MeetJohnSong

Свирење за промена не е само за креирање и дистрибуирање на музика, туку нивната фондација (PFCF) има креирано и одржува музичко училиште во Гудулету и центар за уметност во Јоханесбург во Јужна Африка, како начин за овозможување на образованиена младината во заедницата и тие исто така тие го одржуваат тибетскиот центар за бегалци во Индија и Непал.

Трејлерот во кој е вметната песната Stand by Me, која е изведувана од музичари од различни делови на светот, се прошири уште пред неколку месеци, а сега се враќа со целосната приказна за тоа како музиката може да ги избрише границите:

Исто така може да го видите продолжениот трејлер за документарецот:

Проектот не е единствен од ваков тип, авторот Сузан Лехн ни кажа за виртуелен симфониски оркестар на YouTube, во кој може секој да учествува:

YouTube оркестрира возбудлив нов колаборативен проект: ги поканува музичарите од целиот свет на онлајн аудиција за да бидат дел од првиот светски виртуелен симфониски оркестар. Аматерите, како и професионалците, имаат можност до 28 јануари 2009 да ги преземат песните и да постават видеа од нивната изведба.

Sketeistan е започнат од тројца Австралијци со цел да ја научат младината на Авганистан како да вози скејтборд,  како необична рекреација и дел од крос-културна платформа за учење. Школото за скејтборд  Skateistan е изградено врз напуштен базен во Кабул и момчињата и девојчињата учествуваат во овој ненатпреварувачки спорт. Всушност, ова го истакнува нивната страница за прашања:

Половина од учениците се девојки, со што Авганистан има највисок процент на девојки вклучени во скејтбордингот  од било која друга земја во светот.

Следното видео може да се погледне и на YouTube каналот на Sketeistan:

Seeds of Light е програма започната од Лесли Темпл – Турстон во Јужна Африка со цел да се подобри квалитетот на животот во сиромашна заедница. Копање на бунар за вода, посадување на зеленчук за да се подобри имунитетот на децата, започнување на компјутерски и ХИВ/СИДА едукации се само некои од проектите кои се имплементирани во заедницата со помош на г-ата Темпл-Турстон.

Следново видео ја прикажува работата на Лесли Темпл-Турстон и заедницата која има корист од неа:

Barrios de Paz е проект на Сер Паз, предводен од Нелса Либертад Курбело Кора, која има работено во Гвајакил со членови на банди, обидувајќи се да ги соедини членовите од различни банди за да работат заедно и во мир. Нелса ги поддржува членовите на бандите од перспективата дека децата кои им се приклучуваат на бандите го прават тоа од потребата да бидат дел од фамилија и во потрага по поддршка и насока: кога ќе им се дадат правилни насоки тие ја имаат енергијата и карактерот да работат во мир и кога ќе им се пружи љубов тие ја имаат моќта да се променат на подобро. Во 9 минутното видео Нелса говори за бандите, психологијата на членовите на бандите и како програмата им помогнала на тинејџери да излезат од насилството. Целосниот документарец е поделен на два дела и може да се погледне тука и тука.

Постојат многу други инспиративни проекти и видеа кои може да се погледнат на KarmaTube. Инспиративно е да се види како добри луѓе прават добри работи за други.

Во последните неколку години, колумбискиот видео блогер Алехандро Ангел живее во Шпанија и го снима своето искуство од февруари 2007 на својот видео блог Armadillo TV. Следува рекапитулација преку 4000 фотографии од неговите изминати 4 години:

Bebin TV е проект на Ирачанец кој живее во Калифорнија, кој преку интернет прикажува серии и претставува телевизиски канал. 56те епизоди од серијата Bebin Office се нивна персиска верзија на популарната американска и англиска телевизиска серија The Office. Тие имаат и неколку клипови за туризам, шопинг и вести.

