Пишувајќи на арапски, Journaliste Tunisien, кој го поднесе случајот, известува дека:

Третиот Окружен Суд во Тунис, со кој претседава судијата Руваида Ал Гарби, го отфрли случајот поднесен против АТИ за блокирањето на сајтот за социјално вмрежување Фејсбук.
Одлуката за случајот  68787 на 25ти ноември , кој јас го поднесов во протест против илегалното цензурирање, не вклучуваше никакви објаснувања.

Одлуката беше донесена откако судењето беше одложено три пати. Исто така беше побарано од тужителот да плати за сите трошоци што ги повлече оваа граѓанска процедура.

И покрај оваа препрека, туниските корисници на Фејсбук и блогери победија со нивното обединување против цензурирањето и нивниот национален ден за слобода на блогирањето.

Следува видеото:

Еве што напиша Бен гарбија, кој е уредник на Global Voices Advocacy:

Ова е одлично видео, кое ја објаснува улогата на египетската блогосфера во изложување на прекршувањата на човековите права и улогата на социјалната мрежа Фејсбук и платформата за микро-блогисрање Твитер во организирање на протести и штрајкови, како штрајкот на 6ти април и генералниот штрајк на 4ти мај.

Во видеото, меѓу другите, се појавува блогерот и активист Ноха Атеф, уредник на блогот Tortureinegypt.net, Галам Аид, извршен директор на Арапската мрежа за човекови права, блогерот и новинар Абдел Монем Махмоуд и Фејсбук активистот Ахмед Махер.

تميّز الأسبوع الماضي في نشاط المدونين العرب بحركات احتجاج واسعة على أوضاع الحريات في دول عربية، ولاسيما في المملكة العربية السعودية وتونس، زيادة على تنامي تنديد المدونين بما يقولون إنّه “رقابة” باتت تمارس عليهم، زيادة على حكوماتهم، الهيئات المشرفة على منتديات عالمية، مثل “فليكر” و”فيس بوك.”

وتميّز نشاط الكثير من المدونات السعودية خلال الأسبوع بالدعوة إلى إضراب جوع تضامنا مع نشطين معتقلين.

وفي الوقت الذي لم تتوفر معلومات بعد عن حجم الإضراب الذي وقع في السادس والسابع من نوفمبر/ تشرين الأول، تميّز نشاط المدونين السعوديين بجرأة، “وذلك احتجاجاً على انتهاك حقوق المعتقلين، وعموم السجناء في المملكة العربية السعودية، الذين حرموا من ما أوجبه نظام الإجراءات الجزائية.”

والسجناء الذين تضامن معهم المدونون هم من “تيار العدل�والشورى وحقوق الإنسان، ومن ضمنهم متروك الفالح.

И покрај се блогерите ја искажаа својата солидарност со затворениците од движењето „Правда, Shura (советување) и човекови права“, меѓу кои беше и Матрук Ал Фалех.

Нашата цел е:

• Да направиме множество од веб 2.0 алатките за застапување
• Да понудиме детални инструкции за нивно користење
• Да ги нагласиме успешните експерименти на веб 2.0 активизам од дигитални активисти низ целиот свет.
• Да ги инспирираме другите активисти да ги применуваат овие стратегии на начин коj ќе им одговара на нивните специфични потреби и цели.

Од „Гео-бомбирање“до „мулти-блогирање“ и Твитер до „mash-ups“(миксови), го истражуваме полето на дигитално застапување, помагајќи им на активистите да допрат до публика која претходно никогаш не успеале.

Го објавуваме првиот од серијата водичи 2.0 за застапување, кој ќе ви покаже како да го користите веб 2.0 како алатка за застапување:

Гео-бомбардирање: YouTube + Google Earth

Гео-бомбардирање е една од техниките кои може да се искористат со цел да се постигне поуспешно распространување на вашите YouTube видео кампањи преку апликациите на Google за мапирање, како што се Google Maps и Google Earth. Сега може да ги гледате вашите гео-тагирани видеа во Google Earth и Google Maps. Секое YouTube видео со гео-таг ќе биде прикажано кога YouTube слојот од Google Earth/Maps е вклучен. [почитај повеќе]

Гео-бомбардирање (географско бомбардирање) е една од техниките кои може да се искористат со цел да се постигне поуспешно распространување на вашите YouTube видео кампањи преку апликациите на Google за мапирање, како што се Google Maps и Google Earth. Сега може да ги гледате вашите гео-тагирани видеа во Google Earth и Google Maps. Секое YouTube видео со гео-таг ќе биде прикажано кога YouTube слојот од Google Earth/Maps е вклучен.

