Овој викенд неколку унгарски и српски медиуми го посочија дневниот весник на Приштина, Коха Диторе (албански) дека има конкретни информации за нелегално преминување на границата овој месец. На една унгарска веб-страница лоцирана во Србија, Magyar Szó (унгарски), стои дека, според Коха Диторе, Исмет Р., осомничен за илегално пренесување на група косовски Албанци, бил уапсен на Косовска Митровица. Најголемиот број на известувачи велат дека 15 луѓе се удавиле во реката Тиса во обид да ја преминат границата, но единствениот возрасен преживеан, Аргон Рама, признал дека групата се состоела од 19 луѓе (српски, англиски).

Според еден првичен извештај (унгарски), објавен од една веб-страница во јужна Унгарија, Délmagyar.hu (унгарски), за случајот на 15 илегални имигранти кои исчезнале во Реката Тиса на унгарско-српската граница, еден член на групата кој сакал да ја премине реката, татко на двегодишно момче и тригодишно девојче, бил оној кој повикал полиција од една јавна говорница кај пограничното село Роске, утрото на 15ти октомври.

Поголема мапа

Ксаба Балинт, блогер на Serbia Insajd (унгарски), користејќи го извештајот на Délmagyar.hu, коментирал за случајот, а исто така дал предлог да се започне истрага особено на врските помеѓу Унгарија и Косово:

[…] Дете, дете, помош! Тоа е она што косовскиот Албанец, чии деца за малку ќе се смрзнеле во Реката Тиса, постојано повторувал една ноќ во обид да избега во ЕУ. Ако некому не му е позната приказнава, ќе ја раскажам накусо. […]

Чудакот отишол до таму што убаво му платил на еден шверцувач на луѓе, која таму е трендовска професија, и ќе биде што ќе биде, тој ќе влезе во новиот свет во Сегед. Не помислил на фактот дека неговите деца ќе ги наврне ноќта и дека ќе бидат преморени поради пешачењето по шума. Кога човекот видел дека проблемот е голем, ги оставил децата на октомврискиот дожд и отишол да побара помош.

Децата одвај дишеле кога ги нашле. Двегодишно и тригодишно дете, само да ве потсетам! Тие целосно биле прекладени. Едно дете на еден престапник паднало во кома, но сега се чувствува подобро. Иако тие се извлекле здрави и живи, приказната е тажна. Тажна, но и ве доведува до размислување. Барем се покренаа неколку прашања од нејзе.

Зошто од независна и слободна Република Косово, стотици независни и слободни граѓани бегаат? Веројатно, зашто не е лесно да живеете во ’демократија‘ заснована на деликвенција? Кажете и на некоја друга независна држава во Европа од каде многумина слободни луѓе доаѓаат нелегално секоја недела! Веројатно, државите што брзаа да ја признаат Колумбија на Балканот повеќе не се трудат толку за да ја направат државата вистинска држава? Ако 29 годишен човек со две мали деца тргнал по шумата ноќе среде октомври, тогаш, морам да кажам: не.

Во следната епизода ќе видиме што Унгарија, големиот европски пријател на Косово, направи за луѓето што живеат таму да не мораат да бегаат на Запад. […]

Balkan Insight објави дека мисијата за владеење на правото при ЕУ, ЕУЛЕКС, косовската полиција и унгарските власти го започнале спроведувањето на истрагите. Според веб-страницата, мигрантски семејства плаќале од 6000 до 8000 евра за да отидат во Унгарија. Наспроти медиумот Коха Диторе, Balkan Insight известува дека до сега нема уапсени.

До понеделникот, Magyar Szó, (унгарски) објави дека едно тело било пронајдено на Унгарската граница кај реката Тиса, а тела на две жени биле пронајдени на српската граница. Едно од телата и припаѓало на сопругата на Аргон Рама која била мајка на неговите деца.

Габор Наги, унгарски миграциски полицаец, исто така коментирал (унгарски) за случајот на неговиот блог, изразувајќи неразбирање зошто Албанците толку очајно бегаат од Косово.

[…] Секако во вакви случаи секогаш се поставува прашањето, дали родителите се толку невнимателни што тргнуваат со бебиња кон ’големиот свет‘ или ситуацијата е толку лоша во Косово? Треба да се спомне и дека никој не ги брка од Косово, бидејќи тие ја ’стекнаа својата независност‘. Барем на хартија. А, исто така, не треба да се заборави дека овие луѓе бегаат со помош на шверцери на луѓе за дебели суми пари. Но, ако земеме предвид дека не е Унгарија местото каде што сакаат да бегаат, имам негативно мислење за тоа како стојат работите.

