Фотографија на ЈМРобледо користена под Криејтив Комонс лиценца

За секој Аргентинец кој патува низ светот, секој разговор со локален жител обично вклучува и споменување на едно презиме: Марадона. Диего Марадона сигурно е најпознатиот Аргентинец во светот и се што прави обично станува важна вест. Сега е уште поактуелен, бидејќи е назначен за иден тренер на Аргентинскиот национален фудбалски тим. После оставката на Алфио Базиле предизвикана од очајните резултати, Аргентинската фудбалска федерација остави многумина во исчекување со долгото избирање на кандидат. Многу Аргентинци се оставени да се прашуваат како најдобриот фудбалер играч ќе се покаже како тренер и би обезбедил квалификација на земјата за Светскиот куп во 2010.

Во блогот E-Blog [шпански], Леандро Занони ја брани одлуката и вели:

La Asociación del Fútbol Argentino (AFA) hizo justicia con la historia. Nadie hoy por hoy merece el puesto más que Diego…Grondona se dio cuenta de que hoy la selección necesita otra cosa, un golpe de timón, un motivador y un líder a quien respetar y no tanto título local acumulado.

Одбрана за Марадона има и на англиски на World Cup Blog.

Од друга страна , блогот BlogBis [шпански] го критикува назначувањето на Марадона за тренер и вели дека имало и подобри кандидати:

Sobran entrenadores capacitados y profesionales en el país. Pero no se opta por primar la profesionalidad ni la capacidad sino por conceptos tales como “pasión por la camiseta”, “dá ánimos a los jugadores”, etc”… Como jugador hizo historia pero como entrenador ha sido lamentable. Pero sus antecedentes no valen aquí. La adoración endiosada es lo que ha ganado

Други мислења за оваа тема можат да се најдат на блогот на Marcelo Gantman [шпански]; Cuaderno Contable [шпански]; Selección Deportiva [шпански]; y Empresas Contables [шпански].

Ова видео доаѓа од Манос Куентера (раце кои раскажуваат приказна) од Аргентина. Тие го искористуваат националниот ден на глувите во Аргентина за да и раскажат на својата публика на аргентински знаковен јазик и шпански титлови дека тие наскоро ќе издадат книги со приказни на знаковен јазик за глувите деца. Во делот за коментари на овој шпански телевизиски клип, кој прикажува група од луѓе кои преведуваат бестселери и класици како Хари Потер, Ромео и Јулија и други книги на шпански знаковен јазик, ЈуТјуб корисниците објаснуваат како глувите луѓе имаат проблеми со читање, бидејќи користениот јазик не е сличен на јазикот кој тие го користат секојдневно за комуникација.

Јазикот со знаци не е универзален и зависи од говорниот јазик. Повеќето земји имаат свои адаптации и понекогаш, како што е случајот со Велика Британија и САД, знаковните јазици се комплетно различни, иако двете земји имаат ист говорен јазик. Повеќе информации за користење знаци може да најдете тука, а на ова видео, ЈуТјуб корисникот мергфкт, ни раскажува на англиски за историјата на АЗЈ (американскиот знаковен јазик) и генерално за заедницата на глуви луѓе.

Описот и снименото видео [es], поставени од емилиорис од веб сајтот КонтеДиректо, ја кажуваат истата приказна: учениците и родителите од 106 средното училиште, лоцирано во руралната област од Генерал Рока се врзале себеси за регионалната канцеларија на комората за провинцијално образование. Мора да спомнеме дека од 11 јуни, образовниот комитет го реши проблемот со окупирањето на зградата со договор дека ЦПЕ ќе ги проследи нивните ветувања направени минатата година и ќе започне до проширување на нивните згради, бидејќи моментално тие имаат само 3 училници за 240 студенти.

Учениците исто така се движеа низ кампусот и го снимаа ова видео [es]: Може да ја видите калта на патот, отворената канализација, ученици кои имаат часови во ходници, малата кујна каде се подготвува млекото за учениците, празни училници, а позади делот каде тие го имаат физичкото образование, кое од време на време е поплавено од полната септичка јама.

