Фабрика за содавање на биогас. Слика од корисникот на flickr, Marufish. Искористена со дозвола од Creative Commons.

Технологијата за користење на биогасот започна вистинска зелена револуција во Непал. Според WWF (World Wildlife Fund) огревното дрво е најкористениот извор на енергија во земјата и речиси 87 % од домаќинствата зависат од него. Сепак, биогасот се јавува како остварлива алтернатива. Еден извештај, објавен неодамна од AFP (Француската прес агенција), ни открива дека Непал заработува (во 2007 година има заработено речиси 600 илјади американски долари) тргувајќи со своите емисии на јаглерод диоксид благодарение на многубројните фабрики за создавање на биогас низ земјата. Како нација која се обидува да пронајде евтин и оддржлив извор на енергија, биогасот е секако одлична вест за Непал.

Globalwarming Arclein, блог за придонстот на земјоделството во намалувањето на емисиите на јагленород диоксид , пишува дека овој пристап со биогасот, кој е помалку развиена технологија, е поволен и достапен за мнозинството Непалци кои живеат по селата:

Прозводството на биогас не е висoко развиена технологија. Сè што е потребно е цистерна која може да се направи со лопата и да се покрие со камења како што се прави во модерните септички јами. Покривањето и задржувањето на гасот во резервоар е навистина лесно и нема потреба од многу материјал за негово функционирање, така што лесно може да се импровизира.

Најважно е да се знае дека е возможно да се направи тоа и дека ќе работи. Враќањето на добиената мешавина не е пријатно, но не е ништо поразлично од други задачи на кои се навикнати луѓето таму. На овој начин нема да се произведе доволно гас за греењето на целата куќа, но доволно е за повремено греење, за готвење и за производство на топла вода на здрав начин.

Успехот на Непал со биогасот може да биде инспирација за неговите соседи. Најблискиот сојузник на Непал, Индија, исто така чека со нетрпение да развие алтернативни извори на енергија за да се справи со растечката побарувачка во нејзините држави кои се развиваат со брзо темпо. Разиб Ахмед пишува на South Asia, блог посветен на регионалниот бизнис и општествените прашања:

„Биогасот ме интересира не само бидејќи мислам дека тој има огромен потенцијал за нашата земја, туку и за нашите соседи како Индија и Бангладеш. Biogas Sector Partnership Nepal (BSP-Nepal) е невладина организација која работи активно за промоција на биогасот во Непал. До јуни 2008 година, беа направени 172, 858 фабрики за создавање на бигас.

Како резултат на ова, над 1 милион луѓе уживаат во добивките. Можеби 1 милион и не изгледа толку многу, но мора да запаметите дека во најголем дел се работи за сиромашните луѓе од руралните области кои ќе ја извлечат најголемата корист од оваа технологија. И не само тоа. Би сакал исто така да го привлечам вашето внимание кон фактот дека Непал увезува речиси 100 % од неговото масло. Така, секоја направена фабрика за создавање на биогас значи заштедување на некој странска валута на земјата.“

Интересот за биогас не е минлив занес во Непал. По многу година напорна работа и внимателно планирање, тој успеа да привлече доволно внимание. Во 2005 година, Малика Аријал изјави на RenewableEnergyAccess дека Непал е во потрага за создавање на одржливост и профит преку биогасот.

„Програмата за поддршка на биогасот во Непал ја прошири својата работа во 66 од 75-те општини на земјата и планира да поседува 200 000 фабрики до 2009 година. Трошокот на фабриките коишто им одговараат на руралните домаќинства чинi 300 долари. Благодарение на субвенциите од владата, овие фабрики им се достапни на домаќинствата. Тие инвестираат само 200 долари кои ги исплаќаат три години. Договорот е навистина одличен!

Сега, непалските фабрики за создавање на биогас се на добар пат да станат “добра зделка“ за глобалната природна средина. Кога ќе стапи во сила протоколот Кјото во септември 2005 година, Непал ќе може да тргува со јагленородниот диоксид којшто нема да се испушти во атмосферата благодарение на биогасот и на тој начин да заработува 5 милиони долари годишно.“

Ако сакате да дознаете нешто повеќе за тоа на кој начин биогасот му помага на Непал, еве еден дел од филм од Nepal Project во Градскиот Универзитет во Токио, Јапонија.

