Како што спомнав во август, ЈуТјуб и Пулицеровиот центар го лансираа проектот: Извештај (Project: Report), натпревар за амбициозните новинари, за кој сега се веќе достапни сите правила и инструкции. Натпреварувањето и наградите се ограничени само за учесниците кои се легални државјани на земјите во кои ЈуТјуб е официјално лансиран: Австралија, Бразил, Канада, Франција, Германија, Ирска, Италија, Кореја, Нов Зеланд, Шпанија, Холандија, Велика Британија (Англија, Северна Ирска, Шкотска и Велс), како и 50-те обединети држави и Вашингтон. Првата задача од вкупно три, се состои од поставување видео од 3 минути или пократко, на англиски јазик (или со англиски титл) во кое треба да го претставите профилот на една личност од својата заедница за која мислите дека другите луѓе треба да знаат.

Како пример за типот на приказни какви што се бараат, тие имаат поставено серија од видеа кои треба да им помогнат на идните новинари кои сакаат да добијат стипендија од 10 000 американски долари и награда лаптоп. Репортерката Трејси Чанг подготви серија од три видеа со совети за тоа како најдобро да ја раскажете својата приказна (прво, второ, трето). Друго видео има поставено спонзорираната новинарка од Пулицеровиот центар, Бет Марфи, која дава совети за избор на добар лик за вашиот профил во приказната. Како пример кој можат да го следат натпреварувачите, тие го имаат избрано видеото за Ирачкиот воен ветеран Кирк Џонсон кој се има посветено на давање потпора на оние Ирачани кои им помагале на САД и чии животи се сега загрозени поради тоа.

Следните неколку видеа кои ги имаат поставено на ЈуТјуб каналот за натпреварот, се други примери на профили. Првиот е Сајмон Мотиби, јужноафрикански атлетичар-учесник на специјалната олимпијада кој ја носи надежта во неговото семејство. Видеото е поставено од авмендес1:

Следното видео доаѓа од Танзанија, од каде Камфд интернешнл, организација фокусирана на обезбедување образование за девојките во Африка, раскажуваат приказна за една девојка, Јакинта, која го има напуштено училиштето за да работи како куќна помошничка една и пол година, само за да може да си ги плати трошоците за своето школување: Камфд и понуди да и ја плати школарината, па таа сега учи за во иднина да може да им плаќа образование на нејзините браќа и сестри.

Сите правила за проектот на Јутјуб: Извештај, можат да се најдат овде. Крајниот рок за оваа прва фаза е 5 октомври. Па, за сите блогери од дијаспората кои живеат во една од соодветните земји, или кои живеат на друго место, но се легални жители на истите, ова е одлична прилика да му ги покажат на светот своите херои.

Кои се сличностите помеѓу Либан и Италија, освен фактот дека и двете земји излегуваат на Медитеранот?

Блогерот Антоун Иса, во неговиот последен пост на Лебанис Чес расправа дека неговото разбирање на италијанскта политичка корупција несомнено може да се спореди - и директно и индиректно со либанската политичка корупција исто така. Тој пишува:

Како и Италија, Либан за чудни 60 години од независноста потона во корумпирано политичко уредување кое не покажа знаци на исчезнување и покрај проклетите граѓански војни и бесконечните економски пропаѓања.

Иса ја започнува својата дискусија посочувајќи на Италијанецот Бепе Грило (италијански активист, комедијант и актер), кој одигра улога во откривањето на финансиската измама на Пармалат (Пармалат е италијанска корпорација за храна и млечни производи) Тој вели:

Гневот на јавноста го катапултираше во слава комедијантот Бепе Грило, кој се бори против корупцијата. Веројатно, најпознатото достигнување на Грило беше откривањето на финансиската измама во гигантот за млечно производство Пармалат во 2003.

Блогерот потоа дискутира за своите искуства, споредувајќи ги околностите како граѓанин на Либан со изјавите на Бепо Грило:

Италијанскиот комедијант изјавува дека секој во Италија знае за скандалот со корупцијата, но благодарение на политички-управуваните медиуми, никој не зборува за тоа. Звучи познато, драги Либанци? Тоа веројатно објаснува зоштоДеили Стар никогаш не објавува мои материјали.

Една кратка и брза аналогија од гледна точка на блогерот додава повеќе детали на неговата расправа со повлекување паралели помеѓу либанското и италијанското општество:

Сценариото не е многу поинакво во Либан. Ненадејната обсесија со материјално поседување, имиња на познати светски марки и озборувања за ноќниот живот во Бејрут допринесоа за политички умор и го закиселија повикот за очајна промена. Многу Либанци, како и многу Италијани , преферираат да ја игнорираат политичката корупција задушувајќи ги нивните секојдневни животи оддавајќи се на привлечни материјални богатства.

