MeetJohnSong

Свирење за промена не е само за креирање и дистрибуирање на музика, туку нивната фондација (PFCF) има креирано и одржува музичко училиште во Гудулету и центар за уметност во Јоханесбург во Јужна Африка, како начин за овозможување на образованиена младината во заедницата и тие исто така тие го одржуваат тибетскиот центар за бегалци во Индија и Непал.

Трејлерот во кој е вметната песната Stand by Me, која е изведувана од музичари од различни делови на светот, се прошири уште пред неколку месеци, а сега се враќа со целосната приказна за тоа како музиката може да ги избрише границите:

Исто така може да го видите продолжениот трејлер за документарецот:

Проектот не е единствен од ваков тип, авторот Сузан Лехн ни кажа за виртуелен симфониски оркестар на YouTube, во кој може секој да учествува:

YouTube оркестрира возбудлив нов колаборативен проект: ги поканува музичарите од целиот свет на онлајн аудиција за да бидат дел од првиот светски виртуелен симфониски оркестар. Аматерите, како и професионалците, имаат можност до 28 јануари 2009 да ги преземат песните и да постават видеа од нивната изведба.

Тихар, фестивал на светлината во Непал. Фотографија од Фликр корисникот Манки Имиџис употребени под Криејтив комонс лиценца.

Pradeep Kumar Singh го опишува „Тихар“ или „Дивали“ во Непал  како:

Дивали не е само фестивал кој доаѓа после Дашеин туку е и најважниот и најочекуван фестивал од Непалците после Дашаин. Славењето трае пет дена. Метеж, кучиња, Бог, крава и браќата (од нивните сестри) се најмногу почитувани во текот на фестивалот. Дивали има одредено религиозно значење и бидејќи е долг фестивал, религиозното значење е исто така долго. Зборувањето за религиозното значење е клише. Меѓутоа пред неколку години од постарите дознав дека исто така има и научно значење. И јас исто така ја поддржувам научната причина за прославување на Дивали што ја „промовира чистотата“. Изворно, Дивали е повеќе за чистотата отколку фестивал. Се блеска и така започнува славењето на единствениот фестивал на светлината, „Дивали“.

Оваа година, со глобалниот економски пад и високата инфлација која го погоди Непал, на земјата навистина и треба некоја божја помош.

Блогот United We ја истакна економската состојба во земјата:

Изјава за печатот од Непалската Растра Банка вели дека храната и пијалаците достигнаа до 13.4 проценти повисока цена додека непрехранбените производи и услугите беа до 12.7 проценти повисоки.

Водена од значителното зголемување на цените на храната и непрехранбените продукти, брзината на инфлација во текот на првиот месец на тековната фискална година се искачи на алармантни 13,1 проценти за разлика од рекордните 6,3 проценти во текот на истиот период од минатата година.

Блогер на Рајтер Пит нуди поинаков поглед на економијата во Непал.

Како и да е оваа економска криза не беше толку сурова со непалската економија. Странските директни инвестиции се целосно одговорни за одржувањето на непалската економија на безбедно ниво. Непалските закони не се многу флексибилни со странските инвестиции, а тоа е така бидејќи: Локалната економија многу зависи од сопствените извори. Берзата е целосно сигурна бидејќи вклучените акционерни друштва не ги вклучат странските компании.

До некој степен непалската економија беше погодена . Еден од главните извори за приход за Непал е паричната пратка од дијаспората која е погодена од рецесијата во западот. Многу индустријалци и бизнис професионалци ја нарекоа непалската економија „изолирана“ во однос на рецесиите во Велика Британија и САД.

Тихар, фестивалот на светлината, поглед од Њу Роад, Непал. Фотографија од Фликр корисникот Рвивек употребена под Криејтив комонс лиценца.

Во непалскиот јазичен блог MySansar, сцената е пoпразнична. Во текот на Дивали, Непалците не е ги слават само боговите на здравјето, туку тоа е и време за нив да им одадат почит на природата и семејството. Вториот ден од фестивалот е ден за кучињата. Човековиот најдобар пријател е чествуван за неговата лојалност.