Следново видео [es] е од одлуката на учениците да го окупираат училиштето, како начин за да го покажат своето незадоволство за начинот на кој регионалната администрација ги игнорира нивните барања. Во еден дел од филмот, запрашан е еден од учениците дали окупацијата на школото ќе ги попречи часовите, на што ученикот одговара дека тие имаат веќе изгубено многу часови поради проблемите со цевките, не работењето на сијалиците, поплавите и недостигот на училници.

Еквадор – Кроника Керо [es] напиша за иконата која што Бетанкур постана:

СЛОБОДНА. Баш така со големи букви. […] Бетанкур стана универзален глобален имиџ. […] Го отворивме весникот и го видовме нејзиното ослободување, ние се солидираме со нашите браќа од Колумбија, оние кои бараат мир пред конфронтација. Бетанкур е симбол за борбата против киднапирањето. Денес, Колумбијците се будат различно. Мислам дека и светот, кој сочувствуваше со нив и беше трогнат од нивната приказна, се буди различно.

Боливија – Карлос Густаво Мачикадо Салас од Гучиос [es] ги коментира зборовите на Бетанкур после нејзиното ослободување:

За мене, најважна беше пораката од Ингрид за љубов и опростување, дека таа се молела за смрт и за герилите и како додаток, таа го понуди своето опростување. По тешкотијата и малтретирањето кое таа мораше да го преживее, секој би помислил дека таа би имала само омраза и презир во нејзината душа, но баш спротивно, таа зрачеше со духовен мир и неверојатна поврзаност со Господ. Тоа беше нешто навистина прекрасно и треба да не натера да се насочиме кон нашите мисли за животот.

Аргентина – Мариан Б од Разновидни, Бесмислени и Непотребни Лутања [es] исто така го истакнува говорот на Бетанкур:

Го слушам нејзиниот говор на аеродромот и им завидувам на Колумбијците бидејќи уште еднаш може да се пофалат со одличен, исклучителен и неверојатен политичар. Ќе биде од голема важност за Колумбија ако таа се кандидира за претседател и биде избрана.

Гватемала – Пренса Негра [es] е задоволен бидејќи претседателот на Венецуела Хуго Чавез имал многу малку поврзаност со спасувањето:

Спасувањето на Бетанкур, без сомневање, беше најконтроверзното киднапирање од ФАРС во последните години. Најдобро од се е тоа што беше направено без помош од Чавез, бидејќи ако тој имаше нешто со тоа, ќе слушневме се околу тоа!

Перу – Меносчанас [es] пишува за тоа што значи ова за герилската група ФАРС.

Насмевките на поранешните затвореници покажува дека ова е еден од најјаките удари на ФАРК, бидејќи сите погледи сега се насочени кон Колумбија. Случајот на Ингрид Бетанкур е најпрепознатливиот и насмевките и прегратките помеѓу поранешните затвореници и повторното обединување со нивните сакани, покажа дека после долг кошмар, сепак може да излезе од него.

Диана Зорила од Морена Ескриб [es] пишува:

Таа стана симбол за катастрофата која ФАРС му ја нанесе на колумбискиот народ и нејзиното ослободување, заедно со другите 14, е многу важна морална победа за Колумбија.

Парагвај – Едвин Бритез од Деречо Вијо [es] пишуваше за Бетанкур претходно во декември и повторно пишува за добрите вести кои се рашириле низ земјата:

Задоволен сум што знам дека денес многу луѓе излегоа на улиците од Асунчион и ја покажаа својата среќа со свирење од автомобилите, за ослободувањето на Ингрид. Многу од нив беа жени. Денес, сите ние, на некој начин, сме послободни од претходно.

Извештајот од Технолошкото партнерство на Фондацијата на Обединетите Нации и Фондацијата на групацијата Водафон објавен во април ги опишува многуте различни начини на кои се користат мобилните телефони за вршење општествени промени низ светот. Насловен е како „Безжична технологија за општествена промена: Трендови во користењето на мобилните уреди од страна на НВОи“ [ПДФ].

Подолу, ги наведов еколошките иницијативи нагласени од авторите на извештајот, Шила Кинкејд (шерајдија.орг) и Кетрин Врклас (мобајлектив.орг). Исто така наведов некои нови проекти кои се појавиле оттогаш.

