Еквадор – Кроника Керо [es] напиша за иконата која што Бетанкур постана:

СЛОБОДНА. Баш така со големи букви. […] Бетанкур стана универзален глобален имиџ. […] Го отворивме весникот и го видовме нејзиното ослободување, ние се солидираме со нашите браќа од Колумбија, оние кои бараат мир пред конфронтација. Бетанкур е симбол за борбата против киднапирањето. Денес, Колумбијците се будат различно. Мислам дека и светот, кој сочувствуваше со нив и беше трогнат од нивната приказна, се буди различно.

Боливија – Карлос Густаво Мачикадо Салас од Гучиос [es] ги коментира зборовите на Бетанкур после нејзиното ослободување:

За мене, најважна беше пораката од Ингрид за љубов и опростување, дека таа се молела за смрт и за герилите и како додаток, таа го понуди своето опростување. По тешкотијата и малтретирањето кое таа мораше да го преживее, секој би помислил дека таа би имала само омраза и презир во нејзината душа, но баш спротивно, таа зрачеше со духовен мир и неверојатна поврзаност со Господ. Тоа беше нешто навистина прекрасно и треба да не натера да се насочиме кон нашите мисли за животот.

Аргентина – Мариан Б од Разновидни, Бесмислени и Непотребни Лутања [es] исто така го истакнува говорот на Бетанкур:

Го слушам нејзиниот говор на аеродромот и им завидувам на Колумбијците бидејќи уште еднаш може да се пофалат со одличен, исклучителен и неверојатен политичар. Ќе биде од голема важност за Колумбија ако таа се кандидира за претседател и биде избрана.

Гватемала – Пренса Негра [es] е задоволен бидејќи претседателот на Венецуела Хуго Чавез имал многу малку поврзаност со спасувањето:

Спасувањето на Бетанкур, без сомневање, беше најконтроверзното киднапирање од ФАРС во последните години. Најдобро од се е тоа што беше направено без помош од Чавез, бидејќи ако тој имаше нешто со тоа, ќе слушневме се околу тоа!

Перу – Меносчанас [es] пишува за тоа што значи ова за герилската група ФАРС.

Насмевките на поранешните затвореници покажува дека ова е еден од најјаките удари на ФАРК, бидејќи сите погледи сега се насочени кон Колумбија. Случајот на Ингрид Бетанкур е најпрепознатливиот и насмевките и прегратките помеѓу поранешните затвореници и повторното обединување со нивните сакани, покажа дека после долг кошмар, сепак може да излезе од него.

Диана Зорила од Морена Ескриб [es] пишува:

Таа стана симбол за катастрофата која ФАРС му ја нанесе на колумбискиот народ и нејзиното ослободување, заедно со другите 14, е многу важна морална победа за Колумбија.

Парагвај – Едвин Бритез од Деречо Вијо [es] пишуваше за Бетанкур претходно во декември и повторно пишува за добрите вести кои се рашириле низ земјата:

Задоволен сум што знам дека денес многу луѓе излегоа на улиците од Асунчион и ја покажаа својата среќа со свирење од автомобилите, за ослободувањето на Ингрид. Многу од нив беа жени. Денес, сите ние, на некој начин, сме послободни од претходно.

Претседателските избори во Парагвај ќе се одржат на 20 април, 2008 г. Многумина од претседателските кандидати ги користат блоговите како начин за комуникација со потенцијалните гласачи додека ги пренесуваат своите размислувања за одредена тема или додека ја претставуваат програмата што ќе ја спроведуваат доколку бидат избрани. Овие блогови се пишуваат и објавуваат во еден од најтиражните весници на Парагвај - Дијарио АБЦ.

Досега, некои од кандидатите имаат повеќе од 43.000 посети на нивните блогови, а некои од нив и до петстотини коментари за само еден напис, што е доказ за големиот интерес околу овие избори. Малкумина би поверувале дека е возможна таква директна комуникација помеѓу претседателски кандидат и потенцијален гласач, кој би можел да изрази мислење или загриженост, да дебатира па дури и да ја анализира неговата програма за работа.

Двајца од најсериозните кандидати имаат свои сопствени блогови:

Фернандо Луго е римокатолички епископ, претседателски кандидат на Христијанската демократска партија. Тој пишува што морал да стори за да може да се кандидира за највисоката функција во Парагвај [es].

По 30 години поминати како свештено лице, јас сум сè уште Христијанин и Парагваец но ја напуштив должноста епископ со цел да се посветам на политиката, да работам на проект и да се обидам да станам претседател на Парагвај за да им служам на моите браќа кои страдаат во оваа прекрасна и благословена земја.

Бланка Овелар е кандидат на владејачката партија – Колорадо; таа добива поддршка од сегашниот парагвајски претседател Никанор Дуарте. Една од нејзините главни теми е борбата против корупцијата. Таа вели [es]:

„Оној што негира дека во Парагвај има корупција всушност ги затвора очите пред реалноста. Корупцијата постои и ја има во сите делови на општеството. Не само во јавниот сектор, туку и во приватниот, во владејачката и опозициската партија, во бизнисите и синдикатите.

Присуството на овие блогови е најверојатно резултат на тоа што интернетот станува сè попопуларен во Парагвај. Се отвораат нови интернет клубови во речиси сите делови на главниот град Асунсион и се појавуваат сè повеќе провајдери на безжичен и широкопојасен интернет во споредба со периодот од пред неколку години. Најголем дел од луѓето гледаат на интернетот како на потреба, наместо луксуз, кој овозможува пристап за повеќе луѓе. За време на последните избори во 2003 г., овој вид на виртуелна интеракција помеѓу блогерот (претседателскиот кандидат) и читателот (потенцијалниот гласач) беше речиси незамислив, и неверојатно е колку работите се изменија во последните пет години.