Во последните неколку години, колумбискиот видео блогер Алехандро Ангел живее во Шпанија и го снима своето искуство од февруари 2007 на својот видео блог Armadillo TV. Следува рекапитулација преку 4000 фотографии од неговите изминати 4 години:

Bebin TV е проект на Ирачанец кој живее во Калифорнија, кој преку интернет прикажува серии и претставува телевизиски канал. 56те епизоди од серијата Bebin Office се нивна персиска верзија на популарната американска и англиска телевизиска серија The Office. Тие имаат и неколку клипови за туризам, шопинг и вести.

Хип-хоп артистот ДЏ Џеј Смут рапува за политика, економија и моментални настани на својот видео блог Ill Doctrine. Во следново видео тој ја покажува соработката помеѓу хип-хоп артисти од повеќе земји, кои рапуваат заедно на 3 различни јазици:

Видео граѓанскиот новинарски проект Voices Of Africa е исто така номиниран. Проектот им овозможи на новинари од 33 различни земји во Африка мобилни телефони или мали дигитални камери за тие да можат да снимат настани и да ги постават преку мобилен или интернет на сајтот AfrikaNews.

Mostafa al Baqali од Мароко го прикажува животот во неговиот град, фокусирајќи се на приказните на луѓето кои живеат таму. Последниот приказ ни покажува неколку од животните предизвиците на Мароканецот Абдул Латиф:

New Lumiere е руски видео блог кој ги следи пристигнувањата на возовите во различни руски градови.

Овој сегмент од Неделата за подигнување на свеста за глувите луѓе (дел 1, дел 2) ни покажува како глувите луѓе користат видеа за да ги организираат своите заедници и зајакнат своите офлајн односи.

Во Колумбија, се организира 4тата конференција за млади глуви луѓе и на следново видео, Сандра и Еличер, организатори на настанот, ни го покажуваат нам и на колумбиската заедница за глуви рекреативниот парк, каде ќе се одржи оваа година конференцијата, овој пат на шпански знаковен јазик и нарација на шпански:

Исто така, во различни земји се одржуваат и други конференции за заедниците на глуви. Ова видео ги повикува гледачите да учествуваат на првата духовна конференција за глуви во Латинска Америка, а во друго видео е прикажана покана за активности во Костарика за време на Неделата за подигнување на свеста за глувите луѓе.

Како дел од иницијативата да се приклучат повеќе глуви луѓе во видеоблогирањето, елојп креираше видео упатство на знаковен јазик, во кое се објаснува како да се отвори блогерски профил и да се започне со „знаковен блог“.

Фотографијата од рака е од Џон-Морган, користена под Криејтив комонс лиценца - Наведи извор.

По спасувањето на 15 заложници, кои беа заробени од страна на СВРК, на 2 јули 2008, истата група која го организираше последниот глобален марш на 4 февруари против Револуционерните Вооружени Сили на Колумбија (СВРК или FARC, Revolutionary Armed Forces of Colombia), одлучи дека треба да има уште еден марш на 20 јули, денот кога се слави денот на независноста на Колумбија од Шпанија. Следниве видеа и фотографии покажуваат како се прославуваше маршот за независноста и ослободувањето низ целиот свет.

Од главниот град на Колумбија, Богота, новинарот Виктор Солано постави видеа од толпата, со ненадејно појавување на телевизиски карактер, обожаван од децата низ светот. На неговиот блог има и други видеа и фотографии.

Од Панама, поставено од дејдример191, видео од возбуденоста во маршот, кој го зазема обликот на парада.

Во Австралија, Кина и Холандија, Колумбијците исто така прославуваа во групи, а понекогаш и сами.

Колумбиските блогери пишуваа за своите причини за приклучување на маршот или за својата одлука да не се приклучат на прославите.

Маурисио Дуки Арубла накратко ги објасни своите причини:

Одејќи, раната ќе заздрави…

Неговата жена направи фотографија, наречена „Знамиња“, која го илустрира овој пост.

Динакат, кој живее во друг поголем град во Колумбија, Меделин, го разгледува маршот од комерцијална перспектива и е малку збунета од кампањата која и била испратена на имејл од пицерија, додавајќи дека рекламирањето на пица за маршот за независност и слобода е малку претерано.

Од крајбрежниот град Баранкула во Колумбија, Ел Герент објавува фотографии од неговиот ден на маршот.

Блогерот Арлович Кореа Мачола пишува за идеалите на нациите и како надежта за маршот го засенила убиствата на синдикалистите од страна на државата.

