Многу писатели беа убедени дека Афро бил наместен од етиопските власти, кои огорчени од огромната популарност на пејачот ги прикривале анти-владините стихови.

Прв пат Афро беше испрашуван од полицијата во ноември 2006, откако бездомно 18 годишно момче беше пронајдено мртво од удар на кола во центарот на Адис Абеба. Полицијата изјави дека БМВ-то на Афро било забележано на местото на настанот од страна на таксист.

Неговите обожаватели беа многу изненадени кога Афро беше уапсен, обвинет и задржан во притвор минатата недела, две години по оригиналниот инцидент. Мејнстрим медиумите го опишаа начинот на кој обожавателите протестираа пред судската соба каде судијата го одби барањето за кауција.

Теди Афро – вистинско име Теводрос Касахун – е многу популарен помеѓу Етиопјаните во и надвор од земјата. Неговиот хит Јастесерјал (слушнете ја на неговиот официјален сајт teddyafro.com) – за кој многумина велат дека критикува неколку лидери на Етиопија, вклучувајќи го и моменталниот премиер  Мелес Зенави – беше забранет на државното радио.

Меркато објави текст од Голто Аила, наречен Етиопија – „Мојот солидарен форум“ за Теди Афро – Херој на Етиопија и затвореник на совеста, во која е наведено:

Овој бранител на правдата на нашите луѓе; овој глас за оние без глас; овој поборник за потчинетите; овој забавувач можеше да живее луксузно во странство и да ужива во животот како што повеќето од нас уживаат, но знаејќи го ризикот за неговиот живот, тој се врати дома и продолжи со мисијата која си ја постави самиот! Денес тој седи во злогласниот затвор Калити, токму поради тоа што тој го направи за своите сонародници! Понижувањата кој тој ги доживеа досега и ќе продолжи да ги доживува ќе бидат најтажниот симбол за страдањата на нашиот народ во последниве две декади!

Блогот на Дебтерав го споменува Афро во листа на “политички затвореници“ во написот Тенсае Ле-Етиопија.

Адис Тибеб за притворањето на Теди Афро напиша:

Многу обожаватели веруваат дека Теди е наместен за злочинот од владата, која го презира јавното прифаќање на  политичките прекорувања во некои од песните на Теди.

Арефе од Адис Џурнал го опиша своето мислење на овој случај, опишувајќи ги сцените надвор од судницата кога судот го одложи сослушувањето на Теди:

Илјадници обожаватели со пароли за охрабрување го поздравија пристигнувањето на Теди. Носејќи очила за сонце и маичка, Теди ги поздравуваше додека полека влегуваше во судницата. Како што го напушташе судот, извикот „ослободете го“ стана поинтензивен и полицијата ги обиколи и притвори некои од обожавателите. Новинар од магазинот Хамравај и друг магазински новинар беа меѓу притворените. Сѐ уште не е јасно зошто полицијата ги приведе.  Беше кажано дека сите биле задржани во полициската станица која се наоѓа пред судот… Притворот на Теди пред две недели предизвика огромен интерес и вознемиреност во градот, а неговите песни ненадејно доживеаја огромна популарност во баровите, такси колите и јавните места.

фретидјафро остави порака на есаи форумот, кој е раководен од Интернационалната асоцијација на етиопските студенти:

Многу е тешко да се дознае дали затворањето на Теди е мотивирано од политиката или е законски процес. Теди е симбол на етиопската нова и идна генерација. Тој е мост за минатото, сегашноста и иднината. Тој е идол на младата генерација. Мора да го донесеме Теди на светлина пред да исчезне засекогаш.

есаи коментаторот Етиопија вели дека тој е убеден дека Афро е невин и се плаши за неговата шанса за фер судење:

Не верувам дека Теди е нехуман за да остави мртво дете да лежи на земја и глупав за да остане во земјата две години.

