Нигериски изведувач го глуми Мајкл Џексон на концерт во Абуџа

Смртта на Мајкл Џексон предизвика изблик на емоции во речиси секој агол во светот. Обожавателите ги споделуваат своите сеќавања од Џексон на неговата официјална веб страница на речиси дузина јазици, а веста ги наполни првите страници на весниците низ светот.

Во Африка, блогерите му оддаваат почит на „кралот на поп-от“, поставувајќи слики и музички спотови. Пишувајќи од Нигерија, Олунији Давид Аџао, ни нуди листа на неговите 26 омилени песни од Мајкл Џексон, а угандскиот блогер Серакелз ја искажува својата почит кон Џексон преку инструкции за играње на „одење по месечината“, или „мунвак“, танцов потег создаден од Џексон.

Во Гана, Кент Менсах од Африка Њуз собира реакции напишани на Твитер и Фејсбук за смртта на Џексон:

„Африка го сака Мајкл Џексон… од раѓање учиме како да преживееме и дека Мајкл Џексон е најпознатиот  музичар на сите времиња,“ изјави Раско Патерсон на Твитер @chickenwang4.

„Направи го овој свет подобро место за живеење за мене и за тебе, ова се зборови на една вистинска легенда, каква што е Мајкл Џексон. Никогаш нема да те заборавам Вако Јако,“ изјави  Елтон Афари од Акра, Гана, за Фејсбук.

Искажувајќи ги чувствата на многу Африкански обожаватели, Суданесе Тинкер се сеќава со задоволство на поп ѕвездата:

На многу начини Мајкл Џексон беше моето детство. Неговата музика го исполнуваше моето детство со многу радост и убави спомени. Таа ме правеше среќен кога бев тажен.

Колку и да беше чуден и полн со недостатоци, мене навистина ќе ми недостига тој и неговите таленти.

Угандскиот блогер Диксон Васаке му оддава почит на Џексон со една поема:

На смртта на Мајкл Џексон,
Земјата ќе се покрие со солзи,
Црни или бели;
Плаче девојката од Либерија,
Исто како и валканата Дијана,
Дури и странецот од Москва,
Сите ќе викаме;
„О, каква штета; О колку е тажно;
Кралот си отиде прерано,
А јас не можам да престанам да го сакам!“

Иако многу блогери жалат за смртта на Џексон, има и такви кои зборуваат за неговата ексцентрично�т, како на пример менувањето на бојата на неговата кожа. Во Гана, блогерот Емануел Бенса жали:

…Африканската култура нè учи да не зборуваме лошо за мртвите- и јас нема да го направам тоа во скоро време, но сепак категорично ќe изјавам колку беше лоша неговата одлука да стане белец.
Црното е убаво – и отсекогаш ќе биде убаво. Како црнец, Мајкл Џексон имеше убав изглед, добар глас и талент. Ох, каква штета.

За угандскиот блогер Розбел, смртта на Џексон поттикна размислување за прашањето зошто вестите посветуваат повеќе внимание на смртта на една поп ѕвезда, наместо на други трагедии.

Додека ги гледав реакциите низ светот за смртта на Џексон, се запрашав дали навистина луѓето можат да бидат еднакви. Не дека јас не го признавам придонесот на Мајкл Џексон за музиката или големината на неговиот талент, тоа би било наивно од моја страна, но се прашувам зошто веќе не се потресуваме кога ќе видиме смрт во светот. Сите велат -боже, тој почина млад, на само 50 години- и тогаш јас помислувам дека животниот век во Уганда е 50 години. Дали знаете дека во голем број на Африкански земји смрт од старост е речиси минато. Дали знаете дека многу Ирачани секојдневно се соочуваат со болката која ние ја чувствуваме за губењето на Мајкл Џексон? Стравот од губење на сопствените животи и прашањето како ќе пораснат нивните деца, ги прогонува луѓето во Демократска�а Република Конго.

Омар Басават од Сафари Ноутс ги отфрла овие критики, осврнувајќи се на легендарниот талент на Џексон:

Што и да се зборува за Мајкл Џексон, што и да се мисли за него- една работа е сигурна: тој обележи една ера.