Хип-хоп артистот ДЏ Џеј Смут рапува за политика, економија и моментални настани на својот видео блог Ill Doctrine. Во следново видео тој ја покажува соработката помеѓу хип-хоп артисти од повеќе земји, кои рапуваат заедно на 3 различни јазици:

Видео граѓанскиот новинарски проект Voices Of Africa е исто така номиниран. Проектот им овозможи на новинари од 33 различни земји во Африка мобилни телефони или мали дигитални камери за тие да можат да снимат настани и да ги постават преку мобилен или интернет на сајтот AfrikaNews.

Mostafa al Baqali од Мароко го прикажува животот во неговиот град, фокусирајќи се на приказните на луѓето кои живеат таму. Последниот приказ ни покажува неколку од животните предизвиците на Мароканецот Абдул Латиф:

New Lumiere е руски видео блог кој ги следи пристигнувањата на возовите во различни руски градови.

Блогирањето за екологијата има разнолик аспект, бидејќи опфаќа огромна тема. Ова се одрази од разговорите на блогерите, a кога ќе ги посетите нивните блогови ќе забележите дека секој од нив пишува за екологијата на различен начин и дека тие имаат различни грижи. Од техники за зачувување на екологијата на Carbon Smart, до рецензии на ресторани и филмови на Relax with Dax… Блогерите од Јужна Африка имаат страст за екологијата и се дел од „зеленото движење“ кое се случува во светот. Прашањето кое јас го поставив беше зошто блогерите од Јужна Африка се најактивните Африканци кои пишуваат за екологијата? Дел од причината е дигиталниот јаз. Интернет пенетрацијата во Јужна Африка е релативно висока во однос со другите Субсахарни држави. Немаме видено толку големо појавување на „зелени блогери“ во други делови на Африка како што се случи во Јужна Африка (особено Кејптаун). Се надевам дека интернет пенетрацијата ќе порасне во Африка и поради тоа ќе имаме повеќе луѓе кои ќе пишуваат за теми поврзани со екологијата.

Накратко го дискутиравме блогирањето како бизнис, особено дали да се прифатат реклами на сајтовите и дали може ова да спроведе ефективно без притоа да се компромитира „гласот“. На пример доколку осудувате некои постапки на мултинационална компанија и доколку имате Гугл адс, нивната реклама може да се појави на вашиот сајт. Како ќе се справите со ова ефективно? Ова останува отворено прашање, а Ванда од UrbanSprout предложи да се има контрола врз огласите кои смеат да се појават на вашиот сајт преку било кој избран метод на огласување.

Друго прашање кое беше поставено од Рафаела од greenflavour беше за користењето на блоговите за еколошки активизам. Какви се резултатите од акциите на компаниите кои се обидуваат да ве тужат поради тоа што сте искажале свое мислење. Јас го спомнав Eff.org како извор на информации и Беркман центарот за интернет и општество за водич во законот и слободата на говорот.

Рори од Carbonsmart не предизвика сите нас да покажеме трансформација, да покажеме дека еколошкото движење се случува и дека луѓето размислуваат за своето влијание на животната околина и дека превземаат нешто за тоа. Рори има започнато проект со креирање на мапа, наречен „Greening Africa“. Оваа мапа е спомената во претходен пост на Глобал војсис – екологија.

Глен од UrbanSprout размислува за креирање на мапа од информациите собрани за деталниот директориум за зелени бизниси. Тој и Ванда го креирале директориумот од почеток и моментално тој е дел од сајтот на UrbanSprout. Тоа е одлично место за информации за многуте фудбалски фанови кои ќе пристигнат во Јужна Африка  за светското првенство во 2010. Обележете го Greenstay.co.za бидејќи тој го спроведе овој проект.

Имаше многу други интересни дискусии, но ова беше првиот ваков собир на блогери кои се грижат за животната околина, на кој тие разменија идеи и соработуваа за различни иницијативи. Би сакала да им се заблагодарам на сите блогери за нивното присуство. Се надевам дека ова е почеток на многу вакви средби. Заминав инспирирана и поддржана од еколошките блогери.