Корисникот на LJ rusanalit, популарен руски блогер кој најчесто објавува провокативни постови за економијата во Русија, го објави овој потсмеjувачки проглас (руски) на својот блог на 10ти Јуни, забележувајќи со иронија дека оние кои се обидуваат да го критикуваат минатото и иднината на Русија често се нарекувани русофобични од страна оние кои себеси се сметаа за патриоти, а всушност обратното може да е точно во многу случаи:

И јас сум русофобичен, исто така.

Тоа е затоа што јас пишувам дека Сталин отворено посака да виде корисен за неговата земја, но проценувајќи според резултатите од неговите грешки, плодовите од неговата работа – и оние на државната – пред-воена работна сила беа загубени. Така што, доколку не го воздигнувате Сталин туку се обидувате да ја оценувате неговата работа објективно – ова ве прави русофобичен.

Затоа што, иако јас го сметам Путин заслужен за огромната улога што тој ја одигра во спречување на откривањето на 20те Чеченци во Русија како резултат на чеченското официјално отцепување од Русија, јас го сметам Путин  НЕКОРИСЕН ПОСЛЕ ЧЕЧЕНИЈА ВО СИТЕ ДРУГИ АСПЕКТИ. Така што, доколку не му го лижете задникот на Путин, туку се обидувате, повторно да ја оценувате неговата работа објективно – вие сте русофобичен.

Затоа што мене не ми се допаѓа Михаил Ковалчук [Mikhail Kovalchuk] и Генади Тимченко [Gennady Timchenko] – претходниот буквално ограби [Gazprom], додека вториот само одзеде неколку билиони долари од државните компании [Sibneft] и [Rosneft] додека работеше како посредник во нивната купопродажба на нафта. Така што, доколку вие отворено ги наречете билионерските крадци блиску до поредокот “крадци“ – вие сте русофобични.

Ако мене не ми се допаѓа фактот дека економијата на мојата земја е економија базирана на природни богатства и дека владата навистина не сака да промени ништо, и се противам на се – тогаш јас сум русофобичен.

Доколку мислите дека државата е должна да спасува животи на руски деца […], и не да ги намалува загубите на пазарот на акции од странски инвеститори – тогаш вие сте русофобичен.

Во ред, се согласувам. Ако вака стојат работите, тогаш јас сум русофобичен. Затоа што во овој случај, русофобијата е угледна титула.

А кој сте вие тогаш?

Топлотните бранови во ова време од годината не се невообичаени за земјите од Јужна Азија. Но, неодамнешното суво време задржа доволно дожд надвор од регионот, дожд кој го одржува издигнувањето на живата. Додека опаѓањето на електричното напојување (периодично губење на електрична енергија) поради кризата со електричната енергија во неколку земји го направија животот неподнослив за милиони луѓе.

Петокот (24 април 2009 год.)  беше најтоплиот ден летово (38,5 целзиусови степени) во Дака, главниот град на Бангладеш. Источните делови од Индија се шокирани од тоа што живата се издигна над 45 целзиусови степени. Беа пријавени неколку случаи на смрт. Вработените во Зоолошката градина  преземаа специјални мерки за да ги заштитат животните од жештината. Имаше извештаи за шумски пожари во Непал, и суши во области кои обично се склони на дожд.

Нетизените или сајберграѓаните силно реагираат на оваа ситуација. Суканва М (Sukanya M) во постот „United We Sweat” пишува за жештината и за постојаното немање електрична енергија:

Фуј. Неподносливо е.

Температурите се движат околу 40, 41, 41.8, и среќни сме (како денес) со 39 степени. Плус и влажноста – според Yahoo денес изнесува 80% (а се чувствува како да е 100%). И се разбира немање електрична енергија насекаде и што е уште почудно, Колката – Думдум до Бехала намаат електрична енергија од 6-10 часа кога е недела [..]

Еве неколку Твитер пораки кои го отсликуваат расположението на обичните луѓе:

calamur: Се топиме од жештина. Во Мумбаи е страшно жешко.

vitrag: Попладневна жештина, и качувањето во возовите во Мумбаи… по ѓаволите, изгледа како да влегуваш во рерна.

Амит Варна во The India Uncut се шегува:

Толку е жешко во Бомбај … … што кога ќе ја загрејам храната во микробрановата печка, излегува поладна.

