Првиот блог во Грузија се појави пред 4-5 години. На почеток како новост, а сега блоговите се едни од главните форми од новите медиуми, исто како што се весниците и списанијата за традиционални медиуми. Во модерниот свет ширењето на вестите преку традиционалните медиуми е побавно отколку преку интернет.

Проценката на состојбата со интернетот во Грузија е малку комплицирана, па сепак, во блиска иднина, еден нов сервис - грузиски каталог на блогови ќе биде објавен. Каталогот ќе ги опфати сите блогови и услуги, категоризирани по тема за да се олесни достапноста на информациите. Така поедноставно ќе се најдат и авторите и блоговите на интернет.

Претставувањето на новиот каталог е предвидено да се одржи во октомври 2009, во рамките на грузискиот форум за нови медиуми кој ќе се одржи наредната недела. На форумот ќе се дискутира за новите медиуми воопшто, блоговите, новинарството итн. Покрај објавувањето на каталогот на блогови, куса листа на грузиските блогови ќе биде достапна и на http://blogroll.design.ge.

Дотогаш, следи анализа на ситуацијата; значи сликата во Грузија е: има околу 1,500 блогови на грузиски јазик, од кои една третина се активни и објавуваат по една статија дневно. Исто така има и блогови од странци, посетители на нашата земја, но нивниот број не е голем и затоа во оваа фаза нема да бидат објавени за да се разгледаат.

Од наша гледна точка, најактивни грузиски блогови, кои имаат околу 200-300 посетители дневно се:

http://dodka.ge/

http://sweet.ge/

http://tomushka.blogspot.com/

http://linguistuss.wordpress.com/

http://tiny.ge/

Како што може да се види, темите кои се покриени, се различни, со многу блогери кои пишуваат за нивниот личен живот. Сепак, многу од нив, исто така пишуваат и за политички настани, економија, театар, музика, фотографија или дизајн.За жал,тематските блогови за специфични теми се ретки.

Како и да е, има блогови за готвење, вино, воени теми итн. На пример, ბლოგი ღვინისა და გემოვნების შესახებ ги покрива виното и рецептите за готвење, додека Military Thoughts е блог за воена теорија и исто така е интересен. Нема многу блогови од ваков вид, но можат да се спомнат и блоговите на Гоги Гвакарија, Нико Нергаѕе и други новинари од радиото Слобода.

Исто така има и блогови како თავისუფალი სიტყვის ბლოგი, чијшто автор е грузиски новинар - аматер. Во иднина, нашата рубрика има за цел да се разгледуваат популарните блогови за да се подигне јавната свест и јавниот интерес за авторите и блогот воопшто.

Првичната, целосна верзија на овој напис за блогосферата во Грузија најпрво беше објавен на грузиски, руски и англиски во Media.ge.

Голема благодарност до комитетот за доделување на Нобеловата награда - навистина ни го разубавија денот. Можеби повеќето луѓе не се сигурни за што претседателот на САД беше номиниран, но се прилично сигурни дека не ја заслужи. Но сите беа среќни, затоа што ова им даде надеж дека секој и секаде може да ја освои наградата. Не беа само обичните луѓе шокирани што тој ја доби наградата,дури и Associate Press го има истото гледиште:

Еден од најмладите американски претседатели, кој работи помалку од девет месеци - и само 12 дена од истекот на рокот за номинирање за Нобеловата награда, минатиот февруари - ова е огромна чест.
Добивањето на наградата изгледа дека е повеќе за ветувањата на Обама отколку за неговата работа.

Египетските реакции почнаа со објави на Twitter

@amradelamin: Oбама ја доби Нобеловата награда за мир.

@fustat: Претседателот Обама ја доби Нобеловата награда за мир за 2009

Некои беа навистина затекнати.

Ghafari: نعم! اوباما فاز بنوبل للسلام؟ سلام ايه؟ وفين وامته؟.

@embee: Oбама? УПМ?

@alaa: Oх, упм. Претседателот на државата кој води две превентивни војни во две земји (ќе го игнорирам Пакистан) ја доби Нобеловата награда за мир?

@waelabbas: Oбама ја доби наградата за помагање на диктатори

@Ssirgany: Номинацијата за наградата истекуваше до 1 февруари, само 10 дена откако Обама ја презеде функцијата. Што направи тој за тие 10 дена?

Додека повеќето почнаа да се шегуваат за ова

@nightS: Oбама и Нобеловата награда за мир?!?!?! Претпоставувам дека е добра вест..Мислам дека во 2010 јас ќе ја добијам ако видоа дека тој навистина ја заслужи!!

@Sarahcarr: Церемонијата на доделувањето на Нобеловата награда требаше да се одржи во Авганистан, проследена од роднините на жртвите, заклани од трупите на Обама.