На 1ви септември во Будимпешта стапи во сила одлука за реонот 6, кој е познат по неговиот прекрасен ноќен живот. Со одлуката се бара баровите, рестораните и тобаката да затвараат во 22 часот. Општината вети дека ќе ги разгледа прописите на 10 септември и ќе ги суспендира сите идни договори, но нотар од реонот 6 заедно со група полицијаци започнале да кружат и на неколку барови и ресторани им ги избркале гостите и им ги затгвориле вратите во улицата „Нагимезо“, која е позната како „Бродвеј од беда“.

Погледни поголема мапа
Првото непослушно граќанско движење и протест против оваа одлука се покренаа истиот ден на квартот Liszt Ferenc, Андрас Фолдес од  index.hu објавува (унгарски):

Јавниот протест на преминот  на Терезварос (градот Тереза е второто име на реонот 6) во четвртокот вечерта помина одлично. Протестирајќи против одлуката на реонот, кој стапи во сила на 1ви септември, продавниците на квартот Liszt Ferenc ги изгаснаа светлата во 22 часот. Странците кои седеа на терасите гледаа наоколу зачудено, мислејќи дека ќе се запознаат со некој унгарски обичај. Граѓаните на Будимпешта не беа вознемирени, тие си продолжија со нивните разговори.
Беше очигледно дека тие знаеа што се случува, кога се вклучија светилките се слушна бран од аплауз кој ја преплави терасата. Квартот повторно изгледаше како да реонот 6 не добил никаква одлука тој ден која стапила во сила, која налагаше продавниците со сувенири, рестораните и продавниците да бидат отворени до 22 часот, наместо до полноќ или до 1 часот по полноќ.

The Budapest Times објави натпис по ревизија на одлуката, изјавувајќи:

Покрај ветувањето на суспензирање на тишината на баровите и рестораните, советот на реонот 6 во Будимпешта гласаше против престанок на регулацијата на нивната седница минатата среда.
[…] По одлуката да биде објавена, 50 реонски сопственици на барови имаа состанок и анонимно се согласија да бидат отворени после 22 часот. […] Тие би сакале да затвараат во 1 часот по полноќ, кој, според одлуката, беше најдоцното време до кое би требало да останат отворени баровите и рестораните, ако ниеден станар не се пожали против тоа.

Граѓаните започнале да организираат протест пред канцеларијата на градоначалникот на реонот на Facebook (унгарски, англиски):

Немаме друг избор освен да протестираме против таканаречениот „ред за мир“ кој што стапи во сила на 1ви септември, според кој СИТЕ ПАБОВИ И РЕСТОРАНИ мора да затворат најдоцна до 1 по полноќ во реонот 6 (Терезварос).
На жалост излезе дека многу малку членови на делегацискиот одбор не ја рекоа вистината според ветеното повлекување на редот кој стапи на сила на 1ви септември. Сега се осигуравме со повторно преговарање на ова прашање на крајот на октомври, очекувајќи го истиот резултат. До сега ниту преговарањата ниту протестите не беа ефикасни, така да нашиот единствен начин е демонстрација.
Никој нема право да го парализира ноќниот живот во центарот на Будимпешта, да банкротираат добро познати и популарни пабови, да ја отстранат живоста во ноќните клубови. Будимпешта е вистинска европска метропола која не може да постои без ноќниот живот!
Повеќе од 1000 работни места, годишно стотици и илјадници гости и слава, реномето на Будимпешта е ставено на коцка!
Би сакале ли во иднина да се забавувате во Терезварос? Тогаш протестирајте со нас! Без ВАС нема да успееме. Колку повеќе луѓе толку е поочигледно колку е смешен и уништувачки овој ред.
Местото за вечерните забави е центарот на Будимпешта, никој неможе да го одземе тоа!

Започната е веб-страница која се справува со оваа тема, обидувајќи се да ги променат гледиштата на локалните станари кои сакаат тишина и да се одмараат во вечерта и на оние кои преферираат да го задржат бучниот ноќен живот.
Takarodó.com објави неколу идеи и предлози кои би сакале да ги дискутираат со локалниот совет. Исто така го шират зборот и се обидуваат да канат луѓе на протестот во понеделник.

Ари Русила на својот блог AriRusila’s BalkanBlog ги разгледува резултатите за Балканот од истражувањето за слобода во светот на Freedom House, а на AriRusila's BalkanPerspective на Blogactiv.eu пишува за индексот на рестрикции за визи во истражувањето направено од фирмата Henley & Partners, истакнувајќи ги резултатите за земјите од Централна и Источна Европа.