Линкови до блоговите се наведени тука:

Рори Carbon Smart
Дакс Relax-with-dax
Глен urbansprout
Ванда Urbansprout
Сесил Dream in Green
Кендис Aspirant Locavore
Рафаела Green Flavour
Трејси Capetown Oracle и EcoStreet
Иан ‘GreenMan‘

Викито е достапно за идни средби и секако доколку има блогер што е заинтересиран да се приклучи на тимот на Глобал војсис за екологија  слободно нека остави коментар.

Фотографии од Кејптаун се објавени во галеријата на Фликер „Го сакам Кејптаун“. Уште еднаш благодарност до еколошките блогери во Јужна Африка за нивното време и гостопримливост.

Хоган, ветеран анти-апартхејд активист  и долгогодишен член на АНЦ (Африкански Национален Конгрес), претходно беше претседател на одборот за финансиско портфолио. Откако стана министерка за здравство, таа го промени ставот на владата за ХИВ/СИДА-та и даде завет дека СИДА-та ќе им стане највисок приоритет. Ова предизвика возбудување кај многу Јужноафриканци, кои се надеваат дека Хоган ќе ја засили борбата на државата против ХИВ/СИДА-та превземајќи пристап за правење на политика која ќе биде повеќе заснована на научна основа. Во ова видео СИДА активистите го прославуваат назначувањето на Хоган.

Во минатото Хоган јавно го критикуваше ставот на претходниот претседател Табо Мбеки и политиката што се водеше за ХИВ/СИДА. Грубо околу 5.7 милиони луѓе во Јужна Африка живеат со ХИВ и 350,000 умреле од болеста минатата година (скоро 1000 мртви дневно). Тшабалала-Мсиманг исто така се обвинуваше за неадекватно реагирање на проблемот со ХИВ/СИДА-та во Јужна Африка. Претходниот министер промовираше цвекло, лук и друга храна како третман за ХИВ/СИДА, по што како резултат тој го доби прекарот „Др.Цвекло“ и беше обвинет за креирање забуна за анти-вирусните лекови.

Стивен, кој пишува на irreverence, го нарекува Тшабалала-Мсиманг национален срам, а Хоган еден зрак на надеж. Сиаран Паркер, пишувајќи на блогот Ciaran’s Peculier, ги елаборира неортодоксните погледи на Тшабалала-Мсиманг:

“Кгалема Монтланте, додека изразуваше желба да тежнее кон континуитет, се ослободи од некои од поконтроверзните министри на Мбеки. Главниот меѓу нив е министерот за здравство Др. Манто Тшабалала-Мсиманг, главен теоретичар зад политиката за одрекнување на СИДА-та од Мбеки. Владата на Мбеки одби да ја прифати улогата на ХИВ вирусот во ширењето на СИДАта и нивниот министер за здравство изјави дека анти-вирусните лекови, кои покажаа дека имаат некаков ефект во борбата против вирусот, биле прескапи…Медицинските специјалисти кои работат во здравствената служба и кои јавно покажаа несогласување со бизарните теории на министерот, беа прогонувани“.

Малку порано неделава, на отворањето на Меѓународната конференција „Вакцина за СИДА 2008“ во Кејптаун, Хоган јавно изјави дека ХИВ предизвикува СИДА и треба да се третира со конвенционална медицина.  Таа исто така рече дека владата се обврзува да ја зголеми програмата мајка-на-дете, терапија која ги заштитува ХИВ-позитивните бремени жени од пренесување на болеста на своето дете и дека е очајна потребата од соодветна ХИВ вакцина.