Еве што треба да знаете за да може да ја искористите максимално оваа моќна техника.

1 – Како да направите гео-тагирање на вашето видео:

За време на процесот на поставувањето на видео на YouTube, може да додадете гео-таг на вашето видео со локација:

Откако е зачувана локацијата и видеото е поставено, тоа ќе се појави во Google Earth.

2 – Како да прикажете гео-тагирано YouTube видео во Google Earth?

За да го активирате YouTube слојот во Google Earth, треба да го отворите менито „Layers (слоеви)“, од левата страна на Google Earth. Со прикажување од нодот „Gallery (галерија)“ од дрвото на слоевите, ќе се прикаже слојот YouTube. Откако ќе го селектирате YouTube слојот ќе се прикажат сите YouTube икони од целиот свет.

Успешно користење на техниката за гео-бомбардирање

Оваа техника е користена од страна на активист од Тунис, од колективниот блог Nawaat.org за да поврзе десетици видеа со изјави од тунизиски политички затвореници и бранители на човекови права со локацијата на тунизиската претседателска палата на Google Earth. Сега кога ќе дојдете над тунизиската претседателка палата на Google Earth ќе ја видите покриена со истите оние видеа за граѓанска слобода, кои Бен Али се обидуваше да ги сокрие од тунизиските нетизени со блокирање на двата веб сајта за споделување на видеа, Youtube и DailyMotion.

Погледнете ја положбата на тунизиската претседателска палата на Google Earth: Може да го преземете овој kmz документ (Keyhole Markup Zip), кој ќе го започне Google Earth и веднаш ќе ве позиционира до Картиџ претседателската палата.

Рецензии

Тунизиските активисти и нивните сојузници организираа „дигитално позиционирање“, поврзаа десетина видеа за цивилна слобода за сликата на претседателската палата на Google Earth. Тие ја претворија воздржаната сторија за човекови права во модерна глобална кампања.

Економист – Власта може да ги затвори блогерите. Потешко е да ги надмудри.

Зачудувачки е колку ретко досега имало бомбардирање со Google Earth, земајќи во предвид колку е популарна апликацијата (…) Време е да се дефинира „гео-бомбардирањето со Google“ или „ Google Earth бомбардирањето“, тогаш (…) дури и дефиницијата да не е доволно јасна, нема сомневање дека гео-бомбардирањето со Google е одлична, евтина промоција на герилците.

Ogle Earth - Google Earth бомбардирање за слободен Тунис

Онлајн кампањата не само што го заобиколува и исмејува режимот за забрана на сајтовите за споделување на видео, туку допира и до странците кои можеби не се свесни за злоупотребите во Тунис. За првпат, виртуелните туристи на Тунис може да ја видат темната страна на историските локации и прекрасните плажи.

C.R.I.M.E Report – Виртуелна позиција на тунизиската претседателска палата

Фанови

Мноштвото блогери го обожаваат прелистувачот, барем до сега. Ентузијазмот на иКувајт постојано расте:

Можам да се навикнам на ова, кликнете на сликичката за да дознаете повеќе за Хром.
Дури ми се допаѓа и иконата
Новости: Дечки мора да го пробате ова, едноставно е перфектен, конечно го најдов мојот совршен прелистувач.

Исто така од Кувајт, Неколку разлики мисли дека Гугл направил паметен потег:

Како што сугерира насловот, Гугл создаде прелистувач. Паметен потег Гугл. Во нивното претставување тие рекоа бидејќи денес се што правиме онлајн е во прелистувач; имејл, чат, сајтови итн… тие можат да создадат свој прелистувач и да го развијат од почеток .

Тунискиот блогер Субзеро блу, кој исто така е фан на производот, го објаснува неговиот интерфејс:

Прелистувачот го користи WebKit рендерирачкиот енџин, V8 JavaScript виртуелна машина, оптимизиран пристап кон јазичињата (табови), почетна страница која ги прикажува најпосетените сајтови и серија од можности за сигурност и приватност; како додаток на другите интересни можности.