Во Бангладеш, луѓето лошо настрадуваат од топлотните бранови и од честото немање електрична енергија. Повеќето немаат клима уреди дома; користат електрични екстрактори, кои се бескорисни кога нема електрична енергија. Оние кои може да си дозволат инвертери на електрична енергија не добиваат доволно електрицитет  за да ги наполнат единицте.   Што е уште полошо, нема доволно електрицитет за да работат пумпите за вода. Кризата со вода стана сериозна и луѓето протестираат притив рестрикциите на водата.

Од Твитер:

dkhall44: Во моментов, во Дака, напонот е на смешни нивоа. Напојувањето со електрицитет се губи за еден час секој втор час. А има 38 степени.

shahreaz: Работењето навечер стана реалност во Дака. Да се нема 6 часа електрична енергија за време на работните часови навистина нема смисла.

Властите кои раководат со електричната енергија направија распоред за губењето електрична енергија. Берни Ален во Life & work in Dhaka city пишува за причината за губење електрична енергија во Дака:

Типичната побарувачка е 2000MW и еден ден неделава распределивме 1200W, така што мора да се справиме со кусокот.

Во Непал, кризата со електричната енергија малку се подобри. Од просечни 14-16 часа дневно кога нема електрична енергија, времетрањето се намали. Од Твитер:

zickme: Земјата се соочува со криза во Електростопанството и за да ја надмине Непалската електростопанска власт (НЕВ) наложи да нема електрична енергија 12 часа секој ден.

Блогот на Гешан (Geshan) објавува дека распоредот за губењето електрична енергија на Катманду ја отсликува тешката и тажна ситуација во која се наоѓа народот.

Жителите на градот Карачи во Пакистан се соочуваат со ненајавено губење од 8-10 часа секој ден. Pakistan Daily Photo објавува слики за тоа како луѓето  се справуваат со неподносливата жештина која расте од ден на ден.

Јужна Азија има видено уште полоши топлотни бранови од овој. Но, кризата со електричната енергија сериозно им ја наруши способноста да се справат со неа.  Сé додека нема некаков прекин, луѓето ќе продолжат да страдаат.

Од Дака, под дејство на жештината, блогерот Коушик (Kowshik) е саркастичен[bn]:

সরকারের এখন বিদ্যুৎ এর বদলে বৃষ্টি উৎপাদনের চেষ্টা করা উচিত

Иако звучи неразумно, во оваа ситуација луѓето од Јужна Азија не можат да ја занемарат оваа идеја.

Empivot е онлајн агрегатор за зелени медиуми или како што вели неговиот опис „Онлајн мрежа за зелени видеа“. Членовите можат да постават видеа, разгледуваат канали како Renewable Energy Business Watch, YesterMorrow - Design/Build School, Green Tv и други.

Интересно видео, кое беше објавено на каналот Brighter Planet, врши климатски анализи на видеото на Ријана за песната „Shut up and Drive“. Тоа го прави во стилот на VH11 Pop-Up Video, прикажувајќи факти за автомобилите, испуштањето на јаглерод диоксид, влијанието на горивата и користењето на коли во Америка.

Американскиот рапер Шон Паф Диди Комбс се обрати до неговите „браќа и сестри од Саудиска Арабија“ и од други земји, кои се производители на нафта, да донираат нафта за да може да лета со својот приватен авион.

Мултимилионерот, добитник на Греми, вели дека екстремно високите цени на нафтата му оневозможуваат да го користи својот приватен авион и сега мора да користи комерцијални летови. Тој се обрати во следниов влог:

Саудиските блогери реагираат. Сауди Џинс дава духовит одговор:

Американскиот рапер Шон Пафи Комбс се жали за високата цена на нафтата и вели дека повеќе не може да си дозволи да лета со својот приватен авион од Њујорк до Лос Анџелес двапати месечно. Тој ги моли Саудијците да му пратат бесплатна нафта за тој да може повторно да лета со својот приватен авион. Брат извини, ти нема да добиеш ништо од овој крај, бидејќи, само во случај да не знаеше, ние немаме нафтени извори во нашиот двор за да ја даваме бесплатно.

Рашид Абоу-Алсам додава:

Пафи вели дека едно патување го кошта 200 000 долари и дека тој наводно не може да си го дозволи тоа. Во видеото тој се обраќа до неговите „саудиски браќа и сестри“ за да му пратат бесплатна нафта за тој да може повторно да лета со својот приватен авион.