Научници, активисти и многу блогери покажаа олеснување и возбуда по обраќањето на Хоган. Халеј, кој блогира на  adventures as an ambassadorial scholar, вели:

“Многу луѓе со кои разговарам се изненадени од тоа што властите кои се избрани на демократски начин, во денешниот свет, одрекуваат такви идеи како…на пример … дека ХИВ предизвикува СИДА. Како и да е, тажно е што во Јужна Африка е таков случајот…но не повеќе пријатели мои, не повеќе”

Реј Хартли, пишувајќи на блогот The Times, South Africa, додава:

„Ние знаеме дека ХИВ предизвикува СИДА.“

Со овие зборови, министерката за здравство, Барбара Хоган, стави крај на една срамна декада на негирање на сидата, која ја чинеше Јужна Африка многу животи и ги присили оние со вирусот да живеат во сенка.”

Тешко е да се определи колку животи беа под влијание на претходните ХИВ/СИДА политики, но Кампањата за акција за третман (ТАЦ) вели дека преку 2 милиони Јужноафриканци умреле од СИДА за време на претседателствувањето на Мбеки и најмалку 300,000 смртни случаи ќе можеа да се избегнат доколку тој излезеше во пресрет на основните  уставни барања. Некои блогери велат дека рацете и на Мбеки и на Тшабалала-Мсиманг се извалкани со крв. Сонека Камухуза, блогирајќи на Things That Make You Go Mmmh!, го обвинува во главно Мбеки.

“Нивната [Мбеки и Тшабалала-Мсиманг] интелектуална апатија, кратковидост со цел и општа безгрижност одиграа опасна улога и помогнаа да се продолжи пандемијата. Присилувајќи на холистички пристапи, кои кога се користат поединечно не можат да бидат ефективен третман за вирусот, тие ја рушеа својата нација со нивното засилено и обединето незнаење. Сегашната проценка е дека Јужна Африка има нависока бројка на луѓе инфицирани со ХИВ. На некој начин, јас ја гледам раката на Мбеки над сето ова… Во земја богата со природни ресурси, тој го измами својот најважен ресурс, луѓето во за можноста да направи смел старт во борбата против СИДА.”

Многумина се надеваат дека Хоган ќе поправи дел од оваа штета. Една статија на peripheries истакнува дека многу луѓе очекуваат дека овој период на политички поддржуваното негирање на СИДА-та во Јужна Африка е завршен. Сепак, останатите остануваат претпазливи. БилиСи, коментирајќи во една статија на The Times, South Africa, вели:

“Барбара Хоган треба да искачи планина за да ја поправи скоро непоправливата штета на здравството  направена за време на надзорот од Манто. Компетентноста на персоналот, моралот и степените, како и мноштвото здравствени политики и закони, треба внимателно да се разгледаат. Како додаток, промовирањето на вуду медицината и деморализирањето на западната медицина се сега длабоко всадени во психата на нацијата. Ќе бидат потребни години на тешка, смела и вредна работа да не врати назад во еден здравствен систем кој ќе биде почитуван и ефективен. Ние само можеме да и посакаме на Барбара Хоган божја брзина. Таа ќе и биде потребна.”

Фотографија од  украси од Јужна Африка за камапањата за СИДА од mvcorks на Фликр.

Програмата Колективно новинарство започна серија од видео репортажи од погледите на светот за САД. Во „Поглед од онаму“, луѓе од многу различни држави ги искажуваат своите ставови за надворешната политика, војната во Ирак, ситуацијата со Иран и кажуваат кој би сакале да биде следниот претседател на САД. Видео интервјуата се понекогаш на различни јазици, но сите се титлувани на англиски.

Ова видео исто така користи снимки од друга емисија за изборите во САД 2008, но овој пат се концентрира на странската перспектива. Ова е слично на она што Глобал војсес и Ројтерс го прават веќе некое време со Гласови без право на глас: собирање на ставови од целиот свет за изборите во САД. Доколку имате некој пост кој би сакале да го објавите на овој сајт може тоа да го направите тука.

Следната задача на проектот Колективното новинарство ќе биде светското мислење за имиграциските полиси на САД.

