозможува на луѓето од целиот свет да споделуваат и комуницираат преку нивните визуелни креации со нашиот уникатен социјален сервис.

Која беше мотивацијата за да се започне SketchPAN?

Ју Ким, раководителот и  основачот на SketchPAN се почувствува празно гледајќи одлични дела од талентирани студенти како постануваат само школски проекти. Тој сакаше да креира платформа за да им помогне да ја изразат својата креативност на интернет и да ја споделат со пријателите од целиот цвет.

Кои се креативните начини за користење на овој сервис?

SketchPAN, „pan“ значејќи табла на корејски, ги овозможува следниве сервиси: DrawingPAN (панел за цртање), AminationPAN (панел за анимација), TogetherPAN (заеднички панел) и ShopPan (панел за пазарување). DrawingPAN го снима и повторува процесот на цртање. AnimationPAN им дозволува на корисниците едноставно да креираат анимација. TogetherPAN овозможува колаборативно работење. ShopPan овозможува готови фотографии кои може да се искористат за позадина. За крај, MyPAN е персонална страница каде корисниците може да ги следат коментарите од пријателите на креациите и фотографиите.

Дали имавте некои неочекувани искуства од корисниците?

Нашата иницијална таргет група за сервисот беа уметници или луѓе кои се заинтересирани за уметност; меѓутоа, за време на тест периодот, забележавме дека децата и родителите покажуваат огромен интерес за нашиот сервис. Дури сега голем дел од корисниците на SketchPAN се деца, кои постојано креираат многу уникатни и забавни содржини.

Нови и креативни начини секогаш постојат. Едукаторите, децата, родителите, студентите и многу други се очекува да имаат корист од SketchPAN, но постојат многу можности. Започнете да го мрдате вашиот глушец и започнете со вашиот онлајн приватен час за цртање денес.

Во последните неколку години, колумбискиот видео блогер Алехандро Ангел живее во Шпанија и го снима своето искуство од февруари 2007 на својот видео блог Armadillo TV. Следува рекапитулација преку 4000 фотографии од неговите изминати 4 години:

Bebin TV е проект на Ирачанец кој живее во Калифорнија, кој преку интернет прикажува серии и претставува телевизиски канал. 56те епизоди од серијата Bebin Office се нивна персиска верзија на популарната американска и англиска телевизиска серија The Office. Тие имаат и неколку клипови за туризам, шопинг и вести.

Хип-хоп артистот ДЏ Џеј Смут рапува за политика, економија и моментални настани на својот видео блог Ill Doctrine. Во следново видео тој ја покажува соработката помеѓу хип-хоп артисти од повеќе земји, кои рапуваат заедно на 3 различни јазици:

Видео граѓанскиот новинарски проект Voices Of Africa е исто така номиниран. Проектот им овозможи на новинари од 33 различни земји во Африка мобилни телефони или мали дигитални камери за тие да можат да снимат настани и да ги постават преку мобилен или интернет на сајтот AfrikaNews.

Mostafa al Baqali од Мароко го прикажува животот во неговиот град, фокусирајќи се на приказните на луѓето кои живеат таму. Последниот приказ ни покажува неколку од животните предизвиците на Мароканецот Абдул Латиф:

New Lumiere е руски видео блог кој ги следи пристигнувањата на возовите во различни руски градови.

Дојче Веле овозможува специјално внимание на промоцијата за слободен пристап до информации и изразување низ целиот свет.

Рајзинг војсис е проект кој овозможува микро-грантови за повеќе од дузина проекти за блогирање на заедниците од делови на светот кои се многу малку застапувани (благодарение на грант од Knight News Challenge).

Преку луѓето на овие извонредни заедници, ние учиме за граѓанските немири во Боливија преку блогерите од Voices Bolivian, ги запознавме новите блогери во Накура, Кенија од проектот Repacted и во Романија од проектот Blogging the Dream.