Во статијата насловена: „Какви се кучињата на лидерите?“ MySansar има фотографии од кучиња кои припаѓаат на непалските политичари, како што е заменик министер Шер Бахадур Деуба, Суриа Бахадур Тапа и поранешниот заменик министер Пашупати Шумшер Рана. Нема споменување на сегашните економски случувања во Непал, но блогерот прави напор за да ја покаже различноста во непалското општество. Младиот маж кој се грижи за кучињата на Шер Бахадур Деуба заработува околу 3.000 рупии месечно (1 американски долар= околу 80 рупии), а Шер Бахадур Деуба троши 30.000 рупии на своите кучиња.

Фотографијата искористена за почетната страница е од Фликр корисникот Субхакар Манандхар

Во последното видео од Видео волонтери, тие зборуваат за штрајкот во Дарави, најголемото предградие во Мумбаи, Индија. Причината за штрајкот е тоа што владата ветила распределување на 400 квадрати за секоја фамилија за дом, но по повторно разгледување на таа одлука за време на последниот состанок, тие решиле дека ќе доделат само 300 квадрати за секоја фамилија. Следново видеото, Црн ден во Дарави, ја има комплетната приказна, снимено и продуцирано од видео волонтерите:

Другите видеа од Видео волонтерите на Канал 19 се инспиративни: во И жените може да си играат!, новинарите од заедницата прашуваат наоколу во нивното предградие што прават децата за да си играат. Искочи дека момчињата си играат, додека девојчињата мора да вршат обврски. Затоа тие прашуваат женски играч на крикет за важноста на играњето, како инспирација за другите девојчиња да го направат истото. Во Никогаш не е предоцна за предавање, жена, собирач на отпад, одлучува да ја промени својата иднина и решава да студира за учител и да дипломира.

Фотографија од Гугл лого од Фликер, од егг: Користена под Криејтив комонс лиценца

Блогерите имаат различни мислења и гледишта за причините и предлозите. Прв за ова почна да зборува Бајтс85 на ПроПракистани, а подоцна беше поддржан од многу блогери. Следуваат мислења на пакистанските блогери:

Сохаб Атар на Навистина Виртуелно пишува:

Јас лично мислам дека Гугл не покажува воопшто лога за муслимански настани поради нивната политика за „Не прави зло“ ;). Сериозно, Гугл не може да биде присилен да ги задоволи сите кориснички барања, посебно што овие лога се второстепена одговорност на човекот кој ги креира, но сепак:

• Гугл има лога за други религиозни празници
• Муслиманите се голем дел од нивната корисничка база – многу поголем од на пример Пакистанците или луѓе кои го сакаат Ешер.
• Гугл има лога за родендени и други денови, кои само мал дел од светот ги прославува
• Гугл е јавна компанија

…но досега да нема лого за ниеден муслимански настан/празник, пораката што ја испраќаат, за многу муслимани, кажува нешто ко „Ние сме најголемиот веб сајт во светот и сме глобална компанија, но не се грижиме многу за муслиманската култура и не сметаме дека е вредна за лого“ – навистина лош маркетинг.

Од друга страна, некои блогери се поучтиви и ги искажуваат своите гледишта за причините поради кои Гугл не сака да се вклучи во контроверзијата со карикатурите.

Еве што мисли Тит Маестро:

Она што навистина фали во бескрајниот список на илјадници Гугл лога е некое наменето за муслиманска прослава, дали ќе биде за Еид или било кој друг празник, кое ќе покаже дека може да се направи графика за муслимански настан и да не навлезе во потенцијална контроверзија, но јас ве уверувам дека постојат начини со кои ќе се обезбеди дека ваквите напори нема да завршат лошо.
[…]
Пакистан е на мапата на Гугл веќе некое време, но сè уште треба да бидеме почестени со графика за денот на независноста на Google.com.pk, нашите соседи Индија имаат добиено неколку вакви лога како што е за Дивали, па дури и 15ти август на Google.com.in сајтот. Но ние тука во Пакистан со нетрпение чекаме на вакво лого.