Mashaups (миксови)

Рори од блогот Карбон Смарт ја прикажа мапата Зелена Африка со истакнување на целта на Гугл мапата и побара од другите да испратат информации за проекти кои може да бидат вклучени.

Мојата цел е да ги истакнам позитивните работи кои се прават во Африка. Постојат многу проекти, но едноставно се невидливи. Првите проекти на мапата се најчесто околу Кејп Таун, само поради тоа што јас живеам тука и имам податоци од прва рака за околината; но не сакам ова да биде мапа само од Јужна Африка.

Погледни поголема мапа

Исчистете го светот е иницијатива од еколошката програма на Обединетите нации. Тоа е глобална кампања за да се исчисти, среди и заштити животната околина и тие креираа микс од заедниците кои се вклучени во проектот. Вклучените активности се однесуваат на рециклирање, садење дрва, образување и намалување на климатските промени. За да го посетите сајтот кликнете на фотографијата подолу.

Онлајн заедници

Поврзи се со земјата содржи еколошки видеа, фотографии и постови кои се поставени од публиката. Поставените содржини ќе бидат гласани од другите членови и највисоко рангираните ќе добијат мобилни телефони од Нокиа (спонзор на сајтот). Победничките постови ќе бидат прикажани на Светскиот конгрес за зачувување  на животната околина во Барселона. Темите кои се дискутираат ги вклучуваат глобалното затоплување, отпадоците и загадувањето, транспорт, природни навики, дивиот свет, чиста енергија и други.

Поврзи се со земјата е место каде може да му кажете на светот зошто вие се грижите за нашата планета.

350
350.орг е онлајн заедница од активисти, кои работат за подигнување на свеста за намалување на количината на јаглерод диоксид во атмосферата.

350 е крајната граница за човечките суштества, најважниот број на планетата. Најновите истражувања покажуваат дека доколку не го намалиме количеството на јаглерод диоксид во атмосферата на 350 делови на милион, ние ќе предизвикаме огромна и непоправлива штета на земјата.

Но постојат решенија. Низ целиот свет, се гради движење со цел да се делува за климатските промени, за да се изнесе човештвото од опасната зона и под 350. Движењето е масивно, различно и визионерно. Ние сме активисти и научници. Ние сме лидери на нашите бизниси, нашите цркви, нашите влади и нашите школи. Ние се залагаме за чиста енергија, политичари кои размислуваат за иднината и бестрашни револуционери. И ние сме обединети низ целиот светот, со цел да ја направиме нашата планета подобро место за живеење за идните генерации.

Пресметки на отпечатоците од испуштањето јаглерод диоксидот

Екорио
Јими Хеимбуч од Трихагер го нарече Екориа супер кул алатка, која ќе биде достапна на новиот Г1 Гугл телефон, кој работи на Андроид. Екорио е мобилна апликација која работи во позадина и собира податоци за патувања. Ги додава милјите и го прикажува отпечатоците од испуштањето јаглерод диоксидот и цената.

Доплр
Доплр е алатка која се користи од честите патници за да споделуваат информации за своите следни патувања со пријателите и колегите. Сервисот покажува случајни средби и им помага на луѓето да се поврзат. Доплр го додаде калкулаторот „мој диоксид“, кој ги прикажува отпечатоците од испуштањето јаглерод диоксид со користење информации од АМЕЕ, организација подобро позната како „Мерач на светската енергија“.

Онлајн игри

Свет без нафта
Ова е алтернативна реална игра која е интерактивна и чија цел е снаодливост на играчите и нивните дејствија.

