Наоружани со камери и фотоапарати, блогерите од Саудиска Арабија ја документираа масивната песочна бура која се случи во главниот град Ријад, со која видливоста се намали само на неколку метри и го парализираше градот.

На YouTube, Riyadh Travels објави видео во кое се покажува како бурата се движи со голема брзина и во неколку минути го покрива целиот Ријад.

Riyadh Travels коментира:

Да се биде обвиен од песочна бура во буквално неколку минути е извонредно искуство да се доживее од прва рака. Беше чисто, сино небо… и во следите неколку минути облак од песок со видливост од само неколку метри.

MadridyО8 објави видео од бурата исто така на YouTube:

Блогот Saudiwoman објавува фотографии оф бурата и го запишува нејзиното искуство:

Денес имавме навистина лоша бура. Утрото никогаш не би претпоставил дека тоа ќе се случи. Излегов од дома во 7:30, а небото беше чисто и сино. Подоцна требаше да го земам мојот син од предавања и морав да возам директно во бурата. Можевте да ја видите како се приближува од хоризонтот. Пат што вообичаено трае 45 минути, траеше дупло подолго. Автомобилите одвај се движеа и се слушаа сирени. Пожарникарски, болнички и полициски коли ја следеа бурата. Веројатно тоа беше многу лош ден за луѓето со асма.

Life Thru Dusty Lens, кој исто така објави фотографии од бурата, забележува:

Песочната бура дојде ултра брзо. Небото стана жолто и темно во неколку минути.

Boyd Jones, кој беше во Ријад, исто така објави серија од фотографии започнувајќи со овој пост. Еве една од нив:

Песочната бура беснее во хоризонтот

Majeed 99 [арапски], од Саудиска Арабија, објави фотографии од песочната бура, кој тој ги собрал од различни извори, додека Џон Бургс од Crossroads Arabia линкува до вести за бурата.

Во меѓувреме, кувајтскиот блогер Frankom се жали:

Немаше воопшто дожд оваа година. Нашата зима е сува, нашето лето е суво, нашета пролет е сува, нашата есен е сува… но му се заблагодарувам на господ бидејќи нашата ситуација е подобра од други.

Кралот на поп музиката, Мајкл Џексон, повторно е актуелен и приказните за неговото наводното преминување во исламот се актуелни со саркастични коментари на блоговите во Средниот Исток. Дали преминувањето  на Џексон е дел од заговорот на Америка „да се уништи исламот од внатре“, дали е медиумски подвиг или тој конечно ја најде вистинската работа?

Скептикот од Египет забележува:

Лондонскиот Sun и нешто помалку угледниот Telegraph известуваат дека Мајкл Џексон преминал во исламот. Весниците објавија фотографии од Џексон во Бахреин.

Мислам дека  Run CMD кажа најдобро преку неговиот имејл: „Очигледно е дека сето ова е дел од големиот план на Америка да го уништи Исламот од внатре. Мајкл Џексон работи за Дик Ченеј. Сега се има смисла.“

Од Кувајт, Loft965 напиша:

Според овој напис, Мајкл Џексон преминал во исламот. Овие гласини се шират веќе некое време, но овој пат изгледа е вистина бидејќи сите новински агенции пишуваат за тоа. Започна со Џермејн Џексон, потоа купувањето живеалиште во Бахреин и сега неговото име е Микаел (Mikaeel). Не разбирам зошто мора да се промениш името кога преминуваш во друга вера. Тоа не е задолжително. Тој го има најпрепознатливото име во светот. Не знам што треба да мислам за ова, но тој изгледа добро со вел.

Some Contrast, уште еден кувајтски блогер, исто така ја покрива темата.

Палестинско-американскиот блог Kabobfest, пишува за наводното преминување во исламот на Џексон и неговиот судски случај со бахреинскиот принц, шеикот Абдула бин Хамад Ал Калифа, синот на бахреинскиот крал кој го тужи кралот на поп за 7 милиони долари. Само што се појавија вести дека е постигната спогодба.

Во овој пост, Калаш вели:

Можеби имате слушнато за последната тужба за Мајкл Џексон – бахреинскиот принц му платил милиони долари за албум и книга кои никогаш не биле создадени. Она што веројатно не го знаете е дека Џексон има ас во ракавот…

Кралот на поп музиката премина во исламот. Слушам гласини уште откако тој започна да поминува многу време во Средниот Исток, но деталите во најновите известувања не ми оставаат многу простор за сомнеж. Тој дури го променил своето име во Микаел. Изгледа веќе не се чувствува пријатно во Јеховините сведоци.