Го поттикнувам Гугл сериозно да ја разгледа нашата скромна молба, нема да биде на штета ако ги изненадат муслиманите и Пакистанците со прилагодено лого.

Сервисите на Гугл ги освоија повеќето пакистански и муслимански интернет корисници. Многумина го преферираат Гугл пред неговите конкуренти. Затоа не е во ред Гугл да има предрасуди кон ниедна заедница. Затоа е надевам дека Гугл ќе ги слушне нашите барања и ќе постави лого за Еид овој пат :).

Пакистанските блогери исто така искажаа различни мислења, некои ги поврзаа нападите со Талибанците, милитантските групи, индиската вмешаност, додека пак други ова го нарекоа резултат на американската политика.

Др.Хасан Асфахани во Пакистански очевидец ги обвини властите. Тој тврди:

Ако нападот бил од страна на Талибанците, тогаш како е возможно тие да ја пренесат колата без никакво скенирање цел пат низ ФАТА до Исланабад? Тоа е невозможно.

Тоа значи дека терористите имаат помош одвнатре и целосно активна мрежа во Исламабад и нејзините приклучни зони. Само минатиот месец крвав напад се случи во Вах Кант, предградие на Исламабад, каде загинаа повеќе од 200 луѓе. Минатата година, напад се случи во авион на Первез Мусхараф во Равалпинди и сите тие луѓе имаа помош одвнатре.

Луѓето исто така го поврзуваат овој напад со Делхи Бласт, заклучувајќи дека РАВ може да биде вклучен во тоа.

Др. Аваб Алви во Тит Маестро анализира:

Мои анализи се дека индиската шпионска агенција РАВ најверојатно има замешано прсти во оваа експлозија како одмазда за недамнешните експлозии во Индија.

За да извршиш убиствен замав вечерта кога се одржува говорот на претседателот Зардари на обединувачката сесија е брилијантен трик да фрлат сенка на Зардариевите нови коментари.

Што можеме да сториме!!! Едноставно седејќи дома, пишувајќи имејл и пракајќи СМС пораки нема да постигнеме ништо и терористите ќе ја срамнат нашата земја со тлото. Ако верувате во Пакистан мора да се соединиме и да му кажеме СТОП НА ТЕРОРИЗМОТ, СТОП значи целосно право за осуда за Талибанците, против американските напади на Пакистан и пораст на нашето локално вооружено востание.

Еве што Аднан Сидики има да каже:

Прашањето е што правевме ние? Како што гледам ние секогаш стануваме жртва на пропаганда што со време постанува вистина, но обично одлучуваме да игнорираме дали всушност работите кои ни ги кажале се вистинити или не.

Во последните две децении кога ќе се случи некој лош инцидент, на нас ни кажуваат дека Гаир Мулки Хат е вмешан. Обично гаир мулки хат (надворешна рака) беше Индија. Јас велам ако Индија е навистина вмешана, тогаш зошто немаме храброст да го кажеме тоа јавно кога нашата влада тврди дека имаат и докази? Кога луѓето ќе прашаат добиваат одговор дека тоа е прашање од национален интерес.

Ве Ците го декларира тоа како симптом на држава во војна:

“Војната пристигна до пакистанската врата одамна. Несреќен факт е што дури и до вчера, многу од нас го негираа овој факт. Но не повеќе. Од моментот кога војната влезе во нашите домови, во дневните соби, во дворовите, насекаде околу нас.

„Пакистан е нападнат!“

Скоро секој пакистански блог има напишано многу за овој терористички обид, посакувам да можев да ги цитирам сите. Со години луѓето го обвинуваа Пакистан како одговорен за тероризмот. Всушност ние сме тие кои што страдавме од тероризмот, ние бевме целта , ова се невини Пакистанци кои загинаа од неприродна и ужасна смрт.

портокалова мачка се сомнева во етиката на одлуката на судот.