@minazekri: Добитникот на Нобеловата награда за мир, г-от Обама, ќе достави барање за зголемување на неговите трупи, во неговата војна во Авганистан.

@minazekri: Авганистан, Ирак и сега Обама ќе го КАЗНАТ Иран, секако тој е најдобриот избор за Нобеловата награда за мир.

@moftasa: Чудно како политичарите ја добиваат наградата без воопшто да направат нешто, а научниците , понекогаш ја добиваат децении по нивните откритија.
@moftasa: Барбара Меклинток ја доби Нобеловата награда за медицина во 1983 за нејзиното откритие на генетската транспозиција (промена,менување) во 40-тите и 50-тите.

@alaa: @moftasa посмешно е како Мандела требаше да чека до добивањето и мораше да ја подели со расистички убиец или како Ганди не успеа да ја добие 4 пати.

@WilYaWil: Oбама можеби ја заслужи за говорите, ама не за мир!

@BooDy: قلت لابوي و انا صغير يابا انا عاوز آخد جايزة نوبل ضحك علي الندل و قالي ذاكر و ابقى عالم و انت تاخدها أتاريني الأسهل اني ابقى سفاح

@WilYaWil: Kaнје Вест го прекина говорот на Обама при примањето на наградата „Ќе ти дозволам да завршиш, но ова е најлошиот избор на сите времиња за Нобеловата награда за мир“

@Amiralx: И јас треба да добијам Греми за пеење под туш!

Arabawy исто така напиша посебна статија за ова на неговиот блог.

Касапот на Ирак и Авганистан (и Пакистан) ја доби Нобеловата награда за мир. Честитки! [Мабрук!] Одличен ден за светската слобода. Oбама, Манхем Бегин, Хенри Кисинџер–сите се луѓе кои ја направија планетава одлично место за живеење. Зошто не можат и Мубарак и Хабиб ел Адли да ја добијат? Пораката која овие г**нари во Норвешка ја испраќаат: Со убиства и касапење до Нобелова награда.

И конечно, некои имаат поинакво гледиште:

@majdtweets: Од посветлата страна: Сега кога Обама ја доби наградата, можеби навистина ќе посака/ќе мора да ја заслужи титулата и да создава мир!

@sarsour: Ми се допаѓа Обама -ми изгледа супер човек. Сепак, ми се чини дека добива повеќе за работите ПРЕД навистина да ги направи.

Media Helping Media известува дека жалбите на Аднан Хајизаде и Емин Мили, двајцата видео блогери и младински активисти моментално во истражен затвор во Азербејџан по обвиенија кои по се изгледа се политични мотивирани , вчера беа одбиени.

Последната судска акција беше жалба поради нарушувањето нa претпоставката за невиност од спроведувачите на законот пред да биде извршена соодветна истрага и да биде реализирано судењето.

Се очекува судењето да се одржи некаде околу 8 септември. Ако бидат осудени за виновни ќе се соочат со две и пол години затвор.

Одбиената жалба беше твитирана од  OL! Youth Movement. Едниот од двајцата, Аднан Хајизаде, е основач на групата.

Денес во 15.30 судот во Себаил ќе ја разгледа жалбата од Аднан Хајизада и Емин Мили против кршењето на претпоставката за невиност. Судот ја одби жалбата.

Во меѓувреме блогот на  OL! вели дека младинското движење  Albanian Mjaft! се приклучи заедно со десетици меѓународни организации и групи во осудувањето на притворот на блогерите активисти.

Mjaft забележува дека во овој момент прашањето не е само едноставно да се критикува ситуацијата, но да се понуди директна поддршка на оние “кои стојат зад вредностите во кои веруваме сите”.  Mjaft  ги поддржува Аднан и Емин велејќи : “ова не е изолирана борба на активистите во Азербејџан. Ова е наша честа борба за разбивање на нашето минато политичко наследство.”

Друга организација која одблиску го следи случајот е Новинари без граници која исто така  ја рашири веста за одбивањето на жалбата на нивниот блог и исто така фрли сенка на сомнеж околу законитоста на акцијата против двајцата мажи.

Двајцата блогери беа притворени два месеци чекајќи го судењето  од јасно напумпани обвиненија за хулиганство. Според дипломатски извори , претседателот Илхам Алијев ги нарекол  “хулигани” за време на состанок со официјална делегација од Организацијата за Безбедност и соработка на Европа.

На двајцата блогери од времето кога се уапсени 8 јули се уште не им е дозволено да примаат посета од нивните семејства. Денешното сослушување беше зад затворени врати.  Адвокатот Изакан Ашуров дека ќе ја обжали денешната пресуда.