Антоун Иса го завршува својот напис изјавувајќи дека Италија си го најде својот овчар во Бепе Грило, кој ги покрена масите:

Тоа е повикот за будење на Италија.
Сега ние само треба да го најдеме повикот за будење на Либан.

Кабинетот на италијанскиот премиер Силвио Берлускони неодамна започна план за спроведување на национално регистрирање на сите Роми во Италија [it], вклучувајќи зимање на отпечатоци од прсти од сите деца. Италија е дом на околу 150 000 Роми и Синти (често нарекувани Цигани), кои живеат во 700 кампови низ земјата. Иако многу од Ромите се родени во Италија, тие се повеќе стануваат жртви на многу покомплицирана миграциска шема.

Се поголемата перцепција на пошироката популација дека „сите Цигани се крадци“, е јавно поддржана од неколку судии и политичари. Според министерот за внатрешни работи и водечка фигура на анти-имиграциската Северна Лига, Роберто Марони, иницијативата за национално регистрирање е потребна за да се „спречи просењето“ и доколку е потребно и да се одземат децата од нивните родители.

Пред неколку денови, Европскиот парламент и наметна на италијанската влада да престане со зимањето отпечатоци од Циганите, нарекувајќи го тоа расистичка дискриминација. Собранието се согласи на резолуција, велејќи дека постапката не била поддржана од расправите за човекови права на Европската унија и инсистира на „еднакво третирање на ЕУ граѓаните со Ромско или Циганско потекло во Италија.“ Марони одговара [it] дека тој бил навреден од обвинувањата за расизам, инсистирајќи дека неговиот план е едноставно да се изведе „севкупен национален попис“ на Ромите, без никаква дискриминација.

Карикатура од Роберто Марони од Гианфалко.ит, објавена под Криејтив комонс лиценца

Јавната дебата која произлезе постојано се вжештува во онлајн просторот во Италија, со многу дискусии фокусирани на заштита на човекови права и етничка дискриминација. На Кебелек [it], многу популарен блог, кој често пишува за теми поврзани со Ромите, Мигел Мартинез пишува:

Лажното афирмирање на сопствената етничка супериорност врз некого и извршувањето на морални гревови врз голема група од луѓе, некако личи на геноцид.
Ова подразбира дека доколку другите се злобни или еден човек од таа група одлучи да биде злобен, дека сите членови од таа група заслужуваат да бидат казнети.
Да се обвини цела група од луѓе е трошење на времето; и во секој случај, ниеден општествен случај од толкав обем може да има етничко решение.

Блог кој се одржува од страна на Културниот институт на Синтите [it] обезбедува детални новости и други ресурси, особено за зимањето на отпечатоци од прсти. Тие објавија и онлајн анкета, во која е поставено прашањето дали Марони треба да даде оставка од кабинетот: досега 77% (262 луѓе) гласале да. Нивната изјава во која повикуваат на отстранување од власт на Марони [it], доби многу коментари, меѓу кои и неколку многу „зажарени“.

Хписп [it] коментираше:

Лично, доколку тие ме прашаа мене да им доставам отпечатоци од прсти и примероци од ДНК за да креираат база за полесно решавање на некои криминални случаи, бидејќи немам ништо да сокријам, не би имал ништо против.

Антоној коментира:

Против сум, поради начинот на кој одлучија за зимањето на отпечатоци од Ромите. Тоа е расистичка и ксенофобична полиса (исто така промовирана од министер од лигата). Доколку има потреба од тотална безбедност, тогаш ајде да земеме отпечатоци од прсти од сите луѓе кои моментално живеат во Италија. Изборот да се направи тоа само за една заедница е ксенофобично и им служи на нашите глупави луѓе за да се ситат без да разберат што всушност се случува во Италија и згора на тоа да прифаќаат се што се кажува на некоја телевизија.

Карло Берини коментира:

Тука имаме вистински проблем, но негирањето на нечии права не е решение, баш спротивното…

За крај, една од многуте иницијативи за поддршка на борбата на Ромите: Имигразион Оги, видео веб сајтот на девет јазици за странци во Италија, започна „Кампања против предрасудите кон Ромите“, базирана на видео [it] кое покажува слики од обични Роми на работни места.

Скриншот од видеото на Имигразион Оги

Многу од нашите драгите поддржувачи веќе ја слушнаа големата вест, која беше објавена на вториот ден од самитот на граѓански медиуми на Глобал војсис во Будимпешта, Унгарија. Официјално повторно најавивме три Лингва сајтови: хинди, македонски и албански, а го претставивме и комплетно новиот јазик на нашите глобални читатели: „Глобал војсис на италијански“!

За време на самитот на сесијата на Лингва и повеќејазичниот веб, Елеонора Панто го претстави италијанскиот тим и одржа говор кој беше краток поради ограниченоста со време. Затоави ги претставуваме тројцата раководители на Глобал војсис на италијански и им посакуваме добредојде во тимот.

