Скептикот од Египет забележува:

Лондонскиот Sun и нешто помалку угледниот Telegraph известуваат дека Мајкл Џексон преминал во исламот. Весниците објавија фотографии од Џексон во Бахреин.

Мислам дека  Run CMD кажа најдобро преку неговиот имејл: „Очигледно е дека сето ова е дел од големиот план на Америка да го уништи Исламот од внатре. Мајкл Џексон работи за Дик Ченеј. Сега се има смисла.“

Од Кувајт, Loft965 напиша:

Според овој напис, Мајкл Џексон преминал во исламот. Овие гласини се шират веќе некое време, но овој пат изгледа е вистина бидејќи сите новински агенции пишуваат за тоа. Започна со Џермејн Џексон, потоа купувањето живеалиште во Бахреин и сега неговото име е Микаел (Mikaeel). Не разбирам зошто мора да се промениш името кога преминуваш во друга вера. Тоа не е задолжително. Тој го има најпрепознатливото име во светот. Не знам што треба да мислам за ова, но тој изгледа добро со вел.

Some Contrast, уште еден кувајтски блогер, исто така ја покрива темата.

Палестинско-американскиот блог Kabobfest, пишува за наводното преминување во исламот на Џексон и неговиот судски случај со бахреинскиот принц, шеикот Абдула бин Хамад Ал Калифа, синот на бахреинскиот крал кој го тужи кралот на поп за 7 милиони долари. Само што се појавија вести дека е постигната спогодба.

Во овој пост, Калаш вели:

Можеби имате слушнато за последната тужба за Мајкл Џексон – бахреинскиот принц му платил милиони долари за албум и книга кои никогаш не биле создадени. Она што веројатно не го знаете е дека Џексон има ас во ракавот…

Кралот на поп музиката премина во исламот. Слушам гласини уште откако тој започна да поминува многу време во Средниот Исток, но деталите во најновите известувања не ми оставаат многу простор за сомнеж. Тој дури го променил своето име во Микаел. Изгледа веќе не се чувствува пријатно во Јеховините сведоци.

Јорданскиот блогер Кинзи реагира на постот, велејќи:

За малку ќе напишев пост за ова, но подобро е да не дојде од мене.

Честитки, дел од исламот. Каква награда. Со среќа, кој и да му помага. Навистина е нешто.

Меѓутоа American Muslim Girl додава:

Знаеш што… Мене ми е жал за него и тој сигурно има некои проблеми, но… не знам… јас не би одбила никој, особено не некој со толку многу „следбеници“.

Поблиску до акцијата, од Бахреин, каде Џексон остана една година и имаше судење со член од кралското семејство со кое пејачот се појави на насловните страници на весниците, Есра од Mideast Youth го објави насловот: Исламот победува: Мајкл Џексон се преобрази.

Таа потоа додава:

Оваа ѕвезда е тужена од страна на принцот поради прекршување на некој „договор“ и поради тоа што не снимил песни за мир или нешто друго. Не дека некој се грижи што тој прави. Но јас понекогаш се грижам, бидејќи пораснав со него. Тогаш не бев сигурна дали е белец или црнец или дали е „забрането“ да го обожувам бидејќи се претвори во пластика. Или жена.

По се изгледа сега преминал во исламот. Сè уште сум во категоријата која не се замара.

Есра исто така пронајде саркастично писмо од пред две години, во кое фиктивен Џексон му се обраќа на светот. Во писмото, Есра пишува:

За жал легално ми е забрането да се доближам до било кое игралиште, поради она недоразбирање со моите панталони. Таа приказна доби многу внимание од медиумите. Зборувајќи за медиумите, не знам зошто сум постојано опкружен со камери. Сигурен сум дека девојчињата и момчињата од Бахреин не сакаат серија од фотографии кои покажуваат како ја уништувам мојата соба со урамена фотографија од нивниот крал.

Јас започнав да носам абаја (црна наметка која ја носат жените во Бахреин).

Последната станица е Israelicool, од Израел, кој забележува:

Исламот има нов, мрднат регрут […] Микаел? Повеќе звучи како да се претворил во руски мафијашки бос.