„Почивај во мир Мајкл Џексон,“ пишува кенискиот блогер WildeYearnings. „Сега го имаш целото небо за мунвак танцување… “

Прикажувањето на видеата од граѓаните новинари само што стана уште полесно: сајтот на поставување видеа ЈуТјуб отвори нов канал ексклузивно за граѓански видеа, наречен ГраѓанскиВести. Видео блогерите, кои се специјалисти за известување на настаните од нивното место на живеење, сега може да се приклучат на каналот и да му покажат на светот што се случува.

Следува поканата од ЈуТјуб и презентација од Оливија, која ќе биде одговорна за каналот ГраѓанскиВести:

Едно од нивните значајни видеа е продуцирано и снимено од Мијонг Г. Куон од јужен Судан, кој известува за условите во бегалските кампови, каде може да стане многу топло или да има поплава доколку има поројни дождови:

Со ова ја искористувам можноста да ви соопштам дека Глобал Војсис веќе има свој ЈуТјуб канал, каде сите видеа кои се објавени во написите се обележани како омилени и многу од продуцентите се имаат претплатени на нив, а има и неколку видеа кои не се најдоа во написите, но сепак се доста добри и интересни.

Доколку имате некое видео за кое би сакале да биде пишувано во делот за видео блогирање, испратете имејл на Џулијана Ринкон Пара (достапен преку нејзината страница) или напишете го во форма на коментар, со кратко објаснување за што вие мислите дека е важно да се прикаже од видеото.

Овој пост ги истакнува двата најозборувани скорашни настани во суданската блогосфера.

Да започнеме со суданскиот новинар од Ал-Џазира, Сами ал-Хац кој беше ослободен од Гвантанамо Беј, каде беше држен шест години без судење.

Еман беше очигледно среќен:

Дали го чувствуваш она што јас го чувствувам?
Дали си среќен колку мене?

Дрима го кажа следново за ситуацијата:

Јас имам многу едноставен став за ситуацијава. Дозволете му на човекот фер судење и ако е виновен, затворете го колку што е можно подолго. Ако тој е невин, ослободете го најбрзо што може. Тоа е. Точка. Дали е тоа големо барање?

Амџад напиша пост за ослободувањето на Сами, но потоа го избриша поради нејасна причина, наведена тука:

Јас сакам само да истакнам дека постот со интервјуто со Сами ал-Хаџ, кој го поставив пред два дена, е избришан. Постот зазема друг правец од оној за кој беше постиран и затоа решив дека ќе биде најдобро да го избришам за да го избегнам тој пат.

Ние веруваме дека Сами ал-Хаџ беше ослободен на хуманитарна основа и сите треба да се надеваме дека целиот свет живее во мир без разлика на раса, религија или политика.

Ви благодарам.

Дана, исто како Еман, беше среќна откако ги слушна вестите за ослободувањето:

Сами ал-Хаџ е слободен… по 6 години во Гвантанамо Беј
Не сум била вака среќна некое време.

Сега, да се префрлиме на веста за нападот на Картум, главниот град на Судан. Дрима објави пост со темелно опфаќање на ситуацијата:

Бунтовничката група Движење за правда и еднаквост од Дарфур изврши напад врз Картум пред помалку од два дена, но беше сопрена во периферијата на градот од суданските воени сили

Тоа беше голема битка, која вклучуваше хеликоптери и значителни воздушни бомбардирања.

… Имаше многу измешани и вжештени мислења од Суданците за овој смел потег со тоа што некои (најчесто јужните Суданци и неколку луѓе од Дарфур) силно го поддржуваа, а други беа против него.

Јас строго го осудувам нападот. Соединетите Држави и ОН го осудија исто така. Мило ми е што тие јасно кажаа дека нема да прифатат вакво однесување. Ги нарушува сите напори за спроведување на Севкупниот договор за мир и наоѓање политичко решение за Дарфур.