Бернардо Парела, иницијаторот на Глобал војсис на италијански, е слободен новинар, преведувач и активист, кој живее во Соединетите држави, покривајќи ги дигиталните културни прашања (најмногу) за неколку италијански медиуми и е вклучен во различни проекти. Помеѓу неговите многу преводи се и книгите од Туркл, Норман, Лесиг, Стелман и Џенкинс.

Елеонора Панто работи во Торино како раководител на заедница за образование во истражувачка организација, наречена ЦСП, која се занимава со проекти поврзани со ИКТ и образование од 1992. Таа исто така објавува книги и есеи за влијанието на ИКТ на образованието и работната околина. Активно е вклучена во промовирање на слободни ресурси за образованието, таа исто така со ентузијазам ја поддржува иницијативата за Глобал војсис во Италија со цел да се заживее локалниот медиумски систем.

Луси Мари Дорион Менгози е канадски слободен преведувач, која живее во Тоскана каде предава англиски и француски. Таа комплетно ги користи денешните алатки за е-учење со нејзините студенти, тинејџери и возрасни, почнувајќи со стримувани аудио и видео подкасти, до чат и блогови. Таа е силно убедена во интеграцијата на веб-базираниот материјал во образовниот процес, бидејќи нуди пристап до различна содржина, академска и општа, но често помалку менјстрим и неконвенционална.

За време на неодамнешниот Беркам@10 на Харвард, Бернардо имаше прилика да зборува со неколку луѓе за важноста на ширењето на моделот на Глобал војсис за граѓански медиуми и вести, дури и во Италија. Во тој момент Глобал војсис во Лингва имаше преведувачки групи на 14 различни јазици, но не и на италијански. Бернардо го контактираше Порноу и се предложил себеси за координатор на тој проект, дознавајќи дека Луси (веќе вклучена во француската Лингва) исто така бара луѓе за започнување на италијанска Лингва група.

Италијанскиот Лингва тим „неофицијално“ започна од пред месец дена, привлекувајќи го вниманието и интересот на медиумите. Сега имаат околу 12 преведувачи и објавуваат најмалку два поста дневно. Италијанскиот тим има голема амбиција да изгради динамична, мотивирана заедница, а и да створи продуктивна врска со сите вклучени во Лингва и Глобал војсис.

Ајде да и посакаме добредојде на Глобал војсис на италијански и да им речеме „Чао“ на италијанските читатели.

Може да прочитате повеќе за моменталните 15 Лингва преведувачки групи тука. Секогаш бараме нови волонтери. Приклучете ни се!

Влог интернационал е проект со кој се зближуваат влогери кои говорат шпански: луѓето ги поставуваат своите идеи, се одбира една и секој од нив го снима своето делче, некој ги спојува заедно и потоа се објавуваат на нивните сајтови. Тие започнаа во 2006, кога група од пријатели се собраа заедно за да му одадат почит на еден пријател, кој е видео блогер [es]: сите се запознаа преку неговата веб страница, а потоа сакаа да го пренесат овој факт јавно. Следниот проект се случи организациски: пријателот кој го организираше првото колаборативно видео минуваше низ тешки периоди од животот и токму поради тоа сите се одлучија да снимат роденденска желба на видео: тие се снимија како ја пеат „среќен роденден“, свирејќи ја песната на инструменти, играјќи и седејќи пред торта со свеќички , а видеото може да се најде тука [es].

Тие започнаа нарекувајќи ги овие искуства „Санчос де Видео“: санчос е името кое се поврзува со многу различни шпански серии од цела Латинска Америка. Последното видео од групата на Влог интернационал е за прошетка низ блокот. Влогерите од Колумбија, Израел, Канада, Германија и САД веќе ги споделија своите опкружувања. Може да ги видите со кликнување тука или со преглед на следново видео:

Влог интернационал веќе има 31 видео на нивната страница blip.tv и секогаш се надеваат дека ќе додадат повеќе видео блогери на нивната страница. Се што е потребно е човек да се заинтересира да направи 1 минутно видео: 30 секунди да објаснат каде се и кој се и 30 секунди да ја снимат „мисијата“ на видеото, а потоа да го постават видеото и да им го испратат линкот по имејл. Инструкции на шпански може да најдете тука.

Сите овие видеа се објавени по Криејтив комонс лиценца, а вие може да ги споделувате под условите наведени на нивното вики. Разгледувањето на нивните различни епизоди претставува одличен начин за добивање глобална перспектива за истата тема. На следново видео [es], влогерите не носат на турнеја подалеку од супермаркетите, а директно во различни традиционални места за купување во Франција, Англија, Италија, Германија, Мексико, Бразил, САД, Чиле, Шпанија и Колумбија.