Јорданскиот блогер Кинзи реагира на постот, велејќи:

За малку ќе напишев пост за ова, но подобро е да не дојде од мене.

Честитки, дел од исламот. Каква награда. Со среќа, кој и да му помага. Навистина е нешто.

Меѓутоа American Muslim Girl додава:

Знаеш што… Мене ми е жал за него и тој сигурно има некои проблеми, но… не знам… јас не би одбила никој, особено не некој со толку многу „следбеници“.

Поблиску до акцијата, од Бахреин, каде Џексон остана една година и имаше судење со член од кралското семејство со кое пејачот се појави на насловните страници на весниците, Есра од Mideast Youth го објави насловот: Исламот победува: Мајкл Џексон се преобрази.

Таа потоа додава:

Оваа ѕвезда е тужена од страна на принцот поради прекршување на некој „договор“ и поради тоа што не снимил песни за мир или нешто друго. Не дека некој се грижи што тој прави. Но јас понекогаш се грижам, бидејќи пораснав со него. Тогаш не бев сигурна дали е белец или црнец или дали е „забрането“ да го обожувам бидејќи се претвори во пластика. Или жена.

По се изгледа сега преминал во исламот. Сè уште сум во категоријата која не се замара.

Есра исто така пронајде саркастично писмо од пред две години, во кое фиктивен Џексон му се обраќа на светот. Во писмото, Есра пишува:

За жал легално ми е забрането да се доближам до било кое игралиште, поради она недоразбирање со моите панталони. Таа приказна доби многу внимание од медиумите. Зборувајќи за медиумите, не знам зошто сум постојано опкружен со камери. Сигурен сум дека девојчињата и момчињата од Бахреин не сакаат серија од фотографии кои покажуваат како ја уништувам мојата соба со урамена фотографија од нивниот крал.

Јас започнав да носам абаја (црна наметка која ја носат жените во Бахреин).

Последната станица е Israelicool, од Израел, кој забележува:

Исламот има нов, мрднат регрут […] Микаел? Повеќе звучи како да се претворил во руски мафијашки бос.

Но ако искочи дека Џексон преминал во исламот, се прашувам дали тој ќе адаптира некои од неговите стари песни за новите верувања. Претпоставувам „Beat It“ ќе биде најприоритетен кандидат.

Коментирајќи на овој пост, TechyNews пишува:

Ох не кутриот ислам, сигурен сум дека тие не сакаа да им се приклучи мрднатиот Џексон. Исто така дали ова е само негова прилика да носи вел наместо болничката маска за да го покрие неговото лице? Блесав Џеко, бурка е за девојки.

Весниците од вторникот беа преплавени со наслови за блокирањето на пристапот до Јутјуб во Кувајт. Блогерите, фрустрирани од ова, случувањето го опишаа како уште едно нарушување на слободата на говор во нивната земја.

Кувајтското министерство за комуникации прво издаде наредба до локалните интернет сервис провајдери за забранување на пристапот до Јутјуб, што беше предизвикано од објавените видео содржини кои се сметаа за навредливи за муслиманите и за исламот. Еден блогер потоа извести дека забраната била покрената откако ЈуТјуб го отстраниле „навредливото“ видео.

За првобитната забрана, Ансам пишува:

Мислам дека ова е најглупавата одлука што некогаш била донесена, кога станува збор за блокирање на навредливи сајтови… Што ќе биде следно? Блоговите!!! Лајмуајр!!!

Луѓе, ова е бесмислено… не, не, не… ова е бесмислено тажно! Кој донесува такви одлуки! Зар не е ЈуТјуб полн и со видеа кои го поддржуваат исламот, муслиманите и арапите! Зошто да се фаќаме за негативните работи?!?! Да не е целава работа заради стиховите од Куранот кои беа читани во придружба на мелодија? Видеото беше тргнато, за име божјо? Треба само да ги пријавиш навредливите видеа и твојот глас веднаш ќе биде слушнат!

Го мразам ова МНОГУ! Уффффф!

А кога забраната не беше имплементирана, Ансам извика:

Ја откажаа забраната. ЈуТјуб не е блокиран… ЈЕИЈ.

Друг Кувајтски блогер, Лофт965, забележува:

Доаѓа крајот на светот, колку што знаеме: Кувајт може да го блокира ЈуТјуб.

