Од Раквана во Шри Ланка, фестивал на кола на храм низ фотографии од ‘Иракуванаи’ Нирсхан. Една од главните точки на фестивалот е колата на храмот – „Коли на храмот се чези кои се користат за пренос на идолите од Хинду боговите. Вообичаено, влечењето на чезата се врши во фестивалските денови со помош на многу луѓе.“

Сурекха, во Тамил Наду, Индија, од другата страна на морски теснец Палк блогира за трговците на ситна стока кои ја продаваат своите производи на фестивалите како овој. Фестивалите на храмовите покрај за локалната економија се одржуваат и за религиозните прослави. Тој го прикажува моментот со помош на фотографии и кратки поеми на тамилски јазик. Еден груб превод е овозможен тука.

Папагалот Тарот ја предвидува иднината
во гласот на стара жена
од снимачот на касети,
Изразување на чаршавот што заштитува
возилото предизвикува насмевка,
додека трговецот на
следниот киоск очекува муштерија
навикнат на Петер Ингланд маици.
Купив маица од него.

Инстант приврзаноста и инстант знаењето
ги има денес, но утре веќе не.
Сепак одлично место за поврзување
Купив книга од Илајараја.

Позади овие кули се влечат
многу тага,
очекувања и хипотеки.
Уништувањето на овие кули
ќе донесе само среќа
во многу домаќинства.
Купив малку сев.

Но секако не за мене!
За нивната посветеност на животот!!

Зборовите на Амваран пишува како делата на Кларк ја поттикнале неговата љубов кон научната фантастика.

За засакав научната фантастика заради сер Артур. Имав 10 години кога првпат наидов на неговиот познат расказ „Чуварот“. Веднаш станав зависник. Едвај чекав да прочитам уште негови дела. А тоа не беше лесно. Сер Артур беше плоден писател, автор на повеќе од 100 книги, како и бројни есеи и раскази. Дури Википедија ја нуди неговата библиографија само во делумна форма. Неговата привлечност беше во тоа што иако неговата научна фантастика беше од највисоко ниво, стилот на пишување беше многу едноставен, забавен и моќен. А неговите приказни беа повеќе во врска со приказната отколку со науката.

Галициса се сеќава на средба со писателот 2002 г.

Ја организирав средбата и имав среќа да го придружувам на посетата на д-р Кларк, кој кога го сретнавме во својата домашна канцеларија разгледуваше зголемени фотографии од Марс на неговиот лаптоп. Тој ни покажа некои од тие марсовски слики и нè праша што мислиме за една права линија која јасно се гледаше на една од нив! Упорно гледавме во екранот обидувајќи се да составиме целосна реченица. Забележувајќи ги нашите тажни лица, сер Кларк ја прекина тишината со насмевка: „Изгледа како некој да поминал од тука со прилично големо возило!“

ЛИРНЕасиаsia тагуваат поради загубата на личност со кого имале тесна соработка, разјаснувајќи дека човекот имал и други квалитети освен пишување белетристика.

Во ноември 2005 година, ЛИРНЕасиа ја оствари својата последна официјална средба со него во Коломбо, кога неколку претставници од ВорлдСпејс (нашиот партнер во проектот Ханзифо, кој работи на обезбедување интернет пристап „до последната милја“ - за крајни корисници) меѓу кои и д-р Рангарајан. Неговите проникливи коментари за потребата од систем за рано предупредување од природни катастрофи сè уште се користат во резултатите од тој проект.

Рантс, рејвс енд миселеиниус мјусингс се сеќава на кратка средба со Кларк - прекрасна анегдота за тоа како играле пинг-понг. Блогерот исто така потсетува на контроверзната епизода од животот на писателот кога еден таблоид го обвини за педофилство.

Јас не сум баш по пинг-понгот. Всушност, главната причина што заиграв е што можев еден ден да им кажувам на луѓето дека сум играл пинг-понг со Артур Кларк. Но ова беше понижувачки. Ме растури 75-годишен човек, кој уште и се придржуваше за масата со едната рака и не се помрднуваше од својата позиција. Има толку масивен опсег, како и огромна брзина, па додека јас скокав наоколу, тој мирно си стоеше. Кога за ова му кажав на еден пријател, тој само рече: те имал!

Ултрабраун од Индија пишува

Ниедна од овие работи не значи дека Кларк немаше осет за малите нешта во човечките животи, за нашите најдлабоки чувства: неговиот прекрасен, сентиментален расказ „Кучешка ѕвезда“, за космонаут кој мора да се прости од саканото куче кога оди да живее во лунарна опсерваторија скоро ме натера да заплачам - а јас никогаш не плачам. (Тоа е еден од неколкуте примери од делото на Кларк за тоа како рационален ум се бори со искуства на границата на натприродното, неможејќи целосно да се задоволи само со научното објаснување.)

[Фотографијата е од Википедија]

Од веб-сајтот на кампањата:

Меѓународната кампања за заштитници на човековите права на жените е меѓународна иницијатива за признавање и заштита на жените активисти кои ја поддржуваат реализацијата на сите човекови права за сите луѓе. Кампањата покажува дека жените кои се борат за човекови права и особено се фокусираат на човековите права на жените, се соочуваат со одредени злоупотреби во текот на нивната работа поради нивниот пол. Дополнително, кампањата се фокусира на ситуацијата на активистите за човекови права кои ги бранат правата на жените и особено се осврнува на злоупотребите кои ги доживуваат активистите за правата на лезбејките, хомосексуалците, бисексуалците, транссексуалците и активистите за други права поради нивниот пол и сексуална определеност. Идентитетите на овие лица како и природата на правата кои се обидуваат да ги заштитат се фактори кои нив ги ставаат во фокусот на кампањата.

Во моментот има 3 видеозаписи на The Hub, кои беа избрани од уредникот: Сунила Абејесекера од ИНФОРМ во Шри Ланка говори за кампањата и зошто е потребно да се работи на имплементацијата на одредени стратегии за човековите права на половите, Лидија Алпизар од AWD која објаснува зошто оние теми кои таа ги нарекува „несекси“ како на пр. финансирањето се всушност од суштинска важност за прашањата од областа на половата еднаквост: „без ресурси не може да има имплементација на политичката обврска за одбрана на човековите права на жените“ и Ајша Шахид од Глобалната кампања „Стоп за убиствата и каменувањето“, која објаснува зошто злосторствата врз жените врз основа на традицијата или религијата треба да прекинат.

Во продолжение следуваат трите видеозаписи (качени од Виолета Краснич) од овие енергични жени кои се стремат за заштита на правата на другите жени.

Што претставува The Hub? Тоа е веб-сајт на кој секој може да поставува видеозаписи во врска со човековите права, за да може да ги види поширока публика која е заинтересирана за оваа тема, наместо да се пребарува низ вообичаените сајтови на кои се качуваат видеозаписи со цел да се најде саканата содржина. Тоа е начин за донесување на содржините за човекови права директно до оние кои се заинтересирани да ги видат.

Следува промотивен видеозапис од 60 секунди во кој се објаснува како функционира The Hub, и на кој начин може да се учествува.