Ако абортусот е дозволен до 20-та недела, зошто не и подоцна?…

Абортусот е дозволен после 20-та недела ако животот на мајката е во опасност. Но без разлика колку сериозен е дефектот на фетусот, абортирањето после 20 недели е нелегално. Дали е етички да родиш бебе, иако знаеш дека никогаш нема да има нормален живот? Секој родител сака негово дете да порасне здраво. Кој би сакал да го види своето дете прикачено на пејсмејкер или машина за одржување во живот уште од моментот на раѓањето, зависно од родителите за сè?

На форумот на МСН, прашањето за абортусот како избор на родителите предизвика многу одговори. Еден коментатор го споредува абортусот со убиство и вели

Во овој случај тоа е убиство од сожалување. Само за размислување, дали некој би оправдал одземање на живот доколку дефектот е откриен по раѓањето? Ако му веруваме на медицинскиот извештај, зошто да не и веруваме на медицинската наука да најде лек?

Друг коментатор одговара

Абортирањето е болна одлука за секоја жена (и нејзиниот партнер). Ако идната мајка не е емоционално и финансиски способна да се грижи за потребите на нејзиното идно дете, подобро е да абортира отколку да донесе на свет несакано дете.

Самир Агарвал се прашува какви ќе бидат последиците по детето ако подоцна дознае дека не било сакано. Веблогот на Мами објавува пост во кој многу од коментаторите изразуваат сочувство со родителите и со детето кое би можело да се роди со сериозен инвалидитет. Телевизија Ченаи ја истражува идејата науката и религијата да играат улога во донесувањето закони за абортус.
Другиот аспект од ова прашање е фактот дека двојката не се одлучила за илегален абортус, туку побарале дозвола од судот. Мумбаи Метблогс вели

Прво, немаме секој ден стотици Никити кои влегуваат во судот и бараат дозвола од судот да абортираат. Второ, оние кои имале верба во законот и сакале да го следат вистинскиот пат беа одбиени. После ова не мислам дека многу луѓе ќе се надеваат дека ќе добијат правда по било кое прашање. Наравоучение од оваа приказна е дека вакви инциденти прават луѓето да изгубат верба во законот и правдата.

Другото прашање што се наметнува е потенцијалната злоупотреба на закон кој дозволува абортус после 20-та недела, што може да го зголеми веќе постоечкиот проблем со абортирање на деца од несакан пол. Меѓутоа, овој суд изгледа не е подготвен да направи било какви отстапки од законот кој не е променет со години.

Како што Др. Датар подоцна рече, оваа битка ќе помогне за свртување на вниманието кон дупките кои постојат во сегашниот закон и потребата за донесување амандмани на член 5 од законот МТП од 1971 година. Дебатата за квалитетот на животот после раѓањето сѐ уште е во полн ек. На законот му требаат амандмани, а неговите донесувачи треба брзо да се фатат за работа.

Лежев на креветот и зборував со пријател на телефон, кога одеднаш почувствував дека креветот се тресе. За 3 секунди сопре. Мојата прва реакција беше дека мачката се бутнала под креветот и го тресела, но тогаш сфатив дека тоа е невозможно, бидејќи креветот е премногу тежок. (Плус ја немаше мачката, проверив!)

Набрзина ги прашав моите пријатели на ИРЦ и тие рекоа дека го почувствувале.

Значи, навистина беше земјотрес! Земјотрес во Дака во 00:51.

Расел веднаш напиша на Твитер:

О Боже, само што почувствував земјотрес!

Во наредните неколку минути, започнаа да се појавуваат и други пораки со кои потврдуваа дека и тие почувствувале земјотрес.

Муназ од Nothing to Lose and Nothing to Gain ги сподели пораките на Твитер од некои од неговите пријатели:

Беше тешко да се дојде до информација онлајн (освен на некои Бангла блогови) и сите се обидува да добијат новости. Затоа Бауани од блогот Информација го контактираше Американскиот национален информативен центар за земјотреси и ги објави наодите:

Јачина: 4.9
Датум/време: Сабота, 26 јули, 2008 во 18:51:49 УТЦ
Локација: 24.773°N, 90.480°E
Длабочина: 5.2 км (3.2 милји)
Регион: Бангладеш

Тој исто така објавуваше новости кога тие ќе беа достапни.

