Египет: Добредојде за една нова земја

Овој напис е дел од специјалното известување за Протестите во Египет, 2011.

Египќаните сонуваат за подобра иднина, а за некои сонот се претвора во реалност. Во овој напис слушаме од египетските блогери како чувствуваат дека на повидок е раѓање на една нова земја, замја која тие ја чекале.

Мона Сеиф (@monasosh) објавуваше ажурирани случувања од плоштадот Тархир, вклучувајќи ја и вечерта на 2 февруари. Таа вака реагира кога ја опишуваат како „храбра“:

Морам да појаснам: не бев храбра, бев заштитена.
Борбата се прошири преку ноќ. Таа започна со срчи и камења, премина на молотови коктели, за на крај да прерасне во вооружена престрелка. Војската беше неподвижна, а дури и во еден момент се повлече , криејќи се зад своите камиони. Нема никогаш да најдам зборови за да ја опишам храброста за која и самата бев сведок таа вечер. […] Таа вечер ми помогна целосно да сфатам дека Египет кој јас го сакам е впрочем на плоштадот Тархир. Луѓето таму претставуваат сè  она што е  Египет, а јас сум со нив независно од тоа каква судбина нè  очекува.

Револуција. Фотографија на Иман Мосад. Користена под Криејтив комонс лиценца Наведи извор – Сподели под исти услови.

Мери ја објаснува нејзината посета на плоштадот Тархир заедно со една пријателка и нивната средба со некои од демонстрантите:

Една од нив, со голема насмевка, ме праша мене и другарка ми: – „зошто дојдовте?“…другарка ми и рече: – „затоа што ова е нашата земја…“, ја погледнав в очи и за малку не ја прегрнав, велејќи ѝ: – „бидејќи ВИЕ сте мојата земја“… и тие навистина се, о Боже, тие се земјата која ја барам целиот свој живот и која конечно ја најдов…

Надја Ел-Авади ги изразува своите чувства на Твитер:

Египќаните се дома: престанете да ја гледате државната телевизија и дојдете на Тархир. Видете го # Египет за кој сите ние мечтаеме# јан25

Блогерката која сама се нарекува Одметник во свет на сни пишува:

كنت قد اخترت لمدونتي اسم دنيا غير الدنيا علي اعتبار انها دنيا احلام .. لم ولن يتحقق فيها فيها شيء مما نرجو…. دنيا اسبح فيها بخيالي لابعد ما يكون دون الوصول لادني حلم …. لكن بعد الخامس والعشرين من يناير اكتشفت ان انني كنت مخطئة لابعد حد ….فقد علمني شباب مصر بل علم العالم باسره انه لا مستحيل يمكنك ان تحلم وتصل بحلمك لابعد ما يكون يكفيك الارادة وحدها كي تحقق ما تتمناه … انني فخورة باني مصرية وبأني انتمي لهدا الجيل الرائع من شباب مصر …. لقد اصبحت مصر فعلا دنيا غير الدنيا بكل المقاييس
Го избрав „Свет надвор од овој свет“ како име на мојот блог, притоа осврнувајќи се на светот на сните…Ништо од она за што се надевавме не е или не би би било остварено…Свет во кој ќе можам слободно да мечтаам, независно од далечината, без да се допре до најблискиот сон…Но по 25 јануари увидов дека многу сум грешела со таквиот став…Египетската младина ме научи, впрочем целиот свет ме научи, дека тоа не е невозможно. Можеш да мечтаеш и да го оставиш својот сон, независно од тоа колкав е. Сè што ти треба е волја да го постигнеш тоа што го сакаш… Горда сум што сум Египќанка и што припаѓам на оваа извонредна генерација на египетската младина…Египет стана навистина свет надвор од овој свет, на секој можен начин.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.