Башар исто така е бесен заради одлуката, предлагајќи владата да го забрани пристапот и до други сајтови кога веќе работата е таква. Неговите предлози опфаќаат:

Ако сакаат властите да одат понатаму, иако ЈуТјуб навистина изреагира по објавувањето на видеото, ги слушна поплаките на луѓето , па сега баш и нема такви видеа, јас имам листа на предлози кои ќе ја однесат нашата земја напред, а истите се внимателно селектирани од изборот на Алекса за најдобрите 100 сајтови во Кувајт:

1. Гугл, Јаху и МСН: главни за пребарување на сите злобни нешта. Блокирајте ги.
2. Фејсбук: има неколку атеистички и анти-исламистички групи. Не се трудете да ги исконтактирате, едуцирате или да ги споделите вашите мислења со нив. Едноставно оставете го целиот сајт.
3. Мактуб.ком (Maktoob.com): Арапски онлајн форуми, е-бракот може да биде злоупотребен за романтични состаноци, филмови, хороскопи. Ова не е исламистичко нели?
4. Кура.ком (Kooora.com): Се за фудбалот, и тоа претежно за европскиот, каде тимовите рекламираат пиво и вино на нивните маици од спонзорите.
5. Рапидшер: делењето содржини не се надгледува, не може да се открие што споделуваат твоите луѓе. А некој може тајно да споделува навредлива содржина. Мора да има нешто такво.
6. Травиан.ае (Travian.ae): Зошто да им дозволиш на твоите луѓе да играат како романски војници во онлајн игра, да помагаат во ширењето на романската империја онлајн, кога тие би можеле да се борат како Ислами.

Фалантан носи вести за наредбата за забранување на пристапот до ЈуТјуб, промислена на повисоко ниво. Тој пишува:

Ви благодарам на сите и еве го зачудувачкиот одговор, изгледа дека луѓето од министерството ја сфаќаат својата грешка.  Сега добив потврда дека министерот се состанал со главните на министерството и ја поништил наредбата.

Ти благодарам ал-Џарида и ви благодарам на вас блогерите од Кувајт

Пишувајќи на арапски, Џендиф расправа:

Интернетот има едукативен, економски, комерцијален и културен материјал, но исто така носи терористи, неморални и расистички содржини… Зошто не го забраните?
Ножот може да го употребите за да пресечете јаболко или парче роденденска торта, како и кога јадете парче месо, но има и луѓе кои го користат за да убиваат… зошто не го забраните?
Автомобилот е превозно средство и понекогаш за фалење. Но има и некои кои го користат за да ограбуваат други или за да шверцуваат, а понекогаш предизвикува повреди и убива луѓе… Зошто не го забраните?

Џорданијан Мои, кој го посетува Кувајт редовно, им се обраќа на државните органи:

Зошто да се блокира веб-сајтот? Не знам дали се сеќавате, но тие блокираа пристап до се што беше +18 на Јаху групите пред 2 години, а ЈуТјуб има опција за пријавување на навредливи содржини.
Ве молам, немојте да го изгубите разумот како Сирија и да ги блокирате ЈуТјуб И Фејсбук?

И Франком говори горделиво:

Вестите се денес во весниците.
Честито за нас што живееме во земја на демократија и слобода
Честито за нас што имаме министер кој не знае каде се наоѓа
Честито за нас бидејќи имаме компании кои не застануваат зад своите клиенти
Честито за нас кои живееме во сета оваа благосостојба
Маршираш наназад Кувајт

Гугл се приклучи на играта со прелистувачи со лансирање на својот прелистувач, Хром, со позитивни пофалби и неколку критики. Бесплатниот прелистувач, кој моментално е достапен само за Виндоус, предизвика бура не само во медиумите, туку бура и кај блоговите, насекаде низ светот. Блогосферата на Средниот Исток и Северна Африка, секогаш брзо реагира на големите вести, веднаш започна со дискусија за Хром и нема запрено од тогаш.

Фанови

Мноштвото блогери го обожаваат прелистувачот, барем до сега. Ентузијазмот на иКувајт постојано расте:

Можам да се навикнам на ова, кликнете на сликичката за да дознаете повеќе за Хром.
Дури ми се допаѓа и иконата
Новости: Дечки мора да го пробате ова, едноставно е перфектен, конечно го најдов мојот совршен прелистувач.

Исто така од Кувајт, Неколку разлики мисли дека Гугл направил паметен потег:

Како што сугерира насловот, Гугл создаде прелистувач. Паметен потег Гугл. Во нивното претставување тие рекоа бидејќи денес се што правиме онлајн е во прелистувач; имејл, чат, сајтови итн… тие можат да создадат свој прелистувач и да го развијат од почеток .