Во неодамнешното интервју со Global Voices Online, Генералниот секретар на Интернационалната Федерација на Либералната младина (IFLRY) Барт Вурд рече дека верува одлуката да се осудат двајцата блогери-активисти на две или три години затвор веќе е донесена.

Пред една година, Руско-Грузиската војна се совпадна со Олимписките игри 2008 во Пекинг, одвлекувајќи дел од вниманието на јавноста од мирниот спортски настан. Оваа недела, кибер напади на LiveJournal, Twitter и Facebook, насочени кон LJ/Twitter/Facebook корисникот cyxymu од Тбилиси, додадоа поголема димензија кон известувањето за првата годишнина од војната – па дури и го сменија фокусот на некој начин.

Иницијално, руско-грузиската врска не беше очигледна. На 6 август LJ корисникот mhwest го објави овој текст (англиски) на lj_maintenance LJ заедницата, објавувајќи дека платформата за блогирање е „под напад“:

Прекрасниот свет на DDoS

Како што некои од нас се запознаени, LiveJournal беше под напад ова утро од 6:00 до ??? Ги презедовме потребните чекори да го ублажиме DDoS, но некои корисници може се уште да се соочуваат со проблеми со поврзување. […]

Овој пост имаше 250 коментари, но имаше само неколку спомнувања на геополитичката причина за прекините. Еве неколку:

lavvyan - 6 август:

Доаѓаат Русите!

Не, чекај …

[…]

nysidra -7 август:

Се сеќавам дека го видов овој коментар вчера.

Само колку да знаете, бевте во право. ^_^

Нефункционирање на Twitter: Обвинете ги Русите

Исто така на 7 август, Eternal Remont цитираше дел од напис на BBC (англиски), објаснувајќи ја ситуацијата:

Вчера, како што крв паѓаше од небото, морињата се загреаја и Земјата се подели поради Denial of Service нападот на Google, Twitter и Facebook (Господе, не можам да „твитнам“ за фактот дека Twitter не функционира!) се запрашавме за една привлечна можност: Дали Русија е вклучена?

Можеби. Знаме дека нарушувањето на сите социјални мрежи на планетата беше насочено кон еден човек:

BBC: „Масовниот координиран напад на веб-сајтови, вклучувајќи ги Google, Facebook и Twitter беше насочен кон една индивидуа, про-грузиски блогер познат како Cyxymu… Личноста е активен блогер и ботнет (botnet) беше насочен да ги побарува неговите страници со таква брзина што тоа влијаеше на другите корисници.“ […]

И така, вечерта на првата годишнина од војната, LJ корисникот cyxymu - чие корисничко име е латинска верзија на рускиот спелинг на Сухуми, главниот град на Абхазија - стана славна личност.

Кириличните LJ корисници - diana-ledi, taki-net, markgrigorian и многу други известија (руски) дека не се во можност да објават постови и коментари кои го содржат корисничкото име cyxymu.

Неговиот примарен LJ блог и два други дополнителни - cyxymu1 и cyxymu2 -моментално не се достапни (меѓутоа некои од неговите текстови беа преведени од авторот Lyndon на Global Voices во октомври 2007 и јули 2008: Војната во Абхазија – Се сеќава „Cyxymu“ и Абхазија, Грузија: „Дом“)

Cyxymu исто така има блог на Blogger, Twitter профил, јавна страница на Facebook и Facebook група со повеќе од 750 членови, креирана од некој друг за да ја поддржи неговата кауза.

Евгениј Морозов од блогот Net.Effect напиша (англиски) дека тој „се обидувал да привлече внимание на проблемот со CYXYMU веќе неколку месеци, но немало резултати“. Еве го мислењето на Евгенија за неодамнешните кибер напади:

[…] Накратко, мислам дека моменталниот бран на напади имаат една цел: да се покажат мускулите на кибер напаѓачите со покажување на моќта која ја имаат непријателите на CYXYMU врз најпопуларните страници на интернет. Немој да погрешите: овие напади на Twitter и Facebook НЕ беа да се замолчи тој или да се спречи дистрибуцијата на информација која ќе направи Кремљ да се чувствува непријатно. […]

Ако внимателно го разгледате Twitter профилот на CYXYMU (поголемиот дел на руски), ќе видите дека скоро да нема информација од било какво политичко значење. Тој има профил од декември 2008, има 41 порака и повеќето од нив немаат никаква врска со политика (еве неколку типични пораки: „Супер е летото!“, „Животот е одличен! Ги рециклирам сите шеги за мајки“, „Ах тие бирократи“).

Ова дефинитивно не е нешто што би претставувала закана за Кремљ. […] Неговиот блог е исто така некој вид на портал за вести: тој направи одлична работа во известувањето на неговите читатели за она што се случува во Абхазија и Грузија, двата региона кои не се баш во центарот на вниманието на медиумите (дури и во Русија). Тој дефинитивно НЕ е блогерската верзија на Ана Политковкаја; повеќе неговите ставови и видливост – отколку неговите откритија – го направија важна цел.

