„Територио Либерадо“ или Ослободена земја е фраза која се створила во 1970тите за да се означи крајот на диктатурата или владеењето на Анастасио Сомоса во одреден град или регион. Овие денови, локалните групи за Линукс и слободен софтвер зборуваат за нов тип на слобода: слобода да креираат и развиваат нивни софтвери и технологии, без рестриктивни лиценци или трошоци.

Блогерот ЛЕОГГ работи со јавните институции за да ги искористат комплетно овие технологии, со цел да ги направи поефективни. Во неговиот пост „Никарагва Либре“ (Слободна Никарагва), ЛЕОГГ објаснува како тие му помогнале на Јалапа, рурален град блиску до границата со Хондурас, на север на државата, да развие и користи софтвер базиран на Линукс.

Таму има два интересни проекти кои го вклучуваат Убунту. Првиот проект е за дигитализирање на илјадници јавни записи каде се користат Hardy и XSane од Убунту. Има 15 компјутери кои се наменети исклучиво за оваа задача.

Другиот проект вклучува 12 шалтери со Убунту и прилагоден софтвер за примање и извршување исплати.

Во првата фаза на миграцискиот проект, околу 50 десктоп компјутери мигрираат кон Убунту во различни оддели.

Најдобрата работа во сето ова е тоа што владините претставници не побараа нас за да помогнеме, а како последица на ова, тројца од нашите членови сега се редовно вработени како Убунту поддршка за нивните корисници.

Фотографии од ЛЕОГГ и користени под Криејтив комонс лиценца. За повеќе фотографии посетете го неговиот блог.

„комуНИдад“ (вака тие се нарекуваат себеси) не се фокусира само на рурални или владини групи. ЛЕОГГ објаснува во неговиот нареден пост дека тие „одат мејнстрим“:

Канал 2, најголемата телевизиска мрежа во Никарагва, ќе прикажува неделна емисија за технологија секој вторник, започнувајќи од 15 јули.

Продуцентите на оваа нова емисија се… да, погодивте!… нашата локална ЛКГ (Линукс корисничка група)

ЛКГ за Никарагва ги координира линукс корисниците од многу различни дистрибуции и дисциплини, вклучувајќи ги развивачите на Убунту, СУСЕ, Мандрива и други. Нивниот заеднички сајт е Linux.org.ni.

Може да дознаете повеќе вести и информации за нивната работа на архивата за вести на оваа група.

Од Твитер профилот на генералниот секретар на Обединетите нации Бан Ки-Мун:

Средба со г. Мигел д Еското Брокман од Никарагва, избран претседател на 63тата сесија на генералното собрание.

Благодарение на Твитер, сега ние знаеме кога Бан Ки-Мун се сретна со амбасадорот на Никарагва, Мигел д Еското, кој е свештеник роден во САД, кој беше дел од движењето на Либералната теологија во латинска Америка и тајно стана сандинистички сојузник во 70тите. Тој беше назначен за министер за надворешни работи на Никарагва во 80тите. Од неодамна тој е избран за претседател на Генералното собрание на Обединетите нации, за период од 1 година, започнувајќи од овој септември. Тој по изборот, накратко рече (од Википедија):

„Се надевам дека моето претседателство ќе се занимава со она што стана универзален глас низ целиот свет за демократизацијата на Обединетите Нации. Ветувам дека ќе дадам комплетна поддршка за работната група за ревитализација на генералното собрание.“

Беше смешно да се види како Никарагаванците дознаа за оваа средба… преку Твитер! Никарагванската заедница на Твитер, Твитник [es] коментираше на оваа интересна информација и се прашуваа кои други влијателни политички фигури ја користат оваа популарна алатка:

Сега гледате дури и Обединетите нации користат Твитер. Каков би бил твитерот на нашиот претседател? или на нашите креатори на закони???

@danielortega: Ќе се видам со г. Чавез

@arnoloaleman: TWITTER POLL: Каде да јадам денес: (повикување на неодамнешната посета на протестантите)

@eduardomontealegre: Ако тие ме затворат, ќе ја затворат и Никарагва

@ElCheleGrisby: @eduardomontealegre ТИ НАВИСТИНА НЕМАШ СРАМ (ElCheleGrisby е Вилијам Гризби, радио коментатор од Син Фронтеран, критичар на десницата и левицата во Никарагва)

Минатата недела Карлос Слим, најбогатиот жив човек, го купи најголемиот претплатнички ТВ провајдер во Никарагва. Таа компанија, ЕСТЕСА, веќе беше де факто монопол на пазарот, а сега е дел од телеком-империјата која ја гради Слим во Никарагва.

Во овој момент, Слим е сопственик на ЕНИТЕЛ, со брендот КЛАРО (Мобилен телефон), Турбонет (Безжичен интернет пристап), АМНЕТ (Бродбенд и дата трансфер), ЕНИТЕЛ (поранешна државна компанија која е сопственик на телефонски линии во државата) и ЕНТЕСА.