Андри Хевенс, независен писател од Картум направи листа со можните причини за нападот:

1. Крвав ПР реши да го промовира Движењето за правда и еднаквост (ДПЕ) во медиумите
2. Одмазда – да ги пренесе страдањата на Дарфур во Картум
3. Понижување на Картум и изнесување на дупките во одбранбениот систем.
4. Одмазда од Чад за двата непријателски напади на Картум врз Н’Џамена
5. Потег на луд, желен за власт воен лидер
6. Потег за да се излезе од ќор-сокакот на мировниот процес во Дарфур, така наречен Операција Лонгарм
7. Одвлекување на вниманието додека ДПЕ се подготвува за офанзива на Ел Генена
8. Вистински напад
9. Прва фаза од напад за тестирање на поддршката меѓу војската и опозицијата
10. За да креираат хаос во главниот град, кој ќе води до рушење на државата.

Кизи побара владата да се повлече!

Бунтовниците се во главниот град. Да, невини цивили ќе умрат, а уништувањето на главниот град никако нема да помогне во справувањето со кризите во Дарфур, но ќе се случеше… порано или подоцна.

Што да правиме?

Сега ни треба привремена влада, Башир мора да се повлече!

Предади ја власта на привремената влада за наредната година, па се до изборите во 2009.

Ако владата не го сфати ова сериозно и не го примени договорот за мир со Дарфур, целата земја ќе пропадне.

Ако засегнатата интернационална заедница се грижи за Судан, тогаш треба да изврши притисокот врз владата за нејзино повлекување.

Таа исто така ги објави овие слики од последиците од нападот:

Во меѓувреме, ЏонАкес објави долг пост за мирот во Јужен Судан.

Со две многу скорашни природни катастрофи: циклонот во Мјанмар и земјотресот во Сечуан, Кина, повторно се појави темата за добивање чиста вода за пиење за популацијата на која и е потребна. Следуваат неколку видеа кои предлагаат различни решенија за доставување чиста вода или барем да им се овозможи на луѓето полесно да пристапат до здрава вода за пиење. Овие решенија ги имаат опфатени основите: копање бунар за добивање вода за зачувување на здравјето и хигиената после критична ситуација, пумпи за играње и Q-резервоари кои се тркалаат како контејнери за транспорт на вода: од под земја или од подалечни места; био-песочен филтер и велосипед за прочистување со чија помош може да се прочисти водата која ја транспортираат.

Прво, од јужен Судан, Видео Новинар, зборува за предизвиците со кои се соочува проектот Вода за Судан, со цел да изгради и одржува бунари во руралните средини од оваа сиромашна област и како не е важно колку е тешко да се започне и одржува, бидејќи на крај вреди да се посвети внимание за решавање на овој проблем.

Потоа, од Пакистан, Акцијата Против Гладот решава да им помогне на заедниците, кои изгубиле апсолутно се, полека да ја добијат нивната доверба за подобра иднина со вклучување на чиста вода во нивните планови. Следново видео е од Dogooder.tv:

Неколку проекти кои им помагаат на луѓето полесно да ја транспортираат водата од една област до друга. Прво, Q-резервоарот, кој е шише што се тркала кое може да се води со јаже. Второ, пумпа за играње, која пумпа вода од подземните извори до резервоар со вода додека деца си играат и прототип од велосипед кој прочистува вода додека се вози.

Прототипот од велосипед со кој се прочистува/транспортира вода може да се види во една минута.

Во областите каде е потребно прочистување на водата може да го видиме био-песочниот филтер во акција, исто така од Акцијата Против Гладот:

Уште еден сличен глинен лонец за прочистување е промовиран од Лонци за Мир, кои тренираат локални занаетчии да произведуваат глинени лонци кои можат да се користат за прочистување на вода. Комплетни инструкции за изработка на лонците и филтрите може да се видат следејќи го овој линк. Следново видео е од презентацијата на Рон Ривера на симпозиумот Дизајнирање за другите 90 проценти:

Фотографија од класична капка од вода од Ренди син на Алберт.

Поранешниот американски претседател Џими Картер тукушто заврши со разговорите со палестинските лидери на Хамас во Каиро, Египет. Прво, американските претседателски кандидати ја критикуваа посетата. Сега, блогерите од регионот им се придружија за да ја отфрлат.