Мислам дека вистинската цел на напаѓачите беше понижување, а не цензура (меѓутоа, повеќе за делото за цензура кон самиот крај). Дополнителна цел беше да се создаде страхопочитувачки наслови за кибер моќта на Русија насекаде низ интернетот; овие денови не постои подобар начин за тоа од да се направи Twitter недостапен на неколку часови […]

Остап Кармоди напиша (руски, линк од LJ корисникот drugoi) дека „напаѓачите“ најверојатно ќе размислеле двапати пред да го направат она што го направија ако биле во можност да ги предвидат последиците од нивните напади:

[…] Резултатот од вчерашните напади е дека cyxymu, непочитуван од многу хакери, стана познат за целиот свет. Шпанскиот El Pais напиша за него и францускиот Liberation и германскиот Spiegel и британскиот Guardian и американскиот Washington Post и јапонскиот Yomiuri. Накратко, сите главни весници во светот. Некои од нив дури направија и кратки интервјуа со cyxymu. Од сега, ако повторни се појави конфликт помеѓу Русија и Грузија, светските медиуми ќе знаат со кого да разговараат.

Од сега, мислењето на cyxymu за руската политика ќе биде интересна за целиот свет – мислењето на човекот кој предизвика рушење на милиони профили е секогаш интересно.

Пред неколку денови cyxymu беше познат на не повеќе од десет илјади луѓе. Денес тој е познат на – колку е публиката на светските медиуми? 500 милиони? милијарди? И повеќето од овие луѓе сочувствуваат со него – луѓето имаат обичај да сочувствуваат со жртви на масовно прогонување. […]

Еве една од теориите на Евгениј Морозов за кој би можел да биде позади нападот:

[…] Аматеризмот во кибер-војните беше една заедничка особина во скоро сите досегашни кибер-напади кои некако ја вклучуваа Русија; можеби беа дел од поширок обид Кремљ да ги здружи своите напаѓачи и бранители во група од националистички одмаздници, не само во кибер-просторот. Неодамнешните вести сугерираат дека Наши, младиот огранок на Кремљ, наскоро ќе регрутира до 10 000 проблематични тинејџери за да формира вооружени милициски единици кои ќе патролираат низ улиците. Има смисла доколку тие вложиле и во „ кибер-одмаздници“ кои ќе патролираат низ кибер-просторот, особено со се поголемата важност на интернетот во рускиот живот. […]

LJ корисникот dolboeb исто така чувствува дека „неодамнешната иницијатива да се создадат улични „милициски единици“ во Русија“ и идејата да се нападне блогот на cyxymu може да произлегле од ист извор. Тој напиша (руски):

[…] Навистина, зошто режимот би се мачел самиот, обидувајќи се да состави некои општи закони против интернетот, како наивните Казахстанци и старомодните Кинезите што направија, кога група од патриотски настроени насилници е на располагање, подготвени да уништат било кој сервис или ресурс [веднаш откако ќе им се нареди, па дури и без да им се нареди]. […]

LJ корисникот drugoi прикажа малку поразлична насока во овој многу краток и саркастичен пост (руски):

Барање

Другар [офицер], напишав пост за Битлси. Ќе ми дозволиш ли да го објавам? Нема ниеден збор за Грузија во него. Дали ќе го исклучиш твојот хурди гурди (hurdy-gurdy) на пет минути?

(Постот за Битлси (руски) е тука и одава почит на 40 годишнината од познатата фотографија Abbey Road .)

Родена во Иран, но израсната и моментално жителка на САД, Лиана Агајаниан е писателка и релативно нова особа во ерменската блогосфера. Иако блогира на нејзиниот личен сајт, Агајани стана  важен  претходник на алтернативните медиуми во Ерменија и дијаспората  со нејзиниот е-магазин базиран на Wordpress, Ianyan.

Здраво и добредојде во магазинот ianyan, твојата премиерна независна ерменска публикација. Ianyan најпрво започна како идеа што лежеше скриена во нашиот мозок повеќе години. Но како и сите добри работи, идејата конечно доживеа своја реализација. Ние овде во  ianyan тежнееме да го постигнеме она што многу ерменски публикации не успеаа да го направат: објективни вести,  претставувања и приказни кои ќе ги цените. Ова не е вашиот medzbab весник. Овде нема пропаганда. Ние не трагаме само по вистината и известуваме за неа, ние ви носиме ерменски вести од целиот свет и за младите и за старите генерации, исто така и за не-ерменските пријатели.

Целото интервју можете да го слушнете подолу [англиски].