Погледнете го ова видео и ќе знаете за кого да гласате…

Во имејл до целата заедница на Рајзинг војсис (вклучете се тука) на 27 октомври, Дејвид Сасаки напиша:

Пази го ова: Некој го номинирал Рајзинг војсис за најдобар блог (во светот!) за овогодинешниот натпревар за „Најдоброто од блоговите“. Сугурен сум дека многумина од вас се свесни дека постојат блогерски награди колку и блогови, но овој натпревар е интернационално признат. Ние сме многу горди што сме номинирани заедно со такво добро друштво како што се Generación Y и Scienceblogs.de. Може да го дадете вашиот глас тука и да ги погледнете резултатите тука.

Натпреварот „Најдоброто од блоговите“ ги опфаќа блоговите и подкастите напишани на арапски, кинески, германски, француски, холандски, фарси, индонезиски, португалски, руски и шпански јазик. Може да погледнете мапа на светот со сите предложени кандидати на сајтот на наградата.

На Глобал војсис, Џулијана Ринкон напиша пост за некои од номинираните видео блогери.

Дадете го вашиот глас пред 26 ноември!

Тихар, фестивал на светлината во Непал. Фотографија од Фликр корисникот Манки Имиџис употребени под Криејтив комонс лиценца.

Pradeep Kumar Singh го опишува „Тихар“ или „Дивали“ во Непал  како:

Дивали не е само фестивал кој доаѓа после Дашеин туку е и најважниот и најочекуван фестивал од Непалците после Дашаин. Славењето трае пет дена. Метеж, кучиња, Бог, крава и браќата (од нивните сестри) се најмногу почитувани во текот на фестивалот. Дивали има одредено религиозно значење и бидејќи е долг фестивал, религиозното значење е исто така долго. Зборувањето за религиозното значење е клише. Меѓутоа пред неколку години од постарите дознав дека исто така има и научно значење. И јас исто така ја поддржувам научната причина за прославување на Дивали што ја „промовира чистотата“. Изворно, Дивали е повеќе за чистотата отколку фестивал. Се блеска и така започнува славењето на единствениот фестивал на светлината, „Дивали“.

Оваа година, со глобалниот економски пад и високата инфлација која го погоди Непал, на земјата навистина и треба некоја божја помош.

Блогот United We ја истакна економската состојба во земјата:

Изјава за печатот од Непалската Растра Банка вели дека храната и пијалаците достигнаа до 13.4 проценти повисока цена додека непрехранбените производи и услугите беа до 12.7 проценти повисоки.

Водена од значителното зголемување на цените на храната и непрехранбените продукти, брзината на инфлација во текот на првиот месец на тековната фискална година се искачи на алармантни 13,1 проценти за разлика од рекордните 6,3 проценти во текот на истиот период од минатата година.

Блогер на Рајтер Пит нуди поинаков поглед на економијата во Непал.

Како и да е оваа економска криза не беше толку сурова со непалската економија. Странските директни инвестиции се целосно одговорни за одржувањето на непалската економија на безбедно ниво. Непалските закони не се многу флексибилни со странските инвестиции, а тоа е така бидејќи: Локалната економија многу зависи од сопствените извори. Берзата е целосно сигурна бидејќи вклучените акционерни друштва не ги вклучат странските компании.

До некој степен непалската економија беше погодена . Еден од главните извори за приход за Непал е паричната пратка од дијаспората која е погодена од рецесијата во западот. Многу индустријалци и бизнис професионалци ја нарекоа непалската економија „изолирана“ во однос на рецесиите во Велика Британија и САД.

Тихар, фестивалот на светлината, поглед од Њу Роад, Непал. Фотографија од Фликр корисникот Рвивек употребена под Криејтив комонс лиценца.

Во непалскиот јазичен блог MySansar, сцената е пoпразнична. Во текот на Дивали, Непалците не е ги слават само боговите на здравјето, туку тоа е и време за нив да им одадат почит на природата и семејството. Вториот ден од фестивалот е ден за кучињата. Човековиот најдобар пријател е чествуван за неговата лојалност.