Не верувам дека ќе добие пратка со нафта во брзо време, бидејќи Саудијците уште еднаш покажаа колку се тврдоглави кога станува збор за цените на нафтата. Супер богат забавувач, како Пафи, можеби ќе биде поканет да настапува на приватна забава на саудиското кралско семејство, но тој сигурно нема да добие бесплатна нафта, може да се обложиме на тоа!

Г-8 самитот во Тојако, Хокаидо [ја], заврши на 9 јули по три дена состаноци, оставајќи горчина за некои блогери во Јапонија. Со вкупни трошоци за организација и обезбедување доволни за да се третираат милиони ХИВ пациенти и со протести од илјадници фармери и активисти од целиот свет, настанот не помина без контроверзии.

Г-8 Самит – новиот Читосе аеродром (од Фликер корисникот мујитра)

Многу блогери го поставуваа прашањето за високите трошоци на настанот, истакнувајќи колку не е наклонет кон животната околина. Блогерот гори, од друга страна, смета дека некои од резултатите од Г-8 самитот се позитивни:

何しろ討議する項目が山積しており、わずか3日間で各国のトップが話し合ってもなかなか纏まる話ではないと思うが、それでも「拉致問題」と言う文言が首脳 宣言に載ったり、ジンバブエの不当な大統領選挙問題等にも共同声明のなかで、批判される事は国際的な見地から見た正しい意見として当事国にプレッシャーを 与える事になり良いことだと思う。

今回の重要なテーマである、室温効果ガス問題では2日目のG8の中で討議され、福田さんは長期目標を2050年までに５０％削減を決めたい意向であった が、アメリカの提案では、「大量排出国（中国・インド・ブラジル等）抜きの討議は無意味だ」と言う意見で賛成が得られなかった様で、私も当然の事であると 思う。

[…]

しかし、兎も角、削減努力に対する必要性は各国とも同じであるから3日目の会合こそ大量排出の当事国が、同じテーブルに就いて、話し合いが出来るスタートラインに揃ったところであると私は思うのである。

Оксфам Г-8 големи глави на изведбата на Големи букви (од Фликер страницата на Оксфам)

Блогерот јг96акг, ја истакнува иронијата на вечерата на Г-8:

環境問題、地球温暖化対策、原油高騰、食料危機、北朝鮮の核問題などなど話し合われたようですが凡人の私にはどのような実効性が有るのか全く分かりません。

あるメディアが食料危機の会議場で山ほど盛られた食膳に、あんなご馳走を食べて食料危機に餓えている人間の気持ちが理解できるのかと批判していました。

各国を代表して出席しているのだからどんな贅沢な食事をしょうがどうでも良いことだが世界各国一人一人の命の尊厳が図られる形になって欲しいものです。

Мировниот марш за Г-8 (од Фликер корисникот скасуга)

Блогерот мкј2 исто така пишува за гозбата на Г-8 и вели:

各国の首脳が食べるディナーの話題。
地元の食材をふんだんに使ったメニューでカニだのアスパラだのいいもの使ってまっせっつー。

[…]

別に食い物にいちゃもんつけてるわけじゃない。
食い物に始まり、警備だのなんだのに多額の血税が使われる。
それはいい。
世界のＴＯＰが雁首そろえて諸問題を話し合うっていうんだから。

ただ。
頼むよほんと。
これだけの金かけて、手間かけて、ガソリンが安くならない、食品の値段が下がらない、なんてことになったらどう責任取るんだ。

Тајоко од прозорец од хотелот Виндсор (каде се одржуваа состаноците од Г-8 самитот, од Фликер корисникот веројама)

За крај, блогерот фокпактсуен дава необичен предлог:

四国や九州からの警察の動員２万人余。……で地球温暖化が主要議題、ならこのサミット開催こそ「地球に優しくない」のが事実。もう国連活動に収斂されてい いのでは？　テロ襲撃が危険視されるなら各国首脳が一同に介せずSkypeで会議すれば良し。会場からほど遠き農牧地帯で120名のサミット反対デモにデ モ参加者上回る数の警官が防備。異常。

За повеќе фотографии од протестите за Г-8 погледнете го профилот на Фликер корисникот Повлес.

Минатата година, Кунминг, Кина се приклучи во „Ден беа автомобили“. Сега, градот во југоисточна Кина го надмина овој настан со тоа што воведе „Ден без автомобили“ секој месец.