Тунискиот блогер Субзеро блу, кој исто така е фан на производот, го објаснува неговиот интерфејс:

Прелистувачот го користи WebKit рендерирачкиот енџин, V8 JavaScript виртуелна машина, оптимизиран пристап кон јазичињата (табови), почетна страница која ги прикажува најпосетените сајтови и серија од можности за сигурност и приватност; како додаток на другите интересни можности.

Мислам дека ова е навистина ветувачки производ од Гугл; и не можам да дочекам да видам како ќе продолжат со негово развивање и што ќе направи за веб-апликациите.

Исто така од Тунис, Ау Монде дес Мервеилес [француски] е импресиониран:

Откако го тестирав Гугл Хром, заклучив дека е единствениот вистински конкурент на Фајрфокс.

Критики

Други блогери се загрижени од Хром. Мароканскиот блогер за технологија, Тинкервин ги наведува овие работи:

Моите први впечатоци од прелистувачот: лесен и брз, стабилен и едноставен за користење. Сепак има уште многу работи кои треба да се подобрат. Сѐ уште има многу багови (справувањето со javascript и SSL/Certificates), сѐ уште му недостасуваат неколку можности (Java VM, екстензии и теми, организација на обележувачите, прокси менаџмент, RSS).

Блогерот заклучува:

Ќе чекам на следните верзии за да видам како ќе се подобрува, но сепак Хром не е доволно развиен за да го замени Фајрфокс како мој основен прелистувач.

Од Катар, АмарТок [арапски] наведува зошто тој е загрижен за прелистувачот. Некои од нив се:

2. Гугл Хром не подржува RSS
3. Има многу правописни грешки направени од тимот за преведување во делот за објаснување на можностите на прелистувачот.
4. Идејата да се промовира преку приказна е одлична, но мислам дека можностите на прелистувачот треба јасно да му се прикажат на корисникот – и не преку маркетинг приказна, која корисникот можеби нема да ја прочита докрај.

Бакуз од Јордан мисли дека Хром е добар, но е резервиран во однос на тоа:

Во секој случај, потребно е да се навикнеш на Гугл Хром, интерфејсот е многу едноставен до тој степен што станува и конфузен, на пример копчето „Дома“ не е видливо и мора да го додадете самите преку опциите. Друга работа што можеби е збунувачка за почетниците и новите корисници е отсуството на традиционалната лента со алатки. Друга работа е недостигот од опаѓачко мени за последно-посетени сајтови, Хром го компензира тоа со користење на опција за автоматско дополнување, која ќе се обиде автоматски да ја дополни адресата која ја впишувате веднаш по внесување на првите букви, но сепак ова може да биде незгодно.

За повеќе рецензии за Хром, надвор од традиционалните медиуми, може да се посети палестинскиот блог Документирани сеќавања, кој споделува површи рецензии од целиот свет и објавува:

Тотално сум вљубен во Хром, всушност ги замени сите мои други прелистувачи и е број 1 прелистувач за мене. Веќе го користам само него на сите мои компјутери.

Луѓето од заливскиот регион ја одбележуваат средината на светиот месец Рамазан со прослава, каде децата се облекуваат и одат од врата на врата, посакувајќи им на соседите среќни празници и собирајќи слатки работи и понекогаш пари.

Од Кувајт, интлкспатр беше во својот дом кога неочекувано некој тропна на нејзината врата:

Ѕвончето заѕвони.
Никој не ѕвони на мојата врата. Вратарот секогаш се јавува да ми каже дека пристигнал некој посетител.
“Кој е таму?” прашав гласно.
“Тоа е ГИРГИЈАН!” заѕвони еден хор на гласови.

Гиргијан е детски празник, нешто како Халовин (Денот на вештерките) некаде на половина од месецот Рамазан, кога деца облечени во костуми доаѓаат и ѕвонат на вратите, и им се даваат слатки работи , понекогаш пари. Ако имате среќа, тие ќе ви испеат песничка. Моето разбирање е дека нормално децата одат кај своите семејства, како тетки и чичковци и роднини и кај блиските соседи.

Излишно е да се каже дека интлкспатр беше восхитена од ова изненадување:

Влегоа внатре осум прекрасни мали Кувајтчиња, сите зборуваа англиски, сите облечени од глава до петици во најубави алишта и накит, бели наметки и капи за молење, прекрасни рачни везови со позлата, фустани со везови и тантели и светкави здолништа, златни фризури –ох! Тие беа преубави!