Поткаст: Пушти го во нов прозорец | Преземи

Денешната обиколка на блоговите од Казахстан е посветена на културата и медиумите и како тие се испреплетуваат. Секако, тоа не поминува без политиката да биде инволвирана, како и во многу други работи во Казахстан.

Megakhuimyak смета дека главниот проблем во казахстанската литература и уметност е нивната ирелевантност и недостаток на тематика [руски]:

„Зборувам за сатирата и карикатурата - жанрови кои ја рефлектираат моменталната ситуација. Оние кои егзистираат во моментот се ограничени од уредничката политика и банални техники. Мое лично мислење е дека ќе можеме да кажеме дека нашата култура заживува, дури кога овие два жанра ќе оживеат.“

Ehot , професионален медиум, се обиде да гледа неделен блок вести на државната телевизија. Еве што тој мисли за тоа [руски]:

„Не сум сигурен чија била идејата да се најавува содржината цели 5 минути, но тоа беше премногу. Што може да се каже за просечните ТВ гледачи, кога беше премногу досадно дури и за мене, јас кој намерно сакав да ги гледам вестите? Го исклучив телевизорот уште пред да заврши најавувањето“

A-strekoza исто така се обиде да направи најдобро што може и гледаше филм за вршителот на должноста претседател откако го симна од официјалниот веб сајт на главниот карактер на филмот [руски]:

„Еден вид на катастрофа. Нeмам никакви забелешки околу работата на камерманот, но целиот филм е чудна мешавина од ласкање со лош глас кој говори нешто сосема патетично и многу застарено сценарио… Се прашувам кој одлучил дека таквиот филм може да ја подобри сликата за земјата и претседателот?“

Count - asylum ги дели своите идеи кои ги добил по учеството на состанокот на фановите на анимацијата во Караганда. Она што таму се случило е  дека полицијата ја следела одблиску групата на млади фанови од јапонската уметничка анимација. Спроведувачите на законот биле исплашени дека тие биле собрани за некој несанкциониран состанок [руски]:

„Мора да и се додаде патос и претерување на оваа приказна за да се постигне повеќе драма. Како на пример: Кога тие го срушија опозиционерскиот весник, јас останав без зборови - читав вести на веб. Кога го ставија Закианов [опозицискиот лидер] во затвор, јас истотака не реков ништо - бев ученик. Кога го блокираа Лајв журнал, не се побунив - знам за анонимизирачите. Но кога тие дојдоа по фановите на аниме, немаше никој за да протестира.”.

Исто така поставено и на neweuroasia..

Неодамнешното притворање на двајцата кибер-активисти и младински лидери во Азербејџан минатата недела предизвика вџашеност кај блогерите и активистите во и надвор од Азербејџан, па сега се покрена видео кампања со цел да се повика азербејџанската влада да ги ослободи двајцата лидери на младинското движење: Аднан Хајизада и Емин Мили.

Претходните постови на Глобал Воисес ги пренесоа следните информации: од 8 јули во притвор под обвинение за хулиганство, до реакциите од блогосферата за нивното апсење и затварање. Краток преглед на наведените настани беше понуден на страницата на  Support Azerbaijani Youth Acitvist's (Поддржете ги азербејџанските младински активисти) каде луѓето можат да поставуваат свои видеа за поддршка:

На 8 јули додека  лидерите на азербејџанското младинско движење Аднан Хајизада и Емин Мили зборуваа со своите пријатели во ресторан двајца непознати спортисти ги нападнаа и започнаа да ги тепаат. Како резултат на тоа, на Аднан му беше скршен носот и стапалото на Емин беше повредено.

И покрај фактот што тие самите отидоа во полицијата за да се жалат како жртви, полицијата ги уапси како осомничени. Спортистите кои ги нападнаа нив беа пуштени. Никаква медицинска помош не им беше пружена на Аднан и Емин цели 48 часа. Не им беше дозволено да се сретнат со нивните адвокати.

После 48 часа судот им одреди 2 месеци затвор без никаква основа и докази. Итрагата ќе продолжи за време на овие 2 месеци истражен затвор. Истрагата е лажна. Судот се претвори во театар.

Не ги оставајте младите Азербејџани сами.

Ве молиме за поддршка. Не дозволувајте младите Азербејџанци кои се борат за демократијата да бидат замолчени.