Аргентина

Користејќи мобилни телефони, Гринпис во Аргентина можеа да соберат приврзаници и успешно да го донесат првиот сојузен закон за заштита на шумите во Аргентина. Блогот МобајлЕктив пишуваше за нивните заложби за спасување на дрвата овој месец:

Мобилните телефони не се ништо ново за Гринпис Аргентина. Организацијата користеше мобилни телефони повеќепати за да го мобилизира својот список од 350.000 лица корисници на мобилни уреди за успешно да лобираат за битното еколошко законодавство. Едно од значајните достигнувања на Гринпис беше усвојувањето на Леи де боск, односно Законот за шумите.

Според извештајот „Безжична технологија за општествени промени“, Гринпис го постигна ова преку создавање на голема база на податоци која содржи имејл адреси и телефонски броеви од мобилни телефони на луѓето кои потпишаа петиција со која го поддржуваат Законот за шумите. Освен тоа, тие испратија предупредувања во вид на текстуални пораки за време на критичните сослушувања, и пред гласањата на градскиот совет. Тие исто така ги координираа демонстрациите и состаноците користејќи текстуални пораки.

Гана

Во Гана, еден проект покажа дека мобилните телефони може да се трансформираат од типична алатка за комуникација присутна насекаде, во супер-чувствителна алатка за прибирање на податоци за околината. Ова се постигнува преку поврзување на специјален сензор со еден мобилен телефон. Сензорот прибира научни информации за квалитетот на воздухот или урбаните сообраќајни шеми, кои подоцна може да се проучуваат или да се претстават на Гугл мапа.

Корин Рејми пишуваше за оваа иницијатива на блогот МобајлЕктив во април:

Во рамките на студијата Акра, седум таксисти добија џи-пи-ес уреди на нивните шал-табли и цевка која виси од прозорецот на совозачот и содржи сензор за јаглерод моноксид. Слично на тоа, на тројца студенти им беше даден мобилен уред со сензор за јаглерод диоксид и џи-пи-ес систем. Од таксистите и студентите беше побарано да ги носат нивните сензори колку што е можно повеќе за време на нивните нормални секојдневни активности. Сензорскиот систем автоматски запишуваше податоци во текот на денот. На крајот на секој ден, пробните учесници ги оставаа нивните сензори на една централна локација каде што се вадеа податоците, а се полнеа сензорите. Боите го претставуваат поединечното исчитување на јаглерод моноксид за време на 24 часа низ градот. Црвените кругови се всушност местата на исчитување.

Кениа

Извештајот „Безжична технологија за општествена промена“ ја опишува тензијата во областа Лаикипија, Кенија помеѓу сопствениците на земјиште и животинскиот свет. Животните ги убиваат земјоделците и ги уништуваат нивните посеви. Се убиваат слоновите и другите животни. Програмата за спречување на конфликт која користи технологија на мобилни телефони, овозможува комуникација помеѓу локалната заедница, персоналот одговорен за животинскиот свет и сопствениците на земјиште.

Пилот проектот користеше технологија „Притисни за да зборуваш на мобилен (телефон)“, која ја комбинира функционалноста на воки-токи или двонасочно радио со мобилен телефон. Оваа технологија овозможува комуникација помеѓу двајца поединци, или група луѓе, и е особено корисна во поврзувањето на корисничката група од време на време во одреден период (на пример еден работен ден).

Јужна Африка

ФишМС е СМС услуга од Одржливата иницијатива Јужноафриканска морска храна која ги информира потрошувачите за статусот на глобалните рибни резерви. Корисниците го испраќаат текстот со називот на рибата која сакаат да ја купат на +44 (0) 79 499 8795, и веднаш добиваат совет дали рибата била добро одгледувана, и дали треба да подразмислат пред да ја купат. Следува видеозапис кој ја прикажува оваа алатка во акција (краткиот филм беше снимен на мобилен телефон – Нокиа Н93).

Обединето Кралство, САД

ЕрТекст е систем кој испраќа СМС порака, гласовна пошта или имејл кој содржи информации за нивоата на загадување во одредена област на Лондон. Услугата е наменета за лица со кардиоваскуларни и болести на дишните патишта. Постојат слични услуги за специфични локации во САД, вклучувајќи го Ерго (разни поштенски кодови) и АДЕК (во Аризона).

МобГесПипл кои би сакале да знаат колку изнесуваат нивните емисии на гасови кои придонесуваат за ефектот на стаклена градина, може да ја симнат апликацијата МобГес на нивниот телефон, со што им се овозможува да известуваат за сопствените активности, на пример готвење, гледање телевизија или возење.

Од Извештајот „Безжична технологија за општествена промена“:

Со помагањето на корисниците да ги поврзат нивните дневни активности и испуштањето на гасови кои придонесуваат за ефектот на стаклена градина, МобГес се надева дека ќе ги охрабри поединците да го променат својот стил на живеење. Апликацијата исто така нуди совети околу тоа како да ги менувате активностите за намалување на емисиите на гас.

Џош Катоун на Ред Рајт Веб блогот го истакнува ФјулФрог – кој е сличен проект. Тоа е апликација која го користи Твитер за следење на потрошувачката на гориво од страна на корисниците:

Фјуел Фрог е исклучително едноставен, и навистина корисен. По секое полнење, корисниците ги внесуваат пропатуваните милји од последното полнење, платениот износ, и износот на бензин во галони. Со тек на време, ФјуелФрог ќе ја следи и графира вашата потрошувачка на гориво за да можете, на пример, да ги идентификувате трендовите на цените на гориво во вашата област, да видите колку гориво троши вашето возило (можеби е време да се напумпаат гумите?), колку возите и колку трошите.

ГлобалВојсис инвајронмент им се заблагодарува на МобајлЕктив и Шерајдиас за извештајот, и би бил заинтересиран за други примери од читателите за користењето на мобилни телефони за еколошки активизам.

Погледнете го и нашиот последен напис околу тоа како ГлобалВојсис ја истакнува употребата на технологиите Веб 2.0 за еколошки активизам.

Со поставување на видео на ЈуТјуб, аргентинските средношколци успеаја да привлечат огромно медиумско внимание[es] за своето барање: потребата од зграда во која ќе се одржуваат нивните часовите. Моментално Ипем 112 „Цезар Инигвез Монтенегро“, во Себастион Елкано, село на северот на Кордоба ги одржуваат своите часови во основно училиште. Меѓутоа, бидејќи основното училиште има двојни смени, средношколците се присилени своите часови да ги одржуваат во вечерните часови, како во ноќно училиште.

Родителите на овие ученици ја превземаа зградата на крајот од март и одлучија дека нема да ја напуштат додека не видат машинерија и дел од конструкцијата на нивната ветена зграда или барем да добијат официјален датум за почеток. На почетокот на оваа година, им беше ветено дека до март тие ќе имаат училиште. ИНЕМ студентите посетуваа часови за општествени науки и комуникации, со чија помош снимија емисија за локален телевизиски канал, а сета оваа содржина беше поставена на веб за да ја погледнат повеќе луѓе. Всушност, веста се прошири низ цела Аргентина со помош на нивниот ЈуТјуб канал.

На следново видео на шпански, родителите зборуваат за како тие ја чекаат владата 20 години за да го изгради ИПЕМ 112 училиштето, како директорите на основното училиште Карпани Коста, каде средношколците ги слушаат часовите, им дозволиле мирно да го преземат училиштето и како тие ќе го окупираат училиштето комплетно додека не го видат почетокот на градбата на ветената зграда.

Фотографија на Санти Бој, користена под Криејтив комонс лиценца

Твитер беше една од најозборуваните алатки во 2007 и со негово користење се создаваа заедници околу кратките пораки или микроблогирањето. Многумина брзо ја увидоа неговата корисност или неговиот “модерен” статус. И покрај сево ова, Твитер и понатаму се користи од се повеќе корисници и со илјадници пораки на ден. Во една таква заедница, се родила идејата за креирање на мрежа од аргентински веб претприемачи. Сантиаго Сири коментира дека би било интересно да се соберат сите заедно, бидејќи многу веб 2.0 иницијативи во Аргентина најчесто се случуваат надвор од Палермо, еден од најтрадиционалните квартови на Буенос Аирес.

Марино Амартино од Веблогс Собре Веблогс [es] го резимира настанот:

За Венеса Колоџеј, инвеститор во ризичен капитал, идејата изгледаше интересна: заедно со другите од Твитер заедницата, резервирано е името на доменот, поставен е блог [es] и за помалку од 3 дена се случи првата ноќ од Долината Палермо: среќни часови (happy hour) за запознавање на соседството и запознавање други заинтересирани за веб 2.0. Според нивната проценка, очекувале присуство на 20-30 луѓе, но се појавиле повеќе од 70 и секој од нив вклучен во локален интернет проект.

Долината Палермо се претвори во редовен собир на локални претприемачи, токму поради одличниот одѕив на иницијативата на 21 февруари. Тие многу брзо го отворија својот блог, каде беа опфатени случувања од настанот и листа на блогови кои го спомнуваат настанот [es]. Психогик [es] го резимира настанот на овој начин:

Денес бев на првиот собир на Долината Палермо. Беше импресивно да се види колку луѓе присуствуваа на настанот само со поканување преку блогови и твитер. Барот во кој што се собиравме беше преполн, бидејќи лесно можеше да собере 25 луѓе, но на собирот беа повеќе од 70!!!!

Целта на настанот е да се креира место за комуникација на локалните претприемачи кои започнуваат проекти, а немаат доволно ресурси за нивно промовирање. Како додаток, овие претприемачи имаат и друга причина: создавање мрежа од потенцијални инвеститори. Поради успехот на настанот, некои од организаторите стартуваа паралелен настан наречен Започни ме Аргентина [es], кој тие го дефинираа на овој начин:

Започни ме Аргентина е вистинско место за спојување на сите оние кои започнуваат онлајн компании, со цел да се запознаат едни со други и да ја креираат следната генерација на веб 2.0 компании од Аргентина нив овие настани, оваа година.

На 13 март, се случи второто собирање на Долината Палермо. Првиот настан привлече 70 луѓе, но овој пат повеќе од 300 беа во публиката и листата на веб проекти брзо растеше. Блогот на Упту [es] има резиме на таа ноќ:

Годој (избраниот бар за настанот) привлече околу 300 луѓе и беше малку преполно, но во основа беше добар избор. Фактот дека присуствуваа повеќе луѓе од минатиот пат покажа две работи: прво, постојат многу луѓе кои работат на веб, второ, постојат многу други заинтересирани за започнување на вакви онлајн бизниси и ги користат овие настани за поставување прашања, на кои - иако не сме најискусни – одговараме и се надеваме дека нашите одговори ќе помогнат.

Третото издание на Долината Палермо моментално е во подготовка [es], а на овој настан ќе бидат презентирани некои од проектите. Примерот на Аргентина ги мотивира другите земји од Латинска Америка да одржат свои “собири на Долина” [es]. Како што е наведено на блогот на Долината Палермо, веќе постојат Долина Коста Рика [es] и Чиле, Долина Сантиаго [es] и Долина Салмон [es].

Ако сакате да ја погледнете целосната листа на започнатите бизниси и сајтовите кои учествуваат во Долината Палермо, посетете го блогот на организаторите. Исто така постојат фотографии на Фликр и група на ЛинкеДин

Преведено од Едуардо Авила

Затемнувањето на месечината е настан кој се случува кога полна месечина минува низ сенката на земјата , а под тотално затемнување на месечината се подразбира дека таа поминува низ најтемните делови од сенката на земјата, позната како Умбра. Според НАСА, затемнувањето на месечината кое траеше три часа и дваесет и шест минути, беше видливо од Јужна Америка и поголемиот дел од Северна Америка (на 20 февруари), како и од Западна Европа, Африка и Западна Азија (на 21 февруари).

При разгледување на ЈуТјуб може да се најдат многу различни видеа од затемнувањето:

Од Белисе, корисникот басимпакт го има поставено следново видео со музика од флејтистот Пабло Коладо (Pablo Collado):

Од Аргентина, корисникот КрАинаготејбл го поставил ова видео со титлови, објаснувајќи го процесот и обликот од неговиот прозорец, а додадени се и неколку слики превземени од телевизија од различни делови на Аргентина.

Од Кејптаун во Јужна Африка, Фин Грегори има видео кое покажува како изгледало затемнувањето од таму:

Од Мексико, корисникот холатобаско поставил видео каде врева од улиците ја придружува речиси невидливата светлина од месечината која полека исчезнува.

Корисникот покео1 го поставил ова видео со слики од повеќе локации од светот вклучувајќи ги Америка, Канада, Чешка, Бразил и Германија.

Слика: Затемнување на месечината во Јужна Америка од хенрикутудс