Никој досега не дошол за Гергијан. Јас немав ништо подготвено. Фала му на Бога што Адвенчрмен сака слатки работи и фала му на Бога тие беа љубезни и изгледаа одушевени со полни раце Орео колачиња и мачмалоу слатки, кои беа се што имав да им дадам.

Некои денови, едноставно не знаете каков благослов ќе се појави. Овие драги дечиња ми го разубавија денот.

Таа дури и сподели видео од прославата од кувајтски блогер Чикапапи поставено на ЈуТјуб:

На 7ми jули, Кувајтиецот Хусеин Ал Фудалах го напушти својот дом за да оди на риболов и не беше виден никогаш повеќе. Неколку дена подоцна неговото семејство доби вест дека тој е задржан во соседен Иран. Кувајтскиот амбасадор во Техеран ги увери дека тој е добро и ќе биде ослободен наскоро. Поминуваа денови, а Хусеин сѐ уште не беше вратен дома. И додека Кувајтските весници ги затвораа очите за страдањето на Хусеин, еден кувајтски блогер мислејќи дека што е многу, многу е, започнува онлајн кампања за да го привлече вниманието за рибарот-заложник.

Организаторот на кампањата, Остад Хамам(استاذ حمام), од блогот неиданс , обвинува:

لا أعلم الى متى هيبتنا كدولة تنتهك ونحن صامتين، قالوا لا تثيرون الموضوع حتى لا “يعاندنا” الايرانيون ويؤخرون خروجه، وها نحن ننتظر ويمر اسبوعين ولا خبر او علم! وكالة انباء فارس (اذا ممكن احد يترجم لنا الخبر، الموقع العربي لا يحتوي على الخبر!)، تذكر ان جهودا من “خالد الجارالله” وكيل الحارجية بذلت لاطلاق سراح المفقود، هناك تفاصيل مذكورة لم استطع فهمها، ولكن الحقيقة ان اي تقدم لم يحدث في الافراج عن المفقود.

Не знам до кога ќе молчиме додека тие ја повредуваат нашата независност. Тие не замолија да не го покренуваме ова прашање за да Ирачаните не станат тврдоглави и го успорат неговото ослободување. Чекавме две недели и не слушнавме ништо. Иранските дневни весници (ако некој може да го преведе текстот! Арапскиот сајт го нема текстот) велат дека Калид Ал Јаралах, Секретарот за надворешни работи, прави напори за негово ослободување. Имаше некои детали кои беа споменати , коишто јас не можев да ги разберам, но вистината е дека тој сѐ уште не е ослободен.

من ناحيتي، سأقترح حملة بالتعاون مع زملائي المدونين للضغط باستعجال الافراج عن المفقود، وثقتي كبيرة بزملائي المدونين بأن يتحركوا لاثارة هذا الموضوع، فنحن اذا ما المصالح دعت البعض للسكوت، لن يستطيعوا ان يرفعوا اقلامنا عن قول الحق، وما ابسطه من حق وهو المطالبة باسترجاع احد ابناء هذه الارض البرره.

Сметам дека ние како блогери треба да започнеме кампања и да повикаме на брзо ослободување на Хусеин. Јас длабоко верувам во моите пријатели блогери и верувам дека тие ќе учествуваат во оваа кампања. Ако некои биле принудени да молчат за да си ги заштитат своите интереси, ние нема да бидеме спречени од зборувањето на вистината. И тоа е едноставно право на кое повикуваме – а тоа е враќање на еден од синовите на оваа земја назад во неговиот дом.

Кувајтските блогери беа брзи во одговорот: Ентер ку 8 поставува банер за кампањата и објаснува зошто притисокот за негово ослободување е најважен:

ليش هالتحرك و هالحملة و السؤال
عن حسين الفضاله
هل لأن اهو سني هل لأنه اهو ولد بطنها هل لأنه اهو حضري
لا يا سادة
لأنه شريك معانا و معاكم
نعم
لأنه كويتي
كويتي يرتبط معاك بالعقد اللي انت و انا وانتي موقعين عليه
و بناء على قبولنا بهالعقد و بهالشراكة
خذينا شهادة تثبت هالشي
شنو هالعقد اللي الكل يتسائل عنه
العقد اهو الدستور
اللي ينظم حياتنا و دولتنا و عملنا و تصرفنا
العقد اللي موقع عليه حسين الفضالة
نفس العقد اللي انت و انا موقعين عليه
يعني كلنا شركاء و نتحمل المسؤلية معاً
خلنا نشوف احد بنود هالعقد
المادة السابعة من دستور دولة الكويت
مادة - 7
العدل والحرية والمساواة دعامات المجتمع, والتعاون والتراحم صلة وثقى بين المواطنين
التعاون و التراحم صلة وثقى بين المواطنين
المواطنيين شركاء الوطن