Идејата на Свет без нафта е едноставна и провокативна: Што ако настане нафтена криза на 30 април 2007 – што ќе се случи? Како ќе се сменат животите на обичните луѓе? Играчите се поканете да замислат како нивните животи и заедници ќе бидат различни и како тие ќе се снајдат доколку наеднаш нема веќе нафта. „Заплетот“ се развива динамично. Прво, играчот ги чита „официјалните вести“ и што велат другите играчи. Потоа, користејќи комбинација од постови на блогови, видеа, фотографии и дури гласовни пораки, тие ги раскажуваат своите приказни за предизвиците со кои се соочувале. Како што продолжува кризата, играчите ги дополнуваат своите приказни со мисли, реакции и решенија.

Антони Вилијамс од Викиномикс го напиша следново за играта:

Нема сомневање дека борбата со промените во климата ќе бара масивен светски напор, кој може драстично да го измени светот што го знаеме денес. Нас ни треба многу повеќе од паметна јавна полиса. И ни треба многу повеќе од детално опремување на индустријата со нови машини и нашата инфраструктура. Ние сите треба да се откажеме од нашата зависност од нафта и тоа ќе бара од нас да направиме огромни промени во нашите секојдневни животи. Алтернативните реални игри, како Свет без нафта, може да играат огромна улога во влијанието врз публиката за таа да направи вакви витални промени.

Една Бвалани ја дискутира конференцијата и вели дека конференцијата, која е 12 по ред од 1996, е важна за континентот Африка:

Во оваа дигитална ера, новинарот мора да биде подготвен за како најбрзо да ја собира и шири информацијата. Многу е важно да се сфати дека медиумите се витални алатки за информација во секој демократски, интелектуален, културен, економски и социјален развој на нашите општества.

За време на конференцијата, имаше спомнување на Глобал Војсис, како еден од граѓанските медиуми кој се обидува да ги зајакне гласовите на граѓаните низ светот.

Овој автор, Виктор Конга, кој блогира на Ндагха, присуствуваше на конференцијата и го спомнува тоа на неговиот блог.

Меѓутоа, неговиот претходен пост прикажува како малависката влада нема во план да ги поврзе руралните заедници на информацискиот автопат. Неговиот пост, наречен Дали Малави ќе ги поврзе руралните заедници? доаѓа во време кога се одржуваше тридневна интернационална конференција во Малави, спонзорирана од Комонвелт Телекомуникејшн Унион. Конференцијата беше најголемиот ИКТ форум во Африка и беше фокусирана на решенија за поврзување на руралните комуникации. Меѓутоа, авторот тврди дека малависката влада нема адекватна телекомуникациска инфраструктура, ИКТ полиси и финансиска околина за поврзување, не само на руралните средини, тука и на урбаните.

Како што е ситуација денес, нашата земја е предмет на исмејување за неадекватното поврзување, бидејќи поголем дел од земјата не ги искористува модерните информациски и комуникациски технологии и затоа сѐ уште останува на страната на дигиталниот јазол. Ако владата сака да го реализира сонот за поврзување на руралните средини во Малави, потребна е поголема желба и наклонетост за повеќе прашања за да се реализира поврзувањето. Во спротивно, останува само сон.

Еар Малави треба да замине

Економистот и нов блогер, Ватипасо Мкандавир, ја разгледува дебатата околу продавањето на националната воздухопловна компанија Еар Малави, за која се вели дека е во сериозни финансиски долгови. Откако дава серија примери за земји кои ги имаат приватизирано нивните национални авиокомпании, Мкандавир кој има работено на инвестициски прашања за Малави, реагира на предлогот за приватизирање на авиокомпанијата:

Ги сфаќам аргументите на оние кои сакаат да го задржат „националниот имот“ сакајќи да задржат 100% од 0 наместо да задржат, на пример 49% или 10% од 100. Еар Малави е технички банкрот и нејзиното чување им носи штета на плаќачите на данок во Малави, кои можат да ги искористат овие ресурси за подобри цели (здравство, образование итн). Замбија нема национална авиокомпанија, но нејзините аеродроми се позафатени од оние на Малави. Приватниот авиопревозник кој моментално функционира, секој ден се повеќе се шири… Дали Еар Малави треба да биде ликвидирана и да се создаде нов заеднички проект со КОМЕАР? Јас би го направил тоа. Што мислите вие?