Но ако искочи дека Џексон преминал во исламот, се прашувам дали тој ќе адаптира некои од неговите стари песни за новите верувања. Претпоставувам „Beat It“ ќе биде најприоритетен кандидат.

Коментирајќи на овој пост, TechyNews пишува:

Ох не кутриот ислам, сигурен сум дека тие не сакаа да им се приклучи мрднатиот Џексон. Исто така дали ова е само негова прилика да носи вел наместо болничката маска за да го покрие неговото лице? Блесав Џеко, бурка е за девојки.

Тихар, фестивал на светлината во Непал. Фотографија од Фликр корисникот Манки Имиџис употребени под Криејтив комонс лиценца.

Pradeep Kumar Singh го опишува „Тихар“ или „Дивали“ во Непал  како:

Дивали не е само фестивал кој доаѓа после Дашеин туку е и најважниот и најочекуван фестивал од Непалците после Дашаин. Славењето трае пет дена. Метеж, кучиња, Бог, крава и браќата (од нивните сестри) се најмногу почитувани во текот на фестивалот. Дивали има одредено религиозно значење и бидејќи е долг фестивал, религиозното значење е исто така долго. Зборувањето за религиозното значење е клише. Меѓутоа пред неколку години од постарите дознав дека исто така има и научно значење. И јас исто така ја поддржувам научната причина за прославување на Дивали што ја „промовира чистотата“. Изворно, Дивали е повеќе за чистотата отколку фестивал. Се блеска и така започнува славењето на единствениот фестивал на светлината, „Дивали“.

Оваа година, со глобалниот економски пад и високата инфлација која го погоди Непал, на земјата навистина и треба некоја божја помош.

Блогот United We ја истакна економската состојба во земјата:

Изјава за печатот од Непалската Растра Банка вели дека храната и пијалаците достигнаа до 13.4 проценти повисока цена додека непрехранбените производи и услугите беа до 12.7 проценти повисоки.

Водена од значителното зголемување на цените на храната и непрехранбените продукти, брзината на инфлација во текот на првиот месец на тековната фискална година се искачи на алармантни 13,1 проценти за разлика од рекордните 6,3 проценти во текот на истиот период од минатата година.

Блогер на Рајтер Пит нуди поинаков поглед на економијата во Непал.

Како и да е оваа економска криза не беше толку сурова со непалската економија. Странските директни инвестиции се целосно одговорни за одржувањето на непалската економија на безбедно ниво. Непалските закони не се многу флексибилни со странските инвестиции, а тоа е така бидејќи: Локалната економија многу зависи од сопствените извори. Берзата е целосно сигурна бидејќи вклучените акционерни друштва не ги вклучат странските компании.

До некој степен непалската економија беше погодена . Еден од главните извори за приход за Непал е паричната пратка од дијаспората која е погодена од рецесијата во западот. Многу индустријалци и бизнис професионалци ја нарекоа непалската економија „изолирана“ во однос на рецесиите во Велика Британија и САД.

Тихар, фестивалот на светлината, поглед од Њу Роад, Непал. Фотографија од Фликр корисникот Рвивек употребена под Криејтив комонс лиценца.

Во непалскиот јазичен блог MySansar, сцената е пoпразнична. Во текот на Дивали, Непалците не е ги слават само боговите на здравјето, туку тоа е и време за нив да им одадат почит на природата и семејството. Вториот ден од фестивалот е ден за кучињата. Човековиот најдобар пријател е чествуван за неговата лојалност.

Во статијата насловена: „Какви се кучињата на лидерите?“ MySansar има фотографии од кучиња кои припаѓаат на непалските политичари, како што е заменик министер Шер Бахадур Деуба, Суриа Бахадур Тапа и поранешниот заменик министер Пашупати Шумшер Рана. Нема споменување на сегашните економски случувања во Непал, но блогерот прави напор за да ја покаже различноста во непалското општество. Младиот маж кој се грижи за кучињата на Шер Бахадур Деуба заработува околу 3.000 рупии месечно (1 американски долар= околу 80 рупии), а Шер Бахадур Деуба троши 30.000 рупии на своите кучиња.