Можеби ќе се прашувате зошто оваа кампања и движење за Хусеин Ал Фудалах.
Дали затоа што е сунит? Дали затоа што не е номад?
Не, ова е затоа што тој е наш ортак. Да, мој и ваш ортак.
Затоа што е Кувајтиец- Кувајтиец кој е поврзен со вас и со мене со договорот кој сите не поврзува.
Можеби ќе се прашувате кој е тој договор? Господа, тоа е Уставот, што ги организира нашите животи, нација и нашата работа.
Тоа е договорот што Хусеин Ал Фудалах го потпиша - истиот договор јас и вие го потпишавме исто така, што значи дека сите ние сме партнери и сите сме одговорни.
Да провериме некоја од клаузите на овој договор.
Точка Седум вели:
Правда, слобода и еднаквост се столбовите на нашето општество; соработка и сочувствување се најсилните врски помегу граѓаните.
Соработка и сочувствување се најсилните врски помегу граѓаните.
Граѓаните се партнери во нацијата.

اليوم حسين
باكر يمكن انت
يمكن اخوك
ابوك
و بالاخير مواطن كويتي شريكك و شريكي
لنعيد تلاحمنا كما كان
ندعو الى الله أن يرد حسين لأهله و بلده
المعاناة ما عشتها لكن ابسطها بابسط مثال
اغلبنا يسافر سياحة و يتلهف على العوده لبلده
سياحة فما بالك من لانعرف مصيره
أسف ولكن اكيد لن يكون بنفس حاله بين اهله و بلده
أدعوا معنا لشريكنا في الوطن
المواطن حسين الفضالة بالعودة الى ابنائه وربعه و جيرانه
و الى رؤية بلده الكويت
و لا تنسوا ان تساهموا معنا برفع الشعار
حتى يعود

Денес, редот е на Хусеин. Утре, можеби ќе биде твој, редот на твојот брат или татко.. На крајот тоа ќе биде Кувајтски граѓанин - кој е твој и мој партнер. Во полза на меѓусебната соработка како порано, го молиме Алах да го врати Хусеин на неговото семејство и на неговата земја. Јас не сум ја поминал агонијата низ која поминува сега тој, но дозволете ми да го поедноставам тоа со друг пример: Многумина од нас патуваат во странство заради туризам и копнеат да се вратат дома по некое време. Замислете како му е нему, кога не знаеме дури каде се наоѓа. Жал ми е, но тој не може да биде исто како кога е со неговото семејство и во својата земја. Молете се со нас граѓанинот Хусеин Ал Фудалах да се врати кај своите деца, пријатели и соседи и во својата земја. И не заборавајте да го пратите банерот до неговото враќање.

Комфи зоун ку 8 исто така пишува за Хусеиновата несреќа:

Навистина е депресивно кога ќе се разбудиш со грдиот факт дека твојата сигурност како граѓанин не спаѓа во приоритетите на Владата на твојата земја.
Навистина е понижувачки кога ќе откриеш дека твојата вредност како човечко суштество не е почитувана и твоето едноставно право за безбеден живот не е гарантирано.
Навистина е застрашувачки кога одеднаш ќе исчезнеш и никој не покажува сериозност за твое пронаоѓање.
И навистина е тажно кога твојата земја ќе дигне раце од тебе во полза на интернационалните односи.

Ексзомби е исфрустриран од Владата што не прави доволно притисок за да обезбеди ослободување на Хусеин. Тој вели:

По малку сме разочарани од степенот на игнорирање што Владата и Парламентот го покажуваат кон овој случај и нивното занемарување на страдањето на семејството на Хусеин.
Помина еден месец до сега и никој не може да каже дали тој е ослободен, каде и кога, во каква состојба е тој, сочувствуваме со неговото семејство и нека тој се врати здрав и жив.

Зерзала праќа апел до Иранските власти да го ослободат Хусеин, напишан од Ентер ку 8, кој дава надеж дека луѓето ќе пратат имејл до Иранските власти. Писмото апелира за ослободување на Хусеин и негово брзо враќање кај неговото семејство.