Вил од палестинскиот блог Кабобфест саркастично пишува:

Неговата посета ги поткопува Американско/Израелските политиките за преговарање за палестинските избори, откако неколку години ги побаруваат. Тоа создава бранувања во нивната брилијантна визија за мир за игнорирање на половина од Палестинците, истата половина која владее со Газа.

Вил продолжува:

Што овој чукнат екс-нобеловец ќе предложи следно? Да ги приклучиме Сирија и Иран во регионалните разговори за мир? Ха!

Суданскиот Мислител, од Судан, за патувањето на Картер во Средниот Исток вели:

… базирана е на добронамерни цели, но всушност е благодарност со мани за “супер религиозните, без компромисни“ умови на луѓето со кои сака да разговара. Го нагласувам делот со “добронамерните цели“ бидејќи карактеризацијата на Џими како злобен и анти-семитски е нешто со што јас не се согласувам. Разбирам дека насловот на неговата злогласна книга е провокативен, но тоа не значи дека поради тоа е обвинет. Покрај се, Картер беше оној кој преговараше за договорот за мир помеѓу Египет и Израел.

Тој потоа додава:

Мислам дека Картер не разбира дека Хамас – како ал-Каеда – не е типичен рационален непријател. Нивните религиозни радикали (десницата) војуваат за да го повратат она што тие го сметаат за “Земја на Исламот“. Ова е причината поради која се сомневам дека Хамас некогаш ќе се согласи на вистински и долготраен мир. Но, сепак му давам признание на Џими што се обиде. Плус, никогаш не се знае. Тој можеби ќе успее да го убеди Хамас да го ослободи Гилад Шалит.

Од Израел, Ауси Даве пишува:

Тој можеби е изнемоштен и неразумен, но Џими Картер всушност е поранешен претседател на Соединетите Држави. Затоа кога одлучи да се сретне со терористичка група, која има цел да го уништи Израел, покажа дека ги смета терористичките групи за легитимни.

Тој исто така заклучува:

Јас се согласувам со Шимон Пирес за ова прашање. Картер многу му наштети на Израел и на процесот за мир и продолжува да го прави тоа.

Раби Јохана детално го испитува ставот на Картер за Тибет и Дарфур. Свртувајќи го своето внимание на Средниот Исток, блогерот објаснува:

Денес Картер талка низ Израел, посетувајќи го Сдерот, одбиен е од лидерите на Израел и игнориран од Шин Бет. Секоја добра волја која беше создадена кога тие го склучија договорот за мир со Египет пред скоро 30 година исчезна. Имам само една сугестија за Израелците – подмирете си ги долговите. За ништожни 5 милиони или така нешто, Картер може да ги “разгледа одново“ своите гледишта за темата. Тој може да “има ново разбирање“ и да стане повеќе како сојузник. Ние исто така може да најдеме писател дух од Шалем центарот кој ќе создаде нова книга.

Како што се вели во Пиркеи Авот, “K’ne l’cha chaver “, “побарај пријател за себе“. Многу подобро за Израел е да го подржува Џими Картер со бакшиш, отколку да го одбива.

Сè уште во Израел, Батја се сомнева во објективноста на Картер и вели:

Поранешниот претседател на САД Џими Картер го гледа светот низ извртени леќи. Да, тоа е најдобриот начин со кој можам да го опишам. Тој го окривува Израел за се.

Но Картер сепак успеа да добие поддршка од нов обожувач од Средниот Исток. Египетскиот блогер Зеинобиа ни кажува колку многу го обожува поранешниот американски претседател, велејќи:

Озбилно, се повеќе го сакам овој човек. Овој човек е меѓу неколкуте кои го знаат вистинското значење на преговорите за мир, вистинското значење на преговорите за мир според моето скромно мислење е да се седне со сите вклучени во конфликтот, дури и оние со крв на рацете, и да се ислушаат со цел да се постигне договор.

Навистина го ценам за неговата храбра одлука да создаде директна врска со Хамас и Сирија како примарни учесници во конфликтот на Средниот Исток без разлика на тоа што се зборува, без разлика што американските, израелските и египетските медиуми велат, ова е тоа што треба да се направи за доброто на сите од Средниот Исток ако навистина сакаме мир.