Следи нивниот повик до сите видео блогери да направат видео во кое бараат ослободување за Аднан и Емин:

Луѓето веќе се отповикаа на ова барање (вклучувајќи ме и мене) и ги поставија своите видеа за поддршка:

Од Тајван:

Од Азербејџан:

и од Хаваи:

Да испратиш своја порака за поддршка е лесно:

1. Земи камера
2. Претстави се: Моето име е… Јас  сум од…
3. Испрати ја својата порака до Аднан и Емин
4. Заврши го видеото со зборовите: Ја повикувам азербејџанската влада да го прекине ова беззаконие
5. Постави го видеото на Јутуб со име „Поддршка за Аднан и Емин“
6. Испрати го линкот до видеото на  ol.azerbaijan@gmail.com

Иако најмногу активност има на Фејсбук каде корисниците продолжуваат со најнови вести за случајот на видео блогерот Аднан Хајизаде и младинскиот активист Емин Мили, кои беа притворени минатата недела и осудени на истражен притвор од два месеци,  помала активност е видлива и во конвенционалните медиуми, но ситуацијата се менува. Сепак, граѓанските медиуми остануваат главниот извор на информации.

Во личен пост од срцето, Fighting windlmills? Take a pill, се сеќава на нејзините пријатели кои сега седат во затвор што по се изгледа дека се политички молтивирани обвиненија.

Имам слика на десктопот - Емин го вее азербејџанското знаме пред зградата на Обединетите нации во Њујорк. Знамето на државата за  која тој работи и живее, за која тој сонува да биде ослободена од корупцијата и нечесните политичари, онаа за која тој се врати од Њујорк, онаа за која тој и Аднан ќе поминат барем два месеци во затвор..

[…]

“Да се биде дисидент е чест.” рече еден од моите Грузиски пријатели, кога му ја кажав целата приказна. Тоа е она што и Емин би го рекол, помислив. И потоа, замислив што тој би направил ако некој од нас биде притворен.

[…]

Тие велат “Можеш да ми го затвориш телото, но не и мојата душа.” Навистина, тие може да ги одведат Емин и Аднан, но љубовта што ја имаме никогаш нема да избледне, било што да се случи. Најчистата, безусловната, која не може да се купи со пари од нафта, која прави моите пријатели да чекаат да станам тетка и се грижат да стигнам дома сигурно, оние кои направија 50 луѓе да ја пејат азербеjџанската химна пред судот во Сабаил. Таков вид на љубов, која ги охрабрува луѓето низ целиот свет да го заборават стравот и да се борат за слободата на нашите пријатели без разлика што ќе се случи.

[…]

Стоиме обединети!

Хумаи, друга пријателка на Хзјизаде исто така постираше лична порака на нејзината страна на Фејсбук за да го одбележи неговиот роденден.

Никакви помпезни зборови не би звучеле толку горко, но навистина е привилегија да го познавам Аднан толку добро. Тој е навистина еден од ретките. Аднан живееше според неговата вистина, дефинирајќи се себеси повторно и повторно преку повремени фрустрации, но никогаш не се плашеше од предизвиците од себе и од другите. […]

[…]

Аднан, денес имаш 26 години. Го славиш овој ден зад решетки. Или претпоставувам дека не славиш. Но, ние славиме. Среќна сум затоа што влезе во овој свет и во нашите животи. Среќна сум затоа што ми покажа колку многу  може еден човек самиот да направи. Ми покажа дека еден човек кој верува вреди колку илјада кои работат од интерес. Среќна сум затоа што се осмели да сонуваш и нас не зема на патување со себе. Те молам да продолжиш да сонуваш. Не сакам реквием на сон. И те молам врати се назад. Ни недостигаш.

Во меѓувреме, Media Helping Media , непрофитна организација која им помага на новинарите и активистите од земјите како Азербејџан, вели дека блоговите и Twitter биле пресудни во ширењето на веста за апсењето на Хазијаде и Мили многу побргу отколку традиционалните медиуми.

На традициналните пренесувачи на вести им беше потребно најмалку 24 часа за да стигнат со известувањето за апсењето на двајцата лидери на младинското движење во Азербејџан. За тоа време десетици блогови поставија најнови вести и веројатно беа испратени илјадници твитови. Вестите беа насекаде; секаде освен во традиционалните медиуми. Кога вестите стигнаа кај нив веќе беа само потсетници на вчерашните вести. Веројатно не беше прекасно за медиумите кои само ги репордуцираат новостите, но касно за оние што ги сакаат вестите тогаш кога ќе се случат.

[…]

Сето ова се случуваше во петок и сабота. Не можев да најдам ни збор за ова во традиционалните медиуми.

Скоро 24 часа подоцна вестите започнаа да пристигнуваат. Најпрво AFP прикажа напис ‘Блогери задржани под обвинение за хулиганство во Азербејџан: група за права' а потоа Ројтерс ‘Азери, блогер притворен, главниот нафташ притиска за случајот'.

Добро, Ројтерс додаде многу интересен нов агол, дека BP, кај кој е вработен еден од уапсените, притиска за негово пуштање.

Двата добри написи, пренесени и преку Твитер се пренесија брзо како вирус, но со закаснување од 24 часа.