Како што се зголемува живата на термометрите и доаѓањето на летото во Кувајт, блогерите се зафатени со барање на локации за нивните летни одмори.

Меѓу нив е и Здистрикт, кој бил на патување на островот Кубар. Тој пишува:

Ова беше топол викенд и одењето во Кубар не беше лоша идеја, сакав да скокнам во вода за да се оладам. Ми требаше околу 20тина минути за да го подготвам бродот и да почекам неколку луѓе пред да тргнам за Кубар. Беше топло и на палубата и сакав да скокнам веднаш во водата, но водата на марината е доста одвратна, па затоа се откажав и наместо тоа се разладував со коцки мраз, кои се растопуваа брзо.

Во меѓувреме, Десертгрлкувајт, оди на патување во Кабд. Таа го опишува својот излет:

Кабд на локален дијалект се изговара „чебд“. „Чебд“ значи црн дроб на арапски. Не ме прашувајте за поврзаноста. Не знам.

Бидејќи владата ја сруши целата Фунатис област од автопатот Фахахел (30), каде беа повеќето од фармите, скоро целата поранешна популација се пресели во своите фарми во Кабд. Никој (освен мојот пријател, М, чија жена го исфрли од куќата) не живее на овие места, кои беа наменети за земјоделство. (Кога велам „земјоделство“ мислам на „забава“)

Чилнит оди во Кувајтскиот аквариум и пишува:

За викендот одлучивме да го посетиме Кувајтскиот аквариум, сместен во Кувајтскиот научен центар. Еден збор „Фантастично“…

Доколку сте истрошени од жештината, под стрес од работата или би сакале да искулирате… само наминете во аквариумот.

Фотографија од здистикт

Дали ќе потрошите 10 000 долари за да го полирате вашиот автомобил? Знам дека нема – но либанскиот блогер Марк, кој живее во Кувајт, ни го привлече вниманието со некој што го направил баш тоа.

Марк пишува:

Во декември објавив за корисник на ЈуТјуб наречен парадајз1мен, кој само што го добил својот Бугати Вејрон, снимил видео од него и го поставил онлајн. Само што го проверив неговиот профил и тој имаше многу нови видеа, последното е од Паул Далтон, „Најдобриот чистач на светот“ кој дошол дури од Велика Британија за да му го исчисти автомобилот.

Видеото е од Паул Далтон како му го полира автомобилот, кое чини 10 000 долари. Доколку тоа бев јас, сигурно досега ќе ми се досадеше од автомобилот и ќе ја носев во Бајан (локален) сервисот за миење автомобили…

Парадајз1мен реагира на постот, велејќи:

Сакам да ти кажам нешто, ти не знаеш колку ме чинеше, дали 10 000 долари или 1 долар? Ти не знаеш дали тој ми е пријател или не, можеби го прави тоа бесплатно никогаш не можете да го знаете тоа, мислам дека ќе ве оставам да погодувате, извинете доколку реков нешто што ќе ве навреди, но ве сакам сите и господ да ве благослови, многу среќа и имајте убав ден.

Парадајз1мен има колекција од видеа на ЈуТјуб од неговата скапоцена колекција од автомобили и светскиот третман кој тие го добиваат. Еве го видеото од наводното полирање од 10 000 долари:

Саудиска Арабија беше домаќин на Самитот на советот за соработка во заливот во неговата источна провинција, донесувајќи ги лидерите на Бахреин, Катар, Кувајт, Оман и Обединетите Арапски Емирати под еден кров – и држејќи ги жителите на Дехран и Дамам како заложници за целото времетраење на нивната средба, бидејќи сите главни патишта кои водат до и надвор од градот беа затворени.

Саудискиот блогет Ибраим [Ar] ја изнесе сторијата рано вчера велејќи:

Дехран сега е комплетно отсечен и никој не може да дојде до него. Неговите порти се затворени за неговите жители и посетители. Нашите деца се заглавени во училиштата. Родителите стојат зад ѕидовите, желни да ги прегрнат своите деца. Светлата на полициските автомобили се насекаде. О Боже! Што ни се случува на нас? Алах нека ни е на помош.