Семјуел Гебру испрати порака за внимателност, повикувајќи ги луѓето да не го политизираат случајот на Афро во Етиопија: Затворањето на Теди Афро:

Некои Етиопјани од странство се обидоа да го нагласат неговиот притвор, побарувајќи кауција, додека владата се обидува да поднесе понуда за молк за познатиот пејач…  има уште многу пред да се донесе пресуда, затоа што и да се збори настрана се чисти шпекулации. Меѓутоа, политизирањето на овој притвор не е само неточен туку и неповолен за нашата политичка клима која е во развој.

Mногу Етиопјани се обединија од таа причина, ветувајќи кеш и гласови за Демократскиот кандидат чиј татко е од Кенија, земја сосед на Етиопија.

Но другите покренаа прашања околу кампањата, прашувајќи дали е во ред да се очекува Етиопјани-Американци да гласаат масовно за било кој кандидат.

На чело на оваа група за Обама е новиот блог Етиопјани за Обама, во којшто Етиопското патување за надеж, вели:

Повеќето Етиопјани емигрираа во Америка барајќи го американскиот сон – сон за подобар живот и нова можност. Повеќето пристигнаа во Америка одлучни да го исполнат ветувањето на кое е олицетворение Америка; осудени да го сфатат овој сон наоружан со малку повеќе од надеж од нивна страна. Етиопјаните – како сите Американци – примаат порака од Барак Обама, дека нашите животи се испреплетени со наши бескрајни заеднички работи.

Обединетите Етиопјани прикажуваат ЈуТјуб видео каде Етио-Американци зборуваат на почетокот на кампањата на Обама.

Јас имам дадено многу пари за кампањата [на Обама] бидејќи не бев во состојба да земам слободни денови од работа и да волонтирам во штабот во Чикаго, иако имам направено многу телефонски разговори во име на кампањата за секој нивен кандидат.

напиша Бернос во Една минута за Обама. Бернос исто така е многу зафатен преведувајќи го слоганот на Обама ‘Да ние можеме' во Амхарик, еден од Етиопските главни јазици, за низа постери во цел на кампањата.

Eтиоблогот пишуваше за неговото растечко разочарување од кампањата на Клинтон во Заљубување во Клинтон и Бесмислиците на Клинтон. Блогот за Етиопска Политика посочува на друго ЈуТјуб видео опишувајќи го Обама како “олицетворение на Американскиот сон”.

Но Aбеша Бана Бeт се обрати со нота на предупредување во Дури Етиопјаните се луди по Обама:

Етиопјани. Ние не сме едно стадо на кое му треба насока. Нам не може да ни биде наложено од ниту една група (Етиопјани или не) за кого да гласаме без да ни кажат зошто. И тоа ‘зошто’ треба да биде одговорено со наше индивидуално истражување, а не од луѓето што сакаат да не искористат врз база наследство.

Сандачето за имејл на Toбиан ТинкТенк беше поплавено со ‘Oбамаганда' од пријатели и роднини. Кога блогерот им одговори, кажувајќи дека стои зад Хилари Клинтон, тој доби некои непријателски имејли како повратен одговор. Во Сигурно, тоа мора да е од лезбејското училиште … тој напиша:

Една чудна работа која може да се забележи околу тоа кој ми ги праќаше овие мејлови е дека сите тие дојдоа од црни мажи. Моите пријатели кои се црни жени, се уште сите навиваат за Клинтон…

Јас мислам дека Хилари и Обама треба на крајот да објават заедничка кандидатура. Тие ја поделија Демократската партија токму по средина, и во нивни раце е сега да ја вратат партијата, државата повторно назад. И бидејќи оваа држава стои на ивица на стагнација, еден од моите колеги укажа, замислете си ја Хилари како претседател, Обама како потпретседател и Бил Клинтон како ‘премиер'(?). Дали е тоа моќна куќа, или е тоа моќна куќа?

Moнгрел опиша како тој останува без доверба во Обама, и покрај актуелниот степен на “масовна хистерија” за поддршка на Африканско-Американскиот кандидат.

Во Братска завера тој напиша:

Сериозно молам некој да стави рака на мене и да ми каже дека е во ред да се биде црн и да не се гласа за Обама…Мислам дека тоа е она со што се борам длабоко во себе. Или е тоа или пак случај на ОКН :-0