Во статијата насловена: „Какви се кучињата на лидерите?“ MySansar има фотографии од кучиња кои припаѓаат на непалските политичари, како што е заменик министер Шер Бахадур Деуба, Суриа Бахадур Тапа и поранешниот заменик министер Пашупати Шумшер Рана. Нема споменување на сегашните економски случувања во Непал, но блогерот прави напор за да ја покаже различноста во непалското општество. Младиот маж кој се грижи за кучињата на Шер Бахадур Деуба заработува околу 3.000 рупии месечно (1 американски долар= околу 80 рупии), а Шер Бахадур Деуба троши 30.000 рупии на своите кучиња.

Фотографијата искористена за почетната страница е од Фликр корисникот Субхакар Манандхар

Dominicana Moda или ДМ08 (Доминиканска мода) веќе започна и се чини дека многумина се заинтересирани да присуствуваат и/или да го следат настанот преку алтернативни медиуми. Ние истражувавме малку и ви претставуваме три оригинални блогови кои прикажуваат статија по статија, фотографија по фотографија и се друго поврзано со овој настан.

Фотографија од Фоникс Диаз користена под Криејтив Комонс лиценца

Oxitocina Visual [шпански]

Анабел Перез е фотограф која е многу заинтересирана за модата. Со помош на своите леќи таа прикажува детали кои традиционалните медиуми не ги гледаат. Само погледнете ги фотографиите за кои ние сметаме дека се со врвен квалитет.

Diana and the City [шпански]

Диана Суриел пишува во својот блог за случки од својот личен живот, но овојпат нејзиниот календар е исполнет со настани поврзани со Доминиканската мода. Доколку сакате да видите специфично модно шоу, проверете ја листата. Овде таа дава свое мислење за колекцијата на Карлос де Моја.

Карлос де Моја е извонредно човечко суштество и тоа се одразува во неговите креации. Вчера, тој се надмина себеси со Анда Миранда, после патувањето низ целиот свет најпосле слета…и тоа како. Колекцијата беше н-е-в-е-р-о-ј-а-т-н-а, обемот и уметничката работа заслужуваат чиста десетка. Стилот беше пријатен во колекцијата која беше чисто есенска. Музиката од Вадир Гонзалез додаде своја арома: Анда Миранда, немој да гледаш на страна (реков јас) и јас сакав да станам и да танцувам. Вреди да се спомене дека роденденот на Карлиотс беше претходниот ден и крајното изненадување беше неговата роденденска торта.

La Vida en Dominicana Moda [шпански]

Весникот  Listín Diario исто така ги искористи своите извори за да креира ексклузивен блог со кој обезбеди целосно покривање на  ДМ08. Ние имаме – и се надеваме дека и читателите исто така  - повисоки очекувања од тие што досега ги обезбедија медиумите. Тука додава малку блогирање во живо:

Имаше значајно доцнење од повеќе од еден час и подоцна доцнење од половина час помеѓу две претстави, нешто за што – може да се расправа – се должеше на промена на гардеробата за 10 манекенки кои беа дел од шоуто на локалниот дизајнер. За време на следните неколку часа, ние ќе поставиме фотографии и коментари од денешното шоу. Во меѓувреме, активностите продолжуваат се додека не се затвори шоуто. Сeга има гала вечера и подоцна “Модната гужва“ ќе се префрли во просториите со базен.

Меѓутоа, преку блогирањето, тие најдоа нова можност да се изразат, да ги споделат своите дела и да го промовираат овој интерес во Гватемала, особено преку поезија и кратки раскази и приказни.

Поезијата е пионер во уметноста на блогирањето, Пабло Бромо (Pablo Bromo) на неговата Bicicleta [шпански] блогира уште од 2005-та година. Други поети што блогираат се Алејандро Маре (Alejandro Marré) преку Marré v. Marré [шпански], Алан Милс (Alan Mills) и неговата страна revolver [шпански], Џерардо Сандовал со “Palabras Mayores” и Арнолдо Галвез (Arnoldo Gálvez) со “Tercer Perfil” [шпански].

