Дарил Волк, канадски блогер од претходната категорија, изјавува:

Како католик, се радувам што папата Бенедикт 16 се обрати на оваа тема директно. Ќе бидат потребни многу повеќе од зборови и извинувања за да се излечат лузните предизвикани од постапките на некои свештеници кон жртвите. Мислам дека денес мојата црква направи чекор во вистински правец.

Леон Ј. Сусеран од Гујана Кроникал Блог, посакува да бил таму:

Доколку некогаш сум посакал да бидам во Соединетите Држави тогаш тоа е токму сега, кога лидерот на 1.2 милијарди Католици, папата Бенедикт 16 го има своето прво апостолко патување кај таа нација. Неговата посета доаѓа во време кога Римокатоличката Црква е нападната од сите страни, вклучувајќи ги неодамнешните скандали за сексуални злоупотребувања кои ја размрдаа црквата, но не и верата на милиони верници низ целиот свет, кои и понатаму продолжуваат да ја практикуваат верата која им е понудена од апостолите.

Од Тринидад и Тобаго, Џереми Тајлор, од друга страна, е фрустриран од пасивноста на папата:

Не е доволно тоа што папата е засрамен од неговите американски педофили свештеници, како што тој вели дека е денес во неговото патување во САД. Тој мора да направи нешто околу нив. Всушност, многу повеќе од “нешто“.

Талк Туркеј се прашува какво влијание ќе има посетата на папата на изборите во САД:

Се прашувам дали папата ќе ги посети Обама, Хилари и Мекејн. Сепак ова е година на избори. Во САД има 70 милиони католици, меѓу кои јас мислам дека има и такви кои доживеале развод, применувале секс пред брак, имале абортус, и биле (или знаат некој кој бил) злоупотребувани како деца од свештениците.

И Дејв Веиндерг од Џевнерик се фокусира на позитивните страни од посетата на папата на синагогата, што претставува историска случка:

Посетата на папата на американско школо е многу голема работа и навистина го покажува позитивниот напредок на нашите две заедници. Дури и посоодветно е тоа што папата ја посети синагогата вечерта на Пасха, со тоа што Последната Вечера беше Седер.

Фотографијата е лиценцирана под Криејтив комонс од џон.сондерман

Компјутерското општество на Тринидад и Тобаго објави детална збирка од мејнстим медиумски приказни за овој настан, а како што се очекуваше Особено таинствениот блог на Басдео Пандај, кој што се појави за време на скорашно одржаните парламентарни избори во Тринидад и Тобаго како одговор на овој познат блог, побрза да се одбрани „себеси“:

Се надевам дека гледате низ што морав да поминам за вас. Морав да поминам низ тешко искушение во парламентот. Тие го натераа претседателот на собранието Бари Синан да го казни Гери Хунт бидејќи го користеше својот лаптоп. Тие сакаат да изгледа дека во основа никој да не знае да користи лаптоп.

Објавувајќи ги неделните сумирања, Забелешки од пристаниште на Шпанија, објави дека:

Парламентот се распадна која опозицискиот лидер беше суспендиран за користење лаптоп, кој му беше овозможен од владата. Како резултат на ова, дебатата за цената на храната, која порасна за 19 проценти во последната година, беше откажана.

KnowProSe.com ја сумираше целата афера:

Ова, пријатели, изгледа повеќе како „ја можам да урунирам подалеку од тебе“ натпревар и веројатно е најдобриот пример за нефункционирањето на владата на Тринидад и Тобаго. Иако фокусот треба да биде на вистински проблеми, сепак фокусот моментално ена лаптопот на Пандај. Технологијата, иако корисна, си има свое место – иако претседателот на собранието изгледа како лудит според она што е напишано во Тринидад Експрес, оправдувањето на Пандој не изгледа многу подобро. Што тој правел на својот лаптоп што било толку важно? Дали работел на проблемот со криминалот? Барал информации за проблемот со локалните избори? И најважно, дали оваа работа некогаш е дискутирана со претседателот на собранието?

… целата оваа работа ја остави Слободно радио на Карибите комплетно збунета, толку многу што создаде онлајн анкета што ќе и помогне да го разбере целосно инцидентот.