Додека првиот ден од самитот на Глобал војсис беше фокусиран на Адвокаси, вториот ден беше фокусиран повеќе на Глобал војсис, со презентирање на информации за другите проекти на ГВ, Рајзинг војсис и Лингва.

Денот започна со вовед од Џорџија Поплевел (ГВ раководен директор) и Солана Ларсен (ГВ раководен уредник), во кој им беше заблагодарено на нашите прекрасни, прекрасни говорници. Дејвид Сасаки (Рајзинг Војсис Оутрич) накратко зборуваше за последните случувања во проектот Рајзинг војсис и покажа краток филм со тековните независни проекти кои се финансирани од Оутрич.

Сесија 1: Веб 2.0 станува широкораспространет беше модерирана од Лова Ракотомалала, со Каталина Ростепо (ХиперБарио, Колумбија), Колинс Денис Одур (Репактед, Кенија), Кристина Кисберт (Гласови од Боливија, Боливија), Миали Андриамананјара (ФОКО, Мадагаскар) како говорници. Оваа сесија беше блогирана во живо од Ребека Ванјики. Овој панел ги спои лидерите од иновативните Веб 2.0 иницијативи од Колумбија, Кенија, Боливија и Мадагаскар кои се обидуваат да ја направат глобалната дискусија повеќе претставителна за глобалната популација. Прашања што се однесуваат на нивните специфични проекти и предизвиците со кои тие се соочувале.

Сесија 2: Онлајн изборно тело во демократии во развој се фокусираше на тоа како растот на блогирањето, социјалното вмрежување и микро блогирачките сервиси, како Фејсбук и Твитер, видео и фото сајтови за споделување, како ЈуТјуб и Фликер, ширењето на мобилната технологија им дадоа можност на обичните граѓани целосно да учествуваат во демократскиот процес. Влијанието што го имаа овие алатки на неодамнешните избори го прикажаа Дауди Вере (Кенија), Оник Крикориан (Ерменија), Хамид Техрани (Иран), Луис Карлоз Диаз (Венецуела). Модератор на оваа сесија беше Солана Ларсен, додека Џулијан Јорк ја блогираше во живо.

Кога предрасуда се среќава со предрасуда беше темата на третата сесија. Фокусирана на неодамнешните тибетски протести против Кина со церемониите за пренесување на олимпискиот факел, интернационалните чувства кон Кинезите беа доста негативни. Што може да се направи за да се поттикне дијалог во времиња на такви вжештени недоразбирања? Говорниците Исак Мао (Претприемач и истражувач, Кина), Ребека Мекинон (Универзитет од Хонгконг и Глобал Војсис), Џон Кенеди (Уредник за јапонски јазик, Глобал војсис), помогнати од модераторот Хао Кианг, се обидоа да го одговорат ова прашање. Благодарност до Џулијан Јорк која ја покриваше оваа сесија на блогот.

Успешната гранка од ГВ, Лингва, ја водеше Сесијата 4: Превод и повеќејазичен веб. Лидерот на Лингва, Портноу ја претстави и ја водеше дискусијата со говорниците Крис Салзберг (Канада/Јапонија), Паула Гоез (Бразил), Резван (Бангладеш), Клер Улрих (Франција). Тие накратко ги прикажаа прашањата за тоа како содржината од Лингва се избира од преведувачите, важноста од нудењето на содржина на различни јазици со што се проширува публиката на ГВ и прикажаа некои од новите алатки за преведување, кои се користат од тимовите. Лингва моментално преведува на германски, шпански, француски, италијански, малгашки, португалски, албански, македонски, арапски, фарси, бангла, хинди, кинески (поедноставен), кинески (традиционален), јапонски.

Последната сесија беше Кога светот слуша. Беше модерирана од Притам Раи и со Неха Висванахан (Индија), Џулијана Ротич (Кенија), Лова Ракотомала (Мадагаскар) како говорници. На самитот тие ја прикажаа важноста од „другиот“ блогер – оној кој не блогира за политика, туку пишува за секојдневниот живот. Тие ги дискутираа и прашањата за тоа како блоговите можат да ја пополнат празнината со нови и креативни начини кога традиционалните медиуми не можат да известуваат, како на пример во случаите на природни катастрофи и политички кризи. Ребека Хеакок ја покриваше оваа сесија на блогот.