Новелистот Роналд Флорес (Ronald Flores) има свој домејн, каде што покрај неговите дела можат да се најдат и критики, предлози, сугестии и дури и коментари за интернационално познати книги.

Секој четврток можете да ја прочитате и да дадете коментар на колумната на Маурис Ечевериа (Maurice Echeverría), млад, но многу успешен гватемалски писател – преку Buscando a Syd [шпански].

Можете да ги читате делата на Клаудија Навас (Claudia Navas) на овој блог Ordinaria Locura [шпански] или на колективен блог наречен Panoptico Literario [шпански], Винстон Гонзалез (Wingston González) [шпански] млад гватемалски писател штотуку го започна својот блог ALFILER [шпански], колективен проект за електронски книги и критики со блогот LIBROS MINIMOS [шпански](мали книги), каде што многу од писателите-блогери ги споделуваат своите публикации и дела и исто така коментираат на својот блог.

Тоа што е важно да се нагласи е употребата на технологијата и кибер-просторот, како пример блоговите за да се промовира културата, каде што можат да привлечат млади читатели и истовремено да ги споделат своите идеи со светот. Секој од овие автори има барем по една објавена книга и имаат по неколку награди за литература и книги. Тие ја користат блогосферата да ги споделат своите дела и се комплетно отворени кон критики за да развијат нова, слободна култура во Гватемала и да му дадат на светот до знаење што сакаат да направат со своите блогови.

Настанот започна на плоштадот на Скопје и вклучуваше сликање на платно од страна на група млади уметници, кое е посветено и инспирирано од овој ден. На блогот на Слободен софтвер Македонија, нејзините членови напишаа:

„Оптегнатото“ платно привлече внимание на плоштадот иако паралелно се случуваа повеќе настани на исто место. Сликарите веднаш се зафатија со работа и за кратко време free software се најде нацртано на платното.

Тие беа задоволни од реакциите на луѓето и настанот:

Разделивме информации на многу минувачи а некои од нив застанаа да постават прашања. Имаше луѓе кои дојдоа да постават конкретни прашања а повеќето со кои разговаравме имаа генерални прашања за настанот и активностите.

Се на се, настанот помина подобро од очекуваното. Претпоставувам дека дел од луѓето што навистина се заинтересираа ќе поминат некогаш на „Сподели знаење“ или „Сподели кино“ каде ќе можеме да оствариме посодржаен контакт.

Слободен софтвер Македонија секоја недела организира настани како „Сподели знаење“, каде споделуваат знаења и искуства, дискутираат и експериментираат со луѓето заинтересирани за слободниот софтвер, и „Сподели кино“, каде прикажуваат интересни презентации, филмови под слободни лиценци и youtube плејлисти. На овие настани „Присуството е слободно, бесплатно и пожелно“.

Фотографии од Слободен софтвер Македонија, користени под Криејтив комонс лиценца

Во последното видео од Видео волонтери, тие зборуваат за штрајкот во Дарави, најголемото предградие во Мумбаи, Индија. Причината за штрајкот е тоа што владата ветила распределување на 400 квадрати за секоја фамилија за дом, но по повторно разгледување на таа одлука за време на последниот состанок, тие решиле дека ќе доделат само 300 квадрати за секоја фамилија. Следново видеото, Црн ден во Дарави, ја има комплетната приказна, снимено и продуцирано од видео волонтерите:

Другите видеа од Видео волонтерите на Канал 19 се инспиративни: во И жените може да си играат!, новинарите од заедницата прашуваат наоколу во нивното предградие што прават децата за да си играат. Искочи дека момчињата си играат, додека девојчињата мора да вршат обврски. Затоа тие прашуваат женски играч на крикет за важноста на играњето, како инспирација за другите девојчиња да го направат истото. Во Никогаш не е предоцна за предавање, жена, собирач на отпад, одлучува да ја промени својата иднина и решава да студира за учител и да дипломира.