Не беа пријавени жртви, но земјотресот ги потресе луѓето од Дака, густо населен мега-град.

Руми од In The Middle of Nowhere пишува:

Мапа од сите поголеми и помали тектонски плочи во светот

Доколку може да го лоцирате Бангладеш на карта, ќе видите граници на две плочи т.е. две линии поминуваат низ Бангладеш… Многу научници предупредуваат за можноста од катастрофален земјотрес, со јачина од 8-9 степени според Рихтеровата скала во североисточните и југоисточните делови од Бангладеш.

Значи, постои можност од голем земјотрес и во Бангладеш. Дали сме подготвени?

„Живот во фокус“, веб сајт за живот со ХИВ/СИДА во Индија ни го прикажува Медицинското Чудо, видео интервју со млада девојка која живее со ХИВ во засолниште. За ова дете, примањето на анти-ретровирусни лекови и овозможува да напредува над очекувањата, побивајќи ги очекувањата за краток живот, кои порано беа норма за децата со ХИВ/СИДА. Во 4 минутното видео, 12 годишната Депти ја пее својата омилена песна и раскажува за нејзиниот живот во засолништето.

Од Демократската република Конго, организацијата Аџеди-ка ги поттикнува гледачите на акција преку видео наречено Очекувајќи го утрешниот ден, каде 25 годишниот Џин-Џекс зборува за моменталната состојба во источен Конго, каде владата не овозможува економска помош за набавка на лекови со што се намалуваат можностите за подолг живот на заболените од ХИВ/СИДА + популацијата, а владата исто така ги игнорира и барањата за центри за тестирање и лекување.

Групата за поддршка за заболени од СИДА, Тиџезеран, во Малави има креирано видео во кое учесниците говорат за нивните искуства во групата, нивните дневни активности и како групата ги има подобрено нивните животи. На видеото се прикажани и поддршка за болните членови од групата, работилниците каде тие учат за подобри фармерски техники со цел да имаат свеж зеленчук за јадење и продавање и влијанието на групата врз животот на оние во брак.

Предлогот ја разгори веќе постоечката дебата во Индија за тоа дали задолжителниот предбрачен ХИВ тест е ефективна превенциска стратегија. Бројот на ХИВ заразени во Индија драстично порасна во 1990 и денес се проценува дека има околу 2.5 милиони Индијци кои живеат со ХИВ. Покрај овие бројки, Националната организација за контрола на СИДА (NACO) ги поддржува доброволните ХИВ тестирања, наместо задолжителните.

blog.bioethics.net истакнува дека таквата политика ќе креира голем број на нови проблеми за Индија.

„Дали новото правило за задолжително тестирање ќе создаде нова стигматизирана класа? Како правилото ќе ги заштити жените во Индија, кога повеќето од нив се инфицираат после бракот како последица на неверните сопрузи? Дали ХИВ позитивните луѓе ќе започнат да се привлекуваат со други ХИВ позитивни луѓе, како нивни единствени можни партнери (таа форма е позната како „цензура“)?“

Боби Рамакант од Сервис за граѓански медиуми известува дека ваквите правила го нарушува правото на приватност и не се однесува на стигмата и дискриминацијата која следи по откривањето на ХИВ дијагнозата. Правилото може да биде контра-продуктивно, бидејќи ХИВ тестот не мора да значи дека ќе доведе до промени во однесувањето на партнерот за да дојде до пренесување на ХИВ.

„Најголемиот прогрес кој ние го направивме за да НЕ мислиме за превенција и третман во изолација сега е во ризик со индиските земји кои промовираат стратегии за ХИВ превенција со кои комплетно се игнорираат третманите, грижата и поддршката за луѓето кои живеат со ХИВ.“

Квиар Индија оди еден чекор понапред, нарекувајќи ја идејата апсурдна.