Мора да се каже дека за да се организира ваков самит е потребен огромен напор, но не треба да им се даде заслуга само на организаторите на самитот (Џорџија и Солана), туку треба и на нашите спонзори и партнери. Како додаток, тимот на блогери кои волонтираа за да ги запишуваат сесиите, Твитер, Фликер и блогираат во живо (неверојатно напорно!) заслужуваат огромна благодарност. Потребна е заедница за да се покрие нашата заедница!

Првиот ден од самитот на Глобал војсис 2008 во Будимпешта, Унгарија, беше огромен успех, колку што можеме ние да видиме (секако не можеме да ги знаеме сите импликации вака рано). Утрото започна со вовед од Итан Зукерман и Ребека Мекинон, основачи на Глобал војсис, во кој тие им искажаа благодарност на многуте спонзори и пријатели на самитот на Глобал војсис. Со особено значење, тие и се заблагодарија на Џорџија Поплевел, раководен директор на ГВ и главна раководна сила на самитот. Ребека ја објасни движечката сила на ГВ:

Јас доаѓам од новинарството, Итан од невладиниот сектор; и двајцата бевме загрижени за медиумите и глобалното внимание. Забележав дека интернационалните англиски медиуми го фокусираат вниманието на одредени луѓе и места, а многу помалку внимание на други гласови и места. Итан правеше многу истражувања за шаблоните на вниманието на медиумите. Ние ја истражувавме блогосферата и сакавме да зборуваме за сите луѓе ширум светот кои започнуваа со блогирање.

По воведот, првата сесија: „Кон глобална анти-цензурирана мрежа“, започна со Хелми Номан како модератор. Џилијан Јорк и Рената Авила во живо ја блогираа сесијата, користејќи КоверИтЛајв. Филтрирањето на интернет, само-цензурирање и слични проблеми во Египет, Мароко, Белорусија, Јапонија и Пакистан беа дискутирани за време на оваа сесија, во која зборуваа Сами Бен Гарбија, Крис Салзберг, Андреј Абозау, Итан Зукерман, АВаб Алви и Ала Абдел Фатах.

Втората сесија беше покриена од Џулијана Ротич на КоверИтЛајв; Оиван Лам од Хонгконг, Ваел Абас од Египет, Амин од Мороко, Ори Околох од Кенија, Ау Ваи „Алекс“ Панг од Сингапур и Хамид Техрани од Иран зборуваа на темата „Граѓански медиуми и слобода на говорот“. Темите кои беа опфатени беа користењето на Твитер, прокси и СМС за да се избегне интернет филтрирањето и цензурата. Секој од говорниците сподели приказни од неодамнешни настани во нивните земји.

Џилијан Јорк во живо ја блогираше третата сесија, наречена „Живот со цензура“. Аваб Алви од Не го блокирајте блогот ја модерираше, додека Хелми Номан, СЏ Хинк, Андре Хевенс, Резван, Јазан Бадран и Јон Кенеди беа говорници. Секој говорник дискутираше како е да се живее со цензура и секој од нив имаше различен поглед на проблемот.

Четвртата сесија, во живо блогирана од Џулијана Ротич, имаше специјални гости, чиј модератор Итан Зукерман рече дека сме многу среќни да ги имаме на самитот, бидејќи се многу барани како говорници! Роџер Дингледин од Тор, Нарт Виленув (Ситизен Лаб), Исак Мао (Диџитал Номадс Проџект), Роберт Гуера (Приватера) и Дени Обрајан (Електроник Фронтиер Фондејшн) зборуваа. Дени Обрајан зборуваше како да се избере алатка за надмудрување.

Која карактеристика треба да ја барате кога барате алатки за надмудрување и прикривање? Ова е многу важно, бидејќи некои алатки кои ги користите сега, во иднина може да не бидат безбедни. Гугл можеби е добар, но доколку продолжи да расте, дали ќе остане таков?

Карактеристиките кои ги сакате…
- Сакате алатка која е добро финансирана.

Џулијана наведува дека Обрајан препорачува комерцијалните продукти.

Денот заврши со петата сесија, која беше во живо блогирана од Ребека Ванџики и модерирана од Хиао Џинг. Говорници беа Клотхилде Ле Кос (РСФ), Елијах Зарван (ХРВ), Насер Ведаду (ХАМСА), Стефани ханкеј (Тактикал Тек) и Антони Леовенстен (Кампања Не цензуриран во Австралија од Амнести Интернејшнл).