Мило ми е што не ги чекав традиционалните медиуми, да известат. Ако чекав, ќе загубев 24часа и ќе читав вчерашни вести.

Случајно, бидејќи денес е роденден на Аднан Хајизаде, читателите на Global Voices Online можат да оставаат пораки или на блогот на OL! или  овде за да ги поддржат притворените активисти. Страната на Фејсбук е поставена со цел да се поддржат Емин Мили и Аднан Хајизада. Исто така има и петиција која може да се потпише онлајн овде.

Во она што можеби е првиот случај каде истакнат блогер е нападанат и притворен во Јужен Кавказ, двајца активисти на 11 јули беа затворени на два месеци во истражен затвор што многумина го сметаат за пародија на правдата.

Не беше дозволен  пристап на судењето кое се одржа зад затворени врати, на Facebook беше известено дека германскиот арбитер за човекови права, кој во тоа  време се наоѓал во Баку, смета дека таквото однесување е повреда на азербејџанските меѓународни обврски.

Германскиот арбитер посочи три точки на главниот судија во судот Гулзар Рзајева:"1. Ова е чиста политичка провокација и ќе биде пренесено на меѓународната заедница, 2. Притворените не добиле соодветен медицински третман, 3. Затвореното судење е против Европската конвенција за човекови права и политичка слобода

Ноќта кога Емин Мили и Аднан Хајизада беа нападнати и подоцна притворени од полицијата, азербејџанскиот автор на Global Voices, Али С. Новрузов ги информираше читателите за настанот. Радио Слободна Европа/Радио Либерти (RFE/RL) исто така извести за инцидентот.

Емин Мили е познат како критичар на владата кој е многу активен во социјалните мрежи како Facebook. Хајизада е еден од основачите на OL Youth Group (ОЛ Младинска група), која ги обработува социјалните проблеми на младите луѓе со популарни видеа на Youtube и сајтовите на социјалните мрежи.

Активистот за човековите права Леила Јунус вели дека начинот на кој активистите биле нападнати и уапсени ја води до заклучок дека целиот инцидент не можел да биде планиран од специјалните служби и полицијата. Таа го посочува случајот на Куанумат Захид, главен уредник на весникот “Азадлик”, кој бил осуден на 4 години затвор за хулиганизам откога бил нападнат од непозната личност.

Американската, германската  и норвешката амбасада ја изразија својата загриженост и надеж дека владата ќе ги казни оние што ги нападнале активистите и ќе ги пуштат Мили и Хајизада.

Сметани од многумина за две од од најистакнатите младински движења, и OL! и AN Network се покажаа многу продуктивни во нивната употреба на новите медиумски алатки како блоговите, социјалните мрежи и Youtube за промовирање на ненасилството, модернизацијата, толеранцијата и демократијата во Азербејџан.

Ние веруваме дека за да се обезбеди здрава иднина на Азербејџан му е потребно независно мислење, добро едуцирани и способни млади. Младите исто така ја носат одговорноста за иднината на државата и сувереноста […]”OL!” Движењето е движење на младите кои без разлика на нивната националност, јазик, религија и пол, се стремат кон одржлив и севкупен развој на Азербејџан.

Младите активисти и нивните пријатели веќе се појавија на радарот со протест прекинат од полицијата во мај за време на кој Мили исто така беше задржан заедно со уште неколкумина. Навистина, на денот на судењето, RFE/RL се прашуваше дали некои од овие активности го привлекоа вниманието на авторитетите.

Вчера пишувавме за апсењето на двајца азербејџански млади активисти. Видеото погоре, продуцирано и дистрибуирано од OL и AN младинското движење, е таков тип на работа што најверојатно ги ставило во жешка вода.

Главниот во OL, Аднан Хајизаде е еден од двајцата уапсени.

Во ова видео, членовите на OL  прават шега со владата за нејзиното трошење на пари од нафта. По известувањето на локалните медиуми дека Азербејџан увезол две магариња од странство секое по цена од 41,000 долари, едно од магарињата држи прес конференција

Реакцијата онлајн брзо се појави. Употребувајќи ги Facebook и Twitter, можеше да се добијат новости за нивното притворување, а подоцна и судењето се појави на Интернет.

Претставници на внатрешни организации и амбасади во полициската станица бараат адвокатот да има пристап.

Американската, британската, швајцарската, француската, германската, норвешката амбасада, OSCE, Советот на Европа, заштитниците на човековите права, новинарите да бидат таму - ВЕ МОЛИМЕ да ги информирате другите. Благодарам!

Фаталин - Нигара Фатали:

Родителите на Емин тажни и разочарани.

Германскиот арбитер овде и не беше пуштен внатре!

Леле, судењето се уште не е почнато, трагикомедија!

ljimaximus - Али С. Норвузов:

Луѓето се собраа пред судската зграда пеејќи ја националната химна на Азербејџан.