„На луда идеја не и треба време за да се вкорени во клима на страв и незнаење, клима каде дури и зборувањето за безбеден секс е срамно.“

Меѓутоа, Причини за слобода коментира дека ова правило ќе биде првиот правилен чекор, особено бидејќи сега ХИВ почна да се проширува и кај средната класа во Индија. Предбрачниот ХИВ тест можеби е еден од решенијата за намалување на бројот на ХИВ заразени во Индија, заедно со легализирањето на проституцијата и зборувањето послободно за сексот.

„И покрај сите нестабилни системи, крајно е неверојатно да се прифати дека средната класа во Индија е безбедна. Јас мислам дека во реалноста средната класа во Индија е најранлива на ХИВ од другите. Кога луѓето од средната класа може да ставаат акцент на спојување преку хороскоп (за брак), зошто да не прифатат предбрачен ХИВ тест?“

Махима, кој исто така ги поддржува задолжителните тестирања, вели дека вистинското прашање е кои се импликациите од таков тест?

„На органите кои ги имаат овие резултати, во овој случај владата, дали може да им се верува доволно за да се уверат луѓето дека ова нема да биде чистење на ХИВ позитивните. Но доколку бидеме хипотетични, тогаш зошто да не размислиме дека присуството на овој тест може да ги натера младите луѓе – дури и оние во брак – да се однесуваат одговорно. Бидејќи на крај, ова е болест која е последица на однесувањето и со адекватни мерки, може да биде избегната.“

Сакши ги сумира двете страни од дебатата. Иако нејзиниот иницијален одговор на прашањето за задолжителни ХИВ тестирања беше ДА, таа сега е неутрална.

„На она што се сведува е следното – предбрачниот ХИВ тест овозможува право на сигурен, среќен живот кој може да биде избран од паровите. Меѓутоа, нашите предвремени ставови за болеста, неудобноста и блокадата на нашето општество може да спречи многумина од нас да го искористат тоа право. Понекогаш, дури и нешто незначителното како нашите предвремени ставови може да биде случај на живот или смрт.
Затоа верувам дека е едноставно право на избор. Што мислите вие?“

Левицата водена од Комрад Пракаш Карат, која е важен коалициски партнер на моменталната влада, не се согласува на нуклеарната соработка со САД. Индискиот политички блог пишува:

И тогаш, одеднаш, како џокер во покер одеднаш произлегува, конгресот и премиерот дека ја надмудриле левицата.

…

Каде ја остава ова левицата? Има вкупно 59 пратеници, но Керала е познат по тоа дека брзо го менува својот политички став, а левицата преживеа неколку големи промени во западен Бенгал на локалните избори, што осигурува дека наредните предвремените избори може да донесат многу помалку пратеници за левицата. Дури сега може да изгледа како тие повеќе да не се релевантни.

Минатата недела владата успеа да ги собере потребните гласови и поддршка, покрај противењето на левицата.

Тачбејс има краток и јасен пост во кој ја разјаснува дебатата за нуклеарниот договор помеѓу Индија и САД, започнувајќи од договорот 123 до противењето на индиската левица за договорот. Тој пишува:

Значи договорот содржи многу дупки кога станува збор за национална безбедност. Но, во исто време и помага на Индија да ја задоволи својата потреба за енергија. Затоа ова ќе бидат тешки времиња за оваа малцинска влада да донесе одлука за договорот.

Професорот Т. Т. Рам Мохан од Голема слика пишува дека нуклеарната спогодба помеѓу Индија и САД е доведена до тест на патриотизам. Тој потоа прикажува две спротивставени гледишта за нуклеарниот договор и дава заклучок:

Челанеј е во право. Овој договор е стратешка алијанса со САД за да се спречи растењето на Кина, само што е презентирано како енергетски предлог за политички и дипломатски причини. Вистинската вредност на стратегиската алијанса лежи во трансферот на цел ранг на напредни технологии – овие технологии не може да бидат пренесени доколку статусот на Индија како нуклеарна сила не се промени.

Има уште неколку чекори пред овој договор да се одобри од конгресот на САД. Овие чекори вклучуваат одобрување од Интернационалната агенција за атомска енергија и Групата на нуклеарни снабдувачи.