Мислам дека ова е навистина ветувачки производ од Гугл; и не можам да дочекам да видам како ќе продолжат со негово развивање и што ќе направи за веб-апликациите.

Исто така од Тунис, Ау Монде дес Мервеилес [француски] е импресиониран:

Откако го тестирав Гугл Хром, заклучив дека е единствениот вистински конкурент на Фајрфокс.

Критики

Други блогери се загрижени од Хром. Мароканскиот блогер за технологија, Тинкервин ги наведува овие работи:

Моите први впечатоци од прелистувачот: лесен и брз, стабилен и едноставен за користење. Сепак има уште многу работи кои треба да се подобрат. Сѐ уште има многу багови (справувањето со javascript и SSL/Certificates), сѐ уште му недостасуваат неколку можности (Java VM, екстензии и теми, организација на обележувачите, прокси менаџмент, RSS).

Блогерот заклучува:

Ќе чекам на следните верзии за да видам како ќе се подобрува, но сепак Хром не е доволно развиен за да го замени Фајрфокс како мој основен прелистувач.

Од Катар, АмарТок [арапски] наведува зошто тој е загрижен за прелистувачот. Некои од нив се:

2. Гугл Хром не подржува RSS
3. Има многу правописни грешки направени од тимот за преведување во делот за објаснување на можностите на прелистувачот.
4. Идејата да се промовира преку приказна е одлична, но мислам дека можностите на прелистувачот треба јасно да му се прикажат на корисникот – и не преку маркетинг приказна, која корисникот можеби нема да ја прочита докрај.

Бакуз од Јордан мисли дека Хром е добар, но е резервиран во однос на тоа:

Во секој случај, потребно е да се навикнеш на Гугл Хром, интерфејсот е многу едноставен до тој степен што станува и конфузен, на пример копчето „Дома“ не е видливо и мора да го додадете самите преку опциите. Друга работа што можеби е збунувачка за почетниците и новите корисници е отсуството на традиционалната лента со алатки. Друга работа е недостигот од опаѓачко мени за последно-посетени сајтови, Хром го компензира тоа со користење на опција за автоматско дополнување, која ќе се обиде автоматски да ја дополни адресата која ја впишувате веднаш по внесување на првите букви, но сепак ова може да биде незгодно.

За повеќе рецензии за Хром, надвор од традиционалните медиуми, може да се посети палестинскиот блог Документирани сеќавања, кој споделува површи рецензии од целиот свет и објавува:

Тотално сум вљубен во Хром, всушност ги замени сите мои други прелистувачи и е број 1 прелистувач за мене. Веќе го користам само него на сите мои компјутери.

Мохамед објаснува:

Многу слично на Википедија, енциклопедијата се потпира на волонтери, кои би ја пишувале и објавувале содржината.

На енциклопедијата волонтерите може да објавуваат книги, извештаи, написи, па дури и видео, аудио и корисни програми.

За проектот започнат од јорданската софтверска и веб компанија Јордан Тек, на Стартап Арабија, Медах додава:

Иако обично ги охрабрувам арапските корисници да се обидат и да се фокусираат на збогатување на арапската верзија на глобалната Википедија наместо да создаваат помали регионални и локални верзии, овој проект е сепак многу интересен бидејќи покрива некои од типовите на содржина кои Википедија не ги поддржува.

Зборејќи за лимитациите на проектот, блогерот вели:

Системот не е толку отворен како оној на Википедија, бидејќи корисниците не може да менуваат написи на други корисници; тие може само да одговорат или да коментираат на нив. Ова значи дека администраторите на сајтот мора да бидат повеќе вклучени во прегледувањето на поставената содржина, нејзиниот квалитет и дали нејзиното објавување прекршува некои авторски права.