Фотографијата искористена за почетната страница е од Фликр корисникот Субхакар Манандхар

Скоро веднаш, весниците започнаа да добиваат поплаки за нивното вклучување на ДВД-то, кое беше финансирано од фондот Кларион, група која е создадена за ја победи „најитната закана од радикалниот изламизам“. Блогерите во САД и од странство го изразија својот бес и кон дистрибуцијата на ДВД-то и кон злосторството.

Јорданскиот блогер Али беше разбирливо навреден во тоа време:

Додека ние Арапите и Муслимани бевме зафатени мислејќи на храна за време на Рамазан и гледајќи ги Боб Ал Хара и Асмахан и останатите 120 серии на телевизија, овозможувајќи си го нашето наргиле после Ифтар, некоја мистериозна група или организација го испраќаше ова вознемирувачко ДВД. ДВД-то беше силен удар за исламот и муслиманите и ги предупредува Американците за можни терористички напади.

Јас го гледам ова како типична пропаганда за сеење страв, која секогаш го таргетира американскиот народ околу националните празници и годишнини за да го потсети дека тие необразовани, дивјаци убијци се сè уште таму некаде и се подготвени да нападнат.Дали може да ја замислите направената штета за муслиманите и Арапите и лабавата слика која ние ја имаме во западот и во САД?

Не сите Американци се добро информирани или патуваат често, па дури некои немаат ни запознаено муслиман. Затоа такви ДВДа со омраза ќе направат големо негативно влијание врз начинот на кој тие ги гледаат муслиманите и Средниот исток. Ова нема да биде тешко само за релацијата помеѓу Западот и Истокот, туку ќе биде тешко и за Американците со арапско потекло кои живеаат во Америка, кои може да бидат малтретирани или да бидат жртви на злосторства од омраза.

A Tale of Three Beans, исто така јордански блогер, одговора на постот на Али на нејзинот блог. Таа напиша:

Па, додека сум на темата за погрешно наведување и потполни лаги, сакам да се навратам на пост од Али. Знам дека тој мисли дека сум го пропуштила неговиот коментар, но ова е една од оние конверзации која бара многу размислување. Постот на Али беше за разделувањето на 28 милиони копии од „Опсесија“ на гласачите во неопределените држави во САД. Сега, пред многу време, научив да не коментирам нешто за што немам добро познавање. Затоа, го посетив ЈуТјуб и го гледав филмот. Поделено е на 10 шест-минутни сегменти. Сега ги склопив моите идеи и имам неколку мисли.

Таа потоа се задлабочи во некои од прашањата поврзани со видеото, откривајќи митови и поправајќи ги грешните преводи. Таа исто така наведе дека има неколку точни работи во ДВД-то и напиша:

Една фундаментална порака, која следбениците на Исламот ќе ја добијат, е дека Американците, просечните Американци, се плашат од вас. Не, не само од радикалните муслимани – од сите муслимани. Ова е нормално, природно. Ние скоро секогаш се плашиме од она што е различно. А вие изгледате различно. За жал, и немуслиманите и  оние слични на муслимани се вклучени во овие групи и се сметаат за различни. Наместо да се истакнуваат сличностите помеѓу Рамазан и Големиот пост, за да се помогне во поврзување на разбирливите разлики, пораката која се испраќа е дека христијаните нема да го разберат постењето (што кажува многу повеќе за недостаток од разбирањето на христијанството од било што друго). Исламот и христијанството можеби се разликуваат многу, но исто така имаат и сличности. Доколку можете да им помогнете на Американците да го сфатат тоа, така на сите ќе ни направите услуга. Секој од вас може да игра улога на амбасадор на вашата судбина.