Неколку часови подоцна, многу порелаксиран Ибраим објаснува што се случило:

Она што се случило е дека тие ги затвориле патиштата за GCC (Совет за соработка помеѓу арапските држави од заливските држави, Гулф) кралевите и лидерите кои доаѓаат. Во ред, зошто не ни кажавте што се случува уште на почеток? Вие навистина не исплашивте. Гледајте што се случи. Состанокот почнува во 4 часот. Тие ги затворија сите патишта уште на пладне. Сите излези и надвозници до Дехран се разбира беа затворени, дури и оние кои водат до (Саудиската нафтена компанија) Арамко и останаа затворени се до околу 7 часот навечер. Луѓето возеа наоколу во кругови и сите патишта беа затворени. Накратко, јас чувствував исто што и другите луѓе од Газа, баравме Алах да помогне. Проблемот не беше поради нашите посетители. Проблемот беше со нашите службени лица во управата за сообраќај, кои јас мислам дека не припаѓаат на оваа територија, затоа што се чини дека тие не се во состојба да размислуваат. Што ќе се случеше ако тие го затвореа патот до Дехран во правец на Џубеил 15 минути – ајде да речеме дури и еден час – пред конвоите да поминат и потоа повторно да го затворат 15 минути пред да биде завршен состанокот? Тие ќе го направеа ова ако нивната причина беше да се надмине сообраќајната гужва, но она што јас го видов вчера не беше поради сообраќајот… бидејќи тие го блокираа целиот регион кој покрива дијаметар од 15 км – од улицата Абу Хадрија до надвозникот во близина на базата на военото воздухопловство. Ова значи дека луѓето од Источната провинција, кои се очекува да им посакаат добредојде на гостите, не успеа да им ги видат дури ни колите на гостите.

Блогерот додава:

Јас лично сум презаситен и мразам вакви поводи…затоа што тие се бескорисни за сите освен за крадците – кои станаа среќни дознавајќи дека сите полицајци се зафатени со церемонијата – оставајќи ја целата држава во ризик. Луѓето исто така нема да добијат шанса да го сретнат нивниот крал, и сите патишта ќе бидат затворени за нив.

Ибраим исто така ја споделува следнава сугестија за нафтениот гигант Сауди Арамко, кој ја прославува својата стогодишнина оваа година:

Јас му предлагам на Арамко да одржи свеченост во празниот четврт на пустината за да ја одбележи стогодишнината. Има аеродром таму и добро е опремено со сé. Нема да има потреба да ги затвараат патиштата или да направат било што, и ништо нема да се промени – забавата ќе биде таму, гостите ќе бидат таму и јавноста нема да биде таму. Ова значи дека сé што ќе им биде потребно ќе имаат таму. Ние нема да имаме чувство дека има забава и вие нема да ги упропастувате животите на луѓето.

Поранешниот кувајтски владетел шеикот Саад Ал Абдула Ал Сабах почина денес после долго боледување, на 78 години. Кувајтската онлајн заедница беше трогната од веста и илјадници пораки за сочувство се појавија на блоговите, на арапски и англиски јазик. Државата прогласи тридневна жалост – но парламентарните избори, закажани за сабота, ќе се одржат според планот.

Саба [Ar] го објави следново:

Повредени сме од загубата на голем човек од Кувајт, кој го жртвуваше својот живот и секогаш ја бранеше својата земја. Тој беше, неговата душа нека почива во мир, главна личност во кувајтската современа историја. Тој беше одличен лидер, со херојски дела кои секој ги знае за време на неговата официјална работа и владеење со нашата драга земја.

Мр Чоколејт [Ar] исто така е обземен од емоции и пишува:

Ти секогаш беше столб на сила за твојот брат, емирот на срцата, шеикот Џабер Ал Ахмад Ал Џабер Ал Сабах, неговата душа нека почива во мир. Ти беше татко на луѓето од Кувајт. Никогаш нема да ги заборавиме твоите напори за ослободување на Кувајт и никогаш нема да заборавиме дека ти беше еден од синовите на таткото на кувајтскиот устав, шеикот Абдула Ал Салем Ал Сабах. Можеби беше владетел само неколку дена, но никогаш нема да го заборавиме твоето страдање со болеста. Нека Алах има милост за сите чесни луѓе од Кувајт.

Ал Тарик [Ar] посакува стрпливост кај луѓето од Кувајт во решавање на оваа несреќа. Тој пишува:

Се молам за негов благослов и простување и нека неговата ужалена фамилија и луѓето од Кувајт имаат трпение во справувањето со оваа несреќа.

5-г8 ја објави следнава фотографија, на која е напишано: Збогум, татко на Фахад, најстариот син на шеикот Саад.

Блкалфасих [Ar] најави дека изборите ќе се одржат во сабота, 17 мај, додавајќи дека во државата се прогласени три дена жалост – среда, четврток и петок.