Седумнаесет часа по нејзиното создавање, Фликр групата „БЕЗ ВИДЕО НА ФЛИКР!!!“ веќе има повеќе од 5475 членови и 670 ставки. Она што е уште повеќе зачудувачки е што друга група, „Им велиме НЕ на видеозаписите на Фликр“, создадена два часа подоцна, има двојно повеќе членови од претходната група, а двете групи ги сочинуваат членови кои се спротивставуваат на идејата за поставување на видеозаписи на платформата која традиционално се користеше за качување на слики. Од друга страна, групите создадени за качување на видеозаписи досега едвај имаат по 30 членови. Што е причината за ова незадоволство поради одлуката на Јаху и Фликр да овозможат поставување и гледање на видеозаписи на нивниот веб-сајт?

Повеќето од корисниците на овие групи се загрижени дека качувањето на видеозаписите ќе влијае на нивното пребарување на слики, што би довело до помала брзина и побавно качување на слики, а другите се вознемирени затоа што главната причина поради која се придружиле на Фликр биле фотографиите, а не видеозаписите. Тие стравуваат дека заедницата на поддршка која ја пронашле во Фликр ќе исчезне и ќе се претвори во заедница „главно сведена на поттикнување на верувањата, намерите и способностите на луѓето.“ Тука може да ги прочитате овие и други слични перспективи. Сепак, дури и меѓу овие групи има такви кои веруваат дека заради тоа што само професионалните корисници можат да качуваат видеа, тоа би станало некој вид на филтер за квалитет, и дека со тоа ќе се намалат шансите да се придружат нови корисници само поради видеозаписите. Другите се надеваат дека ќе стане алатка со која фотографите ќе можат да прават презентации на слајдови или да ја прекинат анимацијата на нивните слики, и да го искористат тоа за да има дадат поголема вредност на нивните производи. Исто така имаше барања за дискусии на шпански јазик, и објавен е преводот на петицијата која што ја потпишуваат.

Значи, какви содржини беа качени досега? Крипислип качи видеозапис од чистењето на длабока рана на ногата на едно момче, и тоа е само еден од многуте видеозаписи за животот во јужен Судан кои ги има поставено на Фликр.

Друг видеозапис е оној во кој децата свират на инструменти и пеат за туристите во солените рамници Ујуни во Боливија, качен од и-рен ишии. Следува видеозаписот кој го качи Г. Фростед на кој може да се види светлосиниот камион за собирање ѓубре од кој ечи неговата заштитна химна по улиците на Виетнам. Тој исто така има неколку други видеозаписи од различни локации низ светот лиценцирани под Криејтив комонс.

Последниот видеозапис кој ќе го претставам всушност беше избран од тимот на Фликр да биде дел од групата Видео! Видео! Видео! каде што ги собираа најдобрите примери од видеозаписи на Фликр досега. Следува „Планината Фиџи од Шикансен“ од антимега:

Без оглед дали се согласувате Фликр да се користи за видеозаписи или не, луѓето ја користат новата опција и качуваат свои содржини: останува да се види како Јаху и Фликр ќе одговорат на групите кои се незадоволни со оваа промена.

Информации за фотографија: „Не за видео на Фликр“ од Монки 2332, користена под соодветна криејтив комонс лиценца.

Бидејќи ова е уште еден преглед на суданските блогови, најсоодветно е да наведеме дефиниција за тоа што претставува блогерот, искажано преку слика

Дефиницијата за блогер…или поконкретно, политички блогер, особено во нашиот супер демократски дел од светот:

Кога веќе зборуваме за блогирањето, Суданскиот повратник конечно му се врати на пишувањето блогови по тримесечното отсуство. Тој зборува за интересното искуство што го имал со „убивањето“ на позитивните идеи:

…Бев вчудовиден кога ја слушнав целата таа негативност! Можеби новиот повратник беше дури и повеќе шокиран од мене. Потоа не кажа ништо. Останатите само продолжија да ги наведуваат сите оние класични оправдувања, притоа уништувајќи ги новите позитивни идеи на повратникот.