На крај таа заклучува:

Реалноста за Американците е дека можеби ние не сме најсвесните луѓе на светот (но не сме ни најмалку свесните) , но сепак е земја со добри луѓе. Тие стануваат секое утро и појадуваат. Тие напорно работат за ги издржуваат своите фамилии. Тие ги сакаат своите деца и го сакаат најдоброто за нив. Колку повеќе работи се различни, толку повеќе тие се исти. Американците се исти како Јарданците. Тие се луѓе кои се трудат најмногу што можат за да живеат и се грижат за своите фамилии. Разбирањето дека било кои разлики во традицијата се само тоа – разлики во традицијата – може да помогне во поврзувањето на овие разлики. Запомнете дека додека вие можеби се согласувате дека американските жени се неморални, на ист начин Американците се согласуваат дека арапските жени се потчинети и без права. Ниедна слика не е целосно точна. Јас мислам дека доколку сите се обидеме да се разбереме подобро (што не значи дека ќе станеме исти) , нашите дискусии ќе бидат побогати и можеби ќе можеме да го напуштиме стравот и да продолжиме напред со разбирање и почит.

Писателот и блогер Лаила Лалами искажува неколку ставови за ДВД-то, но тврди дека нема да направи некоја значајна разлика:

Јас мислам дека ДВД-то нема да има некакво влијание на државите кои сè уште не се одлучени за претседателските избори. Ние сме толку преплавени со исламофобија со САД што тешко дека некоја гласач ќе се замисли од уште еден празен филм за тоа дека муслимани-еднакво-терористи и веројатно веќе се имаат одлучено за изборите (и сигурно нема да биде за Обама).

Авторот од Мароко на Глобал војсис Лала Лидиа објаснува зошто сите треба да го гледаме видеото:

Забележав дека многумина од вас ја препознаваат оваа слатка и надвор од сезона картичка со љубов (Валентајн картичка) како пропаганда и ја фрлаат во отпад.

Би сакала да не го правите тоа. Гледајте го, како јас што направив. Земајте забелешки.

Јас мислам дека е добро направен. Ја постигна целта да ги исплаши гледачите со зголемувањето на полумесечината, напнатата музика и многуте слики од терористички напади низ светот.

Помалку од една недела откако ДВД-то беше дистрибуирано, деца од џамијата во Дејтон, Охајо беа жртви на злосторство од омраза во кое беше фрлен гас преку прозорец од зградата. Блогерите веднаш ги поврзаа двата настана и покрај демантирањето на традиционалните медиуми.

КАБОБфест, блог кој е пишуван од група најчесто Арапи-Американци, извести за инцидентот:

Дали е само коинциденција што овој напад се случува по дистрибуцијата на „Опсесија“ во регионот? Можеби е и се надеваме дека полицијата ќе го истражи доволно за да ни даде одговор на ова прашање.

Ова алармантно, исламофобично видео беше испратено во неопределените земји од страна на непозната непрофитна организација, фондот Кларион. Се тврди дека има испратено 20 милиони копии. Многумина ќе го препознаат како видео со омраза што навистина е, но други може да ги обезбедат своите домови и да го нападнат непријателот – и овој бесмислен напад може да е еден таков случај.

Интересно, никој од традиционалните медиуми не известуваше за овој настан. Можеби доколку муслиман извршеше паралелен напад на црква или синагога тоа ќе беше топ вест. Што се случи со „маж гризна куче“ теоријата за интересот на медиумите? Можеби треба да ја обновиме изреката за да ја одразува модерната етногеографија на насилството: „Додека некој напаѓа муслиман, тоа не е вест. Но кога муслиман напаѓа белец, тоа е вест!“

A Diamond's Eye View of the World, Американец кој блогира за Либан, не потсетува дека имаме право да протестираме за дистрибуцијата на ДВД-то, споделувајќи ја адресата на фондот Кларион и поттикнувајќи не да напишеме љубезни писма:

Доколку сакате да го контактирате фондот Кларион, адресата која беше дадена на ДВД-то е:

255 W. 36th Street, Ste. 800
New York, NY 10018
(646) 308-1230

Само запомнете: бидете љубезни, професионални и искажете ги вашите ставови користејќи докази, а не лични навреди.

Исто така е формирана група наречена Опсесија со омраза за борба против пропагандата со филмот.