Нацијата утре ќе го заборави синдикалецот  од Поло (опозициска политичка партија), кој беше погребан денеска, избришан од државните сили, според оваа вест. Гулермо Ривера ја носеше неговата ќерка на училиште и тогаш исчезна, откако беше пресретнат на јавниот пат во Богота од индивидуалисти, кои подоцна го измачувале и убиле.
Државата само оваа година има убиено 29 синдикалисти како Ривера.
Државата убива 5 синдикалисти месечно.
Државата убива еден синдикалист неделно.
Државата е крвава, нејзините раце и души се желни за крв.
На крајот од денот државата се моли со венец и ги мие рацете.

АХУРА, хуманитарна организација за спасување на животните, минатиот понеделник мирно протестираше во Букарамнага против мексиканскиот циркус, дел од циркуската компанија Херманос Гаска, кој користи животни за дел од нивните точки. На нивната Фејсбук страница за причина, тие кажуваат за тоа како во Переира, друг град во Колумбија, со протести е постигнато ослободување на мало слонче, кое сега ќе биде слободно од суровост и ќе остане во зоолошка градина. Видеа на кои се гледа суровост кон животните во циркусите од регионот се раширија низ интернет, предизвикувајќи протести и збунетост за што навистина се случува во циркусите кои ја посетуваат Колумбија. Фотографијата е од блогот на Ивон Гарзон, кој пишуваше за протестите кои биле одржани минатиот Април.

Следи, видео од 5 дела од мирните протести, а во третиот дел може да се видат млади луѓе како стојат пред циркусите и извикуваат „животните немаат избор, ние ги донесуваме одлуките за нив“. Кратките видеа може да се најдат на ЈуТјуб, поставено од организацијата АХУРА. Дел 1, дел 2, дел 3, дел 4, дел 5.

Следново видео со слаб квалитет поставено од ЈуТјуб корисникот наниспер ги покажува протестантите кај циркусот Херманос Гаска во Переира и опфаќа малку од звукот на амбиентот и циркуските животни кога некој доаѓа до камерата на жената и ѝ се заканува дека ќе ја претепа доколку продолжи да снима, постојано заканувајќи и се дека ќе ја удри по лицето.

Друга група од Колумбија се обиде да сними видео преку оградата на циркусот, покажувајќи ги условите во кои беа тигрите и другите животни, но вработените во циркусот ја покрија оградата и кафезите со алишта, па затоа не можеше да се сними видеото, како што се покажува тука:

Овој протест против животните во циркусите не е новост и ова не е првпат циркусот Херманос Гаска да е во центарот на вниманието за суровост кон животните. Пред некое време, видео со слика од таен агент како ја опишува суровоста кон животните во циркусите се појави во колумбиската блогосфера, обвинувајќи го циркусот Херманос Гаска за суровост кон животните. Шокирачки слики од каменува мајмуни, слон кој е удиран по глава додека го бањаат, мртва жирафа која се распарчува за нејзиното отстранување од просториите да не се забележи, лавови во бетон и метални кафези додека вее и поларна мечка во камион со вентилатор како единствено нешто што ја лади, ги натераа луѓето да протестираат. Меѓутоа, ова излезе дека е грешка од страна на ТВ станица, која се извини на програма, како што е покажано на ЈуТјуб видеото [es]. Мрежата примила снимки под претпоставка дека се најважни вести од прекуокеанска хуманитарна организација, која тврдела дека го снимила циркусот Херманос Гаска и тоа направила забелешки со интервјуа од ова, без да забележат дека истите снимки веќе ги има на интернет и дека е преглед на сите можни злоупотребувања во циркусите, не посебно за Германос Гаска. Бидејќи оваа програма беше снимена од ТВ, уредувана и поставена од некој друг, се создаваше слика дека циркусот Херманос Гаска е одговорен за се. Меѓутоа, циркусот призна дека снимката од слонот како е тепан е снимена во нивниот циркус и дека тренерот е отпуштен.

На веб сајтот на Интернационалите бранители на животните има комплетен извештај за суровоста кон животните, кој тие го имаат снимено во Колумбија [en], од двата циркуса Херманос Гаска и Африка Бест, преку скриени камери во нивните студии од 2006 и 2007, а нивниот извештај, достапен за преземање во PDF формат на англиски и шпански, ја раскажува приказната позади снимките прикажани на ова видео, како и злоупотребувањата во другите земји од Централна Америка, како Еквадор, Перу, Боливија и Чиле.

