Либија: Протести #ОкупирајГоТриполи против носење оружје

Либијците денеска излегоа на улиците на главниот град Триполи, да протестираат против носењето оружје. Тие се собраа на познатиот плоштад Мартир (Плоштад на мачениците), порано познат како Зелен плоштад. Многу Твитер корисници беа подготвени да обезбедат пренос во живо на настанот наречен #ОкупирајГоТриполи.

A banner from the event's Facebook page which reads: Tripoli welcomes you - without your weapons

Банер на Фејсбук страницата за настанот, кој гласи: Триполи ви посакува добредојде – без вашето оружје

И како многу други „настани“ кои се одржаа оваа година низ Арапскиот свет, денешниот собир, кој продолжи до 23.30 според времето во Триполи, е организиран како настан на Фејсбук. Страницата вели дека собирот, одржан по покровителство на Локалниот совет на Триполи, е со цел да го изрази гневот на луѓето поради присуството на оружје и вооружани лица надвор од градот  Триполи.

На Твитер, Адам ја споделува ова слика од протестите:

@4Adam: Протести на плоштадот Мартир во #Триполи против носење на оружје. 7 декември, 2011 #Либија

 

A protester carrying a sign which reads: Dear Revolutionary, Thank your for leaving your weapon behind and carrying a book

Демострант носи знак што гласи: Драг Револуционеру, благодарам што го остави своето оружје и носиш книга. Фото заслуга:@4Adam на Твитер

Азиа Башир Амри, Либиец кој живее во САД, се шегува:

@Libyan4life: #ОкупирајГоТриполи е историско само по себе. Никогаш под #Гадафи не би можеле да се соберат толку многу луѓе за да го искажат своето мислење. #Либија #17Февруари.

Исмаел Змирли додава:

@ChaingeInLibya: Мајка ми никогаш претходно нема отидено на плоштадот Мартир, денеска ми се јави од #OкупирајГоТриполи – време е за помирување, разоружување и национална армија.

И Триполитаниан го искажува своето возбудување од големината на собирот:

@Tripolitanian: Протестот #ОкупирајГоТриполи е поголем отколку што мислев http://pic.twitter.com/vD1IRIkb #Libya

 

Огромна толпа на луѓе излезе да протестира против носењето оружје. Фото заслуга: Азис Белхај на Твитер

Многу Твитер корисници од Либија, исто така, сметаат дека е смешен следниов плакат кој беше изнесен за време на протестот.

 

Смешен постер на денешниот собир, кој дава инструкции на револуционерите да го остават нивното оружје и да се вратат на секојдневните животи. Фото заслуга:@Alaref од Твитер

Алареф Хасан пишува:

من اللوحات الظريفة فعلاً ههههههه

@Alaref: Oва е еден од најсмешните постери што ги имам видено досега Хахахаха

Според @Libyan4Life, постерот гласи:

И недостасуваш на твојата мајка, а татко ти сака ДА ОДИШ ДОМА!!!! ЛОЛ

Ова е повик за вооружените лица да се откажат од нивното оружје и да се вратат на нивниот секојдневен живот.

Започни ја конверзацијата

Автори, ве молиме Најава »

Насоки

  • Сите коментари се модерирани. Не го поставувајте вашиот коментар повеќе од еднаш, бидејќи може да биде идентификуван како спам.
  • Ве молиме однесувајте се кон другите со почит. Коментарите кои содржат омраза, непристојност и лични напади нема да бидат одобрени.