Пишувајќи на Mideast Youth, Бахраини Есра забележува:

Со цел да ги лечи своите вознемирувачки искушенија, саудискиот свештеник Мухамед ал-Хабадан предлага едно многу соодветно решение за жените: еднооко фереџе.

Таа продолжува:

Одлично! Јас ќе започнам да дупчам дупки во моите чаршафи веднаш.

Но со сета сериозност, вака вознемирувачки предлози само уште повеќе ги третираат жените како предмети, поканувајќи “религиозни“ свештеници да ги малтретираат и да не покажуваат почит кон нив на начин кој повеќе не е прифатлив.

Јас имам еден попогоден предлог за свештениците кој е понаклонет кон нив од овој лажен повик; извадете си ги очите со чекан за клинци ако сакате да се воздржувате да не бидете заведени. Жените не треба повеќе да ја плаќаат цената на вашиот пореметен и болен менталитет.

Од Мароко, Миртас чади од лутина, опишувајќи го ова правило како  “Исламски погрешна  фатва (легално мислење или декрет донесен од исламски религиозен лидер)“. Таа исто така прашува:

Се прашувам колку жени би сакале да му извадат другото око на шеикот Мухамед заради неговата глупава фатва.

Палестинецот Хаитам Саба го опишува едноокото фереџе како “смешно, апсурдно“

Тој вели:

Ова излегува од контрола. Апсурдно…

Понатаму продолжува:

Зошто тие не ги присилат жените целосно да го покриваат лицето и со тоа да го затворат прашањето? Како го нарекувате ова? Религија или ислам? Никако!

Ох… патем речено… дали некој знае кое око треба да биде покриено? Левото или десното? (Претпоставувам левото затоа што тие цело време ни кажуваат да правиме работи со нашите ДЕСНИ нешта… Aх… сега го сфаќам правилото. „Прави ги добрите работи со ДЕСНИТЕ нешта.” Еве од каде дојдоа човековите “Права“ и каде ги гледаме во акција.

Да живее долго “Едноокото фереџе.”

Сабах исто така постави и фотографии од тоа како би изгледале жените носејќи еднооко фереџе, кои може да се видат овде.

Таа пишува:

Не е голема тајна дека бројот на Египќани кои веруваат дека Египет треба да стане секуларна нација се зголемува. Главно, интелектуалните, билингвални, добро-образовани луѓе сфатија дека нивните интер-религиски напори ја уназадуваат земјата.

Присуството и на секуларните и на религиозните Египќани, заедно со нивните дебати и борби, дефинитивно се почувствува во блогосферата и групите на Фејсбук. Раха објаснува:

Од друга страна, бројот на исламски фундаменталисти и муслимански браќа се зголемува. Нивните џихад методи еволуираа од мечови, бомби, банери, стикери и ленти во инвазија на онлајн светот.

Сигурно постојат уште оружја кои двете страни може да ги користат покрај аргументите и дискусиите на интернетот како воено поле. Раха објаснува:

Либералните активисти на Фејсбук беа главната цел на хакерите кои ги презимаа профилите, ги менуваа имињата на сопствениците, испраќаа пораки до нивните пријатели, ги бришеа профилите, ги саботираа нивните групи и користеа непристојни фотографии и зборови за тотално да го посрамотат сопственикот на профилот.
Групите кои беа нападнати започнаа да објавуваат навредливи пораки за администраторите кои изгубиле контрола врз групата и хакерите имаа поголем пристап до луѓе кои не сметаат дека Египет е исламска држава. Покрај нападите, тие креираа и лажни профили кои ги имитираа тие познати либерални писатели и активисти.
Еден од активистите рече „мојот профил беше нападнат, што е многу болно, особено што претходно ги изгубив сите мои податоци при приклучување на мрежа и морав да започнам од почеток. “
Друг активист рече „Јас им предложувам на сопствениците на групи секогаш да имаат резервен профил, а истото важи и за администраторите; Овој совет го добив од други сопственици на групи. Не ми се допаѓа идејата за не користење на мојот профил. Повеќе сакам да бидам јас, доколку постојат болни луѓе тоа е нивен проблем. Фејсбук ни овозможуваше да се споиме и да се запознаеме меѓу себе, но ако треба да поминувам низ вакво нешто, тогаш подобро да не го користам воопшто.“