Еквадор – Кроника Керо [es] напиша за иконата која што Бетанкур постана:

СЛОБОДНА. Баш така со големи букви. […] Бетанкур стана универзален глобален имиџ. […] Го отворивме весникот и го видовме нејзиното ослободување, ние се солидираме со нашите браќа од Колумбија, оние кои бараат мир пред конфронтација. Бетанкур е симбол за борбата против киднапирањето. Денес, Колумбијците се будат различно. Мислам дека и светот, кој сочувствуваше со нив и беше трогнат од нивната приказна, се буди различно.

Боливија – Карлос Густаво Мачикадо Салас од Гучиос [es] ги коментира зборовите на Бетанкур после нејзиното ослободување:

За мене, најважна беше пораката од Ингрид за љубов и опростување, дека таа се молела за смрт и за герилите и како додаток, таа го понуди своето опростување. По тешкотијата и малтретирањето кое таа мораше да го преживее, секој би помислил дека таа би имала само омраза и презир во нејзината душа, но баш спротивно, таа зрачеше со духовен мир и неверојатна поврзаност со Господ. Тоа беше нешто навистина прекрасно и треба да не натера да се насочиме кон нашите мисли за животот.

Аргентина – Мариан Б од Разновидни, Бесмислени и Непотребни Лутања [es] исто така го истакнува говорот на Бетанкур:

Го слушам нејзиниот говор на аеродромот и им завидувам на Колумбијците бидејќи уште еднаш може да се пофалат со одличен, исклучителен и неверојатен политичар. Ќе биде од голема важност за Колумбија ако таа се кандидира за претседател и биде избрана.

Гватемала – Пренса Негра [es] е задоволен бидејќи претседателот на Венецуела Хуго Чавез имал многу малку поврзаност со спасувањето:

Спасувањето на Бетанкур, без сомневање, беше најконтроверзното киднапирање од ФАРС во последните години. Најдобро од се е тоа што беше направено без помош од Чавез, бидејќи ако тој имаше нешто со тоа, ќе слушневме се околу тоа!

Перу – Меносчанас [es] пишува за тоа што значи ова за герилската група ФАРС.

Насмевките на поранешните затвореници покажува дека ова е еден од најјаките удари на ФАРК, бидејќи сите погледи сега се насочени кон Колумбија. Случајот на Ингрид Бетанкур е најпрепознатливиот и насмевките и прегратките помеѓу поранешните затвореници и повторното обединување со нивните сакани, покажа дека после долг кошмар, сепак може да излезе од него.

Диана Зорила од Морена Ескриб [es] пишува:

Таа стана симбол за катастрофата која ФАРС му ја нанесе на колумбискиот народ и нејзиното ослободување, заедно со другите 14, е многу важна морална победа за Колумбија.

Парагвај – Едвин Бритез од Деречо Вијо [es] пишуваше за Бетанкур претходно во декември и повторно пишува за добрите вести кои се рашириле низ земјата:

Задоволен сум што знам дека денес многу луѓе излегоа на улиците од Асунчион и ја покажаа својата среќа со свирење од автомобилите, за ослободувањето на Ингрид. Многу од нив беа жени. Денес, сите ние, на некој начин, сме послободни од претходно.

На 17 мај беше обележена десетгодишнината на Антимили соноро [es], настан организиран од страна на Младинската Мрежа како начин за да се рашири зборот за отпорот кон задолжителното служење воен рок во Колумбија преку музика. Датумот беше прославен со концерт и целиот месец беше исполнет со конференции, расправи и маршови за комеморација на десетгодишното движењето на младинската организација Непослушност и цивилен отпор. Ви ги прикажуваме поканите за настаните, промотивните клипови и кратко видео од еден настап на ска-бенд на концертот.

Младинската Мрежа го организираше нивниот анти-воен фестивал на интернационалниот ден, промовирајќи го „Свесен Отпор“, со цел да се укине задолжителното служење на воен рок [es], со што објаснуваат дека индивидуалистите веруваат дека убивањето човечки суштества, дури и во војската, е погрешно. Има изјави од младите луѓе кои одбиваат да служат воен рок, како што може да видите од изјавата на Густаво Монро [es], кој е регрутиран против негова волја и подоцна избегнуван од пријатели и роднини поради неговото одбивање да биде дел од војската. Анти-воената група ги објаснува своите цели и верувања во овој напис на англиски, кој може да се најде на нивната Мајспејс страница.

Прво, поканата за концертот оваа година, титлувана на англиски:

Вирална кампања на ЈуТјуб за промоција на настанот:

За крај, од концертот, видео со низок квалитет снимено од мобилен телефон од настапот на ска-бендот Рон Дајмон, кој ја изведува песната Соседот. Ако ви се допаѓа, може да го посетите претходниот линк и да го пронајдете линкот од реалната емисија на МТВ Латинска Америка и да гласате за нив!