Краток преглед на сајтот покажува масовна колекција на написи, кои може лесно да се пристапат користејќи ја опцијата на пребарување на почетната страница. Тие вклучуваат:

Број на објавени написи: 32,330
Број на членови: 5,661
Број на категории: 514

Според страницата „За нас“:

Библиотеката на енциклопедијата моментално содржи околу 60,000 книги и колекции. Исто така содржи различни секции, кои содржат илјадници истражувачки трудови, сите правилно категоризирани, правејќи ги лесно пристапни за корисниците, со што им се скратува долго пребарување. Ова е додаток на звучните траки и културните и образовни програми, кои го покажуваат опсегот на различните полиња достапни на сајтот.

На оваа страница наведена е и нејзината мисијата:

Енциклопедијата е само врска и пребарувачка алатка за арапските корисници, со цел да го подобри квалитетот на истражувањата… што на крај ќе ја збогати арапската и исламската култура.

Фотографија од: Стартап Арабија

Новинарот на Јемен Тајмс, Хамед Табет го опишува случајот:

Според законот на Јемен, Ноџуд не може да прогонува, бидејќи е малолетна. Меѓутоа, судијата Мухамед Ал-Квати ги слушна нејзините жалби и подоцна нареди да се уапсат и нејзиниот сопруг и нејзиниот татко.

Stupeur!! Un nouveu depart!! пишува:

Кога ние имавме 8 години, ние го гледавме Капетан Маџед, Голдерак и Такаја Тодораки [сите се карактери од цртана серија која е прикажувана на телевизија од Мароко/Северна Африка пред неколку години], ние игравме со топка, игравме криенка и џамлии. Нашите девојчиња си играа со кукли или се преправаа дека се учителки или медицински сестри.Денес, на 8 годишна возраст тие се соочуваат со судски постапки, каде бараат развод од сопруг на кој се присилени.

Ноџуд Мохамед Насер е млада девојка која се застапуваше самата на суд во Сана’а, каде побара помош од судијата. Таа поднесе тужба против нејзиниот татко, кој ја омажил против нејзина желба за насилен “сопруг”, кој ја злоупотребувал сексуално.

„Секој пат кога ќе посакав да си играм во дворот, тој ме тепаше и ме присилуваше да одам во спалната.“ До каде се спремни да одат овие хомо-игноранти?

Како може сè уште да слушаме за вакви приказни во 21 век? И сѐ уште се прашуваме зошто Арапите имаат лоша репутација! Сѐ уште се прашуваме зошто луѓето не третираат како не доразвиени терористи.

Не се обидувајте да ми докажете дека ова е изолиран инцидент! Всушност, често се повторува, но ретко се зборува за вакви инциденти. Не престанува со децата, туку често се случува и на постари девојчиња и млади девојки.

Насловот на постот, “Ces arabes qui ne nous ressemblent pas” (Арапи кои воопшто не се такви), како додаток на оваа тема, провоцираше низа од коментари од едноставно „тоа е одвратно“, до пофалби за храброста на малото девојче и очекувања дека такви случаи нема да се повторат:

Тие ја украдоа невиноста на тоа мало девојче! Која храброст да отидеш сосема сама пред судија!!! Овие варварски постапки треба да бидат забранети и казнети! Се надевам дека ние никогаш нема да бидеме како нив!

Друг коментар ги потсетува читателите дека педофилијата не е расен проблем, туку државна одговорност:

Арапите се човечки суштества како и сите други! Педофилите може да се најдат било каде во светот и тоа е одвратно. Тоа е не расен проблем, туку повеќе проблем на некои држави кои не превземаат одговорност за донесување закони, во кои ќе се наметне минимална возраст за брак и општа согласност.

Како одговор на овој коментар, друг читател напиша:

Добро кажа, Мад Џебра [тагот на претходниот коментатор]. Западњаците не стапуваат во брак со 8-годишно девојче бидејќи имаат закони кои спречуваат да го направат тоа; меѓутоа тоа не ги спречува да ги силуваат…

Еден емоционален блогер одговара:

Ја читав приказната на ова девојче во денешниот број на Кориере дела Сера [еден од најчитаните весници во Италија]. Верувајте ми, ми надојдоа солзи во очите и во период од 5 минути не кажав ниеден збор… Земјите како Јемен треба веднаш да бидат осудени: силувањето на недолжни млади деца е форма на тероризам, а тие го толерираат тоа. За мене, ова е полошо од тортура… Јас сум навистина изнервиран поради ова… Имам толку многу омраза!