Меѓутоа, колку се поголеми толку побрзо паѓаат. Во последниве 10 дена, имаше неколку известувања за проблеми при пристап на Blogger.com доколку се пристапува преку Турбонет. Некои велат дека е технички проблем, како блогерот Раул Исак Суарез од Ел Еконосципио [es], кој верува дека е поради проблем со интернационалниот интернет провајдер со конекцијата во Гватемала. Некои се обидуваат да пристапат преку други места или како што прави Y ahora ¿de qué vamos a hablar? [es] со обиди да пристапи преку прокси.

Во виртуелен монопол на телеком, немањето можност да се изберат други провајдери може да биде навистина голем проблем кога единствениот конкурент на пазарот не успева да снабди. Некои корисници промовираат „подиректни“ начини за да им кажат на компаниите на Слим што тие сакаат.

Блогот на Рамон објаснува дека поголеми компании исто така значи дека вистинските проблеми може потешко да се решаваат.

… Cuando esta empresa comienza a brindar el servicio de Internet, en uno que otro lugar del país, hacen un mercadeo masivo que depués no saben que hacer con la demanda por que no dan a vasto, no actualizan las “centralitas” a tiempo, por supuesto que las personas optan por el servicio DSL por ser menos costoso que el inalámbrico, cuando pasa esto las personas quedan con su contrato en la mano y en espera a que algún día llegue el servicio, ahh y otra de las excusas es que nunca tienen modems además que tenes que esperar como tres meses si es que todo esta bien si no …….

Возбудувањето за Твитер пристигна и во Никарагва и токму поради тоа се појави сајт наречен Твитник [es]. Веб сајтот ги следи сите фидови на Твитер од корисниците кои живеат во Никарагва. Заедницата беше идеја на @jorgecerda и @ajulloa. Твитер корисникот @penalba им помага, но повеќе на „психолошко“ ниво, а @gandulo е оној кој го дизајнираше и изработи веб сајтот користејќи Вордпрес.

Ново лого, кое е изгласано и одбрано од членовите на заедницата

Исто така неколку нови и интересни профили се креирани, како на пример @ajuloa, која ја презеде иницијативата да ги комбинира RSS фидовите на локалните весници и веб форуми со цел да ги претвори во Твитер фидови: @elnuevodiario, @laprensa и @bacanalnica; но само Ел Нуево Диарио работи бидејќи RSS фидовите на Ла Пренса и Баканалника не се компатибилни со Твитер, а никој не ја знае причината зошто.

Нови (или во појавување) блогови

Notas de una nica [es] (Забелешки од Ника) е блог на Јаозка Тијерино Кантон. На него Јаозка пишува за вистинскиот живот во Манагва, за политиката, лажните директори на кината, музика и користењето на домашната валута.

Дали некогаш сте забележале дека секогаш кога ќе отидете во ресторант, продавница, па дури и аптека, дека цените се изразени во долари? Интересно е тоа што не плаќаат во домашната валута, Корбодас, но ние плаќаме се во долари.

¿Y ahora de que vamos a hablar? [es] (¿И за што ќе зборуваме?) е блог на Нарен Мајорга. Блогот ги покрива политичките прашања, музиката од 80тите, „откачени“ супкултури, е-трговија и фишинг во локалните банки, старите песни на Пол Мекартни и известува од прва рака за последниот штрајк на транспортот.

Поминувајќи низ улиците на Манагва, не забележав ништо невообичаено. Немаше ниту долги колони од коли поради блокадата, ниту големи групи кои треба да се насочуваат. Можеби е моја перспектива, но мислам дека протестите се надвор од градот. Имам камера во мојата кола доколку видам нешто… да видиме како ќе искочи ова.

Минатата недела „Еста Семана“, 60 минутна телевизиска емисија за вести во Никарагва, известуваше и детално ја разгледуваше Усура Церо (Без камата), програма финансирана од владата која доделува мали кредити на микробизниси раководени од жени.

Но Нарен Мајорга од ¿Y ahora de que vamos a hablar? [es] го резимира целокупниот проект, кој никарагванската влада цврсто го крие:

Она што се знае е дека кредитите од 1000 до 5000 долари се доделуваат на урбани жени трговци по методологијата на еднаквост и со ниски, субвенционирани каматни стапки од околу 4% годишно, со грејс период помеѓу 2-6 месеци според добиената сума. Неколку организации и државни институции се вклучени во администрацијата.

Дополнително, блогот ги сигнализира и истакнува не само грешките направени од телевизиската новинарска екипа, туку и од владата и раководителите на програмата.

… Во интервју на менаџерот на Усура Церо на една од официјалните владини медиуми, таа рече дека програмата е целосен успех бидејќи до сега 70% од долговите се вратени. За програма од ваков тип мора да имаат најмалку 90% враќање на долговите или ќе бидат осудени на неуспех или ќе мора да преживуваат со владини пари или донации од странски држави.

Останатите 6 аргументи на Нарен може да ги прочитате тука [es].