Луѓето не сакаат да заминат. Чуварите на човековите права бараат луѓето да заминат, младите луѓе не ги слушаат.

IL! olmedia

Лични рефлексии за инцидентот исто така се појавија и на блоговите.
Борба со ветерници? Земи апче. беше посебно вознемирувачко.

Пред два дена се наоѓав на забава на покрив кај еден мој пријател, пиејќи вино, разговарајќи со пријателите, уживајќи во времето и животот воопшто. “Го сакам Баку во лето”, реков. И навистина се почувствував среќен затоа што живеам во овој град, за прв пат после долго време.

Денес се изгледа поинаку. Времето ме нервира, дрвјата се премногу зелени, луѓето се безначајни и двајца мои блиски пријатели се претепани, притворени и против нив има покренато обвинение, толку јасно дека се наместени.

Седум часа пред полициската станица, три часа спиење прегрнувајќи го лаптопот и гневот, врескајќи во себе.

[…]
Пред четири години ќе бев шокиран слушајќи слични приказни за неправдите во Туркменистан од мој пријател. Денес ја живеам најлошата ноќна мора, борејќи се за слободата на двајца од најдобрите Азербејџанци, на кои сум горд што сум им пријател.

Изнемоштен сум, загрижен и лут.
Прашајте ме дали го сакам Баку во лето.

lying Carpets и Broken Pipelines беше слично вознемирени и посебно кога се донесе пресудата. Меѓутоа, блогереот го истакнува ефектот што случајот го има врз младите луѓе во Азербејџан.

Овој пост нема наслов. Овој пост нема тема. Овој пост зборува за мојата фрустрација и разочарување. Овој пост е за изневерувањето и се друго што е негативно и што не можам да го објаснам со зборови, затоа што понекогаш зборовите не се доволни. И конечно овој пост е за бесот и гневот за она што се случи денес! Аднан и Емин беа осудени на два месеци затворска казна врз основа на обвинение за хулиганизам!!!

[…]

Што се случи со мојата земја? Зошто Азербејџан стана место каде луѓето лажат, каде нема доверба, каде има премногу корупција, така што кога ќе застанеш во редот, автоматски започнуваш да мислиш дека треба да платиш за редот воопшто да се помрдне?! Зошто повеќе нема правда?

[…]

Сега само го проверувам Фејсбук и најновите вести што сум ги испуштил во текот на овие неколку часови кога немав интернет конекција. Гледам тага, гледам гнев, но најважно е што не гледам надеж! Некои од овие постови се полни го лутина, други со омраза, додека некои се зборови за поддршка за Емин и Аднан!

Отворена е страна на Фејсбук за поддршка на Емин Мили и Аднан Хајизада. Таму исто така има и петиција која може да се потпише онлајн. OL! има и Youtube канал тука. Најнови вести за овој случај може да се најдат и на блогот на OL!.

Проблемот со учебниците за основно училиште е сè уште многу важен. Карактеристика на овие книги се многубројните печатни грешки, грешки во однос на фактите и несоодветен јазик.

Неодамна, министерот за образование ја извести владеачката партија за неговата активност и рече дека министерството не е виновно за ова, затоа што наводно министерството работeло самостојно од издавачките куќи. Ова не е точно, забележува slavasay и напоменува дека истражувачкиот центар за учебници бил основан од страна на министерството. Тој исто така дава пример за работата на министерството:

На корицата на учебникот по руски јазик има две печатни грешки, една во насловот и една во името. Можете да замислите што има внатре.

Megakhuimyak ги споделува своите впечатоци по искуството како професор во едно новинарско училиште и во висока образовна установа:

Заклучок: Системот на образование ќе биде спасено од образовните институции кои нудат постдиплоски студии, при што се добива знаење во одредена област, а воедно таму предаваат иксусни професионални лица. Наскоро вработените ќе ги ценат овие дипломи повеќе од универзитетските дипломи.

Во меѓувреме, владата ја разгледува можноста за воведување задолжителни тестови за проверка на користење на дрога во училиштата. Мотив е добрата намера - грижа за здравјето на децата. Itsuken се сомнева и мисли дека во случај на позитивен резултат на тестот детето ќе страда од тенденциозното однесување во училиштата, а освен тоа, откако ова ќе се открие, детето ќе биде повеќе наклонето да комуницира со деца кои се попроблематични:

Покрај ова полицијата ќе има долготраен материјал кој ќе го уништува угледот на наивните тинејџери. А нашиот здравствен систем е многу несигурен, дури е и застрашувачки да се одведе дете да направи крвен тест. Би било многу подобро да се потрошат овие средства на организирање на слободното време на децата.

Објавено и на neweurasia.