Само кратко потсетување дека овие и сите други граѓански видеа прикажани на Глобал Војсис може да се погледнат на нашиот ЈуТјуб видео канал. Не двоумете се да не контактирате, да ни испратите ваше видео или испратите имејл со линк до видеото и кратко објаснување зошто е важно да се прикаже на нашиот сајт. Ви благодариме!

Од Кигали во Руанда, една од петте главни локации на снимање, следи слајдшоу од фотографии од настанот качени на ОВИ, платформата за видеозаписи и фотографии која се користеше за промоција на содржини од денот Пангеа:

Од Хаифа во Израел, друго слајдшоу од собирот за следење на настанот близу пристаништето Цезареја:

За време на настанот, пријателите на веб-сајтот на Пангеа имаа пренос во живо од различни места низ светот меѓу кои САД, Колумбија, Италија, Јапонија, Нов Зеланд. Другите настани, како на пример Колумбискиот ден Пангеа во Меделин имаа свој веб-сајт на кој во текот на настанот беа објавувани блогирањето во живо, стриминг видеозаписите и фотографиите.

Нокиа, партнерот на денот Пангеа го организираше Натпреварот на Нокиа за најдобри видеозаписи од мобилни уреди 2008 паралелно со останатите настани, а петтемина финалисти беа внесени во секоја од петте различни локации на снимање. Можете да ги погледнете победничките видеозаписи на веб-сајтот ОВИ за денот Пангеа. Финалистите беа: „Кругови насекаде околу нас“ од кајум – Индија, „Насмевка“ од гуфилопез - Индонезија, „Чудесни виножита! снимени и монтирани на мојата Нокиа Н93“ од рупертоу – Обединетото Кралство, „Играта“ – Јужноафрикански деца се забавуваат во просторија за видеоигри“ од екачучо и „Облаци во движење“ од пјерба – Италија.

Добитникот на Големата награда на веб-сајтот на ОВИ за Пангеа/Нокиа е екачучо и неговиот видеозапис со Јужноафриканските деца како играат видеоигри, кој доби патување во Резерватот на горилите во Руанда, во придружба на цела екипа која ќе му помогне на победникот да го сними своето патување.

Од извлекувањето организирано од Нокиа и Вомворлд, чиишто резултати беа објавени од Продукцијата на Дејвид Хауел, креаторот на победничкиот видеозапис би добил Нокиа Н82, футрола, триножник, мемориска картичка, слушалки и звучници. Избраниот видеозапис беше „Чудесни виножита“, и во своето соопштение тој спомна тој бил избран за победникот бидејќи тој најдобро го отсликувал духот на мобилниот видеозапис: снимајќи ги оние ретки моменти кои би можеле да исчезнат и никогаш да не се повторат.

Тие започнаа нарекувајќи ги овие искуства „Санчос де Видео“: санчос е името кое се поврзува со многу различни шпански серии од цела Латинска Америка. Последното видео од групата на Влог интернационал е за прошетка низ блокот. Влогерите од Колумбија, Израел, Канада, Германија и САД веќе ги споделија своите опкружувања. Може да ги видите со кликнување тука или со преглед на следново видео:

Влог интернационал веќе има 31 видео на нивната страница blip.tv и секогаш се надеваат дека ќе додадат повеќе видео блогери на нивната страница. Се што е потребно е човек да се заинтересира да направи 1 минутно видео: 30 секунди да објаснат каде се и кој се и 30 секунди да ја снимат „мисијата“ на видеото, а потоа да го постават видеото и да им го испратат линкот по имејл. Инструкции на шпански може да најдете тука.

Сите овие видеа се објавени по Криејтив комонс лиценца, а вие може да ги споделувате под условите наведени на нивното вики. Разгледувањето на нивните различни епизоди претставува одличен начин за добивање глобална перспектива за истата тема. На следново видео [es], влогерите не носат на турнеја подалеку од супермаркетите, а директно во различни традиционални места за купување во Франција, Англија, Италија, Германија, Мексико, Бразил, САД, Чиле, Шпанија и Колумбија.

Каролина Ботеро, адвокат и промотор на Криејтив комонс за Колумбија бараше од блогерите и сите други што имаат пристап до компјутер и интерес за она што се нарекува „права на интелектуална сопственост“ да потпишат отворено писмо што ќе се испрати до КОНПЕС - Националниот совет за општествена и економска политика, а против нацрт-законот што претходно им го испратил Одделот за национално планирање, во кој новите модели на споделување на знаењето кои овозможуваат алтернативи на традиционалните политики за „заштита и примена“ се целосно игнорирани.