Седејќи во еден бар неколку часа подоцна, пиејќи ладно Хајнекен, разговарав со друг постар повратник и се уверив дека до неодамна јас сум бил ист како новиот повратник. Во Џуба, или воопшто во Судан, гледаме работи за кои знаеме дека можат да се подобрат. Најчесто знаете како да ја подобрите ситуацијата бидејќи веќе сте ја виделе на друго место. Би посакале да му помогнете на секој просјак што ќе го видите на улица, да го прашате секое дете на улица зошто не оди на училиште, да го превезете до болница секој болен човек што се влече дотаму, да и купите лекови на мајката која тоа не може да си го дозволи итн. Животот може да биде толку комплициран.

Во Џуба, некои луѓе би помислиле дека сте луди ако споделувате позитивни идеи. Треба да се сретнам и да разговарам со новиот повратник и да размениме мислења. Ќе сторам се што можам за да и помогнам на оваа сестра, но исто така заклучив дека има такви кои што сакат да им се помогне, но има и такви кои се откажале.

Суданскиот повратник исто така ги сподели неговите мислења за Џуба како и Дрима, Суданскиот мислител кој го изрази мислењето за повиците на претседателот на Судан да бојкотира се што е данско како одговор на објавувањето на цртежите со Мухамед.

На Амџад, Суданец кој студира во Тексас, му се чинеше забавно тоа што му се јави Барак Обама повикувајќи го да гласа иако не е граѓанин на САД.

Не верував дека еден ден навистина ќе пишувам блогови за американските претседателски избори, се до последниот четврток кога ми се јави Барак Обама. По тој повик, почнав да ги следам неговите говори на неговиот канал на ЈуТјуб, а видеозаписот погоре е од неговиот говор за прелиминарните избори во Тексас, овде во Сан Антонио, Тексас. Едноставно почнав да му се восхитувам.

Слушнав дека тој требало да дојде во мојот град, но поради некоја причина не бил во можност. Претпоставувам дека единствените градови во Тексас во кои тој беше неодамна се Хјустон, Сан Антонио, Бомонт и Далас (не сум сигурен за последниве). Пред неколку недели и Бил Клинтон беше тука. Ако Барак Обама дојде овде навистина би сакал да се сликам со него.

Во меѓувреме Кизи одвои време да напише отворено писмо до претседателот на Судан, Омар Хасан ал-Башир:

Почитуван претседателе,

Навистина не можам повеќе да ја толерирам вашата влада. Таа претставува криминален режим во секој поглед. Последните 19 години, измачувавте, убивавте, ограбувавте, трауматизиравте и не успеавте да ја стабилизирате земјата.

Не ви веруваме г. претседателе. Премногу пати не разочаравте. Прекршивте премногу мировни договори.

Веќе не се чувствувам безбедно во мојата земја.

Милиони живеат како бегалци во својата сопствена земја.

Ако се пожалиме, не судите.

Молчевме 19 години.

Сега е време да зборуваме, време е вие и светот да ги слушнете нашите гласови.

… Не ни се допаѓаат вашите насилни методи. Сетете се што направивте во планините Нуба, сетете се на светата војна во Југот, сетете се на Дарфур, сетете се на напуштените куќи во Картум, сетете се на војниците што беа закопани живи во деведесеттите, тие не планираа државен удар, сетете се на мајките кои се жалеа поради тоа што нивните 15 –годишни синови беа принудувани да се борат во војна во која не веруваа.

Војна која не ја разбиравме.

Го добивте својот дел од колачот, ја излижавте и скршивте чинијата… сега задржете си ја искршената чинија, затоа што ние купуваме нова.

Џа Гајд, познат и како рас баби бабикер, како и претходно, објави кратка политичка поема за режимот во Судан:

Крв на нивните раце
За Дарфур
Крв на нивните раце и пари во нивните џебови
Ја продаваат нашата иднина
Знакот на ѓаволот е во нивните раце
Ова е мојата црна листа
Браќа и сестри
Гласајте за неа.