Ребека Мекинон зборуваше на самиот крај од панелот, говорејќи за цензурата како легална, политичка и социјална програма.

Без социјалниот слој на врвот од техничките и легалните решенија, многу од овие проблеми ќе биде многу тешко да се решат. Бев многу шокирана од приказни за социјално обесхрабрување и изолација, кои ги чувствуваат некои блогери.

Таа додаде дека ние како граѓани новинари мора да работиме заедно за да ја победиме цензурата и да се фокусираме на она што го можеме, наместо на она што не можеме. Како заклучок, таа спомена како цензурата може да се пренесува, на пример: Јапонската цензура за слобода на говор/анти-порнографија може да се користи како пример од страна на Кина за да ги потчини своите активисти и дисиденти.

Вториот ден ветува дека ќе биде исто толку неверојатен, со Рајзинг Војсис, ГВ Лингва и други теми.

Доколку е тивко на Глобал Војсис во наредните неколку денови, тоа е бидејќи транспортиравме околу 80 од нашите уредници, автори и преведувачи во Будимпешта, Унгарија за самитот за слобода на изразување онлајн, граѓански медиуми и улогата на Глобал војсис во наредната година. Може да не следите во живо преку нашиот вебкаст, блог, Твитер и фотографии. Како да го направите тоа, погледнете на сајтот на самитот.

Многу блогери од Глобал Војсис, кои работеа заедно виртуелно повеќе од една година, сега се среќаваат за првпат. Ова е јавен состанок, кој привлече околу 200 учесници од сите континенти, вклучувајќи повеќе од дваесет новинари од мејнстрим медиумите. Им благодариме на сите што се тука во Будимпешта или не следат од странство.

Фотографија од конференциската сала на крајот од првиот ден. Фотографија од Неха Висванатан

Како што се наближува самитот на граѓански медиуми на Глобал Војсис во Будимпешта и откако претставивме неколку унгарски блогови за храна, сега ќе ги разгледуваме унгарските фотоблогови. Ги има многу, со висок квалитет, па затоа еве еден мал дел од нив.

Веројатно најпознатиот фотоблог во Будимпешта е Дневно Фото од Будимпешта, од истиот автор како и Водич низ Будимпешта. Исто така, неговите фотографии може да се погледнат на неговиот Фликер профил.

Двете фотографии подолу се од Дневно Фото од Будимпешта, левата е од Св. Ладислав:

Ладислав е еден од најмногу почитуваните кралеви на Унгарија. По долг период од граѓански војни, тој ја зајакна кралската моќ во неговото кралство со воведување неколку закони. Откако бил прогласен за светец, Ладислав станал пример за храбар крал на Унгарија.

Фотографијата од десно е од знак на дрво кој го има пронајдено во Буда.

Мултимедијалниот блог Истражи ја Унгарија нуди албуми од патувања, од кои последното е во Самис Марзипан Музејот во Сентандреја. Авторот има и Фликер профил каде може да се најдат многу фотографии од Унгарија и Будимпешта, како на пример оваа од фасада на зграда во Будимпешта:

Фотоблогот на Ервин Сперла има неколку импресивни фотографии од Будимпешта, како оваа подолу од новиот мост којшто се гради над Дунав. Цел албум од мостот може да се погледне на неговиот Фликер профил.

Друг фотоблог е Голо око, од каде е преземена фотографијата подолу од колата Импала во центарот на Будимпешта. Неговите понови фотографии вклучуваат фотографии снимени со фотоапарат без леќи и две фотографии од унгарското јадење летчо.

Фотоблогот на Дими има фотографии и во боја и црно бели од случајни сцени во Будимпешта, доловувајќи секојдневни моменти од неочекувана интимност и вистина. Фотографијата подолу е преземена од овој фотоблог.

Друг интересен фотоблог е Андрејс, кој има неколку фотографии од кафулињата во Будимпешта, како што е оваа:

Неколку унгарски фотоблогови може да се најдат и на Аминус3, висококвалитетен хостинг за фотоблогови. На пример, корисникот Флмстрп има фотографии од весели луѓе снимени во и околу Будимпешта, како и прекрасни пејзажи како на следнава фотографија:

За оние што не најдоа доволно фотографии од Унгарија на овие фотоблогови, може да ја разгледаат колекцијата на Фликер, Унгарија започнува тука, каде може да се погледнат фотографии како оваа подолу од унгарската железничка станица Келети.

Спорот за името помеѓу Македонија и Грција го инспирираше блогерот од Аман, Одрази се на… да размисли за идентитетот, географијата и геополитиката.