“Се бара гејша” (芸者さん募集中) е насловот на еден оглас поставен на блогот на гејша-куќата Чикада (芸者置屋　千佳田のブログ) пред неколку месеци:

“Како можам да станам гејша?”
Ова е најчесто поставувано прашање, затоа што патот до станување гејша е нејасен за многумина. Всушност, нема потреба да имате некои особени  “квалификации”. Исто така нема ограничување на возраста.
Она што ви треба  се „манири на човечко суштество“ и  „искрено срце“. Можете да научите  колку што сакате за манирите подоцна, но минимум ниво на манири кое се бара од гејша е поинакво од тоа на обичните луѓе.
Откако ќе поминете основно интервју за да станете гејша, вие ќе бидете целосно обучени за манири така што ќе дознаете сè за нив.  Ќе научите широк опсег на основни работи: како да сместите мажи и луѓе кои се постари од вас на пиедестал и како да одговарате и да зборувате правилно. Се вели дека духот на гостопримството се одразува во чувството за убавина на Јапонците и длабоко е под влијание на вродениот талент и вкус.

人気の舞妓さんも登場＝芦原温泉で奉納の踊り поставено од (C)ふるさと福井ビデオレター

Користејќи ги потенцијалите на интернетот, гејшите сега можат да ги зачуваат своите традиции дозволувајќи други луѓе (нивните муштерии и фанови и други корисници на интернет) да дознаат за нив онлајн, оживувајќи ја оваа уметничка професија која многу луѓе, особено во странските држави, веруваат дека му припаѓа на минатото или на Јапонија од „разгледниците“ или дури погрешно ја сметаат исто што и проституцијата.

За да ја расчисти оваа забуна околу улогата на гејшите, еве како Сакуказу (さく一), на блогот на гејша-куќата Кита Шинчи (北新地), на која таа и припаѓа, ја опишува работата на гејшите и што е тоа  “чајџилница”:

Професијата

Како што можете да претпоставите од името [геј: уметност, ша: личност], ние танцуваме како гејши или свириме на шамисен [традиционален жичен инструмент] на приватни забави, но ние исто така разговараме со клиентите и креираме атмосфера за да ги забавуваме. Во основа, работата на гејшата е да го води шоуто.

Чајџилницата

Иако ние ја нарекуваме “чајџилница“, тоа не е продавница која продава чај.
Малку е комплицирано да се објасни што точно е, но во “чајџилницата” клиентите доаѓаат за да бидат во друштво на гејшите и да уживаат во забавата…
Или може клиентите да побараат од нас да организираме забави и настани за нив и да поканиме и други гејши да ни се придружат.

Распоред на на геико и маико банкетите во Кијотo.

Сакура (さく良), од истата гејша-куќа како Сакуказу погоре, ни објаснува како читањето на блог на друга гејша бил стартот на нејзината кариера во тој свет:

Уште откако бев средношколка отсекогаш сакав да станам маико, но маико може да се стане само ако си на возраст помеѓу 15 и 20 години. Јас сфатив дека сакам да бидам маико кога имав 17 години и моите родители апсолутно инсистираа прво да го завршам образованието.
Јас се обидов да стапам во контакт со неколку гејша куќи и организации во Кијото, но единствените одговори што ги добивав беа “невозможно!”или “Само ако започнеш како маико”.
Tогаш се откажав и започнав нормална работа, но… не, не можев да се предадам. И токму кога размислував за друго начини како да го направам тоа… најдов одреден блог.
Тоа беше блогот на една постара гејша која најпосле ме внесе внатре.
Не можев да им поверувам на очите кога сфатив дека има геико во северниот дел на Шинчи, една област полна со класични клубови. И кога ги видов нивните фотографии во оние раскошни кимона…тоа беше љубов на прв поглед!!
Па така ги замолив да воспостават контакт и да се сретнат со мене (не можев а да не се чувствувам засрамено, покрај така убави жени, прашувајќи се себеси, “Ќе прифатат ли овде млада девојка како мене?”).
Тие ме примија како помошничка во таа прекрасна чајџилница и така јас станав Сакура, геико.