Кунминг, дом на многу еколошки НВО, има денови без автомобили секоја последна сабота од месецот. Зелениот такт на Кина не запознава:

Полисата има свои лимитации, секако. Наместо комплетно да се забранат автомобили низ целиот град, само на приватните коли им е забранет влез во првата област. На таксистите, автобусите, велосипедите, скутерите и возилата за специјални потреби (или возилата со повеќе од 17 седишта, што се полни повеќе од 50%) им е дозволено да патуваат насекаде низ градот.

Тие продолжуваат:

Полисата по се изгледа има измешани резултати. На 22 септември, Еколошкото биро на Кунминг извести за многу поквалитетен воздух поради ограничувањата на приватните автомобили. .. истиот ден, ББС објави дека возачите во Пекинг го игнорираат повикот за „Ден без автомобили“, каде настанот беше волонтерски и не присилен како во Кунминг.
„Зелените сестри“ на Кинескиот зелен такт, Оујанг и Џени дадоа извештај за денот.

Видео: Ден без автомобили во Кунминг

Кина планира да одржи ден без автомобили во 108 градови на 22 септември, како дел од светскиот „Ден без автомобили“. Кинескиот ден без автомобили треба да спречи испуштање на 3 000 тона гасови и да зачува 33 милиони литри на бензин.

Како додаток на иницијативата „Ден без автомобили“, Пекинг планира огромни рестрикции во сообраќајот поради овогодинешната Олимпијада во источна Кина.

Во последниве неколку месеци имаше жестока дебата во Индија за нуклеарната спогодба со САД. Ова е прашање за кое премиерот Манмохан Синг силно лобираше и се обидуваше да добие политичка согласност. Всушност, неколку аналитичари и набљудувачи истакнаа дека г. Синг е подготвен на национално гласање, ако е тоа потребно.

Левицата водена од Комрад Пракаш Карат, која е важен коалициски партнер на моменталната влада, не се согласува на нуклеарната соработка со САД. Индискиот политички блог пишува:

И тогаш, одеднаш, како џокер во покер одеднаш произлегува, конгресот и премиерот дека ја надмудриле левицата.

…

Каде ја остава ова левицата? Има вкупно 59 пратеници, но Керала е познат по тоа дека брзо го менува својот политички став, а левицата преживеа неколку големи промени во западен Бенгал на локалните избори, што осигурува дека наредните предвремените избори може да донесат многу помалку пратеници за левицата. Дури сега може да изгледа како тие повеќе да не се релевантни.

Минатата недела владата успеа да ги собере потребните гласови и поддршка, покрај противењето на левицата.

Тачбејс има краток и јасен пост во кој ја разјаснува дебатата за нуклеарниот договор помеѓу Индија и САД, започнувајќи од договорот 123 до противењето на индиската левица за договорот. Тој пишува:

Значи договорот содржи многу дупки кога станува збор за национална безбедност. Но, во исто време и помага на Индија да ја задоволи својата потреба за енергија. Затоа ова ќе бидат тешки времиња за оваа малцинска влада да донесе одлука за договорот.

Професорот Т. Т. Рам Мохан од Голема слика пишува дека нуклеарната спогодба помеѓу Индија и САД е доведена до тест на патриотизам. Тој потоа прикажува две спротивставени гледишта за нуклеарниот договор и дава заклучок:

Челанеј е во право. Овој договор е стратешка алијанса со САД за да се спречи растењето на Кина, само што е презентирано како енергетски предлог за политички и дипломатски причини. Вистинската вредност на стратегиската алијанса лежи во трансферот на цел ранг на напредни технологии – овие технологии не може да бидат пренесени доколку статусот на Индија како нуклеарна сила не се промени.

Има уште неколку чекори пред овој договор да се одобри од конгресот на САД. Овие чекори вклучуваат одобрување од Интернационалната агенција за атомска енергија и Групата на нуклеарни снабдувачи.

Сега, многу почесто болниците се третираат како големи бизниси со клиенти, наместо како здравствени установи со пациенти. Докторите кои сакаат да ја почитуваат нивната Хипократова заклетва мора да се надеваат дека нивното раководство го има истиот идеал за грижење за доброто на пациентот како највисок приоритет. Ова беше случај минатата недела, во болницата Ал Матриа во Египет, каде 4 бебиња и 2 возрасни луѓе ги загубија животите поради 2 часовното губење на електрична енергија во раните утрински часови, а генераторите не се вклучија повторно.