Фотографија од Гугл лого од Фликер, од егг: Користена под Криејтив комонс лиценца

Блогерите имаат различни мислења и гледишта за причините и предлозите. Прв за ова почна да зборува Бајтс85 на ПроПракистани, а подоцна беше поддржан од многу блогери. Следуваат мислења на пакистанските блогери:

Сохаб Атар на Навистина Виртуелно пишува:

Јас лично мислам дека Гугл не покажува воопшто лога за муслимански настани поради нивната политика за „Не прави зло“ ;). Сериозно, Гугл не може да биде присилен да ги задоволи сите кориснички барања, посебно што овие лога се второстепена одговорност на човекот кој ги креира, но сепак:

• Гугл има лога за други религиозни празници
• Муслиманите се голем дел од нивната корисничка база – многу поголем од на пример Пакистанците или луѓе кои го сакаат Ешер.
• Гугл има лога за родендени и други денови, кои само мал дел од светот ги прославува
• Гугл е јавна компанија

…но досега да нема лого за ниеден муслимански настан/празник, пораката што ја испраќаат, за многу муслимани, кажува нешто ко „Ние сме најголемиот веб сајт во светот и сме глобална компанија, но не се грижиме многу за муслиманската култура и не сметаме дека е вредна за лого“ – навистина лош маркетинг.

Од друга страна, некои блогери се поучтиви и ги искажуваат своите гледишта за причините поради кои Гугл не сака да се вклучи во контроверзијата со карикатурите.

Еве што мисли Тит Маестро:

Она што навистина фали во бескрајниот список на илјадници Гугл лога е некое наменето за муслиманска прослава, дали ќе биде за Еид или било кој друг празник, кое ќе покаже дека може да се направи графика за муслимански настан и да не навлезе во потенцијална контроверзија, но јас ве уверувам дека постојат начини со кои ќе се обезбеди дека ваквите напори нема да завршат лошо.
[…]
Пакистан е на мапата на Гугл веќе некое време, но сè уште треба да бидеме почестени со графика за денот на независноста на Google.com.pk, нашите соседи Индија имаат добиено неколку вакви лога како што е за Дивали, па дури и 15ти август на Google.com.in сајтот. Но ние тука во Пакистан со нетрпение чекаме на вакво лого.

Го поттикнувам Гугл сериозно да ја разгледа нашата скромна молба, нема да биде на штета ако ги изненадат муслиманите и Пакистанците со прилагодено лого.

Сервисите на Гугл ги освоија повеќето пакистански и муслимански интернет корисници. Многумина го преферираат Гугл пред неговите конкуренти. Затоа не е во ред Гугл да има предрасуди кон ниедна заедница. Затоа е надевам дека Гугл ќе ги слушне нашите барања и ќе постави лого за Еид овој пат :).

Од Кувајт, интлкспатр беше во својот дом кога неочекувано некој тропна на нејзината врата:

Ѕвончето заѕвони.
Никој не ѕвони на мојата врата. Вратарот секогаш се јавува да ми каже дека пристигнал некој посетител.
“Кој е таму?” прашав гласно.
“Тоа е ГИРГИЈАН!” заѕвони еден хор на гласови.

Гиргијан е детски празник, нешто како Халовин (Денот на вештерките) некаде на половина од месецот Рамазан, кога деца облечени во костуми доаѓаат и ѕвонат на вратите, и им се даваат слатки работи , понекогаш пари. Ако имате среќа, тие ќе ви испеат песничка. Моето разбирање е дека нормално децата одат кај своите семејства, како тетки и чичковци и роднини и кај блиските соседи.