Како одговор на сентименталноста на блогерот, друг пишува:

Нема ништо со кое може да се гордее тој дел од планетата… Нивната Златна Ера дефинитивно е сместена во минатото. Големото будење нема да биде во брзо време…

Последниот блогер присетува на деновите на социјализмот во Јемен, велејќи:

Мислејќи дека во Аден во 1972 година ова беше земја која се повикуваше на социјализмот, со млади девојки и тинејџери кои одат во средно училиште со нивните момчиња без да се двоумат… Оваа приказна ме прави многу тажен.

Протестите од работниците против инфлацијата, зголемените трошоци за живеење и правото на вработување во богатите рудници, од страна на владата се третираат со безбедносни репресии и токму поради тоа беа уапсени многу протестанти. За прв пат до сега, туниските блогери се здружија со активистите и други онлајн корисници за да им овозможат на оние без глас да зборуваат – на Твитер, како твитерите на Хоиенда; со вклучување и придонес на Фејсбук групата за поставување новости за ситуацијата (134 членови до сега); со поставување на видеа на ЈуТјуб (кој е забранет во Тунис).

Ова видео, од Слободен Тунизиец, прикажува некои од протестите на фамилиите на оние кои беа уапсени во немирите. Повеќе видеа се достапни на линкот погоре.

Исто така, многу од овие онлајн простори споделуваат еден текст креиран од Сојузот на човекови права на Тунис (текст е објавен на арапски од Самсоум и на официјалниот сајт на сојузот).

Освен тоа, постои и локален комитет кој е креиран со цел да ги застапува барањата на жителите на Гафса, наречен Comité de Soutien aux habitants du bassin minier de Gafsa (Сојуз за поддршка на луѓето од рударската зона на Гафса), кој ја креираше Фејсбук групата за поддршка.

На блогови, КОС-МАКС-ПОЛИС (Fr) напиша два поста: еден за ситуацијата и друг за одговорот и дезинформациите од страна на туниската влада.

Пишувајќи на арапски, Фатима-Арабика го нарекува инцидентот Револуција на глад. Таа изнесува некои од проблемите во контекстот, велејќи:

На 5 јануари се случија серија од протести откако беа објавени конечните листи со они кои ќе бидат вработени во фосфорната компанија во Гафса, кои траат се уште во Ал Редјеф и Ом ел Арајес. Веќе повеќе од осум недели, млад човек од Ал Редјеф протестира во шатор со штрајк со глад, со цел да добие минимални права од социјалната правда и неговото право на вработување. Во Ом ел Арајес, домовите кои ги имаат изгубено своите хранители во несреќата во компанијата, се уште живеат во шатори, во предградието на Ом ел Арајас, лоцирани во компанијата за фосфор на Гафса, каде тие протестираат за вработување на нивните синови во компанијата.

Фатима исто така објавува и фотографии од протестите.

Карпедием-селим (Fr), во меѓувреме, објавува детален пост за бруталноста на полицијата кон штрајкувачите:

Полициските сили, кои беа многубројни, не се двоумеа да користат варварски методи против граѓаните кои си ги бараа основните права за работа: се слушаа истрели од оружје, беа фрлени солзавци, низ улиците патролираа полициски кучиња, протестантите беа брутално тепани јавно и беа изведувани агресивни ноќни рации, нарушувајќи го имунитетот на [граѓанските] домови, кои натераа неколку млади луѓе да ги напуштат домовите и да ја поминат ноќта во планините кои го опкружуваат градот. Постои страв кој се влеан во целиот град поради заканите од упадите во сите соседства, комплетното блокирање на градот и запирањето на целиот сообраќај.

Брасток (Ar), пишува за овие апсења, прашувајќи кои се нивните злосторства. Тој пишува:

Тие велат дека неколку луѓе се уапсени, вклучувајќи активисти и претставници на синдикатот, како и луѓе кои немаат никаква врска со политиката. Нивниот единствен престап е тоа што тие прашаа зошто кога нивната земја е толку богата со минерали,работат во рудниците 24 часа на ден, го жртвуваат нивниот живот во нив, како и животите на овие кои се дојдени пред нив и генерациите кои ќе следат, тие се уште се гладни и невработени? Можеби е нивна грешка што овој пат тие ги искажаа своите интереси јавно?