Зеинобија пишува:

Минатата недела на 22 мај 2008 болницата Ал Матриа доживеа трагедија, кога се случи прекин на електричната енергија, да прекинот на електричната енергија 8 се случуваше 2 часа и доведе до драматична смрт на 4 бебиња на интензивната нега.

Мора да знаете дека пред овој прекина на 22 мај, болницата доживеа и друг прекин пред три недели, кој траеше 5 минути и мора да знаете дека резервните електрични генератори не работеа!!

Поважно е да знаете дека администрацијата на болницата во Каиро, која го следи министерството за здравство, го знаеше тоа. Мора да знаете дека администрацијата на оваа болница го лажираше времето на смрт на тие бебиња три часа пред прекинот на струјата, со цел да избегне одговорност!!

За време на прекинот, докторите кои беа на должност со др. Акрот, познат на ЈуТјуб како akroot4ever, на своите мобилни телефони ги снимија своите очајни обиди да ги спасат животите на бебињата. Тој објаснува во описот на видеото [ar] дека администрацијата на болницата била запознаена дека генераторите не работат, бидејќи пред три недели пред 2 часовниот прекин, имало прекин на 5 минути и генераторите не се вклучиле, што било невообичаено, па кога се случила трагедијата во 3 часот наутро на 22 мај, машините за одржување во живот немале струја и тоа било причината за смртта на овие бебиња.

Следуваат две видеа снимени од докторите за време на прекинот на електричната енергија, каде звукот од машините, плачот на бебињата и гласовите на докторите ја придружуваат сликата од истите доктори, кои се обидуваат да ги спасат животите на бебињата правејќи се што можат:

Друго видеа поставено од akroot4ever покажува пациент приклучен на монитор кој ги покажува виталните знаци… единствениот проблем е што мониторот ги прикажува демо опциите, каде виталните знаци се прикажани како стандардни за здрав пациент, а пациентот кој е приклучен на овој монитор веќе е починат, незабележан од поголемиот дел од персоналот:

Поддршката е голема за др. Акрон според Зенобија на Египетски хроники, каде тимот од доктори се величат за својата решителност да спасуваат животи за време на кризата и за силата да прикажат што се случило во болницата Ал Матриа.

Утро во Амазон… од марк6, користена според Криејтив комонс лиценца

Огромниот интерес за богатствата на Амазон е една од причините за на 23 мај на интернет да се распространат фотографии , кои покажуваат членови на изолирано племе во Амазон како стрелаат кон авионот на фотографот. Меѓутоа, за некои организации, Амазон никогаш не бил далеку од нивните мисли и во овој пост ќе видиме неколку видео од Амазон Воч, а некои од нив беа прикажани на Витнес во изборот на уредниците на Хаб.

За почеток, видео кое го покажува степенот на штетите предизвикани од раководството на одделот за токсичен отпад на нафтената компанија Чеврон Техако, која со години го загадува амазонскиот басен во Еквадор. Во следното видео, група од сиромашни луѓе раскажува за своите здравствени проблеми, рак и нивната тужба против Чеврон Техако, во која бараат компанијата да чисти после себе.

Потоа, раководителот на Хуб, Крис Мајкл ги избра следниве две видеа. Првото, анимација која ја исмејува корпорациската пропаганда и покажува различна перспектива за катастрофата со токсичниот отпад во Еквадор, поканувајќи ги гледачите да дознаат повеќе за судењето, за Чеврон Техако во Еквадор и им одговара на нивните тврдења дека тие постапувале според законот и не биле причина за катастрофата, а воедно дава слика и за штетите од нафтеното експлоатирање во амазонскиот басен на Chevrontoxico.com.

Следново видео ја прикажува приказната за тоа како лидерите на племињата сѐ уште се борат да спречат идни вакви катастрофи и инсистирањето на владата на Еквадор да ја даде под наем земјата каде се сместени резерватите на изолираните племиња за нафтена експлоатација, не само без одобрување од племињата туку и наспроти нивното отворено негодување.

За крај, независен документарец, кој може слободно да се преземе, наречен Правда сега: Луѓето се борат против нафтата. Потоа следи, краток извадок од филмот, кој покажува дека најголемиот нафтен резерват лежи под најразновидниот биолошки регион во Амазон, Јасуни резерватот во Еквадор: