Додека некои универзитетски професори, како Чарли Несон од Правниот факултет на Харвард, го истражувале потенцијалот на мрежните онлајн игрите во академски услови, други големи блогерски имиња како Џои Ито, Кори Докторов и ко-основачот на Глобал Воjсис Итан Зукерман, доста критички гледаа на природата на вистинската припадност на авторските права и потекло на содржините и како тие се складирани во игрите.

Додека предностите и негативностите на мрежните игри продолжуваат да се дебатираат помеѓу остри коментатори, добро познат чилеански автор, блогер и сенатор го изрази својот интерес во создавање еснаф (гилда-здружени луѓе со иста цел во една организација што ги обединува) во Ворлд Оф Воркрафт составен од мултидисциплинарни корисници од целиот свет.

Помеѓу северно-американските интернет обожаватели, Фернандо Флорес можеби е најпопуларен поради својата книга “Откривање Нови Светови: Претприемништво, демократско дејствување и култивација на солидарноста” (Disclosing New Worlds: Entrepreneurship, Democratic Action and the Cultivation of Solidarity), за пасус од кој настана “корпорациската филозофија” на Лудикорп (Ludicorp), оригиналните креатори на Фликер (Flicker) пред да биде продаден на Јаху (Yahoo). Но за Чилеанците, Флорес е политичка легенда чиј сопствен живот е огледало на предизвиците, турбуленциите и отпорноста на нивната земја. Тој беше министер за финансии под левата администрација на Салвадор Аленде (Salvador Allende), политички затвореник за време на диктатурата на Пиноче, претприемач за Силиконската Долина (Silicon Valley) во егзил и сега повторно политичар кој живее во Сантијаго, кој скоро беше пофален за повлекување од партија за демократија, постојано обвинета за скандали. Можете да дознаете повеќе за сенаторот/блогер во интервјуто на Росарио Лизана во два дела овде на Глобал војсис. За сега ве оставам со постот и предлогот на Сенаторот Флорес што се однесува на Ворлд Оф Воркрафт:

Последниве неколку недели ги поминав во играње на Ворлд Оф Воркрафт, една од најпопуларните онлајн мрежни игри (заедно со Секонд Лајф што веќе ја спомнавме [шпански] на овој блог).

“Ворлд оф Воркрафт” е креација на северно-американската компанија Близард што припаѓа на Универзал Вивенди и минатата недела изјавија дека оваа игра веќе надмина над осум милиони регистрирани корисници (прим. на прев. 10 милиони сега) (кои што плаќаат претплата за играта) низ целиот свет, но повеќето се во Соединетите Држави, Азија и Европа.

Целта на играта е да се заземе улога на виртуелна личност која мора да биде во интеракција со други такви личности (играчи) и се одвива во имагинарен свет. Идејата е да ја развиваме таа личност или лик во однос на нашите вкусови.

(Играчите) можат да припаѓаат на една од двете фракции на кои е поделена играта. Една е Алијанса каде што мора да се одбере раса на ликот ( елф ((прим. на прев. Ноќен елф)), џуџе, гном или човек) ((прим. на прев сега и Дранеи)). Другата фракција е Хорда, каде што расите за бирање се Таурен, Немртовец, Орк или Трол. ((прим. на прев. Сега и Крвав елф)).

Потоа играчот го одбира полот на ликот и класата на која што ликот ќе припаѓа, проследено со други специфични карактеристики како боја на кожа, фризура, изглед на лице и на крајот одбирањето на неговото или нејзиното име.

Потоа, откако ќе се поминат овие претходни чекори, ние сме внатре и можеме да почнеме со играње. Целта е да се надминат нивоа, поминувајќи низ различни зони со свои соодветни предизвици што постепено се зголемуваат во тешкотијата. Неискусниот играч почнува од ниво 1, што значи пред него е долга патека ако сака да ја надмине бариерата на 60 нивоа ((прим. на прев. сега 70 наскоро 80)). Во чекор со тоа како напредува, завршените мисии обезбедуваат не само искуство туку и предмети кои помагаат да преживее (оружја, храна, итн.), па што повисоко ново имаме тоа е потешко да се дојде до следнито ниво.

Понатаму, во оваа игра е овозможено да се тренира и да се стане вешт во одредени задачи, прво се учат таленти па вештини. На овој начин е можно поефикасно да се напредува.

Меѓутоа, еден од најатрактивните аспекти на Ворлд Оф Воркрафт е тоа што нуди опција да се надминуваат предизвици во група заедно со други играчи, кои играат истовремено со вас и другите, посебно за оние мисии со поголемо ниво на тешкотија.

