Секоја година, третата недела во март, во Порторико се слави како Националниот ден на салсата. Во текот на целиот месец се одржуваат разни настани поврзани со овој важен ден.
Така беше и во неделата, на 11 март, кога во порториканскиот Конзерваториум на музиката се одржа традиционален концерт по повод одбележување на денот на салсата. Љубителите на салсата се собраа во амфитеатарот Рафаел Хернандез во конзерваториумот за да уживаат во оваа културна и музичка појава која стана една од најпопуларните и признатите видови на латинско-американска и карипска музика и танц во светот.
Оваа година пејачот Чео Фелисијано заедно со трубачот Џери Медина кои се најпознатите претставници на салсата во Порторико им се придружија на студентите од конзерваториумот за да го прослават денот на салсата.
Вилма Колон сподели неколку фотографии од настанот. Сите слики се објавени со нејзина согласност.