Малавиец го советува Кралот Мсвати за Свазиленд

Редовниот блогер и новинар Кондвани Мунтхали пишува за неодамнешниот 40ти независен ден на Свазиленд, кој беше посетен од малавискиот претседател Бингу ва Мутхарика. Во постот наречен, Славење на сиромаштијата: Моралната приказна за Свазиленд, Мунтхали ги повикува африканските лидери да го советуваат кралот Мсвати да престане да се жени.

Посакувам еден од нашите лидери да му каже да Кралот дека е време да престане да се жени колку што сака, така не помага со моменталната ситуација со епидемијата од СИДА и сликата на нација која се бори со модерното и традиционалното. Има една реченица, која гласи „само Кралот може да ја смени традицијата“ – јас верувам дека неговото величество Кралот на Свазиленд има капацитет да ја промовира прекрасната Свази култура со вистинска слобода, со што се покажува дека кралот се грижи. Кралот треба да се грижи за неговите луѓе, а не за неговите жени!

Прашање (П): Неодамна го посети Иран после многу години. Дали беше културен шок за тебе? Дали постоеше разлика помеѓу тоа што ти го замислуваше и она што го дозна за Иран во реалноста?

Одговор (О): Иран воопшто не беше културен шок. Културно, беше приближно на она што го очекував. Сепак, јас пораснав во половина иранска фамилија во Калифорнија. Иранците се многу гостопримливи луѓе и секогаш сакаат да им помагаат и да ги пречекуваат членовите од фамилиите како мене, кои никогаш го немаат посетено Иран.

П: Ти пишуваш книга за интернетот и неговото влијание врз општеството. Една четвртина од книгата е за Иран. Дали ќе може да го објасниш овој проект?

О: Јас пишувам книга за историјата и ефектите на интернетот во четири држави од светот, меѓу кои Естонија, Иран, Сенегал и Јужна Кореја. Книгата ја проучува меѓусебната врска на политичката и економската историја на овие земји со доаѓањето на интернетот. Таа ќе биде објавена од Рутгерс Јуниверсити Прес (САД) во есен/зима 2009.

П: Зошто ги избравте овие четири земји за вашата книга?

О: Ги избрав овие земји бидејќи секоја од нив претставува многу различно искуство кога станува збор за интернетот.

Сенегал, бидејќи е земја од Суб-Сахарна Африка, и сепак во однос на многу други земји од регионот е политички и економски стабилна. Би требало да биде создадена за големо пробивање на интернетот, но сепак тоа не е случајот.

Естонија, поради брзите промени што ги направи од кога се оддели од Советскиот Сојуз во 1991. Таа се изгради во земја која одвај имаше комуникација со надворешниот свет во 1991 до земја која има повеќе мобилни телефони отколку жители.

Јужна Кореја, бидејќи има најголем број на интернет корисници во светот и ја има најголемата и најевтината ширина на опсег (bandwidth) во светот. Како се случи ова?

Иран, поради лични причини, но и бидејќи е интересно да се следи како интернетот, разорна технологија, се вклопува со теократијата и демократските мислители во раниот 21 век.

П: Дали најде некои заеднички особини за овие земји?

О: Најдов заеднички елементи во тоа дека интернетот до сега има динамички ефекти врз современата историја на секоја земја. Дури и во земја како Сенегал, интернетот е доволно евтин до точка кога дури и најсиромашните деца од Дакар со спојување на пари од три, четири деца може да си дозволат да поделат пристап на машина во интернет кафе, редовно секој ден на еден час. Секоја од овие земји би изгледала различно без зголемувањето на бројот на интернет корисници.

П: Дали мислиш дека блоговите имаат вистинско влијание на иранските медиуми и општество?