Овој аспект е важен поради тоа што го поддржува учеството во тимот, така што разновидна, но кохезивна група може да биде многу корисна. Замислете дека работите заедно на предизвици со различни класи, секоја со свои посебни карактеристики, но сите работат заедно такашто негативностите на една класа можат да бидат зајакнати со силата на друга и обратно.

Ова е начинот на кој играта ве поканува да ја поминете нејзината географија и да барате други играчи за да формирате група, така што создравате “листа на контакти”. Во играта можете да комуницирате интерно, а дури да комуницирате и преку аудио.

Како што можете да видите Ворлд Оф Воркрафт ни нуди голем размер на содржини, каде играњето е еквивалентно на учење, социјализирање и менаџирање.

Од таа причина и за понатамошни истражувања во оваа област, размислувам за формирање на мултидисциплинарна група со луѓе од повеќе земји кои колективно ќе учествуваат во играта како лабараторија во која ќе можеме да анализираме одреден тип на сценарија од реалниот живот.

Ако е некој заинтересиран за играва, ги чекам вашите коментари.

За сега, го барам вашето трпение затоа што со овој проект ќе продолжам во март. “

Епа што мислите? Дали е Ворлд оф Воркрафт добар начин да се направи учењето повторно забавно? Дали ќе го промовира правењето тимови и соработка во училиштата или само ќе ги сведе студентите на насилство и нездрав дух на натпреварување. Дали треба Сенаторот Флорес да ја одбере Ворлд оф Воркрафт, која што им наплаќа на корисниците или некоја помалку развиена, но бесплатна алтернатива како OpenCroquet? Еве ви шанса да влијаете на размислувањата на индивидуалец со политички капитал, кој ќе овозможи работите да се случат.

„Ова е феномен којшто ја зафати нашата земја и остатокот од светот. Не може да знаете што мисли другиот човек или како вашите шеги би влијаеле на друг. Подобро да ги избегнуваме задевањата на идните таленти поради незрелоста на некои.“

Краткиот филм „Насилство“ е богато со говор на телото и изрази на лицето, па иако е на шпански јазик, пораката е јасно разбирлива  без разлика на вашиот мајчин јазик:

Фотографијата е „Зона слободна од насилство“ од Еди~С, користена под Криејтив комонс лиценца – Наведи извор

Во ова видео, поставено од корисникот профеметрополитан, се покажува конференцијата за време на Партиципативните дијалози. Во 2:02 минути од видеото, во средина на расправиите против ЛГЕ, 14 годишна ученичка, во црвена јакна се гледа како поставува прашања за нејзините притворени соученици и бара објаснувања за тепањата која таа ги преживеала. Тогаш таа се придвижува до сцената каде што е министерката Моника Џименез, инсистира да зборува со неа и е блокирана од владините претставници, а потоа таа зема бокал со вода и ја фрла водата во фацата на министерката.

Студентите од Чиле протестираат за новиот општ закон на образование [es], кој како што известува Ервин, соработник на блогот Латин Американс, се очекува да биде одобрен од Сенатот, а се однесува особено на деловите за насоки кон профитабилно образование, како и можности за избирање на студенти базирани на социо-економските нивоа и академските постигнувања за да се запишат во училиште, а тука се спомнуваат и жалбите дека владата не ги следи договорите склучени во протестите во 2007. Во средината на овие масивни протести, врз илјадници ученици и наставници е извршена репресија од страна на полицијата и некои од нив се притворени, како што може да се види во овој мешап од телевизиски слики во кој се известува за овие настани.

Министерката изјави [es] дека фрлањето на вода во нејзината фаца е пример за тоа како луѓето без аргументи за да ги докажат своите мислења применуваат насилство.

Бачелет го знае тоа добро, бидејќи учеше од грингосите студирајќи со војската, таму во САД. Таа доби диплома за одбрана и национална безбедност, па затоа не подлегнувајте на таа лажна материјална слика.
Нејзината ДНК е позната, воена и директна и преку некомпетентност создаде моќен тим против внатрешниот непријател, кој не е крадец во апартман од три дела туку твоите роднини, соседи и твоите мали деца.
Ве учам со овие стихови кое се како мене, СубВерсо за да не се преправате дека сте глупави како што се случи во приказната за „сирењето“. Доколку сакате да изгубите тежина која ја елиминира тежината на синџирите ајде да одиме да ги скршиме прозорците на странските компании.
Рефрен
Информирај се себеси пред телевизијата да те реформатира, читај и учи од улиците, бидејќи богатите повеќе сакаат да бидеш неупатен и да кријат информации од тебе за полесно да можат да владеат со тебе.