Една друга гејша, Наосузу (尚鈴), ги објаснува на типичен Кијото дијалект триковите на продажбата, на страниците на нејзината официјална страница:

Маико ја средуваат косата користејќи ја само својата природна коса.
Бидејќи ја носат истата фризура една или повеќе недели, тие спијат на тврди перници и никогаш не го менуваат стилот на фризурата, дури и во деновите кога не работат.
Сепак, јапонскиот стил на геико фризура е перика и со тоа е прилично поинаква фризурата.
Маико се попопуларни од геико, веројатно затоа што нивниот имиџ е поблескав, но геико се вистинските ѕвезди на гејша кварталите. Тие им овозможуваат на своите муштерии пријатно време и ја анимираат сцената. Тоа го очекуваат муштериите од нив и, се разбира, се очекува тие да танцуваат, да свират инструменти  и да пеат подобро од младите маико. Не е така лесно.
Да не кажам дека е особено стресна работа, но тоа е уметност која мора да се култивира малку по малку, низ секојдневни лекции и забави.
[…]
Постои возрасна граница да се биде маико, но гејша е доживотна професија.
Во денешно време, жените зборуваат за  “вештини кои се продаваат”.
Па така, геико се на еден начин пионери во оваа идеја. Додека тие ги искористуваат нивните женствени таленти, тие се исто така во состојба да работат целиот свој живот и моето мислење е дека, тие се вистински “жени кариеристки”.

Ичимаме (市まめ) е популарна маико, чиј блог беше погрешно цитиран како прв во жанрот од страна на неколку странски весници затоа што е пишуван исто така и на англиски јазик, порано пишуваше за нејзината работа и нејзиниот приватен живот. За жал, минатата година таа одлучи да не продолжи со нејзиниот блог. Некои од нејзините постови, како и да е, се уште остануваат  онлајн:

Јас имам барем два слободни дена во месецот.
Како и да е, за време на моите слободни денови, јас понекогаш волонтерски посетувам забави, па така најчесто ја држам косата во маико стил дури и во тие денови.
Кога ми е косата средена во слободен ден, јас излегувам надвор облечена во кимоното што го носам за време на часовите.
Понекогаш, кога ја пуштам косата, излегувам во алишта што ги носи западниот свет.
Јас многу ретко носам западен стил на алишта во моите слободни денови и најчесто ги поминувам слободните денови со моите пријатели, одиме на шопинг или зборуваме за многу работи додека ги јадеме нашите омилени слатки работи.

Како доказ дека блоговите станаа дел од работата за многу гејши од почетокот до самиот крај на нивната кариера, Онсен гејша (温泉芸者), објавувајќи го своето пензионирање во нејзиниот блог Онсен Гејша но Кокоро но Хикидаши (温泉芸者のココロのひきだし), сумираше пред неколку месеци што значеше за неа да биде геико:

Јас се извинувам за неочекуваната објава, но јас ќе се пензионирам, па затоа одлучив да престанам да внесувам нови информации во овој блог.
Јас започнав како геико доцна, кога имав 20 години и оттогаш поминаа 16 години, помалку од 4 години откако го започнав овој блог…
Имам многу работи да кажам и тоа не може да се искаже со неколку зборови, но моето најголемо богатство е врската што ме поврзува со луѓето што ги запознав.
Она што ме прави најсреќна  што бев геико, е тоа што имав прилика да се развивам како човечко суштество и јас сум им благодарна за ова на господарката (учителката) и на останатите колеги од гејша-куќата на која и припаѓав. Но, најмногу, јас сум им благодарна на многуте клиенти што досега ги запознав.

Благодарност до Ајеша што ни ја предложи оваа тема.