О: Мислам дека блоговите имаат влијание врз Иран, но се прашувам колку може да влијаат сега кога многу блогови се филтрирани и опсегот е многу забавен. Секако, многу Ирачани знаат како да користат прокси и други алатки за да ги избегнат блокадите, но сепак останува фактот дека многу млади ирански мислители и писатели мораа да заминат од 2001, со што се прашувам кои се победниците и губитниците во овој случај. Одговорот не е очигледен.

П: Дали запозна некои блогери во Иран? Кои се предизвиците за кибер активистите?

О: Не запознав блогери во Иран, но го запознав Шахрам Шариф од ITIran.com и Сина Табеш од персиската Википедија. Имам зборувано со многу блогери преку телефон и месинџер претходно, но за жал се немам сретнато со ниеден од нив. Многу е тешко за кибер активистите, дури и за оние кои живеат надвор од Иран, да зборуваат против власта и да се чувствуваат безбедно.

П: Какво беше твоето лично искуство во сурфањето и користењето на интернетот во Иран? Бавно, филтрирано…?

О: Бев сместен кај мојата баба, која иако живее во северен Техран немаше интернет пристап во својот апартман. За време на мојот престој од две недели само еднаш го користев интернетот од интернет кафе во хотелот Аеман во Есфахан. Можев да направај скајп повик до САД без проблем. Со ова кажано, јас имав МНОГУ ограничен пристап до интернет на мојот iPhone – чудно, единствената страница која можев да ја пристапам без никакво ограничување беше на Њујорк Тајмс.

Од Кигали во Руанда, една од петте главни локации на снимање, следи слајдшоу од фотографии од настанот качени на ОВИ, платформата за видеозаписи и фотографии која се користеше за промоција на содржини од денот Пангеа:

Од Хаифа во Израел, друго слајдшоу од собирот за следење на настанот близу пристаништето Цезареја:

За време на настанот, пријателите на веб-сајтот на Пангеа имаа пренос во живо од различни места низ светот меѓу кои САД, Колумбија, Италија, Јапонија, Нов Зеланд. Другите настани, како на пример Колумбискиот ден Пангеа во Меделин имаа свој веб-сајт на кој во текот на настанот беа објавувани блогирањето во живо, стриминг видеозаписите и фотографиите.

Нокиа, партнерот на денот Пангеа го организираше Натпреварот на Нокиа за најдобри видеозаписи од мобилни уреди 2008 паралелно со останатите настани, а петтемина финалисти беа внесени во секоја од петте различни локации на снимање. Можете да ги погледнете победничките видеозаписи на веб-сајтот ОВИ за денот Пангеа. Финалистите беа: „Кругови насекаде околу нас“ од кајум – Индија, „Насмевка“ од гуфилопез - Индонезија, „Чудесни виножита! снимени и монтирани на мојата Нокиа Н93“ од рупертоу – Обединетото Кралство, „Играта“ – Јужноафрикански деца се забавуваат во просторија за видеоигри“ од екачучо и „Облаци во движење“ од пјерба – Италија.

Добитникот на Големата награда на веб-сајтот на ОВИ за Пангеа/Нокиа е екачучо и неговиот видеозапис со Јужноафриканските деца како играат видеоигри, кој доби патување во Резерватот на горилите во Руанда, во придружба на цела екипа која ќе му помогне на победникот да го сними своето патување.

Од извлекувањето организирано од Нокиа и Вомворлд, чиишто резултати беа објавени од Продукцијата на Дејвид Хауел, креаторот на победничкиот видеозапис би добил Нокиа Н82, футрола, триножник, мемориска картичка, слушалки и звучници. Избраниот видеозапис беше „Чудесни виножита“, и во своето соопштение тој спомна тој бил избран за победникот бидејќи тој најдобро го отсликувал духот на мобилниот видеозапис: снимајќи ги оние ретки моменти кои би можеле да исчезнат и никогаш да не се повторат.