Според написот на Каролина Ботеро, Диџитал калчр е игнориран во Документот за интелектуална сопственост на КОНПЕС [es] и таа објаснува како Одделот за национално планирање целосно ги превидел најновите случувања околу дистрибуцијата на дигиталните медиуми, и поединечно ги посочува случаите кои не биле земени предвид при истражувањето извршено од Одделот за национално планирање.

Со документот кој овој месец ќе се поднесе за одобрение од КОНПЕС како развоен модел ќе го усвоиме традиционалниот модел на „заштита и примена“, корисен во светот на физичките медиуми (печатени документи, ленти, цд-а, итн) но кој не е единствената опција во дигиталните средини или бизниси, и кој ги исклучува другите области.

Можете да прочитате повеќе информации околу ова писмо и предложениот закон на ајкомонс.орг каде што Каролина ги споредува новите политики со цртаниот лик „Капетан копирајт“ во Капетан копирајт повторно се појавува во Колумбија. Во делот за коментари, има дискусии околу погрешното собирање на куп на овие прашања како „интелектуална сопственост“ и некој дал предлог да се создаде стрип јунак кој ги заштитува авторските права, како пародија на Капетан копирајт.

Трите прашања кои се бара од КОНПЕС да ги земе предвид се; владините институции во образованието и културата да проговорат за нивните специјални потреби и правните режими за оваа тема, да се вклучат чинителите од граѓанското општество кои се можеби заинтересирани за ова прашање, и да се започне со подготовката на друг документ околу останатите аспекти на режимот за авторски права во случај да се одобри овој ограничен документ.

Потпишете ја петицијата [es].

Целосни инструкции и информации за натпреварот се постапни (на шпански) на веб страницата на Колумбија Ен Ел Мапа. Еден од добрите моменти е дека иако наградата е посета на Гуглплекс во Калифорнија, каде победникот ќе се запознае со развивачите на користените алатки, тие го имаат земено во предвид огромниот проблем на граѓаните на Колумбија, и многу други, во добивање УС виза. Значи, ако победникот нема валидна УС виза, тие ќе го одведат во канцелариите на Гугл во Аргентина, земја за која на граѓаните на Колумбија не им е потребна виза.

Колумбија, единствениот ризик е желбата за останување фотографија од *Л*у*з*а*

Иако на веб страница е наведено дека натписите може да се доставуваат од 31 март до 6 мај, веќе е овозможено прегледување и гласање за блоговите кои учествуваат, чија бројка во овој момент е околу 70. Еден примерок кој навистина ми се допадна е Чокоандо. Неговиот автор, Џосе Александро Гонзалес Варгас, познат како барселомбиа на ЈуТјуб, задачата ја има земено при срце и го прикажува животот во крајбрежната провинција Чоко. На неговиот блог Нативос, половина документарец половина патопис, раскажува приказни и прикажува видеа од интервјуа со луѓе, разговори со локалните жители и го запишува своето искуство од посетата на луѓето и местата во Чоко. Областа Чоко покрај напуштањето од владата, има доживеано и воени злосторства, поплави, суши и изгладнување на своите афро заедници. Како што е наведено во натпис од Википедија [es]: „Иако има неверојатно разновиден земјопис, единствен екосистем и неискористени ресурси, Чоко е една од областите во Колумбија со најлоши услови за живеење.“

Тој на своја рака покрива и другите аспекти од Чоко, неговите предели, места, приказни и луѓе.

Следново видео ги прикажува прекрасните пејзажи и ликовите на луѓето, кои покрај сите тешкотии не ги изгубиле своите насмевки. Наречено е „Уриб, Кастано, Маруланда, Буш“ и претставува барање до одговорните за иднината на Колумбија да се грижат за луѓето кои живеат во оваа област. Исто така, не двоумете се да го посетите ЈуТјуб каналот на барселомбиа и да ги погледнете другите видеа од Колумбија.

Друг блог кој учествува е блогот на Виктор Солано, кој пишува за една приказна од проектот Рајзинг Војсис [en], Хипербарио за Ла Лома де Сан Џавиер, во Меделин, Колумбија. Неговиот натпис е наречен Ла Лома тока ел циело, што во превод значи Ла Лома го допира небото.Целосната листа на натписите кои се натпреваруваат може да ја погледнете, а воедно и да гласате за некој од нив, на овој линк.