Информирај се може да постане чилеанскиот еквивалент на Ние не го започнавме огнот од Били Џоел, која целосно ги содржи имињата, местата и настаните кои се релевантни за моменталната политичка ситуација во Чиле. Видеото излезе во време кога 111 дневниот штрајк со глад на Патрициа Тронкосо за правата на Маруче Индијанците, најдолгиот штрајк во историјата на Чиле, заврши и следеше смртта на Маруче активистот и студент Матиас Катрилео од специјалните полициски сили на Чиле.

Во интервју што го имаше Себастиан Ларин Са со СубВерсо [es], Висент Дуран објаснува како видеото било креирано колективно со сите луѓе кои поставиле свои материјали на ЈуТјуб и дека неговата идеја била да ја покаже експлицитно корумпираноста во Чиле, користејќи примери од секојдневниот живот, а не само правејќи прекриени референци од тоа што се случува: наместо тоа тој користи имиња и настани за слушателите да можат да проверат и потврдат … и да се информираат.

Видеото за Информирај се [es], поставено од конспиразион:

СубВерсо минатиот 6 март настапуваше во живо пред куќата Лондон 38, центар за измачување и казнување во центарот на Сантијаго, кој е раководен од тајната полиција на Чиле за време на Пиночет режимот. Концертот беше организиран од Меморија 119 [es], колектив кој сака да ја претвори оваа куќа во „спомен куќа“ во чест на жртвите на бруталните измачувања. Настапот на СубВерсо беше поставен од павеларевена:

СубВерсо се здружи со други хип-хоп артисти од неговиот град, Вила Франциа, како дел од групата CoN$PiRaZioN и тие издадоа ЦД, Apaga le tele (Исклучи го телевизорот) кое може да се преземе бесплатно од МајСпејс страницата на групата.

Марсело Тривели, претходно споменат на Глобал Војсис за неговиот интерес за промоција на проектот Компјутер за секое дете во Чиле, како дел од неговата претседателска кампања. Следново видео беше поставено на неговиот ЈуТјуб канал, а зборува за ситуацијата во која живеат децата на улиците на Сантиаго де Чиле, каде дрогата и кражбите се нивно секојдневие. Видеото има титлови на англиски, а оригиналот на шпански може да го погледнете на овој линк.

Исто така влогерот Џосе Кордова Лианос креира видеа за прашања кои се важни за него: тој победи на онлајн видео натпреварот против злоупотребата „Генера“ со неговиот краток филм „Шепот“, кој покрај јазичните бариери, носи порака за ефектите од психичката злоупотреба која може да биде разбрана од луѓе од целиот свет. Неговите две следни видеа учествуваа во онлајн натпревар на 1 минутни видеа, во овој случај, Телетон во Чиле: неговото трогателно видео „Научи ме“ носи порака со цел да се научат децата да не дискриминаат, илустрирајќи го со едноставна слика од фигури од деца направени од хартија, додека „Ограничен“ е хумористично сценарио кое покажува дека да се биде со нарушен „здрав разум“ е многу поограничено отколку да не си во можност да се движиш без помош.

Оригиналното трето видео од џосекордоваланос, во кое јас навистина уживав, е „Лоши навики“, кое ги исмејува моменталните параноични трендови за сигурноста. Следува, титлувано на англиски:

Последното видео, од ЈуТјуб корисникот Патон1212 е едноставно наречен „Те сакам“. Може да го погледнете на крајот од овој пост или директно од неговиот извор.

Тие започнаа нарекувајќи ги овие искуства „Санчос де Видео“: санчос е името кое се поврзува со многу различни шпански серии од цела Латинска Америка. Последното видео од групата на Влог интернационал е за прошетка низ блокот. Влогерите од Колумбија, Израел, Канада, Германија и САД веќе ги споделија своите опкружувања. Може да ги видите со кликнување тука или со преглед на следново видео:

Влог интернационал веќе има 31 видео на нивната страница blip.tv и секогаш се надеваат дека ќе додадат повеќе видео блогери на нивната страница. Се што е потребно е човек да се заинтересира да направи 1 минутно видео: 30 секунди да објаснат каде се и кој се и 30 секунди да ја снимат „мисијата“ на видеото, а потоа да го постават видеото и да им го испратат линкот по имејл. Инструкции на шпански може да најдете тука.

Сите овие видеа се објавени по Криејтив комонс лиценца, а вие може да ги споделувате под условите наведени на нивното вики. Разгледувањето на нивните различни епизоди претставува одличен начин за добивање глобална перспектива за истата тема. На следново видео [es], влогерите не носат на турнеја подалеку од супермаркетите, а директно во различни традиционални места за купување во Франција, Англија, Италија, Германија, Мексико, Бразил, САД, Чиле, Шпанија и Колумбија.