Излишно е да се каже дека интлкспатр беше восхитена од ова изненадување:

Влегоа внатре осум прекрасни мали Кувајтчиња, сите зборуваа англиски, сите облечени од глава до петици во најубави алишта и накит, бели наметки и капи за молење, прекрасни рачни везови со позлата, фустани со везови и тантели и светкави здолништа, златни фризури –ох! Тие беа преубави!

Никој досега не дошол за Гергијан. Јас немав ништо подготвено. Фала му на Бога што Адвенчрмен сака слатки работи и фала му на Бога тие беа љубезни и изгледаа одушевени со полни раце Орео колачиња и мачмалоу слатки, кои беа се што имав да им дадам.

Некои денови, едноставно не знаете каков благослов ќе се појави. Овие драги дечиња ми го разубавија денот.

Таа дури и сподели видео од прославата од кувајтски блогер Чикапапи поставено на ЈуТјуб:

Зеинобиа е загрижен што младите луѓе се вклучени во насилство на ваков начин и уживаат во убивање на следбеници од друга религија:

Нема да негирам дека ова е вознемирувачки, бидејќи оние кои ги играат овие игри се најчесто од младата генерација и се растени со омраза кон други религии и нивните следбеници до тој степен што сакаат да ги отстранат. Ширењето на културата на насилство преку ваков начин не е помалку опасно од другите начини на ширење. Видео игрите се докажува дека се се повеќе опасни, ГТА инспирирани насилства се движат од Северна Америка до Азија.

Тарек покажува слично мислење:

Проблемот тука не е самата игра; тука ме плаши онаа бескрајна верижна реакција. Медиумите, околностите и фундаментални дела од Вахабите започнаа од пред некое време, и со тоа сите тие успеаја да ги исперат мозоците на луѓето и да креираат стереотип за злобни муслимани во нивните мозоци. Потоа луѓето како данскиот карикатурист и развивачите на компјутерски игри започнаа да го развиваат овој стереотип и да го пренесуваат на медиумите и луѓето. Најискрено не можам да кажам како оваа бескрајна јамка ќе заврши. Всушност некои разумни весници и ТВ канали од западот започнаа некои напори со цел да го сопрат сево ова, но сега е како дух, откако ќе го извадиш од шишето, тешко е да го вратиш назад.

Египетскиот блогер Саса, на нејзиниот блог Приказни од минатото цитира еден извештај објавен на египетската веб страница Масрави, која неодамна објави приказна за тоа како Египет е подготвен да го пречека светиот месец.

КАИРО – еден извештај за иранската новинска агенција споменува дека Рамазан има поинаква арома во Египет, особено тоа се должи на наследените традиции кои се задржани и одржувани од египетските семејства стотици години наназад, некои датираат уште од времето на Фатимите. Скоро да не може да се најде една улица во Египет без декорации, кои му посакуваат добредојде на светиот месец. И до стартот на месецот, египетските улици достигнуваат 180 степени, со малите деца натпреварувајќи се да имаат најубава улица во областа, со декорации и закачување на обоени знамиња.

Таа продолжува:

Исто така ретко може да се најде улица без продавница која продава Фаванис [традиционални фенери, светилки] или оние за снабдување на храна за Рамазан, сега подобро познато како Рамазанска торба. Таквите торби содржат основни прехранбени продукти кои ги купуваат богатите за да им раздаваат на сиромашните и луѓето со ниски приходи, со тренд кој секоја година се зголемува, да застане рамо до рамо покрај Масата на милостина [храна гозба за сиромашните], која рефлектира солидарност помеѓу Египќаните и покрај тешките економски услови кои ги искусуваат сиромашните класи во Египет.
И во турата низ бројните Египетски улици за набљудување на овој феномен, почетната точка беше Гиза, каде продавниците за Фаванис беа распрскани насекаде, со освежителни продажби.

Таа исто така споменува и нов тренд помеѓу двојките во Египет:

И новиот тренд оваа година, е дека Фаванис светилките не се повеќе омилени само меѓу децата, туку тоа исто се проширува кај возрасните, каде верените двојки сакаат да си подарат Фаноус (еднина за Фаванис) за својот вереник/чка, како симбол за оптимизам да се влезе во среќен брак.